我又七點幾醒了啦, 點解放假反而早醒的??又唔想返訓, 無奈......

成朝都唔知做咩好, 行又唔係, 坐又唔係......仲辛苦過返工.

下午, 落了美心食飯, 一個$29的飯, 係唔抵食羅......唉, 算數, 又唔係成日食.

估唔到, 都幾多人識我喎, 但我唔識佢地羅, 唔知點解??

搭搭下升降機都會比人叫......唉, 點頭回應, 心想.......(他是誰)

上返屋企打機時, 強仔無啦啦打來話食下午茶....剛食完飯的我又要挑戰極限, 來多個tea了.

鬼叫我唔想推佢咩, 都識了咁耐.

食完tea, 上了佢屋企坐陣, 個房就......唔好講啦, 哈哈, 用藍芽過了好多野比佢, 我又羅了佢好多野......

坐下坐下, 又坐了兩粒鐘......哈哈, 時間真係幾快過呀.

亞爸亞媽行遠足, 曬到成身紅卜卜返來, 哈哈.

BBQ, 都好一陣子未燒過啦, 而且是和屋企人tim.

八點幾起行, 唔知早唔早呢, 但唔係咁早, 遲d又會熱喎, 行上城門水塘都成九點幾啦!!!

好耐未試過行山了, 估唔到自己仲有氣有力, 哈哈哈.

坐了陣, 見到一批批人來唔知做咩, 聽到收音機才知是地球之友的植樹日.

今日的食物有雞全翼, 雞中翼, 叉燒, 牛丸, 芝士腸, 燒賣, 蝦, 魚........好多好多. 所以拿上來好辛苦.

一路燒, 一路看住件食物由生變熟, 個感覺好特別, 唔知係未平時無煮過野食, 自己整出來的食物燒到幾黑幾唔好看, 都會覺得好食, 咁特別咁係燒番d比媽媽食啦, 平日無佢, 邊有今日的我呀^^

d人就越來越多啦, 十一點幾個場終於full晒, 所以話, 早來有好處, 起碼可以霸到靚位, 唔晒比太陽曬啦.

原來燒野食好禁用的, 一燒就燒到成二點, 成五個鐘, 哈哈, 成個人累晒.

行路落番山, 經過亞波羅, 買雪糕食, 我請客, hehe. 跟住返家了.

咁就一日了, 好在明天放假, 如果唔係......

晚上看了旅遊節目, 介紹張家界, 又想去了. 決心儲錢儲錢再儲錢.

家姐借了部w800i比我用, 好橙......用唔慣.

對於食, 我雖然唔係好講究, 但都唔好比d垃圾我食呀!!!!

早上, 行過一間茶樓門口, 忽然想食蝦餃+燒賣, 但是, 居然買晒喎, 九點鐘咋喎, 無點心買, 有無搞錯呀.......

買了碗雲吞河回公司食, ......叫了雲吞河被了碗雲吞麵我, d麵焗一焗已經林晒, 唔夠爽, d麵變得唔好食了, 決定以後唔幫親了, 居然咁對我.

亞maggie姐做埋今日唔做, 唔知點解, 我地公司d人流失得好快.

中午, 去了一間一星期幫親一次的餐廳食野, 叫了個好難食+唔抵食的焗意粉, 唔知今日撞了咩鬼, 食親咩都係咁......

下午時, 亞祖找唔到15547的衫, 幾經波折, 最後找到了, 原來已經清了.

但找的過程中, 就看到人逃避現實的心態, 本來話d貨十一月做貨清了的, 我地亞頭connie姐, 一開口就話唔關佢事, 話自己之前放大假, 唔知咩事.....

但佢好似十二月放大假的, 都唔知佢講咩 .心諗, 放大假大晒呀!!!

之後, 發現是前任亞頭扣漏數, 亞connie姐又賴落前亞頭道, 心又諗, 你之前不嬲跟開前亞頭扣數的, 扣漏了不是你問題嗎???

做錯野人人都會發生, 我地又唔會怪人的, 推來做咩姐姐!!

