煩

早會靈修,miss law同全班講,每個人都會有一些唔見得光的事情,....跟住請左我右邊個位小朋友出去講.....然後,我以為佢唔會講佢自己d衰野出黎,點知佢真係誠實坦白講出,令我另眼相看,欣賞!而且仲話自己堂堂偷食野都無人捉,認為"肚餓想食就食"..只係miss law個堂唔食.....仲話無諗過要改......呵呵,果然...佢一番埋位就即刻偷偷地又飲野.(唉.喂食鬼,死性不改....)

今日英文堂miss wong無番,譚sir來"侍"課,佢好細心呀,知我地無野做,..所以選左一套"影片"比我地睇....係有關秦始皇兵馬X既影片....我們睇得津津有味...因為真係好精彩!好似上左一堂歷史科..

而數學堂就一般啦....都係好彩有佢地指點.....個小測剛好合格!

不過比個個趙郁上堂個時弄破一枝筆...當看見那筆粉身碎骨時...真令人憤怒...好討厭!

另外,lurch後我地f.3出左去沙田文化博物館.....有部份a班既男仔同我地一班車出發.

去到個到要一邊參觀,一邊做通識工作紙....(thx同學借筆比我)..都無認真咁欣賞過個到d展覽,個個都只係掛住做工作紙,見展板有答案就抄,見同學做完就抄.....學唔到d咩.....唯一抄答案的合作精神極高!

所以我認為"課後反思"才是重要性的一環,.....

回程番學校的時候,佢地後面班人噪音極高,比佢地煩死><今日很累,想訓一下都唔得!!!!

若要用一個字來形容今日,就是"煩"!

水壺

今日,領袖生方面因只需當值1.3.5,所以唔洗咁早番領袖生....可以晚些起床,晚些搭車的日子,既悠閒,又舒暢自由....真係人都開朗d......不過...唉..都好耐無咁自然快活啦....e家d野好似樣樣都要睇住黎做人咁.無晒輕鬆,充斥緊張,迫切的情緒.

就好似中文咁,今日上堂要用20分鐘做一份文言文測驗,以我既慢條斯理....又有咩可能做得晒?加上自己又唔明白.....另一方面又無耐心睇....攪到亂晒....

不過,我右邊個位小朋友就好開心,因為佢差不多全部都唔識做,但由於佢聰明識抄我,都拾到寶!哈!

嗯....數學堂,有大部人玩,而且噪音指數極高,攪到要老師勞心,又要罰企.....

後黎,老師哭了出來....我知道她其實是堅強的老師,不過還會有軟弱的時候...盼上帝的光指引路途!

講真,其實我昨天都因為佢地玩埋我一份而哭左出黎....同時,我都好似老師咁堅強到最後,但始終受不了...而且我記得昨天還跟老師說了一句話:"其實我沒事的,不過我有不開心,真不想儲存心裹,所以想哭就哭..."當時老師一臉擔心的樣子.

意想不到...今天她竟受了昨天我的影響......不過,我覺得哭了,心境給洗滌後,確實會舒服些.

回望昨天的一切生氣和不滿,都沖淡了.沖淡沖淡沖淡......而今天還不是跟他們玩得興高采烈~^&^!而且笑話依然滿載而歸,仍然會有人願放下所謂的尊嚴而捨棄玩樂,耐心點來教導我.thx~

有些事情,我們就是要學習拿得起,放得低......就好像今天靈修的一句話:當你飛到很高很高的時候,就要明瞭下降時要走出什麼的姿態.........面對不同的環境,...我們學習拿得起,放得低"

哭,只不過想自己心境舒暢些.人始終要面對現實,而且堅強是最重要的學習難關.放低..要放低...放低軟弱的一面.(呵呵,我學習堅強的起步,竟然是由他們頑皮裹所激發而宣洩出來的...縱使對他們一點阻嚇性都沒有....問題仍生存,沒有一刻死亡.....都好吧!起碼我有意識----自己要堅強.做人多點自信,堅定.)

