症。除左咁樣可能係今晚去睇 honey 既演唱會，又加上聽日又去台灣，所以個人都仲未捨得工作...哈哈!!!

今晚去睇 honey 既演唱會，我睇 d 雜誌果陣，都覺得好正，我仲要坐第 3 行，諗起都

 happy，雖然 d 票好 Q 貴，我排隊買唔到頭十行好位，所以幫親左 d 拍賣，成$1500

兩張，肉都赤埋，不過坐到咁前價，而且錢都仲未到 2 倍，所以都覺得 ok 既。我

同"他"講 d 票價錢果陣，我仲哦左佢幾日呀...哈哈!!! 因為我話人地 d 男朋友知道女朋友

鐘意睇 xx 既演唱會，就會識得買定票，而我就要自己買，仲要問"他"去唔去駛唔駛買埋，真係攪到我好獨立，仲好攪笑，我做埋男朋友果份。

個師傅話電頭髮都要差唔多價錢，叫我試下喎，所以我都陶一陶佢囉，都幾 ok 唔係太

貴，個 look 都幾好睇架。

整完個頭之後都成 5 點了，之後就去左工展會，我去到工展會睇到好多好多野食好鬼死

平，不過"他"就成日係咁叫我唔好買，話我買左之後又唔食，嘥鬼晒 d 錢，仲學我哥哥

口吻話我係 " shopping 挑拿星"，所以我都冇咩點買野，食野就最多，成日行去 d 試食

 counter 試食，又去小食亭狂掃野食，最後食都好飽飽，我剩係去到果個嘉頓 counter

度買左 d 餅乾，拎個好得意既環保袋，我話買果陣都同"他"講好平好抵，點知"他"見到

又唔執輸咁又買左，率之唔覺唔覺咁又買左好多野，行下行下又唔覺行左成 2 個鐘了，之後就搭車返 home 了。

就係咁樣，又過左一日了。

而咁岩要揸車去葵芳，所以我諗住跟車返去，順便可以返 home 睇下妹妹死得未...哈哈!!!

返到 home 當然阿妹攪到間房反轉喇，我咪係度執下囉，反正要等媽媽電話，又唔想撻

左落床訓到唔知醒，所以咪同妹妹玩下等時間囉。到左 11 點到我就約左媽媽係海洋公

園等，一去到就見到好 Q 多人，一路行一路 big，唔知係咪好耐冇去過海洋公園，一去

到就好似 d 豉油行咁，周圍睇野周圍買野，我都冇玩過 d 機動遊戲，因為見到好 Q 多

人，剩係排隊都要等個半鐘先有得玩，計過如果玩一兩個遊戲，都唔見左成兩個所鐘，

我仲要 6 點鐘去佐敦食飯，所以驚趕唔切唔玩了。我去左海洋館、鯊魚館......總之係睇

既館都有行下睇下，不過行下行下發覺越來越多人，自己唔駛行都有人推你行，仲旺過

酒吧，所以行到 4 點到就諗住搭攬車走，點知攬車要等成 2 個鐘，最後又要行返落山

返出口，行到我都傻左，今日成日都係度齋行同睇野。

唉.....今日真係海洋公園 hohoho....

