好耐無試過單獨約女仔出街

今天, 約左莫小姐出街食飯, 由人介紹到今天出街食假剛好一星期, 過去幾日同你Whatsapp都係一句起兩句止, 太多whatsapp又怕煩到你

出街時我好怕悶親你, 因為無話題時真係幾監介架, 

去了荃新天地食壽司, 如果唔係星期六佢都返全日, 我諗真係想同佢行下海濱, 

開始認識你多了, 原來你同我做的工作都有關係的, 你公司SALES紅酒, 我公司SALES紅酒杯, 唔知會唔會..........

好想知你心裡諗咩, 究竟可唔可以發展落去, 

期待下次再約會. 快D話比我知你想去邊啦

原來, 打日記的件幾好的事, 

今日上泥, 睇返五年前的事, 覺得果時真係好開心, 同事間有種說不出的感, 好彩就係, 果陣的同事, 而家仲有出來聚下, 

講返以前的事, 大定仍然會大笑一餐, 

呢份工就快做了三個月了, 唔知係未真係合適自己, 但起碼問心講句, 每天都比心機去做, 

開始愐懷舊公司的日子, 唔通咁就一世嗎?

人大了, 才害怕自己的前途........害怕踏前多一步, 

究竟自己想點, 可能要問問個天, 

 好悶的一日, 今年立定目標, 今天開始每天上來. 哈哈

好耐好耐無打日記啦.......

由年頭開始學人炒股到現在, 足足賺了四千多元, 而且只係小玩. 如果投入下來, 後果唔知點呢^^

上個月升了職, 而家叫助理倉務主管, 唔知可否做得來, 日子好似越來越難做, 五人都未團結, 其實我個人覺得, 公司唔係真係多野做, 只係以前的三份二, 但現在反而做唔切, 各位人兄好好反省吧, 攪到而家咁, 是誰的錯, 大家應該坐下來好好傾一下.

好快又過了三份一年, 唔.........

足足兩個月無用過電腦, 原來, 電腦對我來說由以前非常重要, 到現在無乜所謂, 它只不過是消閒時間的代替品.

呢個月買了好多野, 洗了差不多八千銀,.......唔知買了d咩先慘, 過年原來好辛苦的......

新一年, 逗了千幾元利是, 唔........唔知多定少, 只知已經非常滿足, 人應該要知足才好.

上星期五, 和亞偉去了旺角門市幫手, 都好耐無去門市了.

一入到個倉, 比一個字佢, 亂呀!!!!! 唔知點攪......

d sales都幾好的.....一兩個, 哈哈......

老闆請食飯, 只叫了外賣. 一個唔好食的干炒肥牛炒出前一丁, 都唔係出前一丁來的......騙人!!!

炒炒炒~~~~~亞基在月曆上寫了呢三個字

昨晚, 打打下機, 亞基忽然打來, 本來其實都無咩野的, 但他的消息卻十分震撼.

又一個同事比人炒了, 今次的幸運兒是亞濤, 做了差不多七年的功臣, 唔.......唔知點解, 對佢被炒又愛又恨, 又想又唔想, 當初肥輝, 一個月後的今天到亞濤, 之後的第三個是誰??

唉!!!!心情低落, 迷網, 遲d可能變到胡桃........

主管變了, 變得好快, 好恐怖, 兩年前先殺上一任主管, 等上位後再殺輝, 濤, 唔通咁樣最好咩.

一個小小的貨倉, 得九個人, 攪到滿城風雨, 雞犬不寧. 當初日子已不再, 如果可以比我選, 人工變回以前也可以, 請你比番以前的公司我, 開開心心, 快快活活.

今日中午, 約了亞輝和亞濤吃午餐, 全倉人也一起, (當然無主管啦), 此時此刻可能不可再, 各散東西. 自從佢兩個鬧交後, 都無一起食過飯, 但兩人相繼比炒, 反而再一次一起, 哈哈!!!

對呢間公司失去信心, 心中只想走, 睇下世上係未有一個緣字, 將來可以和佢地再做好同事!!!!

