唉~又唔夠訓,原因..唉~掛住打機...><"要介喇....又變返雙眼皮,好辛苦呀.都唔知點解咁鬼死熱都仲未有聲氣話換季,真係想收買人命咩!!

      本來話今日上PE堂,但係攪攪下又冇左回事,又變返英文堂,低能ga...今日上3堂英文,1堂buss,1堂pa,ja係5個鐘都係見得兩個老師,唉~好悶呀...pa又開始難lu,因為教緊cash flow....好野終於都有得收返d$喇,410蚊呀 ...如果方婷又還埋100蚊比我就好喇,果陣又會變返正資產值,因為之前同個負資產失業漢好似冇咩分別咁,超可憐...

       放學之後係3人籃球比賽,我地班都有人玩(梗有啦),賽前都估到d分會咬得好緊,因為對手唔係少野,結果估中左26比25,只贏一分...之後果場勁串,26比0哈哈~笑鬼死,不過真係好悶...我又幫下手做計(咁大個仔都係第一次)原來都幾容易下,但係d人唔知點解可以計到亂晒龍咁,果d就叫勁喇...^^

       今日終於都的起心肝喇,夜晚作左一篇文《論學校容許學生攜帶手提電話回校的利弊》,本來想作多篇ga,不過都好夜lu...訓多d好過啦,唔好日日都攪到咁夜,唔係好快會死真係...訓lu~

      今日要做司事,但係唔知點解係同巧宜拍wo,好似上個禮拜睇都唔係咁ge,不過算啦 ,本來都有d唔好意思ga,因為我著牛仔褲,不過唔驚lu,因為佢都係,哈哈~崇拜都未完就要推鳳妹返去,之後返黎佢地都攪好晒d野,so都唔洗做野lu,哈哈thx各位,之後搵啟賢拎返份pe project,因為我叫左佢幫我print,之後就去新北江度釘裝,咁就5蚊,唉~攪到成份野ge成本要成9.5(釘裝$5,紙40張$18,受左10張,so$4.5)哈為左lee10分真係不識一切呀!!應該都好多人唔交(打聽過)哈~如果我又唔提人做的話可能仲多tim,不過算啦!

      今日下晝去行山(河背水塘),話左13:50係教會等,但係結果要14:50先可以出發(因為要等偉強開完會),果陣真係有d擔心會唔會太夜,但係都有神保守,最尾又冇落雨,又有好多風,好涼^^,不過行lee段路其實都幾悶ga講真(今日)可能都係天氣唔係好好啦,同埋仲未係時候,因為到到夏天ge時候,lee度係一個超靚ge地方,陽光照落水面,水位又會低d,可以睇到比水沉住ge地方,唸起lee個情景,都已經係小學時候一次童軍旅行喇,好懷念 ,lee段路好快就行完喇,臨走ge時候一齊去左個農莊度玩,所謂的山水豆漿,8蚊一杯 ,甚麼仙人掌汁(超難飲)20大元 偉強本身打算買一人一杯豆漿,我見咁貴,計過條數成112蚊=="我就唔要啦,同埋阿mike都係,但係阿mike又講左一句想試下仙人掌汁,點知偉強真係叫左++之後就我同阿mike兩份飲,猜贏左飲一啖=="阿mike贏左兩次 我一次之後係度玩d貓貓狗狗,超過癮!之後先落山,落度山又因為我地太多人,so分開左兩班車走,等車果陣唯有係度踢"演",落到元朗之後就行左過元朗廣場跟住走...

      兩日假期咁就過左喇,聽日又要返學=="

      起身之後整埋少少份project,終於都攪掂喇,小景最後都係幫唔到我,不過算啦,我都唔應該搵佢幫手ge,coz份野係我應該要做的,算啦,雖然個cover冇d美感,都唔緊要啦....

      今日合團(馬可,但以理,安得烈)都係玩玩玩,冇咩特別,最特別的係,d遊戲特別唔好玩,就係咁上下喇...之後去左北江睇野,之後去左阿達屋企,因岐哥話想試下個咩紅外線,試極都唔得,哈~岐哥終於都死心喇^^好野...

        唉~又係唔夠訓,隻左眼都唔知幾時先變得返單眼皮.......

       今日有成廿幾度呀,點頂呀....今日ge課堂都冇咩特別,um都有少少ge...今日講左 JA presentation ge人選,分別係榮(CEO一定要),suzy,梅姐,Teddy同Hons...放學之後去左團契,今日破天荒,全部都係男仔,係度讀ge係得3個,我同兩個form3,同埋嘉岐,森,達都返左黎,再加埋好耐都冇返黎ge美玲(陸劉美玲..教會的)同李sir&沈sir今日係黃始娘第一次係郭一葦hold團契,今日個題目係「怎young都美」內容係圍繞青春期,玩左d遊戲咁啦,5:30到完...之後過左青協...6:45走...

        睇怕今晚一定要ko份project喇,因為要拎去比人幫我print呀...今晚唔得聽朝都要死好佢....

       好眼訓呀....唉~好慘呀...單眼皮變左雙眼皮呀(唔夠訓)

       天氣開始熱喇,唔知幾時可以真正咁換季呢?好期待...PE堂踢"演"(強項),不過今日都幾大風下(just上堂果陣),so都唔係幾踢得到,&唔係平時踢開果種,有d生梳...仲比賽tim,結果竟然輸得好慘,唉~落堂之後留左係度跳繩,之後就走lu...

      今日好早就有得食飯,正,6:35pm,好耐都冇試過喇,仲唸住要去買野食tim,因為要去補習,好啦,食完飯做左一陣pe project,之後出門口去補習,超正,今日派左10幾課ge講義,最後果個week原來有咁ge著數^^,拎果陣真係嚇親!9:45先補完,哈又多補左時間,返到屋企又係繼續做project...又係做到好夜(對我黎講)...