| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2005 年 8 月 24 日 星期三  |
終於病到了  |
分類: 未分類 |
今天起身之時, 已覺得身體有d毛病, 估唔到我又喉嚨痛了, 我一喉嚨痛就有排病啦......
今日老闆又入來啦, 他今日心情勁好, 比錢我地食飯, 又叫下午茶, 但今天食咩都沒有胃口.......食咩都無味, ......
放工時, 好累呀!! 只好乘車回家了......
回到家, 亞媽叫我去睇醫生, 我咁辛苦先返到家, 又要落去.......終於沒有去睇, 食返d藥, 看下今晚點先啦!!!
|
2005 年 8 月 23 日 星期二  |
......  |
分類: 未分類 |
今日和亞基攪埋D分貨, 諗住做完可以收工, 但是又要攪其他野,
 比人休息下得唔得呀!!!
今日又拿了幾件外套啦, 遲D又有新衫穿
 |
| 2005 年 8 月 22 日 星期一 |
買電腦GAME  |
分類: 未分類 |
晴朗的天氣開始返來啦, 終於唔駛帶傘出街, 哈哈!!!
今日和亞基一齊分貸, 成日都咪執過單, 有好有唔好的, 放工後去了青衣城送份禮物給EVA, 我們去了麥記食野, 行一陣就回家. 跟住去葵芳買了三隻電腦GAME回家玩..
|
| 2005 年 8 月 21 日 星期日 |
| 今日去了青衣城 |
分類: 未分類 |
今天去了青衣城行， 午餐去了別府食拉麵, 好味道, 去過咁多間拉麵鋪, 它的都算最好味
 , 唔知幾時再去過呢??
今天買了一張1gb的記憶卡, 好貴呀$530
 |
| 2005 年 8 月 20 日 星期六 |
唔寫主題得唔得  |
分類: 未分類 |
終於又過了一星期, 有時我真想知道, 點解時間過得咁快.
又係下大雨的日子, 真是無耐, 回到公司又是一隻落湯雞了, 真是可憐......
又是平凡的一日啦啦隊!!都沒有野寫了, 最後祝helen手指快d好番啦, 而家仲痛唔痛呀
 |
| 2005 年 8 月 19 日 星期五 |
好大雨呀  |
分類: 未分類 |
都唔知仲要落多過多日雨??
今日看到報紙, 說麥當奴是一間人工最低的公司之首, $15一個鐘, 唔係呀!!做一日十個鐘先得$150, 佢地d餐買到鬼死咁貴, 人工就咁小, 咪賺到笑,
今天又是忙碌的日子, 只是唔想日日寫下相同的事, 下午時亞湖, 拿野過新倉, 順便幫手做野, 但是他到後, 亞濤又叫佢返過來, 說他們已做得七七八八, 咁說真一句, 叫他過去幫你地, 咁都唔駛叫人返轉頭呀, 可能他們關係唔好啦!!亞湖返來時, 亞基叫他買了豆腐花回來, 哈哈!!!好好味呀, 又有野食......
亞媽今天包的雲吞好好味呀, 又是食的
 今天食了好多野呀!!! |
| 2005 年 8 月 18 日 星期四 |
| ...... |
分類: 未分類 |
毛毛細雨, 真是可惡, 開傘又唔係, 唔開又濕身, 天呀, 一係一次過落晒佢啦......
收工時又下毛毛細雨, 只好任佢淋了, 費事拿傘.
有時, 我想知道, 點解時間會過得咁快, 回想起從前就好像是前幾天發生的事, 我想回到從前, 可惜時間唔比人停下, 世界上究竟是人操縱時間, 定係時間操控人. 在這間公司做了差不多兩年, 由一個新人變成一個舊人, 責任也大了, 記得以前有人說過, 寧可做細, 不要做大......
老闆以為d野好容易做, 但是他總不知過程的難處, 把口說出的, 往往是輕鬆, 拿上手做總是苦...... |
| 2005 年 8 月 17 日 星期三 |
| 老闆入來呀 |
分類: 未分類 |
今天早上, 肥輝拿部新電話回來, 激死人啦
 !!! k750i呀, 我都想買, 但是, 我要忍, 忍到年尾才出機
上午, 又得番我和祖祖在公司, 又攪分貨, 煩死人啦!!!