好驚好驚, 貨倉現在分裂得好可怕, 人和人之間以去到針對的地步, 再咁落去, 在這兒工作只是一份苦差.

昨天祖仔同connie說, 亞濤和偉仔,小強成日坐係到唔做野, 攪到connie和老闆反映, 咁老闆夜晚就打電話比亞濤訓話.....

何必呢........唉.....心情十分down.

今天是亞爸和外甥生日的日子, 全家去了明星海鮮酒家吃晚飯.

其實呢排都無咩特別事, 所以少了來打日記, 日日都係咁過........好平淡呀, 點算呀!!!

一個月來一次, 個網多了好多野, 上傳了幾張相玩下先^^

來年, 希望是一個豐盛年啦^^

是否好貪心呀.......

感覺好怪, 心中有d空, 全個倉都知道晒肥輝的事, 個個現在稱connie為xx. xx都係唔打了, 費事比人發現^^

好苦, 一個幫得手的人.....

上午, 肥輝打來, 公司補三萬幾比佢, 嘩, 你時候擋佢一筆, 哈哈.

無乜心情打了, 明天入大埔飲.....好遠呀!

傷心的一天, 難道人真係唔可以合作愉快, 一起的日子唔可以長久些嗎??

肥輝今天離我地而去, 可恨的connie, 真想她消失於面前, 好好的一個人, 你都要炒, 你係未有問題呀?

話說, 今天成日都好地地, 全無跡象, 和肥輝有玩有笑, 但到了五點幾~~~~

收到消息, 肥輝靜靜的收拾自己的物件, 當我走埋去時, 他才和我說:炒了. 

晴天霹靂, 和他一起工作三年, 三年可能好短, 但相比起讀書的時間三年, 真的和他二年半有多, 雖然他年紀比我, 但........

世事永遠殘酷, 希望他早些找到一份比這兒仲好的工作吧.

從今天起, 又悶了啦.

進入沉迷的狀態, 估唔到一部psp 加一部ndsl , 完全佔據晒我的時間, 過去的日子, 連休息時間都攞部機出來打.......

朝早起身未食早餐又玩, oh~~~點解會咁的呀.

今天整天在家休息, 父母又去了旅行, 海南島五天圍, 今天只係第二日, 屋企變得好冷清.......

一日三餐好苦惱, 日日出街食好味精呀, help me~~~~

新相識的 online fd 亞zoe......唔識讀佢個名, 點算呀.....打唔到比佢tim.

今天早上, 行過酒樓門口, 諗住買蝦餃燒賣返倉食的, 但行到門口, 又好似唔係好想食野........掙扎一會, 兩手空空而走.

九點半開工, 比connie叫我和亞輝落停車場抄箱嘜比佢, 開頭都唔知點做, 抄乜鬼箱嘜呀, 最後落到去, 抄了d唔知咩上來, 好似係d收貨地址and工廠地址.......

fax d野去寫字樓, 點知話批貨個正嘜唔得, 要每一箱做過, 個一刻心情..........批野唔係我地做喎, 點解要我地跟手尾, 玩咩...... 要我地貼番個正嘜上去.

441箱, 在我地5 個人的努力下, 做了一個多小時, 好彩亞鄧d friend 肯幫手, 如果唔係........食飯前都做唔晒.

但下午仲有六百幾箱又要貼過正嘜, 之前一款野, 但下午的有兩款野, 而且要去到永基路.......

開頭, 本來唔駛我去的呀, 但最後亞輝個x街.........唔鬧佢唔得.........激氣呀~~~~~

未見過d咁人, 唔想提啦, 此刻只想, 年尾有雙糧, 我一定叫老闆唔好比佢, 你鬧情緒唔關我事, 如果想和我玩, 我一定和你玩下去, 我唔係好蝦的.

下午四點到, 先出發後興奮, 永基路的停車場, 人稱光明頂的大空地停車場, 我也是第一次去的.

也是第一次入貨櫃車, 兩隻四十呎櫃,  估唔到自己要做d咁野, 車入面原來好焗的呀, 下次一定唔來幫手.

攪了兩個幾鐘先攪好, 跟住和亞濤, 祖和偉去了葵芳行了一陣, 我又買了一張2 gb卡啦, 窮了.......

