放工返屋企上上網吹吹水，打理下家頭細務，到左 10 點到，<小 bee bee>打電話比我，話好悶想上黎我屋

企坐，仲話好耐冇見過我，之後我答應左佢，佢就好快咁上左黎我屋企，佢同一個朋友仔上黎，大家一齊同

阿仔阿囡玩，之後仲一齊吹下水，就係咁吹到成 3 點鐘，我頂唔住訓左，佢地就再玩多陣，訓到第 2 日我返工都未起身。

今日見到<小 bee bee>覺得佢成個人唔同晒，變得成熟左，但係只係好似做出黎咁，等全世界人知佢大個

女，其實自然 d 咪仲好囉，雖然我好似佢咁既年齡都好想大個女，但係大個之後並唔係好似佢地諗得咁美好，點解係都唔做小朋友，要做大人呢!!  

一返到公司又好鬼 busy，因為老闆約左 d 人黎 interview，仲叫我負責 in 人，我今日 in 既係"食蕉"同"清潔

阿嬸"，剩係 book 時間 in 人都 book 左成日，我今日既工作係負責 in 人，咩都唔駛做住，in 到食飯先停一

停。 到左下午我又做我既工作，做左一陣點知老闆叫我去銀行，同一時間另一個老闆又叫我做野，我即刻都不知幾受歡迎，之後我就好 busy 咁做晒佢地吩咐我做既野，好快就放工囉~~!!

放工之後又返屋企 on99 咯~~!! 

今日都係如常工作，出下街送文件，d 時間好快過，on99 咁就一日，放左工又係返屋企，返到屋企又服侍

 d 仔女，日子都幾 busy，唔經唔覺我又過左一個月，雖然呢個月好難過，但係留低左一堆回憶，留返老左

既時候回味，不過剩係 d 回憶都有排諗，我都唔知有幾多回憶，如果有一日失憶，我諗同個白痴都冇分別，

我 d 咁多采多姿既往事，成本書都唔夠寫，不過好過冇咩野發生，平凡咁生活，一下子有打擊都唔知點解

決，好彩我都日子有功，有咩事都對我冇咩反應，因為我都習慣咯，唔知之後既日子仲係咪咁大上大落，如果有都唔知仲有咩反應喎~~!!

今日下午就去左掃墓，攪完一大輪之後，我就同媽媽去左鑽石山廣場行左一陣，行到成 6 點就返去老人院探

婆婆，順便比 d 燒肉雞比佢食，之後我同媽媽就去食 d 野，因為我喉嚨痛到食唔到野，所以我同媽媽諗左好耐先去食飯，就係咁樣我地就 on99 咁過左一日。

返到屋企好累了，好快就撻左落床訓咯~~!!