今朝天都未光就要起身啦~~因為我地要趕住搭七點鐘班車走啦~~

我地摸黑落到去公公屋企~執少少野~~阿媽幾衰呀~佢抱左熟睡中ge BB落樓呀~~

但係佢又要執野喎~咁我就唯有幫佢抱住先啦~~

我坐係度抱住佢唔敢郁呀~~唔想整醒睡覺中的小天使呀~~

佢訓覺個樣都好得意架！！塊面肥嘟嘟~~好可愛呀....><"

之後細舅父就比封利是佢啦...不過點都整醒左BB呀~真係衰衰呀~

個BB又好乖喎~喊左幾聲之後就收左聲啦~~佢喊得都幾斯文下囉~~

不過...我始終都係要走...咁我唯有好依依不捨咁將佢比返雄舅父啦...唉...

出到去大街ge時候~我見到細舅父追住左一架開走左ge車呀！！

唔通...架車已經開走左...唔等我地？？

原來呀係~開走ge係另一架黎架！！

我地上車ge時候...聞到一陣好難聞ge香水味...都唔知邊個噴ge...唉...

架車終於係七點幾開啦...一開始真係好難頂呀...搞到我好想嘔呀...咁我就訓下覺啦...

直到行左出去高速公路先好返d~~

架車到左廣州之後~細舅父比我地高落車~我地就去到總站先落~~

係呢個時候已經係十一點幾啦~~

之後我地就去左食野啦~~四個人都係食左八十七蚊~~都有成六七碟野架~~又幾好味喎~

食完野我地就坐的士去另外一個車站啦~~

十二點九我地就出發去南頭啦~~

夜晚我地係阿（女麻）屋企打邊爐~~

睇睇下電視...布吉果度發生大地震呀...><"....又死左好多人啦...><" ....

我不其然諗返起我尋晚先睇緊《唐山大地震》...宜家布吉又...唉...真係可憐呀...