又放了兩日假, 真係happy死.

今日又去了元氣食壽司, 為了一張所謂的會員卡, 唔知點解佢有咁大吸引力.

埋單$271, 好貴呀~~~

在葵芳行一陣, 買下野, 終於比我見到一隻郭小霖精選cd, 可能好多人唔識佢啦.

今朝和亞強玩了一陣icq.

唔..................知打咩好了.

好耐無打日記啦, 好忘........姐係好易忘記.

今日得我, 祖和輝在公司開工咋, 其他人去晒新倉, 原來個倉好大好靜.

今日攪中山貨, 好忙, 得三個人如來唔得架, 唉~~~~~~其他人在新倉唔知點呢, 可能睡緊覺.....

攪攪下中山貨又無啦啦話要包野上廣州, 忙碌的一天, 辛勞的自己......

收工後, 去了美心攞多盒月餅回家吃, 哈哈, 過埋今個中秋, 唔知重幾多呢??

今日由返工的一刻, 最初一號風球加黃雨, 到紅雨加三號風球, 由屋內看出去, d雨是打斜落的, 心想開唔開傘都是同一命運, 幾經掙扎, 最後選擇了搭車, 我好清楚記得, 入了呢間公司差不多三年, 只搭過一次車返工, 想不到自己咁好~~~

返到公司, 先知亞祖發燒請假, 亞輝屋企水浸.......返唔到來, 心想亞輝作野幾叻喎, 唔駛咁呀.

個倉積埋積埋好多野未做, 唔知幾時先可以清, 但日日都有唔同的新野返.

經過一日的辛勞, 終於收工啦, 下著細雨拿起雨傘, 如果身邊加多個伴就........好啦.

當我行到美心時, 就見到她啦, 一個在暑假時見過幾次的女仔, 因下著雨的關係, 唔好意思走近........咁又錯失了........

期待已久的每週一記又來啦,

回顧剛過去的一星期, 我已經完全忘記晒啦!!!!

講番今日, 天氣仍然係冷, 一早起身, 寒風剌骨, 好在行番公司路上就越來越暖啦.

今天明市又入來了, 其實我都唔想佢地入來, 但無計啦........

又和以往一樣, 四周已面目全非, 應該在箱的就在地上, 以前辛辛苦苦執好的, 半日已被班禽獸施暴......明天, 真的唔知點面對.

臨收工前, 忽然又多樣野做, 攪到七點先走人, 睇下幾時補番先^^

個倉好亂, 特別係門口, d野到處放.

星期一, 又係咁小單, 一個上午已經攪晒, 但上星期六留下的手尾仲多.

維他又fax了訂飲品的單來, 訂了一排檸檬茶, 芒果汁, 蜜桃茶........唔知飲到幾耐呢?

我想快d過年, 咁我就可以離開呢間不知所謂的公司, 好想走走走.......

亞耀又買電話啦, 一部nokia 6280+se w810i, 羨慕死人啦啦隊!!

唉!!!!!!

今天, 請了一日假, 開頭好驚的呀, 因為昨天睇天氣報告話掛緊一號風球, 可能今日天氣好惡劣, 但都好彩, 等我訓醒的今天, 全部風球已除下啦!

我真係發覺, 放假唔會訓得晚, 又一早醒了.

一早九點到, 和亞爸, 媽, 逸, 出了佐敦的西南飲茶, 地方就認真麻麻地啦, 但勝在d野都幾好味^^

跟住就慢慢沿彌敦道行啦, 入了裕華行一陣, 買了件褸比自己, 夏天買褸都係平d, 哈哈, 跟住亞媽買了對鞋,

行到旺角, 忽然下起大雨, 爸媽就乘車回家先, 咁我就行多一陣.........

完全沉醉, 在nds list的遊戲中, 自從買了回來後, 一日中起碼抽兩小時來玩, d game真係好吸引, 最主要係d game可以在網上download, 雖然係唔好, 但咁吸引下, 唔通仲要拎幾百蚊出來買一隻game咩!

