今日係我人生中第一次空手道比賽,青衣正剛館道場只有我,麒,仲有俊偉三個出去打.
今次都係我地3個第一次空手道比賽,師父好緊張我地表現,不停話比我地知要放鬆,唔可以緊張.
但係點會唔緊張?我時常心入面想,今日會面對什麼對手?是誰較強?又想不可以負師父對我地既希望,諗諗下好似有d壓力.
睇左賽程表,我打既一成人組有機會同亞麒交手,心情有點矛盾.......
等到六點鍾,到我出場,係召集既時候見到晒有機會既對手.成個成人比賽組別總共有12人,包括麒,對手中我很留意一個人,他是日本人,名叫左木祥人.因為佢係成人組段數最高既一個,同埋日本人技術應該會好過香港人.不過當時都唔知自己會冇機會同佢交手,可能我第一場就輸都未定~順其自然吧~
開始比賽,第一場係我打先,一開始比對手跟本冇收腳咁踼中右面心口,太重腳,評判立刻叫停,我透唔到氣,對手一個警告,(因為空手道比賽一定要收腳)2~3秒當我回到氣時,我用兇悍眼神望實佢,心諗著一句(你今次仆街喇!!)
比賽再開始,我第一時間逼佢出界,逼左佢2次出界後,佢犯規,我得一分.(比賽規例,出界一次警告一次,第二次加對手一分,第三次加對手二分,第4次出局.)之後打左佢2個正拲,加多我一分,朥出!~
第一場完左後,第二埸到亞麒對"左木祥人",左木祥人技術太高,麒輸左.
之後不停打打打打打~~
之後到我出埸,打一個實力不大的對手,但係因為心口係打第一埸比賽時傷左,好痛,所以都有小小辛苦咁同佢打,但係都照樣勝出!!進入決賽!
左木祥人之後都入左決賽!要同佢決戰,爭第一名,冠軍之戰.
那時很多師兄弟姐妹幫我打氣,不停叫亞偉,打佢~加油!!
一開始,我同佢大家都不動,他好像在盤算什麼似的,但佢唔衝過黎,咁就我出手先,打前手後手,動作不夠完善,未能得分.就在這個時間,左木祥人打一隻前手,打中我個頭,佢先得一分,之後佢衝上黎,我心想左木祥人一向不衝上黎,今次佢想用咩打我?手?腳?我立刻作出最大防衛,原來佢想摔低我,我立刻抱實佢,心想 (要我跌低嗎?那就來吧,我這樣抱實你,你怎麼摔低我,要跌一齊跌!!!)
評判分開我地,之後再開始,就係評判一叫開始一剎那間,我一下子飛身一拳打係佢心口上面,這次得分喇!!大家平分喇!到左鐘聲響起,表示比賽剩下30秒, (當比賽剩下30秒,而大家仲係平手時,就看誰可以在這30秒內可最快得分) 我閃左閃右,佢平神定氣看著我,大家在看大家破綻的時候,我先發制人,用左手按低佢右手,再用右手一牶送入佢個頭度!評判比分我,此時我開心得叫起來,所有認識我既人都為我歡呼,我就第一時間跑去抱住師父,係佢耳邊說了一句"多謝",有小小眼紅紅,佢就剩係識笑.
頒獎時很開心,評判叫冠軍,之後說出我的名字時,大家都在拍掌,歡呼,師兄弟們仲玩野咁叫 (亞偉!!你好靚仔呀!!!) ~果刻好實在!!真係好開心~
就係咁我就完成左我等一次既空手道搏擊比賽!
 |