我不想成為人家的水壺,給欺負就哭,源源不絕的灑淚.....

我要努力做好自己!

點算

今日,中文個個tsa評估考得好差......第一次作文咁唔掂.....今次都唔知點算啦....

雖然..對自己有小小失望,不過都希望下次考好點.....(唔好灰心!^^)

另外,今日好唔開心...因為趙郁想攪破壞,把我既計算機拿來玩.....我真係以為佢弄壞了...所以...

唉~~另外,我都唔想投訴佢嫁....但我真係無可奈何.....佢太頑皮啦......不過,我都要求老師今次唔好責罰佢.....始終唔太好.....點知老師竟.........唉~~受害既人><始終咪又係我...

佢2個堂堂都講粗口,串人又串埋我一份,好難受><

不過,過左去都算啦....只希望佢地長進些......

特別係我右邊個位小朋友,每一堂都因小小野而要同老師過唔去...咁又何必呢?

其實,佢咁樣做係咪想引人注目啊?這樣太突出啦......

我每一堂都進入"惡魔在身邊"的其一角色當中....好可怕=.=

親愛的上帝,今天我遇上的煩惱有很多....雖然今天成過去...不過回憶告訴我---這些惡運還要一直環繞我.........希望您可以賜我堅強和耐心去積極面對....我太軟弱啦,哭,太傷心啦.我不要傷心.

都知道哭..不會有人憐憫,所以向你禱告.啊門

(唔知係唔係中秋節個幾晚都玩到好夜訓,攪到呢2日,一放學搭車番屋企,就會自然係車到訓著@@今日仲甜睡到差點連口水都流下呢....~.~....真係失禮!.....不過,why我會識起身落車,...就無從推斷@@)

面對如詩好畫

今日要去比賽啦!好緊張呀><嗯....好怕畫唔完...但...積極去面對吧!

加油呀!!!一個機會,一千萬份緊張...積極點,好嗎?

***************

今日係世界心臟日,希望人人身心愉快!

我地參加既"世界心臟日繪畫比賽"順利完成左啦!

老師話我地今次D畫畫進度比上次把握得好左~^^

另外,見到D中小學生咁勤力,又對ATR有熱誠,我真係好開心呀!

而且,"世界心臟日嘉年華"裹見到好多明星,....都係第一次見李克勤,現場聽佢唱歌,佢個支"紅日"真係我繪畫既強心針,令我無晒D緊張情緒!又見到SUN BOY'Z...

...講真!今日我訝異於見到人地D中學既男生繪畫的技藝如詩好畫,實在不比女生差時,.....而我地間中學就恍惚變了女校時.........我就想到....自從我地既師長周x旋升左中7...我地呢班女仔其實都係時候要接棒下去啦....我地要為CBT而努力,畫出彩虹啊!

(WHY我成日都畫彩虹?)有好多同學都咁問......

嗯...彩虹既平凡又美麗啊!你認同嗎?

有人說...看見它,就是看見上帝與我們的約定!雖然只是傳說,不過這意境確實迷人.

準備!

今日,要努力為明天的繪畫比賽做準備!

另外,d月餅好美味呀!

童真過中秋

現正時間為深夜:1:13

頭先係公園玩完番黎......(玩到忘晒形@@)

好開心呀...同細妹個級d人玩.....佢地真係好團結,由小學到現在都仲老友鬼鬼....

佢地無人讀cbt嫁...攪到我悶左好耐,後黎同哈姆傾計,(佢大個女左,而且美麗左點,胖胖的挺可愛.問佢讀書好唔好,佢話好多唔合格...係咪真嫁?小學個時好叻女嫁bo.....努力啊........有機會再見)

之後呀姍同呀敏又叫左好多小學升左"田家炳"既fd一起玩,無啦啦多左佢地一班男仔,同我細佬一起好岩玩,時不時都玩"串"人.....攪到大家笑哈哈....d女仔啞晒~

嗯...又見番佢地,真係喜出望外....仲大家一起玩"僕里里","千秋","轉.."保立燭",遊公園"....好耐都無玩既野,一下間番晒黎~~

本來,我以為今年既中秋節會好悶,.....因為到今日為止我完全feel唔到中秋既生氣....直至成班fd一起玩,先確得今天似是中秋了....

