開心樂園餐

今日lurch....落街幫細佬妹買M記既午餐....

見到同一層樓既3姐弟....一起去麥當當..佢地真係好可愛^^....

一出電梯....就得意洋洋咁...3個跑去麥當當...

見到佢地既背影.....我諗番起細個既時候....我同細佬妹,曾幾何時都係咁活潑...每次當呀媽大我地去麥當當,都好開心....而且我仲好喂食tim......^^(不過,人大個左,反而覺得去麥當當再沒有什麼了不起了.......因為呢個再唔係每月/每季一次的lurch,而係隨時就可嘗到的lurch.可能,有d野就係得唔到既時候會渴求,但擁有太多的時候,卻失去了原味....而不懂再珍惜和享受當中的心靈飽足.)

去到M記,我見到德德用好盼望既眼神望住開心樂園餐的櫥櫃玩具.....

但...佢2個家姐...似乎都睇慣,玩慣玩具了......開心樂園餐的玩具也引不起她們的興趣.(好像我一樣)

不過....我見到德德既個種童真,我卻很嚮往.........故此,我選購了很久很久都沒嚐過的開心樂園餐!

拿著一份精緻的玩具回家了.....

回家後,告訴細佬妹此事,大家都哈哈大笑.....

嘻!你們可羨慕不了,哈哈!^^

朗頌

今日,朗頌比賽啦......一早起床,番學.

番到學校,見到得一個女保安.....我地閒聊起來.....說著說著...

提到了我的朗頌.....她突如其來,想看我的表演...於是,我努力的嘗試頌出來........

誰料,miss yan卻剛巧回來了.而另一個訓練低班同學朗頌的張sir,又來了....=.=

一下間,很多同學不知從何而來......場面很是熱鬧.....我朗頌著,一點都不緊張.

直至,到了比賽場地,比賽開始了.....很多參賽者都認真的唸......我看著看著,一點都不緊張.

就是到我比賽的時候,我的心好像失魂般.心想:啊!我站了出來,要開始唸了...

唸啊唸.....開頭便知道自己破音了....於是頓時心裹打了一個結,鬱鬱不歡似的.

正因如此的怯和鬱鬱不歡的樣子,我做到了這章散文的哀傷!good!

不過,接下去...要轉了一個快樂的激情.

我慢慢...心情緊張起來..雙腳不其然地顫抖.......久久不停.

在最後的部份....不顫抖了....回歸原本的水準.

唉~就是一份緊張,累了自己!把原有的水準打了8折!

若不然,我可做得好的!

結果,成績公布後.........得知季軍是84分!偏偏不是83分的我........(第一名是85.5分,好勁!)

沒有什麼的,我只是緊張吧了.....

就讓我自省一下,為何每次比賽,都是如此的慌,都是差一分的倒霉吧!!

也許,失敗是成功之必經階段.既然,我已走了3年朗頌路,就給自己多點機會,再走下去吧.

說不定走遠些.....得到和學習到的,會更富足呢!karen呀....你是可愛的.不要輕言放棄自己可以努力權利.

多謝呢排咁多肯幫我和看我練朗頌的人....當中特別要多謝miss yan,1E班既3位小女生.

親愛的上帝,感謝您賜我力量,發揮潛能,同時都感受到您安排在我身旁出現..

..很多的支持者,令我的心..慢慢給推動.....學習努力進取,啊門^^

你是誰?

當我落寞.......不需要你的慰問,只想你留下.....聽我說,所謂的真理!

無奈......不一定要含辛茹苦,因為我可以用溫婉的笑臉,蓋住不愉快的心情.只怕你不會了解真相.

原來......世上有種人是討厭人家笑的.但,他們卻會笑,而且比你笑得還要精彩!

這個人是誰?

明天,我要朗頌比賽了,這2天沒有了miss yan的精心訓練,我落寞.

記得,昨天的3個小女孩與我的諾言.我很憂愁.........她們真的會再來嗎?我真的湧來一股盼望....

今日,最後一堂是maths堂,我班晚了15分鐘才放學.....

但我答應她們4:00後花園等.

因此,心裹很是焦急.   ( 從來沒有什麼令我焦急得想大叫:仲味放,走得味!?的....但今次真的如此)

也許,我真的需要一些支持和依靠吧.(這就是我的性格=0=一直改不了)

直至,我真的放學了.我立即衝出課室,一粑箭的跑到後花園去......誰料,一個人影都沒有,靜悄悄的.

所以........我最差的預感又來了.我想:她們也許走了......樣子很是傷感.

