到左下午食完飯之後，我就同個同事一齊出街做野，先先去左長沙灣運輸處，點知去到見到人山人海，我地

就呆左一陣，之後就排隊攪 d 文件，排左一陣就好快到我地，我地仲諗住應該好快會攪掂，到左等比錢果

陣，我地就坐埋一邊等，點知道一等就等左成個鐘，我同事見唔對路，就叫我去灣仔攪第 2 份文件先，費時

 miss 左 d 時間，仲話到時係果邊會合，之後我就去左灣仔稅務大樓攪文件，我去到都成 3 點 9 ，去到又係

放低 d 文件咁等，過左一陣，我同事又咁岩到左，佢仲同我去東海堂買左件餅食，仲話係要等果段時間食返

件餅抖下，之後我地就拎件餅上返去邊食邊等，上到去果陣我就入返去睇下有冇 miss 左 d 文件，點知我入

到去果陣竟然落閘，我就眼白白睇住同事食餅，而我就冇得食繼續等，等左一陣之後同事就打電話比我，叫

我係樓下會合，攪好晒 d 文件之後我就落返樓下，坐係路邊食餅餅，鳴鳴......，食完餅餅之後我地又繼續送文件，最後一站去左中環既置地廣場，就係咁樣我今日係公司既時間就好小。

放左工之後，我就係返屋企途中，突然聽到個電話，聽完之後我心情即刻跌到谷底，之後去左阿姨度吹左陣

水，坐左一陣我就返左屋企，攪好晒 d 仔仔女女之後，我就呆坐廳中，之後仲成晚都訓唔到，唉......點解個

天要成日玩我，點解唔可以比 d 平靜生活比我，成日都比 d 打擊我，我想做一個平凡人者，點解都要咁難~~!!

今日成日都係公司周圍走，比 d 同事吩咐下做野咁囉，好彩呢度 d 時間過得快，通常食完 lunch 之後，好

快就等放工，到左放工果陣，我就去左黃大仙整電腦，雖然好耐都冇維修下電腦，但係 d 技術都冇生硬到，

不過唔知點解，近排次次整親電腦，都發覺 d 電腦唔係好易整，仲好大大鑊，唔知道係咪 d 人攪到部機得

返 2 成命先 call 我整，定係 家陣 d 電腦壞得越來越古怪，次次都要抬返屋企整的，話時話我表弟果部電

腦，擺左係我屋企成 3 個月，我都未整返好，佢部死野壞左塊板，我都唔知幾時搵到塊 P3 板同佢整，屋企

剩係放電腦，都放左幾部待整的，排期整都有排排呀，整一部電腦都唔知死幾多細胞，仲要同佢搏鬥同用時

間喎，所以想唔識多 d 電腦技術都唔得喇，因為成日同 d 機相處，仲要用時間了解佢地死左 d 咩，真係唔駛刻意都知道 d 電腦想玩咩花樣。

夜晚返到屋企果陣，唔知點解妹妹走左出黎，仲攪到間屋反轉咁，周地都係屎尿，仲有摷到成地都係野食，

我見到咁既情況，都唔知好嬲定好笑，一路執野果陣，小喵又鬼殺咁嘈，妹妹仲係我身邊周圍走，成間屋都

不知幾混亂，我就係咁不停執野，仲要整野食比小喵，簡直忙到自己都唔知做緊咩，率之用左 1 個鐘整乾淨間屋，之後就去左沖涼，沖完都成 10 點幾，就係咁我就咁樣過左一日喇~~!!

返，不過呢 d 咁既夢，發到瓜柴都未等到呀，不過我自從返左呢份工之後，次次放完假都冇一個衝動打電話返公司請假，又或者返遲 d 返工咁樣，而且仲好鬼早起身扮靚靚，執到企企理理咁去返工喎~~!!

今日又係回復之前一樣，係公司做下 paper work，間唔中都出街蛇下，所以 d 時間又好快過，又冇咩特別野發生，生活如常又係咁樣過，就係咁我又嘻嘻哈哈又過左一日，好快就放左工。

放左工之後，我冇即刻返屋企，可能 d 時間早，所以係樓下行左一陣，行到夾公仔鋪見到我至愛既公仔，之

後就走左入去夾喇，終於用左 20 蚊夾左個阿 Jack 咕呻，今日手氣都唔差咁啦，夾到我鍾意個 Jack 頭，屋企又可以擺下咁囉，之後我就去買飯回家了。

不過今日成日都係屋企訓，仲訓足成日，到 5 點幾果陣比小喵嘈醒左，我之後就起身服侍 d 皇帝同皇后，

攪攪下都攪到成個鐘，服侍完佢地之後我就落街買飯食，一路食飯一路上網，就係咁過左一日喇~~!! 假期對我黎講，就係等於訓覺日，因為冇野好做嘛!!

到左夜晚我又無聊地上網玩 online game，又同 d 朋友 MSN 吹下水，就係咁一直玩到訓覺咯~~!!

今日係公司都係做埋晒 d paper work，下午果陣就可以去睇下同事點樣同人交收單位，所以成日都係等人

比野我做，又或者係等人有野做，我就學下佢地做野，所以 d 時間都係等既多，但係又等得好快，一 d 都

唔會等到發毛，下午果陣都係行下企下咁，無無聊咁等放工，就係放 5 點既關係，成日都好快等到放工，一 d 都唔覺等得好慘，仲覺得幾好玩，我都未試過等時間等得咁開心的。

放左工之後又返屋企，返到屋企又服侍 d 大帝，夜晚 d 時間又過得好快，剩係比 d 大帝勞改都忙唔停，到

左自己真真正正得閒下果陣都成 10 點咯，玩一陣電腦又訓覺迎接第 2 日咯~~!! 咁既生活都唔知叫死板定係

安穩，完全冇咩特別，好似工廠印公仔咁，日日都做埋同一樣既野，無論工作定係屋企， d 模式一樣冇改變

過，好似屋企 2 個大帝咁，"食"、"訓"同"痾"，不過我就多佢地一樣，就係"做"，仲要做埋佢地 d 厭惡性工作添~~!!