| 琴晚聽家姐講左一個真人真事...呢件事都係佢阿sir講俾佢地的..佢阿sir以前是一個記者...
呢件真人真事既主角係一名係幾年前參加過香港小姐既落選佳麗(x小姐)
x小姐好鍾意去旅行的..而她所選的地點通常都會係一d比較親近大自然既
地方...有一次佢單獨自己去左印度/印尼旅行...去到當地..x小姐入住一間民宿
...佢發現係一路上..都有隻好似狗既動物跟住佢...除左佢入住民宿既時候...
隻野都會一直跟係佢後面...果隻動物有啡啡長長的毛...好似一隻小狗咁既size
x小姐去到邊...隻野跟到邊..x小姐去左果度大約一個星期...佢見隻野係咁跟住佢..
又見佢幾可愛同佢又咁有緣又咁有靈性...結果x小姐想將佢帶返黎hk...但因為
係犯法既關係..x小姐諗左好耐..終於諗到一個方法..結果成功運到佢黎hk...
x小姐就好開心咁帶佢返自己屋企..佢屋企本身都有一隻貓的...一入門口..
隻貓見到果隻野就好驚...即刻爬左上d櫃頂...咁x小姐見到都以為隻貓係見到
新事物同陌生野所以表現得咁驚..佢覺得時間耐左..隻貓就會冇咩野...可以同果隻野相處..
結果佢都冇理到...x小姐成日幫佢沖涼...仲成日攬住佢訓....
有一日..x小姐出左去...屋就正返果2隻動物.....係x小姐返到屋企既時候..佢見到地上有
一灘水...開燈一睇...原來係一灘鮮紅既血....而血既側邊就攤左隻冇左個頭既小貓...(可憐)
x小姐就周圍搵小貓的頭....但........搵哂成間屋都搵唔到....佢諗...應該係隻野食左...
第2日...佢就帶左隻野去睇獸醫...check下睇下隻野個肚係咪真係有一d既屍骸...
結果個醫生就問x小姐...隻野係邊度買???佢根本唔係一隻係香港有得買既動物...
x小姐就一五一十咁同獸醫講....獸醫就同佢講隻野根本唔係一隻狗...而係一隻老鼠
...最後隻野拎左去人道毀滅..獸醫亦叫佢好好咁將屋企消毒....從此之後x小姐都好
注重衛生...!!!
[[ 嘩...聽完之後....勁想嘔...條友攬住隻老鼠訓....真係想嘔..點解可以狗同老鼠都分唔出咁搞野..]]
全屬真人真事...絕無欺騙成份
 | 