任天堂真係要好好反醒下啦, d game咁易比人破解, 但都要讚下大陸的黑客們, 為我地謀咁多福利.

在公司, 終日聽到d人話做埋今年, 出年轉工.......(包括我), 對呢間公司無留戀, 無熱誠, 由初初入去的一個小伙子到現在, 做到十一月就夠三年, 三年........唔知出年, 後年自己做緊d咩????

和公司的人越來越小野講, 唔知係唔係自己性格問題.

如果人可以預知未來, 都不是一件壞事, 起碼可以知道自己走那一條路合自己.

星期五決定請假, 比自己休息下咁啦^^

由日記到現在雙週記, 哈哈. 點都好啦, 都無人睇又無人留言, 寫唔寫作用也不大.

呢排買了好多野, 一部手提電話k750, 送了比家姐, 無計啦, 我細個時佢成日買玩具比我的呀, 送番d野比佢啦!

第二樣就係nds list啦, 呢部機我都等了好耐, 和亞濤, 亞耀一齊去買的, 哈~~~勁開心.

近排公司無咩野做, 就此收工啦.

近排少了上網, 少了icq, 少了好多野, 今日就把日記轉了週記來寫, 可能係我懶啦, 又或者生活太太平淡啦.

連日來的暴雨, 太可惡的雨, 阻住我返工, 整到我成身濕, 攪到我買唔到早餐, 攪到我要叫外賣.......展望, 下星期陽光普照.

今朝返工, 見到亞強和女友拍拖.......乜唔駛返工咩??原來佢返夜, 無啦啦果隻.

呢排, 可能就係我地公司的淡季, 一切淡如潮水, d野拖長晒嚟做, 無野做係好好好無聊呀!

........唉唉唉

明天又係星期日啦.

七月好快又過去啦, 唔知仲有一個月, d學生點過.

日日返到公司都成身大汗, 由早濕到晚, 唔知幾時到秋涼呢?

呢幾日都在平淡中過, 在公司, 努力地執倉, 咁遲d就可以放到換季時的貨啦!

.......好無聊, yuki返大陸唔知幾時返,

得三行唔知算唔算行呢!!!!

近期, 又喜歡上一首歌, 泳兒的~~~你我他, 首歌唔知算唔算舊呢, 但呢排電台又成日播, 哈哈.唔緊要啦, 係好歌就得啦!!!

亞強做埋明天, 又被人炒啦, 我地呢度究竟發生咩事, 由舊年六月至今天, 大大話話有成二十多人做過我同事, 有d一天, 有s幾日, 最耐的算是亞祖了, 都做了一年多, 其他的只有肥溫, 五個月到, 難道我地公司風水唔好, 難道我地公司真的唔好做, 呢d種種問題, 可能真要問下connie了.

畢業到現在做得最耐的工是這兒, 說真一點係, 呢度唔係太辛苦, 可能係connie要求太高, 對新人唔知有咩特別要求. 但亞強比我的感覺係勤力, 幫到手的. 唔通咁都要out, 到今年年尾, 我就在呢間公司三年了, 不知不覺間. 由我踏入呢間公司的一刻, 由日日想住辭職, 到專心地工作, 最後到對呢度毫無留戀, 我想我已經.......

三年......幼稚園的三年, 畢業了, 可能到出年, 我真的會升上小學, 找另一份工去磨練自己, 不竟呢份工比到挑戰我, 但比到我的失落感大於挑戰. 日日都會對住d新同事, 呢樣野我接受唔到, 升上一間出名的小學也不錯呀!!!

下午和肥輝傾開, 原來公司不只一個人對connie有微言的, 咁也難怪, 她做事太那個了.

本人對新來的偉仔幾有期望的, 如果唔係佢自己走, 我都希望佢可以一直做下去.

今日打了好多字, 好耐都無打過咁多啦.

唔唔, 又係沉悶的一天, 但又有一點激氣.

明明約了亞鄧十二點收貨出門市, 但connie又約了十一點, 都唔知佢點預時間的, 好多野都未得呀, 亞基和亞強又過了新倉, 都唔知點算, 唉........下次預多d時間比人做野得唔得呀?

