一返到學校，好快又放學，放學落去學校門口接阿媽去拎成績表，等左大約35分鐘就上去搵Miss，我地去左207室，姐係果個好恐怖既房間，點知入到去，完全唔同，我以為Miss會話我個樣唔得，呢樣唔得，原來唔係，我讚左我好多野，我阿媽無鬧我，反而笑笑口，不過阿媽都有喊，不過絕對唔係我整喊佢，而係阿哥，佢講左好多阿哥既野比Miss聽，然後就走啦，返到屋企做功課，今日打到呢度為止。

            今日返遲左教會，因為要教阿媽用msn，唉~~教極都唔明...溫，我地就係間房入面，..然後就同阿媽一齊出門口，返到去已經唱緊歌。返完祟拜就去左城大到做功課，我地分開兩班人，一班女仔就係出面溫，我地男仔就係房入面。無幾耐，stephen就到左，佢開左部腦上網，東京出到去，居然唔見哂d人，都估到佢地約左杰佢地，今日恩4點就走左啦，佢話好眼訓，所以佢早d返屋企訓，佢夜晚仲要學急救。之後我同東京係到聽笑談廣東話，好好笑。stephen就約左佢d大學朋友食飯，我同東京7點45分就走啦，返到屋企，仲要教阿媽用電腦=.=" ，今日打到呢度為止。

         今日返教會祟拜，本來唔係我帶詩架.....東京今日唔得閒，所以我帶。我帶完詩之後，就到果個女仔帶，然後就到朱生。然後就由朱生帶遊戲，玩完之後，就查經啦。之後各自活動，我就同大kent去買蛋糕，因為係carman細佬生日，買完之後就繼續活動，等埋個女仔裁培完就得，之後就開始慶祝，慶祝完就去旺角行街，食野，返到屋企已經9點多，之後就食飯啦，今日打到呢度為止。