結果,我拿著書包,離開了後花園,打算去DT室練一會,便回家.

但天意弄人..到了DT室後...我竟在DT室的窗裹向外望,看見1E的同學仔坐在那裹等候....

OH,我們剛才一定"向左走向右了"....若不如此,我一定看見她們來到的.

最後,我開心極了........又跑回後花園,跟她們聊了一會,便開始練習啦.

她們一邊看我練習,一邊食我家政堂所做的結晶品-----薄餅.(嘻!佢地話好好味呀!^^真係好啦,,,我仲以為.........)(因為,有人話過,寧願食晒全班既薄餅,都唔會食我做的薄餅.話我做得難食!唉......佢都未試過,就睇死我既手藝,未免太過份啦!.........不過,這個都算了.....佢仲要當住我面,問女班長攞薄餅食........仲話人地做咩唔留番一塊比佢WO.唉,真可笑,我都味見過一D人咁怪既性格.

當然討厭,不過.....看著佢受到了應有的教訓......我可不想落井下石,害他可憐.)

這個人是誰?

我練完朗頌後,跟她們一起走.......剛巧遇見團契裹認識的KAREN,當然這個KAREN不是我.她是一位大學生,為人善良,找她談天就好不過.我們有數星期沒見了.嘻!她依然青春!聽了她的祝福,我真想明天努力些...感謝主.

呀妍陪我搭車番屋企.車費又由我支付.....=.=(不緊要的.....慢慢還債吧.我很有耐性的.哈哈^^)

上帝賜予的一切恩典,我永遠銘記......

頭先,我落左街市買明天家政堂要用既蔬菜材料,剛巧遇上班上某五大賤男之一.(其實,唔係好賤,不過算啦)因為,如果唔係佢叫左我一聲,我都見唔到佢係後面(嗯,果然有禮^^)

買完野,我離開街市前,經過佢身旁....見到佢買菜!!!嘩.....好難得呀!我仲以為自己眼花tim.haha

(可能..佢都係為左預備明天家政的材料吧!)

最意外既係,佢竟然開口問多句:你買左d咩呀?..........

嘩!把聲好溫柔呀.....我地平時見到佢都可能會怕左,因為佢平時既語氣都好似想"恐"人咁.....

但頭先我遇到既情況係第二回事.真係令我對佢改觀呀.(不過,邊個先係佢既真面目,就真係看不清.)

另外,今日miss yan唔係到,她出外進修了.故此,我好寂寞咁結埋心水自己一個練朗頌.

放學後,某同學本想睇我練朗頌,但點知......我親眼看見她走了.嗯,唔緊要!這是天意安排.反正我明天都約定她再睇我練朗頌,希望到時唔會失約啦.

雖然,她和miss yan,這2個我心中唯一的依靠都無左.

但....上帝看顧我.,,,,,,領了3位中一的女同學前來睇我練朗頌.

其實,當初我去到DT室,看見佢地3位,真係怯懦起來....唔敢放聲朗頌.於是,我自己一個人跑左去後花園......悄悄的唸起來....

但,這3隻好奇的小鬼,竟偷偷地從DT室窗內向外望...看我朗頌.

於是,我看見她們的求知心,所以收起了那份怯懦,決定叫她們不如走下來.....陪我一起練.

誰料,她們真的很聽話,真的跑來了........嘻嘻哈哈的看我表演....(其實,朗頌就是如此,令人想笑.)

而且,這3位1E班的女生都好可愛......我一邊練,一邊跟著她們的回應去慢慢改善.^^

頓時,我仿佛看見她們的班主任-----MISS YAN的影子.令我自信.

她們果然是MISS YAN的聰明學生....我的錯誤地方...她們都一一曉得反映,這時我真的完全忘了害羞和怯懦.......反而心裹覺得...自己係佢地既師姐,如何可以就著機會表現好的水準給她們看.....

結果,她們看我練朗頌,看得正入迷........剎那間....天黑了...學校都宣佈在沒有老師看管的情況下....學生要回家了.

所以,她們依依不捨,約定明天再看我練朗頌. 好的.^^

另外,今日既中國歷史班際問答比賽,我地3E班得到第一名!!^^見到蔣老師,很是高興的樣子.^^

同學們,心情愉快極啦............^^

再另一方面,MISS許今日話比我知一個好消息----上次我去嘉道理農場所畫既個張植物寫生畫,意外地給評判選中,得獎了!!好開心呀.......(真估唔到個張..我一直認為....畫得差,而且對唔住個棵植物........沒有為它錦上添花,反而......畫得怪怪的畫,得獎啦?真的開心死我啦!!!!

