不再想高貴的玫瑰,因為蒲公英已很美了.

選擇最平凡的,最簡單的,已很美.

不想再高攀玫瑰,只因蒲公英已很美了.

愛情是恩典的一種.

現在,只有上帝才知道,

有人說:

爱情....

爱情，是每个人学习旅程中最难懂的一课:73::
每个人学习的时间都不同:04::
得到的知识也不一样
:66::爱情这一课不能死背，只能靠感觉:19::
有人害怕不及格所以不敢尝试
有人自信满满却伤得很深:57::
没有人能逃过这一课:71::
否则你永远不会及格:65::
爱情这一课没有教学课本:69::
只能亲身体验:67::
没有快速读法
只能用一生慢慢地去揣摩:62::
也许有人会问：“什么时候才能知道自己是否及格？”
:62::很遗憾！！:35:::35::
只能等待你走完今世的那一刻才是考试放榜的时刻！！:34::
当我看了这段话后，觉得很有意思，特地写给你们看，不知你们看了有什么感受？

環境影響

今日,搭輕鐵既時候,好迫>.<好討厭d"人"迫埋黎....感覺真尷尬!!(異性彈開得唔得!?=0=")

搭輕鐵日日都係咁.....=.=""""

不過,有時明明有位又唔坐,要讓老.....迫個時又怪人迫,都唔知自己想點""

記得,有一次....見到有個cbt女同學,搭完輕鐵...落車後,哭成淚人......很可憐..

向友人訴說...給人"非禮"....但當時又唔敢出聲....

我想...假如我係個個女同學,我會出聲lo!!

"非禮"wo!!!話晒都是一種罪行,我絕對有權可以告他的啊.  我一出聲,加上有埋見證人,佢仲唔"有咁遠走咁遠"咩.....呵呵!佢真係想死.

當時,見到個個女同學有d咁既遭遇,我都好同情....並且知道要多加提防""(大家請注意那不是害羞的時候,是要勇敢就勇敢)

每次d人迫埋黎,我心裹就會大叫:異性彈開得唔得!!

不過,幸而情況不致於,真要大叫出來的.

嗯,今日聆聽考試,有條文字題又係關於車廂的......問:

你坐在車廂上溫書,突然..一個"扮老人家"的中年男人,不禮貌地嚇唬,並且叫你讓位給他,你願意嗎?

我的回答是.....:我不會奉承一些虛偽,不懂尊重和禮貌的人!故此,不願意讓位......

假如是你,你會如何回答?

當慢慢深入呢d問題既時候.........我發覺,好多or人又真係受到沒品德的人潛移默化的環境影響....

說不定再可能,你我會是下一個受害者呢.所以人皆要自愛也.

另外,中文說話考試都ok la....題目:「"不經寒冬,不知春暖"...你同意嗎?」,我用左2分鐘..同miss yan分享左一些經驗.

下雨了

日記又換歌啦.....係我地3e唱得最有感情個首:"好想好想"呀.

聽番首歌,諗番起我地唱個時....發覺時間真係過得好快....轉眼間,這些回憶都成了去年的事了.....而且濃厚的回憶亦隨時間而慢慢沖淡........慢慢沖淡........慢慢沖淡........好想好想永遠保持開心既時刻.停留於快樂的薰陶下.可惜,沒可能.

-----------

昨晚好早訓左zzz......早上5點正起身溫書,奇蹟!!

無鬧鐘叫都識起身=0=

起身個時,窗外落起大雨來,恍如我的心情,一直向下沉.....無法看見一點晴的影子.

中史,努力,唔洗緊張~~

------------

放左學,心情輕鬆晒....

同埋今日下午心情好左好多....哈哈

因為呢2日d科都做得晒,而且無放棄過!

昨日考maths幾好,唔要求咁多啦,只希望合格!!

今天考英文作文和中史,2科都寫到手軟咁制!@@好彩都做得晒^.^

你地呢?考成點呀?