原來個個都大個仔,大個女啦....但有樣童真仍然存在.在cbt,好小呢d feel,所以今夜令我珍惜.

好耐無見既小學fd,一下間,上帝真的安排了一個團圓的機會.我親身感受到那份喜樂!感謝神!

各位晚安.1:45

今年中秋,有個童真的快樂晚上.

檢討

今日中秋節,你地今晚有咩節目啊?

why我feel唔到今日有咩特別既...我都係今日先知今日係中秋.祝:中秋節快樂!

似乎人長大左...好多野都唔浪漫啦....希望一陣落公園可以傻子般玩飽才歸家!(<---無可能/可能)

我希望中秋節人人都快樂!但好遺憾沒有跟班上的一班馬溜王和王后..送上祝福.

昨晚為了中文作文,而做到12時多....我的工作效率是.......特慢!

但今天早上卻很早起床,連我自己都訝異於此況.(為的只不過是領袖生準時站崗的小事)

嗯.....真想做好自己!可是不是常常能做到,而不時令人失望.(我會繼續檢討)

另外今天遇上很多倒霉一二事,不過在此不詳了.

數學測驗20/50.不合格....給32/50和34/50的某人ab,...."串"到上天落地....真無奈><

不過,當全班大部份人都不合格的時候,老師仍要把一個未教好的課題而硬性接上教新課題,真的不是太理想.32/50說的這番話,令我認同.

其實,那份總測驗,有不小是深化了的題目,而老師都只是剛剛教了基本的部份,而深化了的題目同學大致上都是陌生而把握不到的.現在看情況,我們唯有看多點課本吧!課程實在太趕~~

哭裹看智慧

為何我要哭?因為我忘記左堅強,因為我唔想儲存傷感.

哭,不等於什麼.嗯......其實,我都唔明白自己....為何因d無聊野都要哭個飽,諗番起....真係唔值.

細佬好固執,我又做唔到d咩,好唔開心.....又唔想吵架,唯有自己一個哭,一邊哭,一邊反思.....直至哭到....聽到自己心裹叫停為止.........

不過,我己比從前堅強了很多.而且不會再哭2小時.....就只係2分鐘就夠啦.

我最討厭自己眼紅紅的樣子-----因為好樣衰,.....但想哭,....真的自制不了......

**記得中.2的最後一個上學天,有同學無意地拿我來做笑話,令我本來的傷感愈加愈深.我眼裹的水壩最終都潰堤而洶湧而下.,.....縱使我知道他不是有心的,不過當時我真的受不了任何衝擊,我選擇痛快的哭一場,用眼淚洗去內心儲蓄了很久的傷感,好讓自己舒暢的吸吮一口新鮮空氣,否則我不知道那些傷感會否使我有窒息的可能.

有生之年,由出生開始,我哭了無數次.....不過都沒有認真的計算過,真可惜啊!否則你有可能於世界紀錄大全裹看見我的大名呢,哈哈!(說實話..不希望會如此糟糕=.=)

想分享一樣有趣的事:

   有一次我想哭,給某君看見,我聽到他立即衝口而出:"她又想哭了"....,但他不作任何安慰說話.最後,我決意一定不可給哭泣在此時此刻叫嚷.

  有一次我哭了,給某君看見,他默默不語,依然不作任何安慰.

最終,我的心自己慢慢靜了下來,不哭了.

就是在這一個環境下,令我有安全的感覺----盡情流淚,但趺下了仍要學懂堅強的再站起來......所以一切畏懼,害怕,傷感都快快消逝....

而可以稱得上上文的某君的人,我只遇上一個,所以我沒有忘卻.

因此,我開始明白和了解前人最聰明的做法-----原來由自己來冷靜,是最佳的對策!

