放左工之後去左阿姨度整電腦，都唔知呢排做咩鬼，成日都要整電腦，d 電腦又成日死機，我拎晒 d 工具去

整機，由 2 點開始工作，用左 1 個鐘整好晒個 harddisk，諗住試下上網，點 Q 知個電腦 d 防病毒同防廣告

程式係咁彈出黎，話有病毒入侵，我之後 set 好晒 d 欄截，之後諗住上返網，但係上唔到網，仲唔見晒所有

 icon，我就覺得唔對路，再 format 過部腦重新安裝，點 Q 知又唔知點解個 harddisk 死左，好彩之前<上

等人>比左幾個 harddisk 我，我就用左第 2 個 harddisk 再整多次，又用左 1 個鐘 set 好晒電腦，用返同

一個步驟上網，唉......結果又死機，率之又再用第 3 個 harddisk 再整，唉......結果又上唔到網，又冇晒

icon，整到我火都滾埋，率之我都係唔理部腦放棄再整，因為我已經整到成 2 點幾，仲有 d 眼訓，所以就返左屋企，諗下有咩方法整好部腦。

就係咁樣我成日時間就同部電腦加埋病毒戰鬥，最終都整唔到，要搵多日時間再整，唉......攪咩鬼 d 電腦呢排成 日死機，仲要好難整，真係玩我咩~~!!

到左 7 點鐘，我地全部同事都去左沙田，我地公司有份管理同投資既樓盤-皇御居，因為今日個樓盤開始發

售，公司專登攪左個 Fashion show 招待下 d 記者同買家，我地只不過去親下熱鬧睇下 model，個 show 之

前我地就睇下示範單位，到個 show 開始果陣，我地就搵個好位睇 show，好快咁個 show 做左 30 分鐘，我

地睇完之後就去左食飯，老闆仲叫我地盡情食佢比錢，我地成班同事就一邊點菜，一邊講返個 show 見到 d

咩 model 同明星，d 同事話有 Rosemary、谷祖琳同埋幾個港姐，大家仲係咁評頭論足，就係咁樣大家就食飯吹水，食到 10 點散 band 了。

我今日就係咁過左一日好好玩既時間，仲食左好多野喎~~!!

時間好快就到左放工，放左工之後我就去左阿姨度整電腦，一去到我就埋頭苦幹咁整機，一整就整左幾個

鐘，之後我就同阿姨食飯，食完飯又再整，就係咁樣一攪就攪左 6、7個鐘，結果知道死左 harddisk 冇得整，要過幾日再黎整，率之攪到成 12 點先返屋企。

返到屋企就即刻沖涼，之後服侍埋 d 仔女就訓覺了。

我今日就 on99 咁過左一日冇野做，而又好安靜生活，最多咪返到屋企比 d 阿仔阿女激死者，佢地唔攪亂一日野都唔安樂，我都習慣左佢地成日都係咁，都冇咩特別情緒起伏。

做左一陣野之後，老闆同我講 11 月會去星加玻旅行，公司比錢請同事去，問我有冇証件，點知我話我係冇

証居民，冇出境証件，佢就比我嚇親，仲要我快 d 攪好過試件，唔係就掉低我一個人，我即刻覺得呢間公司

真好，我初初以為佢同我講笑，我仲諗岩岩返左十幾日工，仲要病左成個星期，邊會有我份去旅行，點知老

闆就同我講，大家一齊去玩人人有份嘛，我即刻好開心仲諗終於可以去旅行搭飛機咯，因為自從機場搬左之後，我就冇搭過飛機了，之後我就不停咁做下野，好快就到放工了。

放左工之後我又去左整電腦，一整到成 11 點回家，返到屋企都好累了，同妹妹玩左一陣就訓覺囉~~!! 就係嗡樣我就過左一日好有人情味既日子喇~~!!