一號熱帶氣旋警告訊號現正懸掛, 唔知會唔會打到八號呢, 係就快d喎!

今天, 唯一要做的, 就係做番昨天門市入來(簡)的貨, 東一舊西一舊. 亞基和濤又要到新倉, 少了兩個人, 成朝在出面數數, 攪攪下又到lunch, 本來亞基返來時叫佢地買麥樂雞的, 點知佢話人多唔買喎, 唉.......買一送一唔係成日有嫁.

下午時, 有亞基和濤返來幫手, 咁先唔駛跟咁多野咋!

乜日記呢家野乜好易打咩, 有時間的話就可慢慢打, 但好似我咁, 得晚上小小時間來咋........

短短的一篇已用了好多時間啦!!

都好密下, 門市上個月先入來, 今天又來啦, 成隊兵咁衝入嚟!

入親嚟都無好架啦, 今次都唔例外, 究竟係唔係我要受呢d懲罰, 我唔想再看到佢地入嚟呀!

九點半開工, 做了d準備, 佢地十點到就入嚟啦, 今次唔見雪兒, 有一份失落感. 唔知點解喎.......

帶佢地係個倉度找野, d人看到新返d貨, 好似餓鬼咁, 係咁搶係咁搶, 都唔知有咩咁好搶囉.

中午時, 亞cat打嚟, 傾傾下都唔知劉太在我隔離睇野, 生死在於一線, 馬上走返出去, 哈哈, 好彩^^

下午亞基和濤和佢地去了新倉, d野又堆到亂晒, 心裡有一種打卡走的衝動.

好彩d野唔趕住走姐, 如果唔係又要加班了.

收工後想剪頭髮, 但師傅唔知去了那, 返家去吧!!!

今天一早就醒咗, 只係七點到, 仲早過平時起身, 呆呆的看住天花發呆, 直到亞爸亞媽行完晨運回來, 吃了d燒賣做早餐.

看世杯精華, 德國vs瑞典, 睇來德國今屆有d機會喎, 好呀!!!

十二點幾和家姐佢地去了深水埗間明將食壽司, $39.9任食, 喎!!!!任食, 食得幾多呀!!!最重要係d野唔得.

食完行了陣鴨記, 但太熱啦, 個太陽狠狠地曬住你, 點頂呀!

唉!!!攪到行街都無乜心機.

好忙好忙, 係度做野真係無時間休息, 由早做到晚, 亞頭唔體諒人, 唉!!!!

中山又落了58箱貨落嚟, d澳門袋未攪又有咁多野做, connie又唔識分配人手, 攪到有d人做d野又舒服.

心中已打定主意, 等年尾出完雙糧, 馬上找新工啦!!!

好幾日都無打日記, 其實都好平凡, 日日都是如事, 咁無理由日日都打同一樣的事咩, 鬼唔知日日都係刷牙洗臉返工.......

公司在夠人和唔夠人之間, 新人唔爭氣, 做幾日又比人炒.

唉, 人也懶了, 好熱.......

今早看了報紙的頭版, 說到一名男子在五十年前被親生父母賣給現在的養母, 從報紙可知以前的生活非常艱辛, 賣兒女可說是異常普遍. 該男子現在最想見他親生父母一面. 在父親節說一聲父親節快樂.

可幸自己生於現在, 不致比人賣來賣去.

回想起, 自己也不知幾耐無和自己的父親說上一句父親節快樂, 可能人大了, 呢d說話全部收埋晒, 樣樣野只係用上物質來解決, 好似過時過節和他們出街食, 好想再畫上一張卡送給他們.

今天早上, 部電腦又好似壞壞地, load得勁慢, 索性唔用啦, 玩了陣psp, 中午本來和屋企人去茶樓吃飯, 點知人多到.......

最後選址美心快餐, 哈哈, 都係一餐.

打電話比亞濤又唔聽人電話........

晚上來一餐豐富的晚餐, 再來一個父親節蛋糕.

仇集美女廚房好睇呀!!!