昨天,細佬的不理不睬,似乎有點智慧根源呢.今天我們還不是一樣友好,呵呵!^^

   ~~~~哭裹看智慧~~~......

享受愉悅

今日一早上就要番學校幫cyc做"月餅盒回收"的宣傳和收集.....坐在學校一入門口就見到個個位.....

嗯...感覺就好似我和倩文一下間變成垃圾婆咁.......好無奈....不過,幫到人,而且支持環保係好既.......雖然有點"樣衰唔多好睇"...但做得有意義,真係唔緊要.

我班d男仔分明見到我地宣傳緊咩,又扮無知=.=

中午,2個新學生會又做好多宣傳,,...我地今次有著落啦....一定要選"指南針"呀......."指南針"佢地

有好多有關設計既比賽.....我有點興趣....永遠"指南針""指南針""指南針",一定攞滿分,唔怕比人昆!

信任指南針,唔怕比人昆,大概係佢地既口號><支持呀!!

放學後,聽完一個公民組既活動介紹後就立即去番3e做壁報設計啦!你地睇下我幾著緊呀....d男仔仲係到玩..咁大個人都玩"飛毛巾"....唉....都無佢地咁好氣啦..

我地本來有成十個人幫手做班既壁報,點知d人玩下玩下...走下走下....便得番我地3個人.....

不過,都無所謂啦....係有心做既,就係有,無心做既,都莫強求啦....留住個d玩下玩下既男仔,我寧願佢地快d出去玩.......真係無眼睇=.=

最後,我地做到成差不多7:00先走....我的汗....我的汗...一身都是汗!

做壁報其實幾辛苦,特別係咩資源都是很小的時候,想做到出色,真的好難.對於我黎講.....

當初,我地組員間意見不合,我好唔開心,...加上自己本身對創作比較有要求和主觀睇法,而佢地既諗法又係另一套既時候,我真係好灰...唔知點面對.......個時其實好想放聲哭...不過,當時我腦裹閃現出一個諾言,令我堅強.

另一方面,個時又和呀恆吵架,(相信你地都知.)所以大家常常搵野黎吵...設計壁報既意見好分歧.....最後我主動講番"對不起"....但其實都知道和了解大家都係小氣鬼...嗯..但哄下又會開心個種人.......友誼真有考驗性.

最後,我地e家好番啦,....而且好開心咁完成左個壁報.而個3個人當中,其一是他!感謝神!

感謝神,我地e班既壁報有左希望,同時都感謝神安排左一個活動給我發揮潛能,而且透過同學間無間的合作令我們認識多左.....又令我和呀恆和好.......一切一切都感謝!^^

最重要係呀_sir6點幾既時候經過e班....在窗外望我地既壁報,一臉笑容的跟我們說:唔,..好美!

我連忙接上一句:多謝!^^

我好開心呀!因為我喜歡讚美.那種讚美會令人心滿意足.

雖然人家讚美得多,你又聽得多的..會迷亂.....但苦盡甘來的感覺卻讓我清楚那是一份誠懇的讚賞,而且出自一臉真誠的笑容,我很深刻.

一切一切滿足,都是我和組員用自己留下的汗所做出來的心血,雖然辛苦,但我的傻勁兒永遠沒變,因為值得!!!意義性很大,值得,是真的.

希望你們好好珍惜這塊屬於e班的壁報,........一切榮耀都感謝神!大家仰望神!

食過番尋味

嘩...媽咪佢地去左飲喜酒就好啦,得番我地3個落街食晚飯....d飯咁耐都味黎..攪到真係差d訓著....

嗯,好累呀....昨晚腳又痛..今日起身又無事....一定係成日走動攪到咁....平時小做運動既後果=.=