下午時, 亞基回來幫手, 咁先好做d咋!!!
大約四點到, 老闆終於入來啦, 好在他入來都有下午茶飲
, 吃了咖哩角+薯條, 好味道
收工時, 屋企打來要買粟米蓉, 話個特價, 點知原來是粟米粒, 於是沒有買到......
eva, 我記得買花紙啦
|
| 2005 年 8 月 16 日 星期二 |
| 唔寫主題得唔得 |
分類: 未分類 |
^^, 今天早上忽然下雨, 好黑, 出門時都好好天的. 返到公司為有換鞋啦
朝早執完貨, 拿拿臨出車啦, 都唔同人講今朝出車, 做死人咩
下午和亞祖攪d澳門貨, 五點幾分晒款, 跟住就等收工啦!!
|
2005 年 8 月 15 日 星期一  |
| 可能轉工 |
分類: 未分類 |
今天, 臨收工時, 亞耀, 回來找我, 話他那兒可能請人, 這件事令我心情好反覆, 究竟我去那兒好, 其實都是五十五十, 我也唔想和一班同事分開
, 但我又想轉工作環境......
我想點呀, 其實我自己都唔知, 點解做人要選擇咁多樣野...... |
| 2005 年 8 月 14 日 星期日 |
| 流動影院 |
分類: 未分類 |
天文台又話會落雨, 有雷暴, 點知.....真是對天文台失去信心啦
看完電視, 見天朗氣清, 於是就出發去旺角啦, 約埋家姐和我的外甥到達新世紀廣場, 去到百人一朱吃了一個美味的午餐, 好味呀!!!
而且新世紀廣場那兒又有一個小型數碼展, 我看中一部數碼相機, 勁想買呀!!!
行完新世紀後, 就去柏裕換信用卡禮品了, 我等了好耐的流動影院, 終於落到我手了, 明天有新機用啦!!!
跟住去了食鱆魚小丸子, 都幾好味, 而且又唔駛我比錢, 行多陣就回家!!! |
| 2005 年 8 月 13 日 星期六 |
今日碟飯好好味呀  |
分類: 未分類 |
今天早上, 忙於分貨出門市, 好彩都在10:30攪好, 唔駛運輸等, 本來約好運輸10:30來, 但是他們遲了成個鐘才來, 早知唔駛咁趕啦, 做到成身汗tim
之後就做大麻包袋啦, 其實我都沒有幫手做的, 我入了去執下個倉, 我係咪好懶呢!!!
但是只有我一個人執倉, 都幾辛苦下, d野亂咁擺, 早知去幫他們手啦!!!
中午吃飯時, 叫了碟叉燒鰻魚粒炒飯, 勁好咪呀, 等我下次都幫襯下先......
接住, 和肥輝去了惠康掃貨, 買了百幾元野, 有四個印花
, 我就快可以換到狗仔啦!!!!忽然eva打電話來話屋企電腦壞了, 好慘呀, 沒有得玩icq了
下午又做番朝早咪做完的事, 做完後, 他們一伙人又要到新倉繼續啦, 辛苦晒成!!!
最後剩下我, 亞祖和connie到收工......... |
| 2005 年 8 月 12 日 星期五 |
| 仲乜咁架 |
分類: 未分類 |
今朝早, 去了萬寧買了百幾元野, 又多兩個印花
, 距離目標好近
今天開始, 攪老闆要我們做的麻包袋, 勁難做呀, 用箱裝好好地, 攪咩麻包袋呀!!!
下午又剩下三人做野, ......
臨收工時, 大陸中山貨返來, connie無啦啦打電話比老闆, 話d箱穿晒, 咁就大件事啦, 老闆話要全部點過晒d數先比走, 乜咁大整蠱, 收工啦, 無得走.....係都明天啦!!!!!
但是亞濤一句叫我和亞祖走先, 攪到我們也留下來數數, 我係唔會自己一個人走的
最後我們用多了半小時攪好d野, 好累呀!!!
早知打電話call肥輝佢地回來幫手啦!!! |
| 2005 年 8 月 11 日 星期四 |
| 又來澳門貨 |
分類: 未分類 |
今天好彩無咩單執, 但是可怕的事發生了.......老闆在澳門買了四大袋麻包袋回來, 要我地攪, 有排分呀!!!
跟住下午五點到, 老闆又fax了一張野來, 要入番d貨退回澳門......