Connie今日請假, 要我揸鎖匙開門, 點解咁多人唔找, 要我揸鎖匙, 勁驚趺鎖匙.

比平時早了出門口, 驚人早過我返要係門口罰企, 一返到去, 都怪自己太緊張, 一個人都未到.......

比平時遲開工, 比平時早食飯, 比平時做少野, 比平時........

覺得自己懶了, 無乜動力.

哈哈, connie日日請假你話幾好.

成日都關上大門, 驚老闆無啦啦走入來, 驚新麗個乞人憎又入來.......

好彩最後都平安過去了九小時.

明天父親節啦!!!!!!

人丁單薄, 估唔到, 得番我,濤和亞祖三人, 本來有肥輝的, 但佢下午請假, 我都要請下假先, 哈哈.

今日好多人來見工呀, 唔知係唔係登了報紙呢? 但我找來找去都找不到, 算數.

今日做了好多野! 要獎勵自己, 叮包燒賣食先, 哈哈!

叫亞基send了便利和東方新地回來, 唔, 總算有d野睇, 明天唔駛咁悶.

打完卡收工, d人都唔等人的, 一個二個走晒. 早知唔幫佢地打卡啦.......

星期一呀星期一, 又到一星期的開始, 感覺十分難受. 今星期開始好多icq fd要考試, 晚上online無乜人......

今天好多野做, 上星期六來的中山貨一d都未攪, 唔唔, 心想今晚可能要加班啦, 但是晚上我唔得閒喎.

今天一家提早慶祝父親節. 哈哈, 但同家姐溝通有d誤會, 我地去了荃灣廣場的稻香, 而佢則去了荃灣城市廣場......

乜咁都得呀!!!

最後去了荃灣城市廣場啦, 無所謂啦, 最主要有得食, 但這裡無咩小菜叫, 可能近父親節, 推晒d套餐出來, 個侍應不停話佢地d燉湯好正, 湯駛乜出街飲呀, 我亞媽煲d湯仲正呀!

叫了幾味小菜+一個唔知咩兩食, 呢度d野都ok好味架, 埋單五百幾, 六個人都算ok啦!

食完行了一陣就回家啦!!

足球, 令人狂, 足球, 令人痴!

四年一屆的世界杯, 耐何無得睇, 可惡的有線, 只有你有得播.

無用的無線and亞視, 呢幾屆都攞唔到播影權, 我絕對唔會為了睇波而裝有線的, 做人要有骨氣.

昨天看完第一場波, 成二點了, 好耐都未試過咁夜訓, 今日又要返工, 好彩都無乜野, 如果唔係......

星期六, 成條街都是賣旗的學生, 唔唔, 五蚊做下善事啦,

咁大個人都係賣過一次旗, 幾好玩的呀, 知道自己個錢袋越來越重, ^^, 又知道香港真係好多善心人呀!

齊人的一天, 又見到亞基啦, 咁攪法, 真係一個禮拜見一次咋.

下午落街食飯又落雨, 早知叫外賣啦!

電訊數碼搬到我地樓上, 佢地人強馬壯, 唔夠佢地爭lift搭.

一個月的開始, 剛出糧特別開心.

亞華又唔做啦, 咁我地開始覺係connie本身的問題, 自從佢揸fit之後, 無一個新人做得耐.......

來來回回就係亞濤+肥輝+亞基+我=舊人......有咩都係我地做, 有咩做唔對又係我地d舊人問題. 心中極無奈......

老闆入來, 今次有下午茶, 哈哈, 食佢隻炸比發洩下, 等佢洗多d錢.

亞麗姐加了人工, 加到九十五元半日, 一百元都比唔夠, 老闆真孤寒.......

六合彩中了四個字, 開心, 哈哈......

收工去了禁錢比家用, 袋住四千銀, 個心好驚.

部電腦唔知仲乜, 成日都on line唔到, 攪到勁無奈.......

下雨天好煩, 成日要帶把傘周圍走, 有時大雨, 有時細雨, 避都避唔到.