不過,講真個句:我真的用感情去畫了它3小時的.唔算多唔算少.....但遺憾錦上添花,我真的做不了.

希望...這張由我親自點題為:"為海棠添上一點秋意"的畫,在未來會有更完美之作出現.

再,再另一方面,楊sir又話比我知一個好消息----我在升中3前,暑假裹,樂於幫學校做義工工作,所以比老師們推薦去參加唔知咩選舉.....誰料,意外地...又給我拿了傑出的唔知咩獎.......

(我傻傻的......忘記了....係咩獎...唉,算啦.)

我無諗過自己付出過的一切,老師也一一看在眼裹......更重要的是....我曾以為,升了中3後的日子..我將會在他/她們的世界裹消失了自己存在的影子.所以,有一陣子,我極是落寞...不過,都過去了.

真要感謝上帝呀.我諗miss lee一定沒有忘記我.上帝,您說對不對?...

....原來我最在乎的老師....是中一的班主任.

而我最喜愛的老師,又會是誰/那些呢?

心中明明有答案,就是懷疑,沒有決心說出口.

老師,真的愛我.

而我呢?

我留意您的眼神,渲染我傷感.你是誰??

今日,早上唔識起床,可能昨天真係玩得太勁啦.....連一點起床的知覺都無!=.=

細佬知道我7:15都仲味起身,竟跑來恨恨的掌左我2把.......臉頰紅起來.....我有知覺了.立即起床.跑住番學!!!!!

我就連怪佢都無時間!不過.諗番轉頭.....真係多謝細佬掌左我2把,我會記住^^如果唔係,我今日可慘了.=3=哈哈.

今日,於中國歷史文化周既班際歌唱比賽中..我地3E班唱<好想好想>攞左季軍!!!!!!!!^^算唔錯啦...當時,我有幾分自信,都有一點緊張.......看著很多人...我沒有什麼寄託.

記得,在中文堂練歌的時候,我就一味擔心.....究竟,我地有無希望呢?我禱告......

我見到佢地咁懶散既樣,我好想大聲唱!!!!我想3E做到最好!我唱到了.不過,佢地都係好像同平日無異樣.

而且!!當我知道黃子豪無唱!!!!而且一路係到玩玩下咁....我真係好唔開心..低下頭,我覺得自己好無用,我影響唔到佢唱.......而且佢愈來愈壞似的.點算??我有種傷感既湧現.我禱告......

終於,老師話最後一次合唱練習啦.

我就一邊唱,一邊聽到有把聲音跟我和唱著,.

....嗯,好聽.

我心裹哈了一聲.

佢肯唱啦!?

有了改變......仿佛有了一份希望!

我就係由個一刻,對<好想好想>呢支歌,有了一份情感,不是很多,就是唱出來就可以了......^^

我有時,往往都係自私的.我見到好多同學無唱,我唔會在乎,但就係在乎身旁的同學給我一個什麼環境去做好每樣事情.而偏偏就係要佢係我身旁.

我都會懷疑上帝的恩典,因身旁的這位同學就如惡魔,好叫我死去活來.

但結果,卻往往使我心動.恩典始終是恩典吧.上帝沒有遺忘我的禱告....

特別係我既FD,你地可能會覺得我幾煩,因為我勁叫你地一定要唱好呢支歌.....不過,你地有無放在心裹...我就無從得知.......希望有啦^0^

另外.......既有點失落...又有點興奮的偽裝....

我怕自己練朗頌,會練出一個情緒病....

我覺得...自己...係可以既!但,我害怕會不能自控.真係好驚好驚......

放左學,我去搵MISS YAN,搵極都搵唔到....我好驚,

單獨一個,在DT室裹沉思了良久.

知道..原來,係無MISS YAN既時候,我係最可憐的小鳥.....也是開始嘗試自己起飛既小鳥.....

有時,都會覺得老師係我1/2的媽媽....

因為在學校和家裹...她們都擔任左一個不可撇下的重任-----教育我,愛我.

這一點點的,我都看在心裹.

知道啦MISS YAN星期四.五都要出外開會,無時候陪我練習.......我要努力,表現真我.

希望永遠在明天亮相.

親愛的上帝,感謝您賜予的恩典,願您與我同在.啊門

好想好想

大樹       KAREN

愛我別走,

只因渴求,

愈擁有愈失去.......

我對你的感覺,不再溫柔.

葉子乘風飄逝........

究竟是什麼令我著迷?

是剎那的光輝?

