中午果陣我好無聊咁搵左<燒肉>講電話，仲講講下出左黎一齊食 lunch，大家見到既時候，人人個樣都好似

餅印咁，目瞪口呆冇咩表情，講講下先知原來個個都病左，所以大家痴痴呆呆坐埋一抬，佢地病係因為<蚊

二>係度傳播病菌比佢地，最精神冇病果個就得<勞碌命>，大家就係咁食下飯吹下水咁，好快佢地就返左公司，而我就返屋企。

返到屋企冇野做果陣，我就捉左阿仔阿女影相，好耐都冇同阿女影相，所以冇野做既情況下，就係咁同佢地

影寫真，但原來同佢地影相係好麻煩，因為阿仔會周圍走，阿女就望到我影佢果陣就即刻行開，所以我就唔

理三七廿一係咁同佢地影，影完之後就睇返 d 好樣既擺落電腦度， 係咁樣我就影左成個下午。夜晚果陣<水

晶姐姐>上左我屋企 hair 下，佢話好耐未見過我，同埋想見下小喵喎，過左冇幾耐<蚊二><妹仔><燒肉>都上埋黎 hair 下，佢地 hair 到 10 鐘就回家了。 

就係咁我又過左我個悠長病假喇，過埋今日我就聽日返工了，唔駛再比病痛折磨，又唔駛 on99 咁係屋企，攪到自己冇呢神氣，人都唔同 d 喎~~!!

中午果陣我同佢又行街街食下野，行左一個鐘到，我同佢隻腳都好累，所以好早返左我屋企休息，唔知點解

今日我同媽媽都好累，行左一陣都冇心 J 再行，可能行黎行去都係睇果 d 野，同埋冇咩錢消費，最後決定

返屋企抖下，返到屋企我就同佢攪下佢個新電話，因為媽媽又買左個新電話，但佢唔識整，我都 R 左好耐頭

先識整，識左點整之後我就同佢入 d 歌仔，set 下個電話 d 制，而佢係等我整緊電話果陣，又撻左係梳化訓

左，之後我一攪就攪左成 3 個鐘幾頭，到左 8 點鐘我就同佢食晚飯，我地仲諗左好耐先至食飯，食完之後我就送佢搭車，送完我就回家了。

返到屋企我就執下屋，服侍 d 大人，攪完一大輪之後，我就好累咁休息喇~~!!

今日除左訓同食藥之外都冇咩野做過，訓左 4 日覺得隻死人腳折磨左好耐，攪到好似個廢人咁，感覺唔好

受，生活唔係食藥就係訓，可能仲衰過肥妹同小喵，起碼佢地自己一齊玩，最多咪得閒跳上我個身度，攪到

我痛到生不如死，平時都比佢地 d 便便折磨，家陣連病都冇特權，仲要比佢地娛樂，真係做佢地開心，做主人唔比病架，陰公......

今日訓訓訓......冇野做過，所以唔知有咩寫喇~~!

率之中午果陣去左搵爸爸飲茶，因為爸爸難得放假，我就去左同佢嘆返個 tea，原本我諗住得我地兩個人，

因為次次哥哥都掛住訓唔會去飲茶，點知今次佢都落埋黎飲茶，仲攪笑咁問我"你生野呀，攪咩呀"，之後我

地就一齊食野嘆荼，哥哥就睇漫畫，爸爸就刨馬經，而我就負責點野食，但係我睇到點心紙果陣，就唔知點

咩好，因為我咩都唔食得，我至愛既牛肉球都唔食得，鳴鳴.....，率之點左 d 佢地食，我又點左 d 自己食，

但其實我都痛到食唔落野，所以我食左小小，飲完荼之後我同爸爸去左郵局交費，我企係度等左一陣，但隻

死人腳又冇力，我就是但搵 d 野扶住等，交完之後就返左屋企，返到屋企我就同 d 貓貓影下相，仲睇住哥

哥打機，好耐都冇睇過哥哥打機了，覺得好好奇仲狂問哥哥點過關，細個果陣就成日睇住佢打機，搬左之後就冇睇過咯。

到左夜晚就一家人食飯，大家嘻嘻哈哈咁食左一餐好美味既飯，佢地知我病咩都唔食得，就叫晒 d 我食得既

餸，我都未試過咁好對待，感覺真係溫暖，從來都未試過咁閎感覺，食完飯之後就回家了。就係咁樣過左一日好 warm 既日子了。

一早 9 點幾起身就即刻食藥，之後仲打電話比老闆請多日假，我話比佢知我生蛇，點知佢好大反應咁，仲同

我講休息多 d，好返先好返工，可能怕我傳染，但我聽完後就即刻呆左，我都未試過比老闆對我咁好，比起

之前個惡毒上司，連假都唔比放，OT 都要屈我做，我就覺得呢度好有人情味，講完之後我又再訓過，一路咁訓到夜晚。

就係咁樣我就成日同肥妹鬥訓，訓到大家都 short 左。