你地究竟玩完未呀!!!
唔寫啦, 今天好累 |
| 2005 年 8 月 10 日 星期三 |
| 申請信用卡 |
分類: 未分類 |
今天早上忽然下大雨, 沒有準備的的比這一場大雨攪到一身濕
, 可惡呀
中午時, 又剩下我, 祖和亞濤做野, 本來分好晒d貨明天出的, 點知老闆娘一句: 我地鋪頭好多位呀, 以後d新貨沒有我批准唔比出......
聽完這句話, 勁無奈, 你地兩公婆玩晒啦, 一個要拿拿聲出晒d貨, 一個又唔比出......個個要服侍你地咩
臨收工時, 亞耀回來和我們傾了幾句, 都好開心呀!!
之後和濤濤落荃灣交信用卡申請表, 現場遞表仲有二十元百佳現金卷送, 哈哈, 我好貪心呀!!
之後吃了碗麵就回家 |
| 2005 年 8 月 9 日 星期二 |
| 後加的日記 |
分類: 未分類 |
今日網絡商要整野, 攪到上唔到網,
早上諗住去圖書館還鍱, 但是唔記得拿呀,
但是到了星期三欲唔記得星期二的事......記得的話加番上去!!!!! |
| 2005 年 8 月 8 日 星期一 |
唔寫主題得唔得  |
分類: 未分類 |
好慘呀, 其實今天都唔想寫的, 因為都是d平常事, 又係執下單, 吞下po......
今天看了game書, 越來越想買psp啦啦隊!! 要加油儲錢, 向住目標前進!!!
公司現在有兩個亞輝呀, 以後唔知點叫好呢
|
| 2005 年 8 月 7 日 星期日 |
食pizze  |
分類: 未分類 |
星期日的早上, 例牌唔知醒, 睡到九點幾才起身, 可下卡通片咁就半日啦, 估唔到星期日可以咁無聊......
 午餐時煮了出前一丁食, 跟住上網.
到五點幾, 一家人出去葵芳pizza hut食晚餐, 回想起來, 一家人一起吃飯越來越少, 唔係你加班就出街, 或者我唔得閒, 所以要珍惜現在呀!!!
我們叫了一個套餐加兩個小食, 新的鰻魚pizza都幾好味的
, 吃完去了百佳行一陣就回家啦!
晚上時, 想燒dvd鍱, 但居然唔識燒呀!!係咪難過燒vcd的, 燒來燒去都唔得, 可惡呀
ps.仲有好多卡通片咪看, 加油呀 |
| 2005 年 8 月 6 日 星期六 |
加人工, 好開心  |
分類: 未分類 |
星期六的今天, 我又要去荃灣啦, 攪埋昨天未整好的睡袍, 數埋個數比老闆.
早上乘小巴去到荃灣, 跟住去了打簿, 發現了一件好開心的事, 我加了人工呀
, 三百大元. 其實個倉人人也有得加, 但我加得最小
, 但想想下, 有人工加都是一件好事, 好多人都無得加啦,
中午時去了一間餐廳吃了鍱咸魚雞粒炒飯, 好味道,
做到三點到, 返回達利, 攪下d野又收工啦, 今日過得真快
收工時想去買d野返屋企加餸, 點知有好多人排隊買呀, 以我的性格咁係走啦, 為有下次買過...... |
| 2005 年 8 月 5 日 星期五 |
| 今日去了新倉 |
分類: 未分類 |
今天星期五, 早上去了萬寧買了兩盒蜂皇密比媽媽, 順便儲印花.
回到公司一樣照開工, 開工, 到了中午我們一行人就到新倉開工, 我都好耐未過去了, 點知一去到, d野亂到四圍放, 亞基呀!你點攪的,
放工時, 和亞輝, 濤濤去了力生行下, 最後買了d卡通片就走啦, 亞濤仲請食麵tim, 加了人工真係唔同d
公司個個都有人工加, 唔知我有無呢, 明天就知啦!! |
| 2005 年 8 月 4 日 星期四 |
| 恐怖星期四 |
分類: 未分類 |
今天又係最多單執的日子, 一早攪分貨, 有沒有搞錯呀, 死人經理, d野上個月退返來, 今個月又要分, 你元野都唔好咁呀!!!!好怒呀
中午時, 肥輝去看出糧未, 點知......可惡呀, 老闆你越來越遲啦......