還是感覺上的虛偽?

我再尋不著答案.

飄遠了.......真的飄遠了?

我........靜悄悄的離開了人世.

葉子,告別了.

哇啦啦.......哇啦啦.......

葉子哭啼,

就如山溪流水的姿勢.......

樹,在空中輕盈的搖曳.

向最後一片葉子....

說再見.

它,離別了愛的邊緣,

奔向另一個仙景了.

最後一片葉      KAREN

愛我別走,

只想擁有.

愈飄遊,愈失重....

不走.....不走......

我會永留!

不放手!

風,無情的吹......倒樹了.

救救我啊......(樹說)

救救我啊....(葉說)

「如何掉頭往你走?」(葉說)

飄散了,

我的心也不知何時起飛啦....

沒有方向的迷路.

著涼了,真盼望你細緻送來外套.

單獨的影子,在想,在等....

那個諾言,守候的時空......

沉了下海.

我頓刻忘記了.

你永恆的忘記了.

直至下一個世紀....

我們都等著你最後一聲:愛我別走!

我想我定會至死不渝的回頭的!

千迴百轉愛什麼,

大家都不清楚.

只是隨緣份而捲入漩渦.....

葉子的離開不是風的追求,也不是樹的不挽留.只是想要回那份自由.

看著你---攀越高峰,成功感竟生在我這裡....

今日,參加左乘風航最精彩既日子!

跟伙伴一起攀越障礙......好好玩呀><

雖然.....我成日怕唔識同佢點溝通...但我知道佢係明白我講咩既......好開心見到佢笑........雖然佢好鐘意扮動作,但我真係唔介意,因為有時我開心笑,佢又扮開心笑...令我覺得氣紛好舒服^^....

不過,扮我扮得太多...我會臉紅>0<

其實佢真係好可愛!^^又聽話而且乖..........完全唔係我想像中既智障好差.....

我完全接受到佢係我伙伴!!^^而且我好開心識到佢...走個時,真係有唔捨得...

認識既時間唔多,但聚合既時間都係開心既,當然難忘.....

顏俊馳!我既叻仔伙伴.

雖然,我永遠無機會聽到你既聲音,但看得見你愉快的表情.....我就很滿足啦.我會祝福你....

正如你送給我那張笑著的公仔畫一樣......笑著笑著.....

真誠的於我心頭留下一張笑容.

今日,我完成了一項奇蹟.........我的奇蹟!我竟跟伙伴相處得一點難度都無!好意外..

我掉下海既個一刻,雖然唔識游泳,但自己竟然唔再驚,.......唔知係咪早有經驗呢?

反而,我驚自己既伙伴唔知點算...

我見到佢.....在空中唔放手..停左.停左.我在水中望住......呆定望住.....佢終於有勇氣跳啦,我比佢仲要開心!^^叻仔呀!^^

...........本來,為左朗頌我係唔想玩既.因為害怕會再失聲,.....上次玩完乘風航失聲啞左幾日....好唔容易....就黎好個時,又發燒....

但.......好似好份動力推我前行....好自然咁想做好自己,令伙伴對活動有信心咁.

........真係好奇怪.我真係完成晒所以活動!?唔敢相信....

每次去乘風航都唔相信,但事實叫我清楚相信自己既能力!

回程走個時...全車cbt既同學......zzz

我一邊聽同學既mp3-----愛我別走

回到學校,練朗頌!有d進步.

miss yan......我...

真係可以嗎?

等車回家個時,=.=見到昨天無聊的他.剛好踏單車而過...........大叫我的名!=.=有禮了.

它也是有生命的,你看得見它正流淚嗎?

今日早上搭車番學既時候,係車上訓左一陣,張開眼個時,某同學竟坐在我對面迎望我...呆晒@@

4張坐位2個人=.=

我心諗:之前坐側邊d人咁快落晒車..唔見左既?佢幾時坐左係到嫁?佢望左我幾耐?做咩要坐係我面前?唉....當時為左唔想"面左左"所以都唔理佢咁多....繼續訓ZZZ.....直至到站,落車.

可惜,"面左左"既時刻太多,第一堂就係英文堂,=.=又係同佢坐wo=.=

明明一支筆好地地用緊...都要刻意弄破.......好幼稚呀!!!唔好扮晒強壯咁啦!真係....唉~~

好似某人b所言:"它也是有生命的,你看得見它正流淚嗎?"

雖然,我真係唔知道同時都睇唔到,不過我總覺得呢個係幾有意思既一句話........

