病病了冇咩心情寫日記，因為個肚攪到我死下死下咁，都唔知想點......

初初都唔知道去邊度好，我地諗左好耐都唔知道去邊度玩，點知道"他"提議去賭場行個轉，因為"他"話尋晚

冇同我去街，今日同我去返尋晚答應我既地方，所以我地就去左賭場行，去到賭場初初都有收穫，但係過左

一陣就比返晒賭場了，之後就去左大街行下，諗住買 d 手信，點知"他"話去到碼頭先買，費時家陣拎住 d 野

行街喎，所以我又 on99 咁行街街，行到 4 點到就去碼頭買票返香港，初初諗住買 4 點半，但我又唔係好想

咁快走，所以我就出盡所有法寶留係度耐 d，最後"他"都屈服我既可憐樣下買左 5 點半返香港，原本諗住買

d 手信，但係行下行下咁好快到左 5 點 3 了，係"他"追魂咁追之下，我就急急咁去碼頭，仲同"他"講未買手

信喎，點知"他"話入左去先買，我入左碼頭之後，先發覺比"他"老點左，原來我想買果 d 手信係碼頭入面冇

得買架，就係咁我就不停咁依依哦哦左"他"成個鐘，攪到"他"冇覺好訓，仲話下次再同我去買過喎~~!!

行李準備去馬交，因為"他"答應過我同我離開香港過生日，所以我地就一早決定左今日離開香港去大玩一餐了。

係咪咪磨磨既情況之下，我地搭得船去馬交都成個下午，去到都成 5 點了，一落船我地就即刻搵酒店落腳，

係 d 價錢勁貴之下，我地搵左好耐都未搵到酒店，率之搵左半個鐘到，我地就搵左一間近手信街而又幾百蚊

既平價酒店住，聽個旅行社職員講間酒店新裝修，個 look 同床舖唔會好舊，所以我地先決定租住，之後我

地就搭左十幾蚊的士去酒店，去到酒店見到又真係好新，而且酒店出面係手信街，勁方便同唔錯，我地放低左行李之後就去街玩啦。

我地初初係酒店附近行下，睇熟 d 個環境，行左一陣到就去左廣場睇燈飾，冇幾耐"他"就同我去賭場睇下，

因為我未去過賭場，所以"他"就同我去幾間賭場行下，我地去左葡京、金沙同法老王，最後我地係法老王度

試下賭錢，我地由 9 點半開始賭，賭到成 11 點半，"他"成晚都冇賭剩係睇住我玩，而我就玩三公，就係咁

我贏左成千蚊，之後我地就離開賭場去食飯，食完飯之後返左酒店，而時間岩岩過左 12 點，"他"就突然唱生日歌比我聽，就係咁過左一個好開心既一晚了。

今日一早起身又嘔又肚瀉，瀉左成個早上，攪到個人四肢冇力，仲嘔左幾次，嘔到反晒胃，率之磨到下

午"他"睇唔過眼捉左我去睇醫生，阿醫生仲同我打左支針，攪到我屁股勁痛，"他"扶我返到屋企之後就再落

過街買粥比我食，而我就撻左落床訓到阿媽都唔認得，過左一陣"他"就放低左 d 粥，仲畢起一小碗吹凍比我

食，但我食左幾啖之後就頂唔順，好迷咁訓左覺，而"他"自己係度睇電視，仲睇左成個下午，我又好迷糊咁

醒下訓下見到"他"坐係我身邊，就係咁到我訓左成日，而"他"又睇左成日電視，攪到今日又冇去到媽媽度拜年。