------嗯,今日我講左句粗口,比呀恆聽到,我若無其事!haha

因為有人好討厭,我忍唔住,真係爆左粗!=.="

前因係個個人經常"問候"我家人..我頂唔信啦..

講真,邊個唔識講粗口呀?

(諗深一層,其實我地全班3e真係無咩邊個唔講.)

而我平時唔講,亦唔等於唔識講呢.

正如我平時唔多講野,但我說話考試時亦可以口齒伶俐地什麼都有一番已見!

哈!無聊~合適的時候,罵合適的人,是沒錯的.

我不會無啦啦神經質地拿你來發脾氣....

可能,你們真的不認識karen真我.

(也許,世上只有一個人,認識karen真我......因為平時我心裹諗咩都會比佢估中.....根本唔洗我講,佢就知=0=唉)

你地估下係邊個?

如果你真係估中,可能你與我都係同路人吧.kaka

險

今日望過個天空,真係好似日記呢一個天空,好靚,喜歡.

今早,7點先起身.呀媽打電話比我個時,其實先起身....(講左句:係呀  就cut左....正一衰女!!)

搭左一班好可能會遲到既車..

心情緊張...中途好彩有人陪我...wahaha..大家傾下計,分散下怕遲到既心情....

每次都一定有人陪我一起跑天橋番學!!去死!!又跑......

呢d日子我唔想再過啦....

karen求下你上進d好唔好

搭輕鐵既時候,我真係好驚遲到..另一個同學又不斷在我身旁"倒數".......5分鐘,4分鐘零30秒.....

但見車上,有2個中學男生....湧上車廂來.2人正在我面,不停咁講野......

a同學對白:嘩....就黎遲到...我們就來個打賭吧.假如8:05前番到學校,我請你食包!

b同學對白:邊夠時間食呀?況且真係就黎遲到..

a同學對白:嘻!食一個包姐嗎,我3 2下就食完啦

b同學對白:希望8:05前番到學校啦!唉...我地又要跑....

a同學對白:咁咪幾好,我地日日都跑...對身體又健康wo...對於我呢d肥仔黎講,做多d運動,唔錯呀!幾好.

此話之前我都無望過佢,就係佢個句"我呢d肥仔,做多d運動,唔錯呀!"才引起我注目.

望左眼,哈!又真係ok肥.不過,他的嗓音唔錯.(如果想參加合唱團,佢地學校都可考慮佢bo..)

最後,佢地落車lu....哈!剛好8:05...我想著...男生要請人食包啦!wahaha...

跟住,過多幾個站,我地都要落車lu.....,我同儀講:一落車我地就跑!!!衝呀.....

佢次次都慢我幾拍既.....不過...好彩佢肯跑,我地終於唔洗遲到!!好險呀=0=嚇死我la...

芳姐在學校大門口....叫我快d....跑埋佢=0=(佢又支持我啦,...哈哈,咁就唔洗遲到,不過真辛苦...)

雖然由開學到現在都無遲到過!不過,係好險地,死裡逃生lo!!!我真係怕左啦..唔好玩跑步啦

哈!番到學校...見到wendy,同佢講:終於番到黎啦!我係以全班9分跑第4名既成績紀錄,再次打破不用遲到的新紀錄!!

上氣不接下氣之際,wendy又做左我呀媽個角色,給我教訓....

我說:如果你比心機跑,話唔定都可以攞9分跑第3名,叻一下比我睇.kaka,不用嫉妒~~

佢睬我都傻,wendy日日咁勤奮又上進,當然不用跟我一般見識,去做課前"晨運"啦...haha~

比自己激到嘔火~~~

嗯,今日考數學,幾好.幾滿意.

真係多謝昨天的有心人!!=3=

另外,今日亦要考化學.....嗶,見到份卷就......無題有把握,點算..

誰料,看見化學卷最後個頁,竟然是"畫海報設計",個題有5分,我慢慢畫...開心到笑~~

真係點樣都比d分我拾....^0^

放學走個時,芳姐又比d+卜我....happy~

雖然今次考試...好多野都唔想理,但又理...攪到好煩@@自己攞苦黎辛...算是自作自受吧!

miss蔣個句,我好記得.