(因為藉此,我可窺見他也是有文彩的一面的,而不是只懂滿口粗言........其

實有時,把鬼火真係好想打佢一頓!不過,都係想想算了.....失禮既始終係自己,又可苦呢.....)

lurch,去圖書館借書,借左4本,一番到課室即比人攞左3本走.....無奈.....=0=

在閱讀堂,某人借左我本<傾城之戀>.....佢好唔認真咁睇....睇睇下..見到一d類似讀音既字....就諗埋d勁嘔心既野.......跟住,我地就咁...笑足一堂!

又有一個同學...睇一本名為"雨色之男"的新書....經某人評價後..又成了一本頂頂有名的黃色刊物了.....唉~~~好變態呀!!!!(不過,無可否認...佢係百分百既創意思想家!=0=)

放學後,miss yan教我練朗頌......嗯.....一般一般.

老師話那散文是由慘轉喜的..........而我卻表現得唔夠慘....淒涼....

我一味咁笑........真係唔知自己笑咩,就係想笑.

突如其來,我同miss yan講:我e家好想笑!做唔到淒涼~

miss yan就話:笑啦,大聲d笑唔緊要,笑到唔再笑為止,就開始!

嗯,開始了.但讀得太快啦.....明明係傷心既野....突然比我演繹得一點都唔傷心.

老師就話:你個樣永遠都好似只識笑,咁你唔開心個時係咩樣嫁?真係咁樣笑法都叫唔開心?

唔係!

老師吩咐今晚一定要練番好d表情和音既節奏.

過去個2年,憑經驗,其實..........

......知道................我_係_可_以_做_到_的!只係差一點點勇氣+一點點信心+一份錯綜複雜的感情表露......

對不對?

karen,對不對?

你要點樣先可以做得好?努力,可不可以?

相信.............相信........

要相信一份錯綜複雜的感情表露,難不到你!

塵世眼中    平凡的蝶變

  像我這樣一個女子   經已很滿足

蝶變

曾怨過晚了生翅膀　　時間錯放太多
蝴蝶萬丈上空飛過　　暗自夢裡躲

如細看蛻變的旅程　　承接你我往昔
沉默獨自耐心傾聽　　那靜待氣息

曾聽說也會生翅膀　　時間秒秒再拖
無奈日落日出經過　　我願望太多
誰聽過蛻變的奏鳴　　餘韻靡靡說清
回望寂寂夜空憶記　　變幻未退色

＊　循環中　　千變化不怎可操縱　　星光心裡種
　　一天蛻變高飛天空　　最美現蝶翅中
　　循環中　　一句說話一章一節　　用光陰相送
　　歷盡百世一生傾心愛意　　未悔觸碰J!

曾愛過卻要心裡藏　　誰已錯過對方
曾歷受著內心束縛　　愛在夢裡躺'
如細訴蛻變的旅程　　無法退去記憶
延續浪漫互相呼應　　印象未退色
Repeat　
際多媒體論壇　 　
若是愛過不惜犧牲放縱　　願再觸碰

分享與信任

今日留係屋企.....玩msn,練朗頌......仲有....一堆功課...要我做!><

嗯,<每日每夜每一天>真係好好聽,send左比好多人呀,係咪好好聽呢!?^^希望你地鐘意啦!

其實,懂得分享,正正係我要學習的.而且能夠讓更多人擁有上帝這份溫暖,我覺得好快樂.

今日,我好大膽咁send左我上次去藝術館影既相比一個朋友睇,第一次咁勇去同人地分享自己既相!!

但我要既絕對唔係任何讚美,所以佢既反應令我安慰呀!

一直強調"外表唔等於一切,擁有一顆什麼的心才重要".......原來係有人會明白的.

想知道和考考你既直覺,同時,都想傳達一份信任.

好多時,朋友間...不自覺地..乏了一份信任.....

當然,信任係要用時間培養出黎既...唔係一時間就可以既方便......更唔係一張相就能表示了的全部.

好似,上次個樣傷心事咁,班上某人誤會左我......仲固執地嬲左我幾星期之久,哭哭啼啼,沉默的日子..現在雖然已過去了,而且佢都唔再嬲我啦.....學懂原諒了...

不過,睇番轉頭,我覺得那一時既誤會,就咁絕緣,真係唔值....唔值....

幸而,世上有包容的存在.令故事得以改寫.真要感謝上帝...賜我恩典.

當你投入的看著中心點,那紅點在轉,慢慢地.....你便會發覺它變了綠色的點在轉.

反思:原來,有些事物,是不應單看外表的,而是需深入的了解,才會發覺得到的驚喜.