今日早上..第一次開咪做宣佈好緊張....cyc既野...唉.....仲以為我唔講,佢地就唔知係我...點知個個都認得我把聲......仲要連平時唔係好熟個d都走黎問......好樣衰呀><不過,都好開心呀...因為你地真係識得我!!^^嗯....原來a班d人都無忘記我既....唔理講我好定壞都不緊要,我己好感動!

另外,上中文堂和中史堂比個2隻馬溜玩死!!我差點比老師鬧,都唔知佢2個係咪傻瓜黎嫁,當住老師面前都胡說八道.....唉..

某人a搶我部計算機比老師見到,立即罰企30分鐘,真係無奈,....

某人b拿左我本中史課業,上堂抄襲...比老師沒收....差點累埋我.....最後無罪釋放,真好彩!

雖然佢2個日日都玩玩下..無時認真...但個腦一點都唔笨...

好似某人b咁,雖然頑皮到極,但maths好鬼勁,同wilson有得比!!今日maths我唔識所以問佢,..........雖然經常"串"我愚蠢,但卻無放棄教我,而且仲教得比老師更透徹,真係令我另眼相看...

至於某人a...太多無聊野講,笑話太多....攪到個個都笑哈哈!好似開心果一樣!^^

希望佢2個煩既同時,唔好影響我上堂=.=

放學後,去合唱團....唉...悶到.....我真係唔識形容啦.....d男仔唱歌真係...唉......我完全溶入唔到有男仔出現既合唱團啦....今天先知...實在晚了~.....現在唯有包容,同佢地合唱多點,希望下堂會好點啦.........(其實呀sir教得唔錯的,不過可惜教得無miss chan咁生動,令場面悶左好多.但仍盼望下堂會好點.

回家時,同呀妍一起食既"茶果"真係食過番尋味呀........><好想再食!><

歷史人物

搜集資料....中文科

(以下文章為一個小五學生所回應)

提到歷史人物,也許大家只會想起一些對世界和社會曾經有影響力的人......
但是,這些人是否就只有男人呢?
我認為亦有少數的古代女人不但可以媲美英雄豪傑所做的事,
亦是敢於反抗當時社會的封建思想。她們對所做的事,敢作敢為,亦不是一個貪生怕死的人。
秋瑾(1875-1907年)是清朝末年的革命女英雄。
她自幼習武,性格豪爽,樂於助人,是一個不折不扣女俠。
她二十多歲時不理家人的反對,自行籌錢到日本留學。
她為了到日本求學，不惜變賣了僅有的陪嫁首飾。就在準備出國留學的時候，秋瑾聽說京城有一個叫王照的小官，因參與維新運動而被捕入獄，需要金錢疏通。秋瑾雖然不認識王照，但卻被他的愛國熱誠所感動。秋瑾二話不說，便把自己大部分的留學費用，託人送給在獄中的王照，並吩咐不可告知自己的名字。王照因疏通了而獲赦免，秋瑾為此而盤川短缺，要坐三等船倉到日本。

在日本讀書時，秋瑾有一位女同學被丈夫拋棄，她因經費用盡，不得已輟學。秋瑾希望她能繼續學業，便為她籌款。後來秋瑾離開日本回國，還把她帶回中國，留她在家中住，幫她自立，養活自己。

秋瑾熱心助人、仗義疏財的性格，實在值得我們的敬佩和學習。

除此之外,她年幼時被逼纏足，深深感受到纏足的痛苦，長大後她堅決反對纏足。
她首先勸家裡的傭人放腳,在她心裡,她認為男人可以做的事女人都可以做。
所以,她在日本留學時,除了專心讀書外，參加了很多活動。她與一班女留學生組織了「共愛會」。後來，她又加入了一個叫「洪門天地會」，又叫「三合會」的反清組織，她還當上了「白扇」， 即是出謀獻策的軍師。

秋瑾是中國近代的女革命家。她成長的日子，正是中國飽受外國侵略的時代。當時的滿清政府腐敗無能，外國勢力恣意魚肉中國，中國人生活困苦。秋瑾四處奔走，聯絡各地會黨，組織光復軍，與徐錫麟秘密策劃起義。他們準備在安徽、浙江分三路同時起義。可是，起義計劃洩露了，徐錫麟被捕，並遭殺害。但秋瑾並沒有退縮、躲避，還繼續戰鬥。