以前connie唔係咁的......

算啦! 都收工啦, 咩都唔理啦, 關我咩事呀!

回到家, 休息一下啦.

今日亞基請假, 令到本來冷清的貨倉更加冷清.

我和肥輝分澳門袋, 其實分澳門袋都幾好玩呀, 又可以睇下d衫, 但今次返的真係弱左d喎!!!

分分下, 老闆又閃了入來, 佢有無攪錯呀, 早唔入來, 遲唔入來, 等到差唔多收工先死入離, 為了招呼佢, 我和肥輝就遲了收工啦......世界就是這樣不公平, 其他人走晒, 剩低我倆, 好似比人遺棄咁.

早上, 和亞濤講好晚上去葵芳的, 點知佢夠鐘收工馬上閃了, 可惡呀, 打電話比佢又唔聽, 都唔理人感受的, 枉我平日對佢不薄......

最後, 為有自己去啦! 最主要都係買winning eleven 10的, 一去到咁係第一時間買了隻game先啦!!! 原來一個人行街係好寂寞的, 看到d野無人和你分享, 比意見, 說笑......

看到好多野想買, 心想好似買來無用, 個心係到鬥爭, 最後忍了手.

在無人陪的情況下, 本來出街食的心變得灰晒, 唔想一個人食野, 行了一陣, 乘車回家了......

無趣的一天.......

哈哈, 記得昨天都寫過, 一出門口個天馬上停雨, 今天都係一樣喎, 個人馬上開心晒......

成日都無咩特別, 只係執單執單, 再執單......間唔中打下架, 飛下紙皮等等

下午三點幾, 老闆走了入來, 要看下d澳門袋, 點知原來有好多野都唔係佢想要的呀!!!

攪到我地又要搬上板退走, 又要辛苦啦! 搬來搬去......

今次老闆入來唔知係咪心情好好呢, 有荼飲羅, 好開心呀!!!

收工時, 亞基又來找我, 要我救救小基基......

借了千四比佢......

晚上, 和舊同學去了食D唔好食的糖水.......吹脹!

請假的一天, 唔知點解會咁早起身, 和平時一樣未夠八點彈起了. 未出門時落到鬼咁大雨, 心諗唔通個天玩我???今日咁多野做, 你落大雨......

唔知點解, 可能係一種好運啦, 當我出門口落到樓下時, d雨停晒喎, 咁神奇的呀?

約了十點見工, 好準時咁上到去, 大同司果然唔同, 哈哈, 都希望入去試下返工的滋味啦, in緊果陣, 對住兩個姐姐仔, 成個人唔知講咩好.....唔知會唔會扣分呢??

見了成八個字先走人, 十一點都未有, 商場又未開, 又唔想返屋企住, 又約了十二點九換身分證......時間好多.

在葵芳食下野先啦, 吃了碗五香牛肉水餃麵, 麵唔錯的選擇!!!

吃完就乘地鐵去大窩口換身分證了, 又係咁, 坐車時又落下雨, 等我出車站時又停過......咁我以後係未唔駛帶雨傘??

早了去到登記......打指紋.....見主任......前後用了四個宇到, 唔知係未我手指極之乾燥, 打指紋打了幾點先得, 到最後連驗番個指紋都差點驗唔到, 攪到極之無耐, 好在個主任哥哥夠耐性咋.

心諗, 我遲d未用唔到e道......

攪晒今日要攪的野, 先係十二點四, 哈哈, 早知請半日假啦.

跟住一個人在荃灣四圍行, 做下d犯法野, ^^完美的一日咁就過啦!!!

又是破財的一天......

有一樣野, 我好憎做的, 就係澳門返來的貨,  一個大麻包袋入面裝有四個透明大膠袋, 計落一個大麻包袋有成千件衫羅......

昨天返了二十四袋, 今天又返十六袋, 老劉呀, 你係未被人老婆鬧傻左呀???買咁多垃圾返來, 有本事你自己來做呀!!!

