今日同子才一齊負責週會《$的運用》,因為之前都冇咩時間去準備lee個週會ge關係,so攪到唔夠smooth,不過都好在有d遊戲補救下,我覺得玩遊戲時個氣氛真係幾好ga,大家都玩得幾開心咁,我地一人帶一個遊戲,我就帶左個「一蚊五毫加強版」lee個game係我沖涼ge時候唸出黎ge(係咪好勁呢),我之前問左bonnie有咩game同$有關,佢同我講左一蚊五毫,咁之後我就係度唸喇,之後就唸左個咁ge game出黎,係咁玩ge,形式同一蚊五毫都大致係一樣,只係唔再咁悶個個人都係咁貴,我個遊戲係身上有d咩都會令到自己值唔同ge價錢,好似有眼鏡就+5毫,長頭髮又+1毫咁,開頭唸果陣覺得幾得意,不過都係叫做可惜啦,今日都唔多人返黎,得12個人係度玩,so冇咩組合..之後子才果個game就係drame,比case,分兩組,每組分別扮演仔仔同爸爸媽媽,仔要設法去說服父母買野比佢,父母當然都要反抗啦!都講左唔少幾好笑ge野出黎,最深刻就係bonnie果個透氣水鞋,係水鞋上面"吉"洞,咁就可以透氣d喇...我本來係寫左將紙ga,不過唔記得左帶返去,攪到有好多野都冇講度,不過都好,仲有黃姑娘幫補下,個週會都尚算ok...今日開估左第2次天使行動,同埋開始第3次天使行動,今次抽兩個,點知兩個都...唉~唔知點講好...

       一日比一日累,全個禮拜最辛苦ge堂都係今日喇,兩堂m&s,兩堂buss,+堂UE,想死...琴日借左部計數機比bowie,攪到今日冇得用,一部計數機影響我4堂,因為今日buss要test,今日比人罰抄,因為我冇做到份section E ge練習,我都唔想唔做,只係唔夠時間,最尾寫得果幾行,so比佢罰,罰抄5次份答案><"一次都用一版寫(校薄)仲要係寫得好細隻下,依家抄左3次多d ja...buss test左兩堂,我寫足兩堂,用左3張A4紙(底面)做到手1都軟晒,放學果陣本來係present d野比林sir聽ge,不過因為意見不合洪sir同林sir又係度嘈喇,唉...咁林sir就走啦之後,我地又唔洗present lu,跟住就要去補UE,做listening,test完都已經暈暈地ga la,又要做listening...之後去左團契,去到都差唔多完lu...之後同阿森&岐哥去青協,罰抄果3次多d就係果時抄ga la,又做下功課咁,去到9:30先返屋企,可能係餓得太耐ge關係啦,食飯果陣個胃超痛, ....都唔知要痛到幾時tim ga...><"

       今日都仲係好累...buss堂又拎左黎傾JA presentation d野,又冇左一堂lu...PA又繼續cash flow statement 兩堂講左題數同教左少少書,咁就完喇...UE堂同冇上大致都係一樣,只係派左份section E ge練習叫我地做,最後中化堂就要present,依家教科學果課,都唔知講咩好,對d科學定都唔熟,識得果一個半個,仲要只係個名,同唔識都差無幾,文學之後,去左睇3人籃球,我地班去到最後兩強,之後輸左lu,因為對手真係勁ge,雖然係中三,但係其實都大過我=="仲係籃球隊ge,冇計啦,都唔係太合拍,算啦..玩下ja..之後過左青協...做下PA,教下數,傾下計咁...到到7:50走去補習,今日等左勁耐先有得入去><"補完習又成10點lu,唉~累鬼死...

今日都幾開心,因為琴日作果篇文有62分呀,真係好耐都冇試過喇...如果係跟返評分表黎睇,lee篇野ge分數有B great><"內容(26),修辭(19),書法/標點(6)有B,結構(14)有A,不過都應該係阿SIR比得手鬆ja...錯字依家都多,有6個,冇左3分,不過都可能係因為作長左所以多左掛,都作左1000字有多,我唸再減返少少字,一定會高分d ja...

今日再比琴日凍,最高氣溫都係得果18度,mean要帶校褸返學,所以今日都有好多人冇帶而比人記名,真可憐!

一凍就=會懶(我),除左PE堂玩得好開心之外,其餘ge時間都係發呆或者係訓覺,上PA堂兩堂都係係度計數,有半堂拎左黎講其他野,都好ge,等我唔洗係度訓.我一定要ko cash flow statement先得呀!!今日又比鄺燕儀串我,話我博攞獎(果陣做緊數)自己做得慢就話人做咁快係咪博攞獎,唉~成日都係咁,之後講講下佢就講起我升學ge野,講起我中文補考ge事,之後就問我係咪d想升大學ge人,其實我都唔係咁ge人,始終我ge性格都係隨偶而安,既來之,則安之!升唔升到都冇咩所謂,又問我係香港升唔到會唔會去外國讀,我唸我就一定唔會喇(依家覺得),之後佢又話我pa勁喇,講講下,好似講起上年,我話我上年好差,佢好似半信半疑咁...大約咁啦,唔講咁多喇!

UE堂都係做下listenng,超低分=="好似係01年past paper...可能係冇咩心機做掛...到差唔多放學,劉禮榮就唔知做咩無啦啦係咁講瞿慧珍,攪到我冇晒mood做野,好煩呀真係!!! 之後去左作文,作左幾段之後就冇mood再作落去喇,好啦,都係走!!返屋企見唔到佢會好d應該,不過屋企又好嘈,依家就係喇!!頂!!

       今日成日都好累...成日都係扖係度上堂...

琴晚作果篇文其實都嘍本唔知係咩黎(應該係rubbish),但係都竟然會有44.5分(E),都唔知係可憐我定係點,講d野又好廢(內容分都去到D great),又多錯字,哈修辭分係F,lee個就好合理,因為可以話冇用過修辭咁制!下次作篇勁野先...

中化堂test《吶喊》,真係喊,雖然係睇晒,但係同時因為太早睇晒,都唔係好記得d內容,d問題又勁頂癮,唔知最後成績會係點呢?

放後之後就同曾秋&e一齊去補習喇,但係因為時候未到,so行左陣街,之後去聽listening(97年b),part A超簡單(I think),聽完之後同曾秋去大快活食野,e就唔知去邊,好似話搵媽媽.食完就係度做下功課,7點幾又再去過補習,途中仲見到黃姑娘tim,補之前超眼訓,補果陣就覺得補左好耐,之後係車度唯有訓下啦...

返到屋企之後老豆同我講,名叔問我去唔去佢度做暑期工,即刻o左嘴,冇啦啦講d咁ge野,嚇左我一跳,都唔知點應佢好,好啦,遲d再搵佢傾啦!!之後老豆就比返150蚊我喇(之前交ge冷氣費,如果我唔問學校收據,我唸佢都唔會比返$我),yeah!!

今日又落返雨,又凍返d lu