嗯,不詳.

明考中史,...

雖然

雖然很很很.......

雖然很很很.......

無論如何love上帝

轉捩點

今日,我無放棄溫書呀,

原來,只要肯請教人地,好多人都肯幫我,教我....

好感動!好感動!

學校保安"芳姐"好好人呀!!真係唔知點報答佢對我既支持同埋鼓勵lo

"芳姐"介紹我...學校有個社工姑娘,可以幫到我忙,於是上前請教,不過....原來她.......

嗯~另外有個中5男同學本來是教我,但又唔識教,最後佢自覺無晒face.....(sorry=0=唔好意思呀)

因為個中5女同學埋黎教我,佢d maths十分十分好,完全教到我,而我又明......所以個中5男同學好尷尬咁....自行退下.....=0=

真係sorry ar...唔好意思呀.(要多謝佢教我---->我呢個3唔識7既人^.^其實佢既表現,可以睇出係好人.....不過,男仔始終係男仔吧.......太注重"面子"...都幾無奈下,令我亦唔敢再打攪佢lu)

當初..其實本來我是叫個個中5女同學教的,不過個中5女同學話佢班個個中5男同學都幫到我忙,所以......點知....

呵呵,註定了,我當初既選擇無錯,個中5女同學果然教到我.

仲教到7點幾先走...

至於,個中5男同學走個時,我亦講番句bye,始終佢有幫助過我,無論如何都是要多謝他.

soso,我告訴你呀..今日我問何樂文借書,佢好大方咁借比我呀.真是感動^.^

我同佢既關係真係好左,我覺得..可能之前我幫過佢,所以佢對我改觀左.

而我亦唔計較佢以前點樣令我唔開心既野

.拋開一切唔好既,重新認識對方,原來可以有好多轉捩點.

今日最欣慰係呢樣野,同埋見到好多同學都樂於助人^^

晚上7點左右,離開學校回家...遇著4位miss,

與其中一個miss一起回家,路途上傾左好多野,,,,,,,,,,對個個miss多左認識.多謝miss   又教識左好多野

我發覺自己,唔再係以前咁保守,文靜..

現在的我...變了.

但在人家心目中...我永遠沒變...可能是"偏見"!!

不要對我有"偏見"吧,

俗語說:女大十八變""""...

我天天在蛻變,haha.

另外,圖書館,張sir一番說話..我聽到了.讓我明白更多人生哲學.

努力

TO:呀妍 一定要睇!!

呀妍,我好擔心你呀...

請聽我講:

今日放學,我地食飯.....

知唔知當時 ....你咁既情況...   我都唔知點呀

我覺得你既經濟情況.....真係好差..

希望你唔好介意我咁講...好似好煩咁....我只係想你同我一樣過番d正常既生活,可以嗎?

SORRY,今日,我幫唔到你d咩...

知唔知我都好無奈...

食飯既時候,我諗左好多野:如果次次都依賴我幫你....當無左我,咁你咪唔洗生存?..

.....我應唔應該再幫你......

你回答我:唔應該,唔好幫....

真係唔應該?咁你想點?

你同我講....你因為唔想父母經濟負擔重...所以亦唔敢問佢地拿錢......(我明白你有點孝心..)

故此,日日挨餓,唔食野........現在,還養成一種壞習慣....話"一日食2餐就夠"...(但咁樣做並唔係辦法!)

知唔知當時聽左你個句.....我心裹諗d咩?

我係諗....呢d點會係人講既說話?點會出於你身上?

讓我諗起....嘉道理農場d肥豬都幸福過你!?....起碼佢地一日有三餐食,無憂愁..?

我覺得....如果你呀媽真係知道左呢樣野,佢唔會比你再咁挨落去!!我真係咁認為!!!

邊有呀媽對自己既仔女咁忍心,想仔女活得差?

佢地當然希望你過得幸福架啦!!係咪?

所以,你要講出自己既須求.比番D勇氣出黎,申訴你什麼不足夠,佢地會滿足你.