一天，貴福帶領大批清兵包圍學堂，「砰！砰！砰！」一輪槍聲，清兵衝入學堂到處拉人，秋瑾指揮學生抵抗清兵。可是秋瑾一方寡不敵眾，全部被捕。秋瑾被捕後，貴福親自審問她：「你竟敢謀反！誰是同黨？從實招來！」秋瑾雖受嚴刑拷打，但寧死不招。「沒有同黨，要殺便殺！」她只寫下了「秋風秋雨愁煞人」七個字。在1907年7月15日，秋瑾英勇就義。


你認為她所做的事真的比不上當時的男人嗎?至少,她不會麻木、忍氣吞聲地屈就當時的社會。我認為她比那些所謂的英雄豪傑更厲害,不是嗎?

堅持

早晨呀!今日唔洗番學真係唔好呀!無得上物理課.一個星期先得一堂,上堂呀sir又掛住鬧人...咁多唔明...點算呀?pe又見唔到miss wai lu..無得玩...其實跑天橋都幾好玩..雖然跑到窒息咁個樣...

....一堆功課纏身,唔想出街.嗯....都唔知週記寫d咩比老師好啊.....其實我之前寫既野,我都想知係咪有可能?我會努力,不過miss law唔好對我有期望呀,期望愈大失望愈大.....始終唔係第一日識自己.努力,支持,多謝.<-----呢3對詞語好熟...差唔多日日都同人地講,又同自己講...

我都想知佢地係咪真係鼓勵到我?karenkarenkarenkarenkarenkarenkarenkarenkarenkarenkarenkarenkarenkarenkaren

變幻如是永恆,幸福不是必然!千祈唔好放棄自己呀!記住呀!!!!!!!!

我要聽老師既說話!><

親愛的上帝,今天我又想向"努力二字"放手啦.....但我聽到你的聲音,你叫我不要輕言放棄,.........我又想到老師的教訓......,然而,當我知道有人對我有期望,其實好害怕.因為,我過去的失敗令我怯懦.嗯....

(記得,前幾日..我在市中心看見一對父子,兒子乖巧地說:父啊!今年我又要自製一個漂亮的燈籠呢!

父親說:不好了,你又不是第一次自製燈籠,況且上年那個燈籠都造得馬虎,還說什麼今年又想造....不要浪費心思了!

當時我聽到此話真的很心酸,....就是上次做得不好,今次才要爭取做好啊!一個機會都不給人家><

跟住,我同情地回望那小男孩,他苦纏父親要求道:不會啦...我會造得漂漂亮亮的....

父親一直搖頭.)

那時,我在心裹默默祝福小男孩今年有個自製得漂亮的燈籠,可以自豪的表現給父親看!

同樣,盼上帝您賜我永不言敗的力量,今年我都要學像小男孩一樣堅持自己,做到好!

究竟有沒有知覺

miss yan:你地諗下邊d野對自己好?究竟你地想自己有咩前途?

人間有情,比錢重要

今日去良景村唔同既屋企...第一次探訪村屋老人.....比上次去老人中心...感覺正好多~~

我地今日去唔同既老人屋企..不但探訪,而且送中秋月餅....哈哈....

好開心呀!第一次親自探訪村屋老人,佢地好鍾意我地同佢地傾計,因為佢地既伴侶唔係到,仔女又唔可以日日陪伴....因此..佢地過既生活真係好平淡,而且苦悶.....有人可以同佢地傾計,都好滿足...

(嗯...我從來都不滿足於自己的擁有,還想爭取...)

但從沒有想過同一天空下....還有人是三餐不飽,為的是由於身體不健康,所以寧願食個包,飲杯茶,死慳死抵都要留錢做為醫療費.......

老人家身體差,又無人照顧,....真係好慘...

但我地又做唔到D咩.....所以唯有同佢地傾下計,關心和慰問一下...