出糧的日子, 肥輝買了山竹牛肉+燒賣回來請我食, 唔知開心定咩呢, 佢份人d錢鬼咁快用晒, 糧尾都唔知佢點算......

我用中銀的, 明天先過到數, 唉, 無所謂啦!!!

早上, 忙於執單, 哈哈, 都好快過, 其實無咩特別, ^^

希望明天好快可以上到網啦!!

早上行返公司途中, 忽然下起大雨, 好彩那時只差一條馬路就到公司樓下, 我不停跑呀跑, 跑呀跑, 終於.......

好累, 心跳加速, 年紀大機器壊, 唉.......老人家老了.

今日好多人等升降機. 等了成個幾字先上到公司, 成個禮拜無見的基基出現眼前, 咁係抽下水先啦!! 明天佢又唔係度了......

今日d單都執得好快下, 開始和亞強熟絡了, 但本人覺得他做野太急了, 唔唔.....點都好啦, 希望佢可以做得落去啦!!!

亞基話肥溫入了舒特拉的名單, 唉........唔知會唔會步亞湖的後塵呢? 有佢同肥溫係度, 個倉真係開心架!

唔知亞湖找到野做未呢??

下午小瑩子打來, 唔經唔覺, 過了n日啦, 估唔到n日咁快過的, 小瑩子唔好湯豬啦, 過去的就由他了, 無謂為了賤男令自己唔開心的呀!!!

我都覺你幾靚女的, 比心機找自己的最愛吧!!!!!!

早餐吃了一籠蝦餃, 一籠燒賣, 好味道, 大大粒.

得返四個人在公司做野, 早上老闆叫了maggie入來, 幫手睇d童裝衫, 好得意的呀, 咁就做了一個早上.

下午, 去了寶石lunch, 吃了一個美味的粟米龍利柳紅腸意粉, 個名好長下, 幫肥輝找埋數先.

下星期一應該有糧出呱, 希望啦........

明天六四, 過下過下又一年, 時間又咁過去啦!!!

百法百中都幾好睇, 哈哈.

好幾日都無見亞基了, 他長期要在荃灣作戰, 唔知幾時先返來.

今日都唔係多野做, 和亞濤玩了一陣視像, 好玩好攪笑, 最衰無帶免提. 如果唔係會仲好玩.

下午, yuki打電話來, 好耐無聽過佢把聲, 哈哈, 一路傾佢一路做功課.......

傾了一陣就收線啦, 唔知佢下次幾時打來呢??

洗完頭兩個鐘都未乾, 好辛苦.......

明天亞濤和肥溫又要去新倉啦, 又小兩個人了.

昨天, 又加了兩個鐘頭班, 攪到無得上網打日記, 比番張save卡亞強, 成人問人攞番, 未加完班約佢一齊食糖水, 順便比番張卡佢!!!

由於昨天門市入來, 攪到個倉好亂又多野執, 今天又要加把勁, 而且明天又放假呢!

看上門市一個女仔, 哈哈, 叫雪兒, 唔唔!!!

今天返到公司, 早上出九龍區, 好忙, 門市貨又唔對, 又要點過, 下午又要出香港區, 到晚上又走埋元朗, 亞鄧今日走了三車野喎!!!

維他送野飲來, 個個又唔比錢!!!又要飲人d野飲, 無奈........

大假仲有8.5日, 看來又是準備去旅行的時機啦!!!

七點幾被人嘈醒了, 難得星期日可以訓耐d........

今日d雨落得特別狠, 本想出街的心, 被大雨淋到無咩心情, 打消出街的念頭, 只好在家無無聊聊咁過.

早上的卡通, 家燕媽媽, 暴龍戰隊, 簡直係不知所謂.........點解現在無乜節目好看. 看埋套打雀英雄傳, 又是一爛片.

如是者呆了一個上午, 上網, 發呆又一個下午, 呀呀呀!!!!

好似返公仲好的, 為何會有咁的心態.

仲有二日就有得玩3g視像了, 期待期待!!!