希望送給你們這個分享,領悟會更多.

生活質素

今日,早上番學校保習,放學lurch後......我和wendy去左呀恆屋企睇宮崎峻既日本動畫.....

<天空之城>和<魔女宅急便>.....好好睇......睇左成5粒鐘.....到6點幾先走~回家時,天都黑了..

原來,soso講既野係真既.....呀恆個屋企果然好難去...行樓梯行到傻.....好似洋房咁,有埋露台tim ar,180度全景,超正!不過~有d野都係羨慕下好啦.....有錢人既生活,我未能了解!

難怪,佢地平時可以shopping得咁開心la,購買銀包都要講求名牌wo,....這些,我可做不到,不過,平凡的生活,都已很滿足了.

今日係佢屋企享盡了"女人大晒"既福利!我地坐沙發,佢坐地下!!(點會有咁攪笑既規則嫁?)

其實,唔係我地2個"蝦"佢,而係佢既家規------佢既姐姐和媽媽坐沙發,父親和他都是慣例坐地下.....

哈!聽到呢度...我不禁發笑!haha

在他家裹,也許電視劇都要改名為"女人真易做"了!^^

在故事裹,透露出很多人生哲學與道理.

大澳水鄉之旅

今日係學校旅行日,f.3今日去左大澳旅行....超開心呀.

在屯門碼頭見到田家炳d學生都係去大澳......不過佢地好慘...都無自由活動既....得個呀sir講講講.......好似幾悶.

我地係大澳食完飯就自由活動一小時多,......周圍走走,看看...什麼都好奇一番,,,....

有趣事如下:

1.大澳個邊,住左勁多呀婆,周圍都係!!!d呀婆既主色分別為:老闆,家庭主婦,打雜,夥計,釣魚的呀婆,晒魚的呀婆,賣魚的呀婆.....

2.經過一個水鄉的地方,我和amy好大膽咁...走左落水邊的石塊上...睇魚仔....點知意外地給我們發現左一隻大巨蟹躲藏在石塊旁.........結果,我們當然沒有捉佢,但amy就拿相機勁影!!!好鬼可愛既大巨蟹呀!!好唔捨得走....

3.經過一對養了多頭貓兒的婆婆,公公的屋子時....,開頭我和amy都見到屋內有1隻肥大的黑老鼠...在沙發上走動....然後,我地就好驚奇地呆在婆婆,公公屋子的門前...看著看著...突然屋內第2隻肥大的黑老鼠又出現...又在沙發上走動....

但見門前多隻貓兒無動於衷,懶洋洋的訓教...

我地大聲尖叫..話比婆婆知..屋裹有老鼠....但她只是叫了貓兒一會,貓兒亳不理會,她便算了.

(我地懷疑,,,,婆婆,公公是養老鼠的!!!老鼠的身材好比貓兒強大.....超大隻~=.=)

4.見有幾個呀嬸呀叔在水鄉釣魚....我都心思思....想玩下學下....所以上前跟佢地聊左幾話.....

問個呀嬸可否給我地試釣魚....佢就好客氣咁...攞左幾支釣魚杆黎...比我同amy....好nice...

耐心地學學學......咁就學識釣魚啦... 幫呀嬸釣左4條魚呀!!多謝個呀嬸比機會我和amy幫佢釣.......真係好開心~~~真係好開心~~~~不過,當時係下午,好鬼晒....攪到我晒黑左.....

不過,算啦!為滿足學識釣魚既收穫....黑少少"亳比佢"lo!

5.一邊搭船,一邊見到中華白海豚,好可愛嫁....不過太遠..睇得有d唔清晰...不過都好滿足啦^^

享受親親大自然.....(d同學影唔到真海豚,因為太遠又太細..鏡頭影唔到....於是影海報既封面海豚......哈哈...佢地諗住扮晒野..當係自己影既作品...呵呵....絕招!!)

6.我地去到大澳食飯.....嘩...真係好味到唔想食!!

全桌人都唔食蝦......哈哈,好彩無食......

聽講有人扮食蝦...點知.....剛入口就難食到嘔.....呵呵...活該啦!!!

7.食左好多美味既當地美食......回味無窮^^

討厭事如下:

1.今日某人放肆的叫我做"八婆章"!個個衰人呀!!!!唉~~~好傷心呀!呢個咩世界黎嫁!我幾時8掛過佢呀?我都算容忍你啦!唔好激起我把火啊><

2.某人ab食飯個時,扮晒了解我咁....話我一定一定唔夠飽.......