一共三十六袋......都唔知點做.

明天請了假去見工, 唔知人工有幾多呢??如果有7.5k-8k就好啦!!!

跟住預約了換身份證, 哈哈, 成個貨倉得我未換咋, 果然年青啦!

回家途中, 去了麥當奴買雞翼食......

個房都好耐無執過啦, 其實都唔係咩房, 只是自己搭出來的一個空間.

好多唔要的物件, 好多看似有用其實沒用的物件, 在科技的影響下, 買了好多無謂野, 單是火牛已有五大個......看住一隻隻牛, 真想拉去屠房攪掂佢地......

找番本記念册出來, 諗起d舊同學, 突然想約番佢地出來玩, 唔知有d同學仔變成點呢?

一盒盒模型同佢地說再見了, 以前唔知點解, 一有錢就買盒模型返屋企玩. 但現在卻對佢地無晒興趣, 哈哈, 原來我以前d錢就咁用晒的.

古唔到個床下底放到咁多野, 拿番以前追開的漫畫, 又是一種回憶......

諗都無諗過, 自己個房可以收埋咁多回憶, 唔知之後再看番又係點呢?

由十一點執到四點幾, 仲辛苦過返工. 可憐.

......唔寫了, yuki都唔寫, 擺寫行動開始!!!

亞塋又唔寫日記啦, 攪到上到去都無野睇. 唔知點解, 呢幾日好像成了訪問的對象, 不時有人打來做問卷呀......

問肥輝借了衛詩, 佢把聲都幾好bor.

黑鬼昨天要的衫, 老闆只買polo shirt比佢, 攪到我又要分番開d野, 下午佢又入來, 要d衫一件一膠袋, 好無耐, 剛數完又要倒番出來做過......

開始發覺connie好長氣, 同一句說話佢會分唔同時段重覆講比你知的.

回到家, 有美味的炒烏冬食, .

唔知幾時換身份証好呢. 真麻煩.

好怏又一個月了, 又係會考季節, 記番以前自己, 還在發夢呢......

日日過住d咁沉悶的日子, 以後都唔知點算.

今天特別的事是一名黑人男子走入貨倉買貨, 居然一個人入來, 攪到我地要派人服侍佢, 我就係其中一個.

在呢個雞同鴨講的世界, 我完全唔知佢講咩, 唔知佢要d咩, 那時我想乜都唔理走開......但是.......唉算啦!

佢在貸倉周圍找, 攪到d衫亂到咩咁, 心想明天又要我執了......好想趕佢走.

d貨老闆都唔知買唔買比佢, 完全走入迷網中.

game書又加價了, 一加加成兩蚊,

頭痛又發作......噢噢噢......唔制呀

做野做到無晒心機, 本來做梗一樣野的, 做做下比大姊話做咩唔做另外一件事, 咁佢又無講做咩先, 咁我地又點做喎.

個倉越來越熱, 遲d都唔知點算, 唔通除晒衫來做野?

嘉樂仔今天生日, 咁又兩歲啦, 生日快樂呀!!!送了部車仔比佢, 唔知佢鍾唔鍾意呢??

同亞ling傾電話小了野講, 大家都相對無言......why??

今天一早, 居然唔知醒, 唉, 失策. 拿拿臨刷牙洗面食早餐......一窩風做晒, 好彩最後無遲到.

早上, 趕番昨天的手尾, 做完下午個客來Q貨, 都唔關我事啦.

晚上, 收到姑媽的電話, 佢話她那兒請人, 問我有無興趣咁啦, 說真的, 我都想轉工的, 去一個工作環境好d的地方, 但我又怕新工作唔合自己. 我都唔知點呀, 現在好似考完會考選學校咁, 又15又16.

catcat呀, 邊個話返工無壓力, 無煩惱的呀!!!

好辛苦呀!!!

今日, 原本唔想加的, 但貓貓話我唔寫日記......咁我未來啦

早上, 好有被疏離的感覺, 一家人去看早場, 得我一人要返工, 唔係咁呀!!!