你處於咁既環境,仲話要學人摼錢去購買自己想購買既野........

其實,我覺得超級唔值得!!你要聽我講,飯比書重要!飯比禮物重要!飯比任何都重要!!!!

我話,我寧願考試0分,都要食左飯先算.我係認真地肯定這一點!!!

因為你挨餓,就好似拿生命來做賭注,

係呀...你想要既野最後可得到手,不過自己呢?身體健康呢?假如賠上生命了,係不係唔值得呢!???

我覺得有飯食,係生活既最基本!絕不能缺少,若果唔係...真係餓死左都無人知....亦唔會有人同情.

至於,其他物質上的享受.....例如你話想買鐘意既書睇,唔係唔可以....不過,你都要顧好自己既經濟和你現在既切實需要先lo!你明白嗎?你愛自己,你既父母才會安慰和放心.反之,你傷害了自己,以為可以令他們好過些,就是錯!!!而且,他們倒頭來卻要擔心你,因你而更勞心.

其實,呢個經濟問題,我陪你渡過左2年啦....一直叫你有分寸d去理財,你又左入右出,唔聽我講...點算呀?

今日,我其實算叫罰左你無野食一陣,希望你真係接受了這教訓!!!

你一定要改呀.知唔知呀?

"一千層白色,一千層純潔的心跡!".....我明白你意思.

既然你對人有愛,咁對自己呢?自己,是自己!!

你話:燃燒自己,照亮他人?

我唔覺得你咁做係照亮他人!!如果你再"燃燒"自己的話,只會讓我呢個fd不安,擔心,傷心......又無奈..

故此,何來是你想要的"照亮他人"呢?

搭車回家前,見你終於肯購買面包食,我又送你多個面包,

當見到你的食相,我很想笑出來...

誰說自己不喜歡食野?你都不知食得幾滿足....

既然係咁,就不要苦了自己吧.好嗎?

慢慢修正自己啦.

我會係你既最佳見證!!

我禱告,祝福你啊.

你也要禱告,告訴你最愛的那位上帝,你需要他的幫忙,應允你飽足,賜你常樂.

今日,成個腦都充斥著你........

原來,心情會傳染的.

你不開心,我又點笑得出?

好感恩

突然覺得今日似番個自己

我亦唔可以咁懦弱.....

堅強,我可以!

估唔到趙X偷睇我週記lo.....好討厭呀....仲有想隱瞞真相wo=0=

放學後,在學校溫書到夜晚8:10有多........嗶,真係前所未見呀

難得有人教,真係想學多d....盡量在考試前補救...

驚呀媽鬧........好感恩.....

為何任由內心傷痕搧動你抖震

【總有你我】
詩集：團契遊樂園 5 - 應許•詩歌本，24

別期望逃避，終可以告別了傷感，
便呆坐獨個憔悴於漆黑中放任。
為何任由內心傷痕搧動你抖震，
讓灰心困倦枯乾你心坎。
如若繼續呼吸傷痛氣味，何不決心再不要退避，
沉著氣，埋頭幹，你定發現有轉機。

就算風雨掠過，冬雪踏過，苦困亦太多，
不再剩你，一對步履，落漠的一個，
願意手牽手，用果敢勇毅將錯折劃破，
寒冬與暴雪都比不上堅忍的結果，
願你不再害怕，英勇力戰，拋棄舊昨天，
手挽著你，使愛幻化，路上的光線，
願每一顆心也交出，最真總與你互勉，
途長總會踏遍，終點已望見。

竟然係我

今日,係最後一日數學補習班.我遲到了幾分鐘.

見到今日有好多人番黎補習,感覺好似熱鬧左...無咁靜...都唔錯..

我如常自己一個坐,做補習工作紙...識就做,唔識就問呀sir,..

中途,副校長,突然入左我地我課室....

副校說:今日係最後一堂數學補習啦,為左對教學用心既呀sir.....表示謝意,.....

(副校將我地之前畫左既卡送比呀sir...)

大家拍掌....笑哈哈...

