腦，攪好晒之後，我就同佢去左九龍城裝 windows，因為我都要幫 "他"抬部腦出黃金整，所以為左慳時間關係，而且唔想走黎走去，一次過係一個地方度整電腦。

攪下攪下又整左幾粒鐘，攪到成 8 點幾先攪好 d 電腦，都唔知死左幾多腦細胞，就係咁我都累到 10 點鐘就訓左覺了，都未試過咁早訓，可想而知整電腦係幾咁累...

我黎講又唔係咁重要...廢話...都唔知自己講緊咩...short short 地。

今日係我既中學創校 20 週年，其實我都唔知架，只不過早兩日打電話比契媽吹水，佢

忽然講比我知，仲叫我早 d 入去睇下，所以我就答應左佢，晨早起身入長洲了，我同媽

媽 (真係自己媽媽) 一早就去左長洲，唔知好耐冇去，定係長洲轉變得太快，入到去幾乎

唔認得路，好在學校係碼頭可以見到的，所以先唔會搵唔到。我一返到學校，就同 D 老

師打招呼，hair 下吹下水，就係咁就磨左我成個鐘，攪完一大輪之後，我就同媽媽去行

下，唔知媽媽係咪好耐冇去長洲，定係好耐冇去過咁遠既地方既關係，佢心情仲雀躍過

我，我記得佢最後去長洲既時候，係我中五畢業拎成績表果陣，都成十年前既事...哈

哈!!!

我媽媽唔知係咪好耐未行過街咁，一路行就一路買野，率之買到幾廿袋野，拎到我成隻

狗咁，佢仲好雀躍咁係咁行係咁買，買左好多咸魚、蝦糕、蛋糕...仲有風褸，真係嚇死

我，行到 6 點到率之佢行到累，就係咁我地就搭船回家了。

咁樣就行左一日長洲了，仲拎左好多戰利品回家，簡直人人有份，永不落空。

今日都冇咩特別事發生，不過太耐冇用日誌，所以留低 d 說話比各位朋友， "我仲未死

架...我唔記得左 update 日誌，唔好意思呀 !! 我會好好 update 喇 !! 等你地知道我仲生吽

吽!!! 哈哈...

好夜喇...我聽日再 update 日誌比你地睇喇!!!

今日係假期，又係唔駛返工，岩岩星期日先放左一日假，今日又放多一日，但今日就無聊得多了，除左訓之外都唔知做咩好了，所以今日都訓得好晏吓，訓到成 2 點先起身。

起左身冇耐，坐係梳化 on99 咁發呆，諗黎諗去都唔知做咩好，媽媽又話今日唔過黎搵我，所以我決定去剪

頭髮，落街行左成個商場，行極都冇一間又平又唔駛等，都唔知點解今日咁多人剪頭髮，差唔多間間都要等

幾個人以上，我仲行左成個鐘都未搵到間岩心水，行到我都冇咩心機既時候，諗住返屋企唔鬼剪，點知道就

比我發現左一間平又冇人既髮型屋，就係咁我就入去剪頭髮，其實都冇咩點剪過，只係修返短 d，剪左一個鐘到，就返左屋企了。

返到屋企之後，我就同他玩 MSN，玩左一陣到，就又冇野做了，因為他要早 d 訓，所以我又 on99 咁係屋

企發呆，一直到 9 點半等睇電視，睇完電視之後，又返入房玩電腦，就係咁我就過左一個唔勞動既勞動節喇......!!!

今日放假前夕，冇咩心機做野，可能冇咩野做，又或者一早做晒 d 工作，所以今日係我返工以來，第一次恰眼訓，我係呢公司做左咁耐都未試過係恰眼訓，今次都係第一次，唔知有冇人睇到我流口水呢!!!

今日都係同平時一樣，返工、放工、睇電視、食飯...都係呢 d 咁機械式既生活，所以都唔知今日寫 d 咩

野好，只好話又 on99 咁又過左一日，而且聽日又唔駛返工，岩岩過左個星期日，返左一日工又放假了，不

過放假就冇他陪我，因為他要返工，所以都係 on99 咁訓下覺，周圍行下又或者睇場戲囉，搵 d 節目過下日

晨，因為他唔多鐘意睇戲，所以我諗都係我自己一個人睇想睇既戲，記得上次第一次同他睇戲，就係睇劉德

華既"門徒"，我仲要依哦左好耐先有得睇，不過我今次再同他講想睇蜘蛛俠，點知他話"睇咩鬼呀，過2個月

就好快出VCD，到時租VCD睇咪得囉，又慳錢又唔駛迫，仲可以一路食煙一路睇。" 我聽完都 O 晒，唉......都係自己入戲院睇吧喇!!

到左夜晚，我又同平時一樣，係房上網打電腦，打到 9 點零，就叮飯坐低睇電視劇，今日買左4 盒叮叮飯，

OK 便利店果 d 叮叮飯，10 蚊有飯又有野飲，今日仲要係我最鐘意食既宮保雞丁喎，所以掃左 4 盒咁多，

可以留定呢個星期 d 晚飯呀!!! 冇計喇，要儲定錢去旅行，上次新年冇去到，d 錢又冇鬼晒，所以我同他諗定依家要再儲定 d 彈藥去玩餐勁囉。