個個星期一都咁鬼忙, 做到無停手.

久未見面的ling 忽然打電話來, 都開心呀, 起碼有人仲記得我^^

又要加型了. 加了兩個鐘.

回家吃了幾粒湯丸, 無食其他野了.

psp個game好難玩, 但對佢欲越來越有興趣了, 人的性格真抵死.

做了三日的工作, 終於在今天攪好, 個心馬上鬆晒. 講真一句, 開頭都怕今天做唔晒的.

終於過了兩日復活假期, 看住屋企人, 朋友個個都放假時, 自己孤伶伶返工, 個心好無引. 覺得自己活在不公平的社會下...... 公務員又話返五日工, 個個福利都鬼咁好, 做野又做得少......

在公司的日子比以前辛苦了, 唔知係未收入同工作要成正比呢,

今日貓貓打電話來, 話同同學做project, 攪到我想返好多以前和人做project的事, 諗番以前自己做野好攪笑, 又和人唔夾, 都好啦, 起碼仲有d回憶......

收工時忽然下雨, 屋企又無人煮飯, 又要出街食, psp又無電, 又要叉電......百般無耐

今天一早, 收到一個電話, 號碼係未見過的, 一聽之下才知是yuki個fd catcat打來的, 好一個貓貓呀, 到現在仍未知她叫咩名羅!!!

回到公司, 鬼咁多野做, d單由早上執到四點幾, 好耐都未試過咁多單. 執完單又要做貨, 大拿拿八千幾件衫, 又要包又要打咭, 星期六前都唔知攪唔攪得晒, 無耐......

決定加班後, 買了碗雲吞河回公司食啦^^

一做就做到八點半了, 回到家都成九點......

一個字來形容今天......累......

今天打簿, 終於知道加了幾錢人工, 其實昨天已收到信了, 但入到落自己戶口先得安心嗎.

我加了五百大元, 都好啦, 開始感受到經濟復甦的喜悅. 亞基加三百, 現在我兩的人工終於看齊啦, 肥輝和肥溫一樣四百, 亞溫算係咁的了, 入來兩個月就有人工加, 亞祖就未知la, 都無問.

可憐的亞湖, 濤就無人工加了, 鬼叫佢地得罪了大家姐咩, 一句說話已玩死你地啦,

班大帝借錢仲未還, 賤格, 下次唔借比你地......

又來了!

近期看多了其他的人的日記, 整得好靚下, 諗下諗下都想裝飾一下自己的板板, 但是......一句講晒, 唔識!!!!!!

今天星期一, 好多野做, 亞祖又無啦啦請假, 少了一人做野, 份外辛苦.

早上不停執單, 都好怏下架, 一個早上執了三張單^^

唉, 好累呀!!!

有一樣野最想講, 在公司, 同connie越來越唔夾, 好多時都唔知佢的決定係點, 攪到我地好亂.

心中有好多野想說, 但沒有合適對象, 在人前我扮作無事, 但壓力就越來越大了.

耀兄, 幾時救我走呀!!

無加班咁耐, 又要加了, 明天又話要加......勁無耐.

今天公司登了報紙請人, 得三個人來見工. 唉......

明天有新人來了, 唔知他點樣的呢???

哈哈, 好幾個月沒有上來, 唔知點解今天會上來呢??

今日, 本來想寫的, 但又唔知寫咩好......

只有一件事, 就是我地放星期六, 26, 27無得放.......

激氣呀!!!!!!

^^回暖了, 過埋明天, connie就放完大假回來, 寫字樓入來幫手的女仔明天又唔入來. 得祖仔一個人唔知得唔得呢?

在過去的一星期, 發覺connie不在, 是多野做d的, 但其他一切都無變. 唔知我又幾時放大假呢?

最後一個月, 今年過得特別快, 唔知係唔係唔駛返學, 日子快過d

今天, 寫字樓有兩個人入來, 因為connie要放大假, 但是佢地做野完全唔得. 驚緊下星期點算......

早幾日買了部psp, 都唔知買來做咩, 後悔......