酷酷的呀sir,接過副校長手上的心意卡.說上多謝...(一點笑容都沒有....真酷@@)

副校長又接著宣佈:這最後一堂補習,總結過去那13堂,當中出席率最高的一位同學,可獲得獎勵!

(有自知之明的我,心裹嘆氣了一聲,沒機會的了.=0=)

誰料,副校長說現在頒獎,同學就是:我前面這一位xxx同學!(下,竟然係我??佢話我出席率最高?這是無可能的事啊!!心想...我起碼有2堂以上係缺率.............點會呀.?!...=0=)

副校長熱誠地說:請你出來接受獎賞吧!

呆呆滯滯的我,臉上露出既奇怪又喜出望外的表情,,,,,,,心亂如麻地,一邊接過副校長贈送的書卷.一邊望著呀sir,,,說,,真的是我嗎?

(酷酷的呀sir,望著我領獎,也依然沒有什麼出奇的反應@@只是微微的向我點點頭,算了~)

唉...就係咁...我大驚小怪地....想也想不通,繼續做工作紙...

做呀做....結果,我又係最多唔識,要攪到最遲走個個......唉...

諗番起...我有邊堂唔係最遲走的?

我有邊堂唔係要尷尬地自己一個,留到最後,無奈地跟呀sir說聲再見就溜走的最後一個?

既然係最後一堂,唔問都無機會, (做人始終要老實d好!)

所以直接跟呀sir說:其實..想講我有好幾堂都無番,得獎者也不會是我的吧!?你說是不是出了些問題呢....?

酷酷的呀sir回答說:雖然唔係,不過你係最乖!

我沒話好說:哦,(原來如此)   ...多謝......呀sir再見

離開課室,走了後...

心裹一直不明白...我也算乖嗎?今天還遲到.....我.....也算乖嗎?

而且....會不會對真正出席率最高的人...產生不公平呢?

這個獎勵,真正的目的,是讚賞出席率高,還是呀sir認為的乖呀??

唉,我也弄不清了~

如果,給個班女仔知道呀sir讚賞我乖,一定招來嫉妒....    

唉......真的,無奈.幸好,她們不知道!

老師認為我乖的原因是:我勇於發問嗎?我堅持做完工作才最遲走嗎?

算了,...thx就是.

是的,有緣再見.這位cbt大師兄!!

今日走之前,d女仔問易sir拿msn,我都係得個睇字,...    無謂阻擾老師吧.

因為記得,上年莫sir都寫埋msn比我地...但我都無add過.

唉...善良既中文老師莫sir..唔經唔覺都走左好耐lu....唔知佢會唔會做番老師呢.?.......

時間過去了,大家疏離了,也疏散了我的記憶.一切如風.......

一定要努力

我告訴老師."堅強,我可以!"

然而,我時常忠於自己"淚的釋放"...

,老師也回答說:哭,都是勇敢表達自己啊.(我心想:竟然不是怯懦,反而....老師,多謝你.)

你還說希望在明天,會支持我.

媽,都是愛我.上帝,對不對?

她對我懷著"在乎"的愛.

忠言逆耳,我明白的.

更希望她明白我.

親愛的上帝,感謝您與我同在.

考試將近,一定要努力.=0=

miss wong說:唔係希望努力,而係"一定要努力"!!!!!!!!!!!!!!!!!!!!!!!!!!......

我覺得很感動.

英文,真的很難嗎?

考試,真的那麼可怕嗎?

不要說很難又可怕,

因為"只要相信,就有奇蹟".

離開合唱團前,表演的歌曲是:when you believe

歌詞的一段是:"只要相信,就有奇蹟".

相信明天...沒事的了.

想不到...日記無寫幾日....疏離感是那麼遠,又是這麼近.

歡欣

今日,是聖誕節假期後的第一天上學日!

嗯,就這樣2007年了,就這樣放完假了.....時間真的不等人,只有人趕著時間跑.......

昨晚,11:30才睡覺,今早7:00才起床@@幸而,沒有遲到,而且剛好趕上領袖生當值.