上次澳門送來的三十六袋麻包袋終於攪好啦, 個倉終於空番好多位出來,

但有d野肥溫做錯左少少, 攪到connie又發炆.......好多野好難明的,

唔唔, 下星期一門市d人又入來啦, 怕怕呀!!!

昨天從電腦download巴士亞叔條片返公司睇, 點知個個都爭住要, 咁我就一定發送出去啦!!!

肥輝看完, 就不停同我講:你有壓力, 我有壓力.......學足亞叔口吻.

唉. 今天好熱, 下午時, 偷走去惠康買雪糕食, 涼快.

做做下野, connie無啦啦走嚟發神經, 話我地唔帶新人做野, 心中勁無奈, 明明你叫我做另外d野, 咁我點帶佢地做野呀, 而且以前都是咁做啦, 新人做緊d野係無鐠喎, 係你自己另外要求佢地咁做喎!!!! 事前又唔講清楚.

巴士亞叔條片好正, 已看了好多次啦.

呢幾日都無上來, 原因係太多人, 成日入唔到個網......自己又無咁好耐性等.

今晚終於ok啦!!

昨天, 暑期工明仔比人炒左, 原因係唔適合公司羅, 又係呢句, 做了四日咋, 但佢原來好高人工嫁, 成$5500一個月,

但佢自己唔爭氣啦, 做野無d進取, 仲話自己好勤力........大佬呀, 做野勤唔勤力唔係你自己講的, 係旁人用眼睇呀, 你當我地個個睇唔到野呀......

唉!!!!!

買了今期便利, 點知肥輝又買了, 無奈, 唔知有無得換第二本呢??

今日, 又有個新人強來啦, 唔知佢做唔做得長呢??

亞溫今早拿一袋錶返來, 是我地之前叫佢訂的女裝錶, 我買了八隻, 四十蚊隻, 哈哈, 咁又三百二十了, 兩隻亞媽, 兩隻大姐, 兩隻二姐, 兩隻留比自己的.

和肥輝一日攪晒昨天返的21箱什款衫, 估唔到一日攪好, 估唔到老闆無走入來.

輕輕鬆鬆又一日了, 回家時下毛毛細雨, 可惡, 討厭.

天陰陰, 下大雨, 又停下, 好憎咁樣的天氣.

今日亞濤請假, 請埋明天, 唉, 佢都唔想留低的了, 好似走了去試工, 唔知呢!!!

星期一的早上如常執單, 新人明仔好懶, 再係咁會向connie提議, 踢走佢, 係到都幫唔到手.

唔唔, 好累呀!!!

又要加班了，　加到八點半先走人, 好累呀!!!

今天忘了拿e-zone回公司看, 攪到lunch吃完飯無所事事.......

來了一個暑期工明仔, 住公司對面, 可惡呀, 邊有可能咁呀!!

個倉好耐未試過咁多人了, 唔知可以維持幾耐呢???

下午, 老劉又衝了入來, 入來時見到我和肥輝玩電話, 心中一嚇.......今次仲唔死.......

好彩無事, 哈哈........

個鍵盤壞壞地, 打了幾個字先打到上面d野, 明天再補啦!!!

yuki個日記網成日都入唔到，　佢又無on ｉｃｑ喎.......無奈!!

諗住打風不成必三日雨, 點知係勁好天, 藍天白雲, 是我最喜歡的天藍, 望上去好舒服, 哈哈.

今日紅十字會在對面大廈開了個臨時捐血站, 但開緊工, 走唔到去捐, 諗諗下都成四年無捐啦, 都係找日得閒去賣血先!!!

貨倉越來越多貨返, 上次澳門二十四袋只做了一半, 但其他新野又阻住晒, 做又做唔到, 心中一陣無奈.

好想快d到31號, 到時可以玩3g通話啦, 哈哈, 唔知好唔好玩呢!!!

珍珠迫近, 希望八號風球快d來啦.

新人做野好慢, 希望佢日後有改善啦! 如果唔係又會比人踢走啦.

成日都無咩特別.......