做野，因為好 holiday mood 唔想工作剩係想快 d 放工，所以食完飯就好快咁等放工。

放左工之後，因為要同媽媽返 home 拎個 LCD 比表弟，所以就同左媽媽返佢既 home，

原來諗住即刻上樓即拎個 LCD 走，點知行到中途想咮咮，結果走左入一間餐廳借廁

所，去完廁所之後就發現媽媽坐係度飲野，佢話叫左哥哥拎過黎餐廳比我，等我唔駛行

黎行去，咁我咪唯有係度等囉，原本 plan 定 7 點到去到青衣，點知就係係度飲野吹

水，唔經唔覺到左 6 點半，就係咁我就比原定既 plan 遲左成個鐘，攪到我趕頭趕命咁完成任務。

你知喇...今日平安夜"他"答應一定會同我去街街架嘛，為左爭取多 d 時間，咁梗係想快

 d 完成任務去街街，點知結果都比我預期遲左一個鐘。不過算喇...都做到 9 點前可以

同"他"去街街 (因為"他"聽日要上班)，時間少左 d 囉，我地冇咩特別慶祝，街係係廟街

食下飯行下街咁囉，行到 11 點就返左 home 囉，仲沖緊涼果陣就岩岩過左 12 點了。

就係咁今日過左一個好平安既平安夜了。

機了。打左好耐機見悶悶地就去左 shopping，唔知點解係咪好耐冇買野既關係，竟然買左好多好多野，拎到個人都死死下。

返到屋企攪左一大輪就 hair 左一陣到喇，到 8 點零鐘就去左荃灣又再買 d 日用品，之

後返左九龍城了。返到屋企之後又再擺返好買左 d 用品，攪攪下又攪左成個鐘，之後就

坐左係張床度抖下，點知......見到個水杯有個唇膏印，我就攞起個杯問 "他" 點解會咁

既，但係佢竟然答得我好攪笑，佢話佢流牙血喎，之後仲笑笑口話冇野冇事喎，我之後放低左個杯冇再理了，而 "他"就好快手咁洗返好個杯。

到左 11 點到，係冇咩野做果陣，咪睇下 now TV 囉，咁岩電視播緊電影"早熟"，我之

前聽過部電影影評唔差仲幾 ok架，所以咪吸引我睇下囉，一路睇"他"就一路依依哦哦，

仲話部戲白痴，係電影先至做戲咁做，到左 12 點到，"他"睇睇下電視突然又同我講想

當年既事，雖然又提起"前度"既事，我聽到都有 d 唔開心，"他"曾經講過佢唔會再

講"前度"既野，費時我唔開心又多野諗，不過可能睇到部電影有 d 感觸呱，所以都不自

覺地咁又講左，但係"他"之前講左好多次了，所以我都當故事咁聽，起碼個心會舒服

 d，唔開心梗有架喇，因為我自問都比唔上"他"的"前度"，亦冇試過咁偉大，不過通常

聽完訓醒就冇野囉。不過"他"講完呢樣之後，又突然問返我隻杯既事。(簡短而主要既對話，刪減左好多句)

"他"問 : 做咩唔問下杯隻個印係咩人???

"我"答 : 頭先我都問左喇，你話流牙血嘛，咁咪 ok 囉。

"他"問 : 你唔想知果個係咩人???

"我"答 : 如果你想講比我知，我唔問你都會講，如果你唔想講，我攞野打開你個口都唔

會講喇!!!!

就係咁我地講左一陣，之後又繼續睇電視，睇到 1 點到我隻眼累得滯想訓囉。但係訓左

係張床度又訓唔著，成日係度諗返"他"既對話，因為我有 d 唔開心，"他"話我唔知又唔

問扮聰明、問野又唔直接問、成30歲人仲做 clerk 唔上進搵多 d 人工......，唉......我除

左個覺得好無奈，都唔知自己講咩，鬼叫"他"又飲左好多酒，又講埋 d 剩係批評我既

野，唔會講批評下"他"自己，就係咁碌來碌去咁成晚都訓得唔好，不過訓應該醒左會冇事囉。其實我唔係唔想問，只不過我既想法就係 : 

"我選擇相信你，就唔需要再追問，除非唔係第一次發生而我又懷疑，我就會去問清

楚，我知道你唔會傷害我，唔會講大話再呃我，所以我唔想因為窮追不捨地追問，令到

你覺得煩躁，繼而發生不必要的爭執，不過你要刻意講大話呃我，我亦都無話可說。有

時女人好聰明會洞悉事情，但係有時選擇適當的愚蠢，可以減少無謂既糾紛。知道唔代

表要問，唔問唔代表唔想知道，有時候要觀察，確認自己理據，起碼有爭執既時候都有

理據，而且只係第一次比我見到個杯，可能真係有朋友到訪呢，如果我大吵大罵，令到

對大家唔開心，影響大家既感情，咁樣好無謂。比對方一個機會，就等於比自己一個機會。