真的很險啊!=0=

哈!今日一定很多人遲到吧!(不要給我估中啊!!!)

眼見其一例子..就是英文堂鄰位的那位同學,差不多到9:30後,才慢條斯理的回校上堂.

當時,全班哄動,miss wong見況,便說:"進來吧!好開心見到你的臉孔出現呀!哈!"

同學都跟他說:"真的早晨呀!"

(想不到還有....較我還要冒失的人呢=0=)

為什麼說自己冒失呢?

事關,今天早上遲了很多才當值,

我跟另一個領袖生說:不好意思,我遲到了!!

他說:不緊要啊!都不是很遲吧,就是還有5分鐘就響校鐘聲了!你真棒!哈~~

>.<是的,他往常都不準時,總是給我佔上風的,現在難得我落後於他,就禮讓他好好地於這個機會,

放肆笑笑吧!相信,這是一份盡責的滿足感呢.

中午的時候,我們去了老地方食飯,感覺很不錯呢,濃厚的歸屬感讓我們既愉悅又懷念啊...

沒有了呀恆的同行,我覺得我們幾個終於......回復了全女孩的世界!!!!正!

全女孩的世界想說什麼都可以,很輕鬆,很自由.(希望呀恆不要介意....)

不過,相信呀恆現在也過得很好吧!因為他終於回到了自己的男孩的世界裹!^^祝福他呢.

呀恆跟他們一班人一起玩和食飯,可以很開心.

想不到,他就是頭也不回的..........真的走了.(相信,有人會依依不捨,呵!)

似乎,很多很多事物都轉變了....

回想2006年,其中一個無奈的地方是:朋友是有選擇性的..雖然相識得久,但說走就走...

是問,我可以如何挽留呢?

我應該相信他們吧!真正的友誼,始終可以經得起考驗.上帝,您說對不對呀?

人生真的會有很多懸念呀!為此,我真的摸不著頭腦呢@@

就好像wendy吧,我們今天仍然可以談笑..聊天下去.(很開心啊.你的友愛回來了..)

另外,發覺今天有很多人向鄰班同學借書,情況很不理想.

我起碼捉了5個><不過,都沒有擇名,....讓他們改正了就好.

其次,小息當完值後,我上回課室拿音樂科的東西,

當時,我們的課室是流動課室,所以2d的同學會轉移到我們的班室裹去.

回到課室,一把男聲直言無諱地向我說:"hi,prefect,好久無見!"

我向後望,噢!原來是那個頑皮的大男孩~(其實,都估到是他)給我捉過幾次,我連他的嗓音都認得了.可想他的壞.唉~~

說著說著,我又真的覺得好久無見他,也許他頑皮到要給校方停課了?不會這麼糟吧@@

音樂堂,唱歌考試......

起初練習時都沒有什麼把握的...

因為曾經,我徹底地失敗過,...

記得,中2的那年,遇著生病的煎熬,喉嚨極是沙啞,卻要面對考唱歌..

當時,跟呀sir反映...他卻說出使我無奈的一句:照唱!我明白你的生病,但盡量唱吧..

結果,我只得到5/10分!

那時,真的氣結得像熱鍋上的螞蟻啊!!!

所以今天,都不存什麼寄望了.

然而,突然記得,合唱團時老師說過:音樂,是要唱給上帝聽的頌讚!...

於是,以平常心面對,唱呀唱......

中途,後面的同學,

忽然起了好大的反應回響......發生什麼事?

好了,終於唱完.放下心頭大石,

返回坐位時...十分十分驚訝----->>全班同學的臉孔一致望向我...

眼見,有人笑,有人0咀.....更有人說爆玻璃~啦@@?

有什麼地方出錯了嗎?我好奇道.

回想,他們今天的反應....真的好像中一的那年唱歌考試!!wendy都記憶猶新起來........

中一那年,我好奇怪於那班男同學不斷重複地唱著"歡欣"的歌曲......

然而,"歡欣"...不就是我給抽中要唱的那首詩歌嗎?

