今日星期日，他唔駛返工，可以一齊行街街，今朝11 點到就比 d 電話嘈醒左，都唔知點解星期日都咁鬼多無聊電話，所以好鬼早就起左身了。

起身之後，大家都諗唔到有咩好去，on99 咁發左一陣呆，到 12 點到，他就話同我去觀塘行下，順便同我去

一間他話好好飲既涼荼鋪飲涼荼，他仲話我個口臭臭，要飲返 d 涼荼喎， 梗係喇....尋日肚痾腸胃唔好，

起身又未刷牙，個口梗係臭臭架，做咩係都要話我臭臭。 出左門口之後，我就話好耐未去過淘大商場，

順便行下喇，點知他又話"咁先去淘大，之後行下德福，到時再去觀塘喇，唔係行觀塘先再行返轉頭，玩野

咩行死人喇"，就係咁去左淘大行左一陣先，之後就去左德福，我地去到德福就諗都唔駛諗，就去行宜家傢

俬，一行行左成日，我地係入面行左好耐，睇左好多野，行得累就食下野，我地不嬲行宜家果陣都會食熱

狗，今次都唔例外，第一時間食熱狗，仲有係 cafe high tea 喎!! 食完野又行過，一路行一路睇下 d 擺設裝

修，大家仲講下 d 裝飾幾咁靚，點知行行下他睇中左張書桌，仲好鬼死鐘意，幾有衝動想即刻買，不過我同

他講諗左點擺好先買喇，我仲影低左張相比他返屋企慢慢睇慢慢研究，但係他一路行一路講張書桌點樣點樣

吸引，又話好想即刻買，總之見到他講張書桌點好果個表情，就好似見到幾千噸黃金咁吸引，勁攪笑!!! 他仲要行黎行去都係果個範圍，視線冇離開過張書桌，就係咁樣......我地就係宜家行左成日了。

到左夜晚返到屋企，他都係好懷念張書桌，係咁講張書桌，不停睇相之餘，仲用埋呎度下有冇位擺，個樣幾咁認真。估唔到宜家真係咁有吸引力，行完都可以講成晚。勁掂!!!

今日星期六，返工返半日，今日公司都冇咩野做，所以好準時放左工。放左工之後約左個同事食飯，食左一個鐘到，食完之後我就去左荃灣。

因為要等他放左工先行街街，所以我係荃灣游左一陣，他放成 4 點幾，但我食完飯都係 2 點半到，我咪唯

有游下街囉，他諗住放左工之後，同我去深水土步買 Wii，點知我又唔爭氣，我係 3 點幾果陣，諗住搭車等

他放工，一齊返左屋企等他左換衫，之後先去買 Wii，點鬼知搭搭下車果陣，個肚嘰嘰咕咕咁痛，我咪即刻

喳一聲返左他屋企先，好等唔切咁衝到去廁所，一坐左係個廁所度，坐左成半個鐘，仲坐到他返左黎屋企，我就腳軟軟咁撻左係張床度休息，一抖抖左成個鐘，率之成 6 點先去深水土步。

出到去我同他係咁行黃金，又睇下野又格下價，就係咁行左成個半鐘，但係......我都係冇買到，因為價錢都

貴貴地，我又未諗定，所以最終都冇買到，只係純粹格價，行完黃金之後，又行左鴨寮街，一路行一路掃街

邊檔，又食又買野，結果都買左小小日常用品喇，之後仲去左食蛇羹，因為都諗唔到食咩，次次出深水土步

又食油渣麵，食黎食去都係呢 d ，所以搵左 d 唔係成日食既野食囉，況且掃街邊檔都食左好多野，食到都飽飽地，咪搵左 d 唔太飽又唔太貴既野食囉!!!

就係咁又過左一日了.....食到飽飽又行到累累咁，返到屋企就好快撻落床訓覺了。

今日都係如常返工，冇咩特別野，所以好快就等到放工囉!!!

放左工之後，我就去左筲箕灣，媽媽搬左去果度冇耐，今日就係我正式第一次上去，雖然間屋都係未執好，

但都好過岩岩搬果日喇，我返到去就見到媽媽坐左係梳化睇電視，不知幾咁優閒。過左一陣，媽媽話等齊人

就出街食飯，佢仲話"等齊人就早 d 食飯早 d 搭車返九龍城囉!!" 我聽左之後就 O 晒咀喇!!  我係度諗以前

係中環未搬果陣，就通常叫我過晚夜，家陣搬左新屋就食完飯就叫我搭車??? 竟然趕我走......唔係化， 我

笑住口同媽媽講"我諗住訓下間新屋喎，唔係咁惡嘛，唔比人係度訓，仲要叫我早 d 搭車!! 你同我講 d 咁

野，趕我快 d 走，尾尾又話我要拎通行証先可以入屋，搬左新屋 d 人會唔同左架!!"  媽媽笑笑口咁話我不嬲食完飯都返他屋企架喇，點知你又會係度訓，就係咁我同媽媽嘻嘻哈哈咁講左成晚。

食完飯之後，我同媽媽、尾尾一齊睇電視吹吹水，就係咁又過左一晚了......

好耐都冇寫過日誌了，唔知點解今晚好想寫日誌，可能我心情怪怪地，可能我寫左個心舒服d，又可能想寫比你地知我既近況。

2007年喇……唔經唔覺已經過左5個月，其實今日都冇咩特別野發生過，同平時既生活一樣，返工、放工、

回家、食飯……，只不過我覺得今晚既思維同平時好唔同，而且好似有d唔好既感覺，但係我都唔知點解，

唔知道點解會有咁既感覺。

日日放左工都即刻返屋企，都係趕住同他玩MSN，因為他要返早班要好早訓覺，為左可以有多d 時間講下

野，所以我通常都唔做屋企d野住，即刻搵佢MSN，唔知點解今日比我既感覺好唔同，但其實尋晚同他MSN

之後，就開始覺得有d 唔同，但我又講唔出有咩唔同，或者我唔想諗太多，因為我怕我諗到既野會係全中，

所以我都唔知可以點諗，我既感覺好突然好down。又或者可能他太累了，所以唔同我講咁多野，又或者他想多點時間睇書，所以冇咩野同我講。又或者……。

好多好多或者，令我措手不及，除了有 d down之外，都唔知用 d 咩形容詞去形容自己，我覺得好似有 d

唔尋常既野會出現，但係我都唔知，亦唔想去諗，定係我自己既感覺係錯，感覺錯就最好喇，但係我都唔知真定假。我覺得今晚同平時有 d 唔同。

點解會咁樣，點解會咁多問號，點解…… 

今日係我同他的一週年，雖然冇一齊特別慶祝，但係我都覺得好開心...

今日返左成日工，放左工之後，就搵左<喵喵>食下飯仔，雖然只係一碗雲吞面，但都覺得好好味，我地仲講

左好多好多心事，真係多謝<喵喵>給我一碗雲吞面，以解我飢餓之苦，雖然我地好小聯絡，但係就有好深厚

感情，一見面就講好耐都講唔完，而且仲互相幫大家舒解下心情，大家心情都好左好多。好開心係我有困難時你幫我解下憂，<喵喵>謝謝你!!

到左夜晚，我就同他玩MSN，大家講左好多野，除左家常便飯既事，仲講左好多好多我想同他講的說話，

雖然我和他冇特別慶祝今日既日子，但係我都覺得好開心，因為咁樣又過左一年了，雖然過程有d困難，

但我和他都可以解決度過，所以我相信我和他一定會有機會好好咁慶祝一番，因為我希望永遠會和他有好多個一年。