佢地好多都80以上.....青年時經驗過好多困境,走難,文化大革命,中英戰爭.......當中朋友生死分離,自己又失去伴侶,見到鄰居生病都抱有擔心,一股人與人之間情...無條件地付出.....一幕幕人間有情既故事隨著時間既過去.....有人會漸漸遺忘,有人會日久情深,銘記在心....

這些說話,深深感動到我.......縱使大家的方言口音有小小差別,但他們的每一言一語我都留心聽...(因為我一直都好想知道和好奇於更多過去既野......因為我沒有面對過個D淒慘......我只享受著現今的幸福.....

婆婆和伯伯的人生閱歷都正告訴我們"人間有情,比錢重要得多....."我知道....

嗯.....我和婆婆聊天,就好似同親婆婆咁,好傾得埋...又講下古時既女仔係點....現在又點...今日煮左咩飯......好香....

和伯伯傾計,領略很多辛苦野,佢地既抱負似乎很多.....但身不由己....經歷太多....

有一個叫葉伯伯,同我地傾計既時候,無啦啦都住我講:"現今既男仔好口花,而且好識哄人,要小心."

我地都笑哈哈咁望左一下同組既男仔....但佢好乖,呀伯當然唔係指佢啦....然後我又笑,伯伯話:你唔好笑呀...我青年時就係經歷過,所以先講你地聽......"嗯!明白!

然後,佢又講左好多野...佢好健談!

另外又有一個呀伯,係咁望住我地同組既男仔....對佢講左好多野,比如唔好賭博,貪心,比心機讀書.......就係望住我地同組既男仔,唔望我地!重男現象很易看見.....呵呵~

不過,真係好開心參加左CYC今日既探訪活動,好有意義.....我好想再參加....

放學後....同2A某同學一同搭車番富x,從中,見番小學既好朋友呀嵐....我就叫2A個個自己走,話我想同呀嵐一起聊天....佢就自己走左啦....

跟住呀嵐問頭先個個係邊個,我話係cyc既同學,跟住佢話:仲以為係你男朋友...

我當場呆左,難道以她一直對我既認識,會有男生真心喜歡我麼/我會喜歡他?男朋友就無啦,男同學倒有一班的!!哈哈^^

(不過,假如有一日我有男朋友,究竟會不會告訴這位好友知道呢?不過,無論如何,我地今日既不其而遇,大家都好珍惜.)

我地傾左好多野.......落車個時,依依不捨.......

芷嵐,我會努力讀書同你一樣!

andy,一個弄破我那雙新鞋的"紳士"

今日放學後,我和emily.....還有e班幾個男同學一起番學校既生命敬拜團契.....仲叫左味信上帝既領袖生呀賢一起參加!

當黎導師說,如果看見身邊還有味信上帝的朋友,請告訴他們:不如我地一起信上帝呀!

我就見到場面熱鬧紛紛,我和emily.....都互對微笑:不如我地一起信上帝呀!

跟住,我見到不遠處andy坐在係到,無人理佢......

我就叫左佢一下:不如我地一起信上帝呀!好唔好呀?(andy無反應)

當時,emily同我都啞口無言....

但不久...我們奇怪地見到andy由書包拿出一個銀包出黎...跟住,由銀包拿出一張卡....交給我們.......(軒兄,04.十.八立志).....佢開始笑我...=.=跟住同我們說他早就信左~~~

哈哈,不緊要....就當我玩下佢啦...(不過,真的很開心,他不但信上帝,而且比我還要早!不錯不錯.)

andy既紳士風度,令人喜出望外~~(好耐都無正面叫過佢啦....真係陌生左....今天有團契活動的安排....不但是與上帝友好,仲有係連繫朋友間遠離的治療者.感謝主.

(andy,一個曾經弄破我那雙新鞋的"紳士"....那雙鞋,我中二時沒有穿,今年暑假自己無聊中己修補好了....昨天我還穿著.)

失去的,可以回來....回來的....又可以再失去.....世事奇妙!