那次,,唱"歡欣"...是含著淚唱的,我不能忘記!!

當時,我也是想著上帝....因為歌詞開頭是:歡欣,心裹感謝神,歌唱歸於聖父..讚頌,...

(哈!如果是有所感動的事,我可絕不會冒失地忘記,相反,我的記性....超乎你想像.....

唉~如果這些記性可以運用到讀書上,又有多好呢!)

中一時,我得了8/10分...呀sir對我說:下次比心機!(那番微微道來的鼓勵,我仍言猶在耳........)

今天,我拿了滿分!10/10分

我真的要心裹笑出來,感謝上帝!!!!!!這是無比的恩典!!^^

因為我成功了.

也算不愧參加了合唱團2年多吧!

所以,確實要多謝miss chan,一直教導有方.

日後,假如再有機會,仍希望她多多指教呢.^^

自以為聰明的人，往往是沒有好下場的，世界上最聰明的人是老實的人，因為祇有老實人才能經得起事實和歷史的考驗 - 周恩來 

請給我一點愛你的勇氣....

爱笑的天使

今日,點嘔都要嘔晒d功課出黎!!明日要交~~

我真係勁中意做中文功課!!其他唔想提...唉....

寫"童年記趣"寫左800多字.....真係意猶未盡呀!@@

雖然....老師只要求500字起,不過,老師都話最好多過500字..哈!

她喜歡看我們作文,所以要比心機....特別是她很喜歡讚賞人,所以我不想落後呀!!

有本書講得好岩,只要有愛,就不會感覺到負累的感覺,然而,當沒有愛....就生問題了.

其實,做功課都係同一道理姐,如果你愛個果科,就會可以做得好出色~

但如果沒有愛....就生問題了.而做功課,也辛苦多了.

希望在明天!

發覺呢排,身體無啦啦會因為想講野&諗起d野都會顫抖.....

以經留意左好耐,呢2種情況........

好驚呀,我做咩事呀?

我覺得我係唔夠勇敢去面對一d野.

不過,我好想積極去面對呀.

無論如何,不要重複再錯.重複再錯!!

200654321前既咁多年,過成點,我唔諗,要諗,就請諗2007後的未來!!!!!!

什麼都重新開始,拋開過去,面對未來.

忠於自己.

我始終覺得有句說話,講得好好....

不詳.

王菲 《愛笑的天使》

爱笑的天使嘴角上扬，欣然而至，崭新的脸庞，不闪不躲，盈盈亮亮，面朝纯白，背向金黄。

爱笑的天使没有翅膀，嫣然一笑就飞翔，笑容在心里，快乐在脸上，不说一句教人善良。

爱笑的天使嘴角上扬，混然不觉，兀自安详，不惹尘埃，不起风浪，在你身上我看到了光。

爱笑的天使没有翅膀，嫣然一笑就飞翔，笑容在心里，快乐在脸上，不说一句教人善良。

爱笑的天使爱歌唱，带来人间希望，不需要翅膀嫣然一笑，就能快乐飞翔。

很純.好聽

謝謝朋友跟我分享《愛笑的天使》.在此,祝福思路和基金裹患有兔唇的人.

網上論壇&文章

今日,見到有人...在網上論壇說:"有無人可以幫我作一篇名為[童年記趣]的作文...要500字以上 520字以下 ....."

我呆晒.....d人竟然叫人幫佢做功課?很可惡的行為啊!

然而,天下之大,好人也有的......

又竟真的為他寫了2份文章....其中一份,寫得不錯(欣賞)!!