算啦, 唔寫了.......

近排, 唔多好訓得, 好易醒, 攪到成日都好眼訓.

回到公司, 見到一個新同事, 好似叫亞華?? 亞湖個位咁快比人填補了, 亞基請了兩人假, 好似話大陸有d事咁上下.

早上, 我教新人執門市單, 佢都幾好傾下, 就咁樣, 我和他攪了成個早上, 哈哈, 成朝都無做過野^^

亞基無返, 無報紙睇.......無奈!

珍珠接近香港, 成倉人熱切期待八號風球的來臨.

新電話仲未識用, 可悲!!!

星期六, 行返公司時, 好多人賣旗呀, 咁我一定會買羅, 哈哈.

早上, 亞湖打電話回公司請假, 但換來的下場是.......被人炒.

小了一個同事, 佢都好勤力的呀, 但是他得罪亞頭, 唉!!! 社會就是咁殘酷了.

又無啦啦話出車派貨, 又趕頭趕命了, 樣樣都話急, 都唔知亞頭和老板有咩問題. 人又要炒, 又唔夠人手用.

下午臨收工前, 老闆又無啦啦走入來, 攪錯呀, 早d又唔入, 人地唔駛收工呀,

收工後, 和亞濤去了csl上台出機, 出了6280, 哈哈, 又做了敗家仔了, 都唔知買咁多電話做咩呀!!!

部機仲未想比屋企人知住, 哈哈, 驚比人鬧!!!

開冷氣開冷氣!!!

天氣越來越熱, 唔知遲d點過, 坐係度都成身汗......

上午和亞強和度仔打波, 重新接觸返籃球呢樣野, 感覺有d怪.......

打了一陣, 落了荃灣打轉......

天氣太熱了, 都唔想行啦.

又係公眾假的一天, 以往, 諗住放勞工假無所謂的, 但近期開始覺得人人有假放得自己返工, 好咩下.

成日做野無離心機, d野拖慢晒來做, 唔係咩呀, 鬼叫無假放呀!!!

唉, 四點幾, 老闆娘話明天要派貨, 攪到其他門市fax晒d單來, 做都做唔切,, 最後都要夠鐘收工啦, 鬼叫今天無假放呀......

晚上吃完飯上下網. 亞強約了我和李狗落街食糖水, 間鋪頭成日開到d冷氣鬼咁大. 食完坐都唔坐就走人了.

和佢地行去新開的球場看一看, 估唔到咁都會見到一班闊別多年的舊同學係道打波, 佢地都有好多年無見啦, 有d都忘了佢地叫咩名tim......

打完波, 在球場坐了一陣, 傾下計. 好開心.

一句話, 朋友可以令你快樂, 哈哈, 留低晒電話, 日後再見, 成十一點幾了, 快d回家啦......

today, 有好多野要走, 首先澳門退貨二十袋, 跟住門市貨要走,

其實今日都無咩特別, 唔唔

所以就此收筆......

嘩嘩, 好累的天, 打日記時, 出面又狂風大雨了.

看電視, 四處都有暴力示威, 感到香港人真係好和平呀!!!

屋企附近爆水管, 攪到d巴士站全部改晒, 好彩我唔駛搭車姐, 原果唔係都唔知去那兒搭車!!!

今早街上, 多了好多人, 好似四圍找車搭的樣子, 唔知佢地有無遲到呢??

早上, 都係執單啦, 昨天放假, 攪到兩日d單谷埋一日執, 勁多呀!!!

對於公司裡的一切, 越來越感到失望, 人和事......

由最初大家好似一家人, 到現在好似陌路人, 視而不見. 灰了.

又到五月了, 會考月, 哈哈, 死了好多人的月份, 包括我, 仲死了兩次.

在我熟識的人中, 有eva今年是應屆會考生, eva加油呀!!!比心機捱埋佢呀!!!

近期喜歡了一首歌, 再見天藍, 哈哈, 好好聽的呀!

日記幾好呀, 有時講唔到出口的, 可以在此打出來.