今日好興奮啊

因為今日我唔係返屋企訓

而係起教會到訓

起10:30時,我地就同以往一樣一齊唱詩

到左11:00時我就同一班青少年既人一齊上課

(我地教會有好多班,有幼兒班,姐係讀幼稚園個d小朋友;

有初小班,姐係小1至小3個d;

有高小班,姐係小4至小6個d;

有初中班,姐係中1至中2個d;

有高中班,姐係中3至中7個d;

最後仲有成年班,唔洗講就更係唔係讀以上d班既人啦)

今日就係小梅姨姨教我地

佢平時教我地都係好悶

但今次因為我地上下上下太興奮一陣既活動

所以講下講下就講左一陣會有咩活動

話咁快就12:00落堂

之後camp就開始

首先我地一班高中就同初中一齊食午餐(免費既,個camp包埋)

食完我地就要分幾班人

一班清潔現場(姐係我地食野個地方)

一班洗碗碟

一班搬枱搬櫈

而我就去左洗碗碟

個個做完自己要做既野就休息一陣

之後我地就開始玩game

但因為有d人有些少野做

所以我地就玩一些小活動等埋佢地

第一個小活動係幪住隻眼搵番高中或者初中既組員

另一個活動就係幪住隻眼分開高中或者初中

然後由月份大排先月份細排後

好采我地高中少人所以我地好快排完

玩完依兩個仲有一個遊戲

依個遊戲分兩組既

中間有塊幕

然後每組各派一個人企到幕前

當塊幕一拉低果時

就要叫出對方既名

玩完依個遊戲之後

有事既人都番曬黎啦

跟住開始我地真正既遊戲

第一個遊戲係幪住隻眼由教會行到地鐵站

(有d幪住隻眼,有d就唔幪,冇幪眼果d就帶幪左眼果d人行去地鐵站)

第二個遊戲係地鐵站到

然後分開高中同初中

之後將我地隻腳綁埋一齊

(由於我地高中有九人,所以我地九人十足,行去另一個地鐵站出口)

起初我地以為好容易

好快就追過初中

但係後來我地太過輕視初中

結果初中排左我地頭

到左終點仲要等我地十分鐘我地先到

到左之後

我地食左個蛋撻

跟住我地又玩第三個遊戲

第三個遊戲同第一個遊戲一樣

但係角色同地點都唔同左

地點係由葵興地鐵站去到葵涌廣場

好采頭先我係係第一個遊戲幪隻眼

因為今次依條路更長

更崎嶇

玩完依個遊戲之後

最後仲有個遊戲

就係搵人寫支持既句子

仲有簽名五個

玩完依個遊戲

跟住就去買餸

每組有四百蚊

用黎買今晚打邊爐既餸

同埋聽朝既早餐

但我地果組買左太多野

買到超曬額

好采初中有錢剩

比左我地用

變左我地唔洗貼錢

跟住我地番去教會到放低d野

然後我地d女仔就去林士德bath

bath完就食野啦

因為我地有好多野食

所以食唔晒

...

食完之後我又幫手洗碗

到左11:00左右我地就到bb室到聽導師講佢地既愛情故事

講到點幾我地訓啦

我地d女仔就訓bb室,男仔就訓負堂

當我地訓時d男仔好乞人憎

成日起到慒住晒

四點幾時仲敲門話morning call

.....

唉~正衰人

p.s.今日係木楨叔叔既生日