參考文章,如下:

童年記趣

放學回到家，忽覺喉嚨有點兒乾涸。打開冰箱，意外地發現一袋龍眼。我想應該是媽媽特地從故鄉帶回來的吧。媽媽看見我，說：「這些龍眼是在故鄉種的，今年豐收，我特地帶了些回來！」果然沒錯，我把龍眼拿出來，坐在椅上吃著。

龍眼，看見它，童年時的趣事悠悠然浮現眼前……

那年，我只有五六歲，是個黃毛小子。當時故鄉沒有學校，我和一班同年紀的朋友，從早到晚都在一個寬闊的草地上玩耍。草地上種有一棵很大的龍眼樹，阿爺對我說過，這棵樹是在他年輕時種植至今。由於它生長在草地上，我們都把它當成自己的。我們很愛爬樹追逐，就在那棵龍眼樹的周圍，你追我，我追你，玩得不亦樂乎。個個玩得滿頭大汗，樣子骯髒得很，像「花面貓」般，你看我，我看你，大家都笑了，非常有趣。累了，就躺在草地上，由龍眼樹伴睡，為我們遮擋陽光；餓了，便從樹上摘龍眼吃。大家都將龍眼樹當作好朋友。

有一天晚上，我迷迷糊糊聽到很吵的聲音：人聲，還有鋸樹聲。我想是工程所發出的，故不以為然。到了早上，我起床出外，發現草地上有很多人，我馬上上前觀看。原來，我們的「好朋友」給人砍了！因為草地要用來建房子，所以要砍掉。我真的很傷心，我不會忘記和龍眼樹相處的歲月。

不知不覺，龍眼被我吃光了。我收拾好東西，繼續為我的前程努力。

明日,就是2007年了.

明日,就是2007年了.

年復年,跟時間追追逐逐,自己又長大了...

時間真的不等人,只有人趕時間.....

撫心自問:

今年,最失敗的地方是:不夠堅強---->>>>>(哭)

今年,最成功的地方是:發展所長,並得認同--->>藝術(繪畫比賽,攝影計劃,朗頌比賽,唱歌表現...)

今年,最不可意議的地方是:我學懂愛人

今年,最無奈的地方是:參加任一活動,我都不相信自己,害怕失敗.但最後自己卻往往可做到.

今年,最愛的是生物:喜歡的人  朋友   小朋友  老人家

今年,最喜愛的地方是:美門書坊

今年,最喜愛的音樂是:詩歌------全因為你和很多很多詩歌...

今年,最喜愛的上學節目是:中文堂

今年,最沉悶的上學節目是:宗教堂

今年,最有進步的地方:領袖生

今年,最有突出表現的是:學懂與人分享

今年,最有吸引力的物件:電腦

今年,最後悔的事:沒有送聖誕卡給老師

今年,最無悔的的事:送自己設計的聖誕卡給同學

今年,最害怕的事:我升上中3

今年,最開心的事:我升上中3

今年,最掛念的老朋友:CANDY,彭彭  (太耐無見.....很掛念>3<)

今年,最擔心的老朋友:倩    (唔好吸煙,飲酒,對身體有害而無益)

今年,最喜歡的朋友:SOSO,呀妍    (雙 n0.1)

今年,過得最童真的節日事:中秋節    (無諗過個日勁開心)

今年,最童真的事:秋韆    (happy!   我喜歡純真的feel)

今年,最遺憾的事:離開合唱團    ( unhappy   與好友.....又遠離了一點點似的....)

今年,最無聊的事:白日夢   

今年,最希望的事:快樂      ( 但不快樂的時候很多...)

今年,最不希望的事:不快樂    (快樂的時候也不少,哈!!)

今年,最感激的人:一直支持,鼓勵,包容,原諒,和所有愛我的人........(特別是2位班主任!)

今年,最難忘的情:人情

總結,2006,今年有得,又有失,過得一般,感覺上,尚有點兒平平淡淡的幸福.

上帝教我們要知足常樂,故此,感謝上帝愛我每一天.

其實,每一天都有一點愛是來自上帝的.

只是,我不夠用心去感受....

好吧!今晚發夢的時候,我就為"今年的過去,明年的將近",做奇蹟的禱告!!

2007年,我要愛自己多點,又要愛家人,愛朋友,愛同學,愛人......什麼都從"愛"出發!

而且,唔好咁懶,仲有希望///////希望比多2錢肉緊去讀書啊!

但願如此.

如果凡事都有好的開始,又多好呢!

好的開始,下一句是什麼?

我希望2007就是活現彩虹的一年!