唔知寫咩好啦

今日朝早, 唔知點解唔願起身, 個人好攰, 唔知係唔係昨天夜訓呢

起身坐了一陣, 我就和姐, 外甥去了荃灣元綠食壽司, 好多人呀, 個個人都拿住報紙的優惠卷, 包括我^^

等了一陣就有位了, 我吃了拉麵, 都唔好食的, 唉......埋單$138. 都算平了.

跟住去了千色店行, 買了個機械人比外甥玩, 哈哈.

周圍行了陣到四點幾, 去了許留山食糖水, 之後便回家了.

今天一起身食完早餐, 連續看了兩套電影, 一套是星際快閃黨, 麻麻地. 另一套是蝙蝠俠, 都ok的.

看完都差不多三點幾了, 都唔會去街的了, 亞爸媽又去了一日遊, 屋企靜靜的.

都估到晚上唔煮飯的了, 一家人去了美心快餐食野, 打下邊爐咁啦, 回到家又繼續看電視了.

星期六, 走去打簿睇下出糧未, 點知.......未有喎, 個人down晒.

之後買了兩籠點心回公司食, 好味, d燒賣好大粒.隻蝦又大隻, 最衰佢無蝦餃買.

開工前, 收到大信封, 拆開看, 加人工二百, 個人馬上精神晒, 估唔到, 今年可以加三次人工, 唔知有沒有其他人好似我咁呢??

吃飽飽就開工, 繼續做番昨天的工作, 查衫, 睇下有無穿有無爛, 老闆話d數趕住要喎.

哈哈, d衫穿幾個孔仔, 我地就把個孔整到更大, 哈哈哈, 好玩.

下午四點幾做好, 老闆又飛了入來, 看完我地q完d衫, 又話有d無問題, 當無事......

跟住開了陣會, 就收工了.

都好耐沒上來啦, 都係helen叫我寫返的, ^^

早上回到公司, 亞輝買了點心回來食, 我順手食了粒蝦餃, ^^好好味

今天星期四好忙下, 上午本來執單的, 但connie無啦啦叫我分貨, 無奈下走了去做. 一個人在門口慢慢攪, 直到食飯前先攪晒.

下午執門市, 亞基, 湖又無啦啦走過新倉, 又少了兩個人了. 到收工前都咪攪好d門市, 悲......

放工後, 和輝, 濤去了葵芳行, 本來諗住買鞋, 但看唔合心水, 為有下次啦^^

^^好耐無寫日記啦，　之前的都唔知補唔補好.

今天早上, 忙於出貨, 呢幾日都唔知出了幾多貨比門市, 門市都唔知有無位放.

做做做, 都唔知幾時先到淡季, 一到轉季就係咁了.

下午, 亞基又無啦啦請假, 少了一個人.

又有親戚來了, 都唔知有咩位比佢地響度訓, 煩......

本來今日可以平凡地過, 但是......

早上, 亞基過新倉等人來裝修, 所以少一個人又沒有報紙看, 本來都唔緊要, 但整整下野, 門市d人無啦啦走入離, 點架, 入來都唔出句聲, 昨天d門市又未攪好, 又要入來攪住晒.

約了運輸十點半, 但到十一點半先做好, 運輸咋晒型......無計啦, 鬼叫門市d人殺入來咩, 整到個倉亂上加亂, d貨好辛苦先找齊.

吃完飯, 亞濤和他們過新倉, 又小一個人, 香港區d門市都未執晒, 傷心......努力下終於都在四點前完成, 但望住個倉, 想明天請假, 唔想攪眼前的野.

開始發覺誰人做到野, 誰人做唔到野.

今天媽媽生日, 無買野送比佢, 說真的是唔知買咩, 最後決定一豐利是算吧^^生日快樂......

星期一, 好忙好忙, d單特別多, d野又亂, 攪到今日無咩心機打日記.

收工時都未執好單, 明天又話要出車, 點算......

個倉爆晒, d野不停返, 又無人幫手......