...迫我要食3碗飯先得,仲要附送雞頭tim wo!!!就嘔啦.....我幾時唔夠飽呀!!!!(最後,我當然客氣地送番比佢地....討厭

3.某人用貼紙貼我呀......攪錯呀!!!!(最後,比我玩番轉頭,wahaha^0^)

4.........多的是,不詳了.

其實同佢地玩...真係會頑皮起來!所以,打醒十二分精神很重要!玩時玩,不要過火!!

今日,太好玩啦!happy!
玩到好似傻婆咁.....@@唔緊要....呢個旅行就係遇左玩...好正!

不過,最後還是要跟大澳水鄉之旅.....說再見了.....真的依依不捨.....

miss yan

今日中文堂,miss yan話比我地知...我地3E班幸運地抽中第一志願,唱<好想好想>!^^

似乎.....我地既好想好想經已踏進了第一步......下一步就係由我地去唱好佢!

當初,我都覺得抽中既機會唔大....因為3A和3C既第一志願都係<好想好想>,所以我只係當做堂上唱唱便算了...

故此,你地可以見到我於上一堂...唱得好投入,

因為當時既心態係-----既然不能在未來實現,就在此刻把握機會唱好給自己聽,當它是個夢~

結果係......今日...呢個夢...實現左@.@我真係意想不到......真係意想不到......

其實,,,,我地班既人唱歌好好聽,絕對唔差,只係D男仔當初怕羞唔唱....(扮野姐嗎=.=)

好開心...最後佢地肯唱,而且老師都讚好動聽(係咪真好聽??).....

我就覺得一般......因為d男仔無盡力唱!但..都有d男仔好盡力唱好!(呢d就值得欣賞啦!)

而女仔方面.....唔洗問,當然好啦^^

老師告訴我地...有樣特別既野....可以令呢支歌唱得好聽!

就係------想起你鍾意既人+比d感情唱=可以唱得好!

但係.....佢講完後,我反而覺得開始唱得唔好wo!因為想不起自己鍾意既人!@@

哈哈!講笑姐....無論係咩環境下,其實都唔會影響我對唱歌既個份心情既.....

無論我鍾意誰,討厭誰都好....都唔會唱得特別好聽,都唔會唱得特別難聽!

另外,今日既週會....有一個作家講座,請左"君比"來宣講....第一次見佢,好nice!^^

她所寫的書,有好多我都睇過.....睇完真係令人意猶未盡,值得推介!

其實,當放學後...見到d同學問佢拿簽名...我都好想呢@@眼定定咁望住她......

真的在腦裹閃過一個念頭...上前,勇敢告訴她:你既書全都很討人喜歡!^3^我好鍾意睇!!!

不過....念頭始終都是念頭,想想便算了.=.=

相信,我們有緣的話,一定會再相遇.^^這番說話,也許有一天會揚眉吐氣~

如果我努力讀書的話,說不定未來可以找她收我為徒.(發夢無咁早,kaka^0^)

另外,生物18.5/35分,剛合格......嗚嗚....生物下星期開始用英文授課...好驚呀!

用中文考都係剛合格,更何況係英文......唉~下次考試死硬都得啦!=.=

喂喂!睇唔起你呀!!!karen你點可以一d志氣都無!!!!!!????????

只要肯付出努力,什麼都可以有奇蹟,你相信嗎??????

親愛的上帝,感謝您給我煩惱的一天..........啊門

參加乘風航伙伴計劃,一起走上乘風的航行.....

今日,英文堂都仲味派ut卷.....好想知自己合唔合格呀~

另外......化學:56/90     通識:47.5/80    考得唔好...不過都尚算合格=0=

lurch後個d堂我都無上到....因為我參加左學校新一年乘風航既伙伴計劃...

今次已係我第3次去乘風航啦...滿是期待既心情...

今日去左屯門個間晨曦學校,初次結識我既伙伴,同時都同佢地既學生認識一下....都了解一下佢地智障既學生有d咩問題...同埋點樣同佢地溝通...學識共融..嗯,學多左好多野呀!

我既伙伴係男仔,佢叫顏俊馳,14year old,只會聽不會說,是中等自閉.

當初,我問佢叫咩名...佢就只係一直動作上指比我睇...佢個name貼紙.....

同時,我留意到佢....一見到我做咩動作,佢就會跟住做.我覺得怪怪的,都好奇.....

不過佢識得模仿都係好事^^所以我無介意呢.仲有呀....見到我笑,佢又笑個個樣,我真係覺得好可愛.......唔知係咪佢唔識講野既關係呢,佢呢d表面既開朗,令我地相處得愉快.