臨收工, 新灣又fax了張單來, 又是我執了.......好可憐呀
放工買了本e-zone看......
今天在icq又識了個新朋友, 是唐詩呀!!! |
| 2005 年 8 月 3 日 星期三 |
| 乜個倉好似咁小人 |
分類: 未分類 |
今天, 拿了幾隻兒歌回公司聽, 估唔到可以令人回想返細個追看卡通的情境, 回憶返真係好開心.
唉!!!好想做返小朋友......
公司外牆今日終於完工, connie好忙咁清理現場, 哈哈,辛苦晒啦.
荃灣倉成日都勁多野做, 攪到我地成日要分開做野, 四圍咁走, 老闆你好羅喎, 幾時羅返對面呀.
一個三萬幾尺的倉剩下四個人, 慘慘慘......
晚上行過麥當奴, 想買d野返屋企食, 但想到佢加價就......下次先啦
終日忙於想買咩禮物比eva好
 |
| 2005 年 8 月 2 日 星期二 |
| lingling |
分類: 未分類 |
今天, 一早起身, 唔知點解想睡也睡不到, 於是就起身打機, 玩到八點半, 換衫返工.
今天星期二, 要出貨去門市, 兄弟快手d呀
中午時吃了咖哩雞飯, 正呀
午飯後只剩下我, 濤和祖在工司, 我們也輕輕鬆鬆做到放工,
臨放工時, 亞ling打電話來又傾了大半個鐘電話, 收線時叫我晚上打比佢, 但是......我又沒有打啦
看見自己電話d分鐘係咁爆係咁爆, 個心都好肉痛, 一蚊一分鐘呀!!!!!!!!!! |
| 2005 年 8 月 1 日 星期一 |
今日好忙  |
分類: 未分類 |
又到一星期之頭, 星期一了, 又是辛苦的一天, 真係日日做到無停手,好彩今天又有新同事啦, 做做下, 估唔到自己已升上師兄行列, 回想剛入來之時, 只是一倨新人.....
中午時, 落街食飯.........
下午時又不停執單, 門市真係好生意啦, 年尾記住出份花紅比我呀, 好辛苦才到收工
,
|
| 2005 年 7 月 31 日 星期日 |
| eva 對唔住吵 |
分類: 未分類 |
今天悶在家, 整天沒有出街, 上午玩電腦, 下午玩ps2.
到晚上才上番網, 今天我整到eva好嬲, 呀!!!eva sorry呀......
今天看追擊八月十五, 好攪笑呀, 鄭中基...... |
| 2005 年 7 月 30 日 星期六 |
| 今日好悶 |
分類: 未分類 |
唔知點解, 今日過得特別悶, 又沒有人陪去漫畫節......
就此收筆啦 |
| 2005 年 7 月 29 日 星期五 |
| 今日又寫日記啦 |
分類: 未分類 |
估唔到自己咁勤力, 連續兩天都在打字
.
今日六合彩有六千萬呀, 有沒有買呀....
今天又有新同事啦, 他叫亞湖, 唔知又做到幾耐呢, 因為呢期請d人無個生性
, 幫唔到手, 又偷野
唉!!!自從亞耀走後, 公司越來越多野做, 他真係好重要的.
今日有批衫去到老闆娘那兒, 點知大件事啦, d衫有問題, 她...... 我們只好重新q過d衫啦, 直到收工. |
| 2005 年 7 月 28 日 星期四 |
| 唔寫日記?? |
分類: 未分類 |
終於開始寫上第一篇日記, 朋友們. 我可能只寫一篇咋
今日, 一早開工, 星期四不嬲都好多單要執, 但估唔到收工都咪做晒D野, 攪到明天又要有排忙......
食完午飯後, 亞祖忽然和我說新來的亞祥偷衫, 唔係呀.咁大膽, 老友你來開工只有五日, 比你繼續做落去, 個倉咪比你搬番屋企, 因此CONNIE馬上報出 OFFICE, 祥仔咁就和我地say goodbye了.
這個故事向大家說, 新來的唔好咁離譜, 以後有新同事要打醒十二分精神盯住佢
今日說到這裡, 明天有心情再寫啦 |
« | 1 | 2 | 3 | 4 | 5 | 6 |
|
