尋日Andy上咗東莞聯泰開會,佢之前問我收唔收到通知,但我真係收唔到嘛,佢傻架仲話好想我坐佢隔離一齊開會,
就唔駛搞到佢而家恰眼訓喎...但我今日先知原來公司叫咗高佬上去代我地去聯泰開會呀...shit!
好彩佢趕得切返黎同我食飯咋,佢仲叫埋d同事,阿欣去黃金海岸食晚飯,我放工先返屋企,佢之後楂車過黎接我,
我扎咗辮個樣勁細個,不過佢話好好睇好鐘意,其實我都好唔捨得d...駁髮呀!!!
本來山長水遠諗住入去食泰國菜,點知Andy見到有地中海菜,所以突然轉軑....
成餐飯食得好開心,佢班同事"din"架,真係好搞笑...Andy叫我過去佢間公司幫佢手,叫我返公司辭職,
但佢又比我拒絕多一次啦,sorry...我真係唔想囉,對住你我真係做唔到野,況且我係依間公司做得好開心,我真係唔想走呀...
食到11點,佢送我返屋企,仲係我屋企留下傾咗一陣,佢講咗好多野比我聽,我真係唔知信唔信佢好呀,個心好矛盾...唉...點算好呢???
今日遲咗起身返工,11點先返到公司,返到去勁多野做,兩點鐘去咗bank幫公司入票,之後順便整埋對鞋&晒相,
搞搞吓成3點幾先返到公司,途中佢打黎問我係邊,佢叫我不如唔好返工...過去佢公司陪佢做野,點解佢會咁架 ?
放咗工我上咗Jacky度,佢話要我返耀華街,而家我同個場d老細熟絡咗都幾好玩,其中一個老細阿星星期六生日,
佢地話個場會搞party,仲叫我收工留係度玩,我咁貪玩所以我已經應承咗o勒...哈哈!!!
|