其中,"玩火車捐山洞"...最原始既遊戲,都可以好開心.

最重要係呢d最原始既遊戲,都可以把cbt和晨曦既同學融合起來,彼此有了最基本的交流....

嘻!我和曉君都好享受今次既活動呀!太好啦...^^

不過,andy既個個伙伴...我就驚左...因為當我地一開始做找伙伴既遊戲既時候,佢個伙伴見到我,

竟向我........嘩.....嚇死><不過,andy叫我唔好咁驚佢.....嗯,我都明白,因為我地要做佢地既朋友仔..

老師教左好多相處上既問題..我想慢慢了解佢地既問題後,一定會識得諗方法點樣做才好既~希望下星期二既難得既體驗,會令我學懂更多吧!

嘩,又跳水.....我都幾怯懦呢.始終自己唔識swimming.......

我個伙伴好似識swimming bo,勁勁!

期待下星期二既乘風航呢!

另外,朗頌方面.....確實18/11比賽.....嘩,...好快就係啦...比心珍惜機會!@w@

我們要相信每一個人,都有最好的地方值得我們欣賞和學習.

每日每夜每一天

願我們時刻都與神同在,用心感受每天的恩典,送給大家:

每日每夜每一天

讓這渺小的我在凝望，星閃天漆黑一片，想起每一天，有著有著𣶹的恩眷。
是這跌倒的我實凌亂，始終都不知道，真想能明白，卻是幼稚仍未磨練。

看看身邊似無助，此刻我；滿覺心裡是睏倦，難遇見。
見曙光可照前路，可驅走心中惆悵，我怕風雨沒法可計算。

靜處細省中我在尋問，這一天的功課，傾聽𣶹聲音，每事意義究竟如何？
就算頃刻充滿著疑惑，即使找不到解答，深信𣶹仍同在，以往幼稚無用懷念。

有𣶹加給我扶助，必經過，縱覺心裡像睏倦，仍未算，
以信心闖過前路，必衝開種種迷茫，
每段試煉𣶹已先挑選。

是這渺小的我漸明白，需一天天經歷𣶹。

堅信全來自，每日每夜每天恩典，
而𣶹是我立志的焦點，願每一天帶領我進取，
更新心意求變，或遙遠，
成長須不怕路遠。

不知天高地厚

今日個心好散~頭個幾堂,都好似遊魂咁....

直至,中文堂.....唱班級比賽歌.....<好想好想>,<情意2心堅>.....

希望我地可以唱<好想好想>,因為e班同學都好想好想唱呢!^^

不過....點解......好似得我一個唱咁既??你地做咩呀?呢個唔係個人演唱會wo,唔好只叫我唱......

令我好尷尬.....

佢地話我唱到玻璃窗都開裂開了~~~嘩~~~唔好嚇我啦!有無咁勁先?是問我沒有這本領!

另外,小息去2樓...領袖生當值.....

唉~2d個班男仔,不知天高地厚......經常玩野......呵呵,我當然不跟他們一般見識,照記名!!!!!!

今日個個姓馬既男同學,又比我記左2次名!e家就連倒轉讀他的名,我都可以做到~~可以想像他在我心中的受歡迎情度!!!!!!呵!我在那裹當值,他即本胡作非為吧!我可多多都關照呢!><

可笑的是.....lurch的時候,2d個班男仔見到我竟say hello~.~勁無奈,我當然不當一回事的走了.

似乎,我都成了他們最愛作弄的領袖生了!嘻!我才不怕!男仔ja ma,驚你呀???=0=

想"恐"我嗎?可不夠資格!!><

嗯,聽說上年看管他們的女領袖生,今年已做了他們的好朋友,..真令人羨慕呢!

不過羨慕還羨慕,我仍是公私分明的.我知道好朋友不是這樣做的!從來不想跟壞蛋做好友,自討苦食.

另外......招sir由今日開始係我地既師傅啦,我地會係向佢領教專題研習既徒兒!^^

呢個關係會持續到2月~~~@@good ar! (專題研習:日本動畫)

放學,去左合唱團,d女同學要同df.1既男同學合唱.....都幾辛苦...

不過,見到佢地f.1既男同學開始有些少進步....尚算安慰!

再另外,朗頌快要比賽啦.....我都仲味搵老師練習,今次點算............

嗯....唔會真係星期5比賽ar ma?我好怕呀...........

親愛的上帝,您不會給我走絕路的,對不對?我好擔心呀.....願您賜我平安的心.啊門