最後都要成十一點半先交得比亞鄧啦, 但肥uncle一早上左嚟啦, 要人等!!!

中午時候, 好快咁食完飯, 和亞濤過了隔離的仁孚大廈, 因為fila開倉大平賣, 去到時, 比想像中細, 擺的野少, 在看風褸的同時, 看中一件, 但只得細碼, 大碼, 但就無中碼, 唉.......失望呀!!!行下行, connie和肥輝又來了.

在場中行完又行, 都找不到合心水的物品, 心裡難過, 但亞濤就買了一伴風褸和t恤.

下午又無所事事, 有人來整冷氣, 但我懷疑佢地識唔識的, 整到收工都未整好, 留下connie和肥輝等師傅門啦!

惠康印花儲了二十大隻, 仲有一陪, 比心機.......

亞強叫我返教會, 心裡唔知點呀, 又想又唔想. 唉!!!算吧算吧.

泳兒的你我她好聽呀!!!!

天黑黑, 又落雨, 難得一天假期, 咁就無了, 心目中的假期係陽光普照, 熱熱鬧鬧的一天, 點知.......

早上起身, 吃了一餐豐富的點心做早餐, 跟住就看電視啦, 亞爸隻腳唔知仲咩, 生了d唔知咩東東, 一早去了看醫生, 希望佢早日康復啦!!

看完電視, 本來約了人出街, 但是, 成日都下住雨, 打消出街的念頭, 只好在家中玩電腦.

近期, 熱心玩nds的孖寶, 哈哈, 好好玩的, 但就要一路睇攻略一路玩, 唔唔.

下午, 和爸媽去了美心食下午茶, 儲夠印花, 可以換半斤叉燒, ^^叉燒好味道.

美女廚房, 好正呀! 越來越好笑, 越來越好睇了.

一年前的事, 借了錢比一個icq朋友, 近排佢打返電話嚟, 話要還錢, 其實我已忙了呢件事, 都唔知借了幾多比佢啦, 而且最重要係水路太遠, 要入到天水圍羅, 起初我都唔知點解會入去的.......

明天又要返工啦, 好想好想好好咁休息幾日, 但老板唔知批唔批呢??

終於用得電腦啦, 忍了好耐的日子, 成兩個禮拜, 之前部電腦都唔知咩事, 好彩而家用得返.

在無寫日記的日子裡, 唔知大家點呢?

無得用電腦的日子, 日子好似好難過的, 晚晚唔知做d咩好. 原來, 電腦對我係咁重要的.

呢幾日, 做野好辛苦, 公司又熱喎, 有多野做,

但今日在惠康買了三把風扇, 起碼有d用啦, 哈~~~

昨晚十一點, 英格蘭大戰葡萄牙, 心中有一衝動想看, 於是在十點半趕上網看波啦!

上網看波唔知犯唔犯法, 但有線就一定好怒啦, d人唔駛錢可以睇到喎, 咁裝了有線的未(xxxxxx).

好彩在開波後兩三分鐘連接好, 不致於看不到, 畫面和流暢度都可以接受, 唔駛錢係咁上下啦!

看住個17吋電視, 點都唔及廳部好, 和亞爸坐在房裡, 看住一場比想像中悶的球賽, 兩隊開始頭二十分鐘係有d野睇, 但後尾就互差, 埋門欠缺.

過了45min, 諗住下半場有波入, 點知下半場個敗家朗尼........比人紅牌趕出場.

屆屆英格蘭都有一個敗家, 點學人爭杯呀, 加時上下半場都看埋, 最後係互射十二碼.

估唔到葡萄牙個龍門咁神勇, 可以救到三個十二碼, 真係抵佢地win啦!!!

尾場無睇呀, 巴西大戰法國, 98世界杯一樣, 巴西輸了喎, 哈哈抵死!!!

今朝九點起身, 唔知點解, 二點幾訓都咁早起身, 慘!!!

今日都會係屋企過啦.

打機+執房.

7月係我討厭的月份, 又到七月.........

今天是我的舊歷生日, 和往常一樣, 一個人一個人, 下個禮拜到新歷......都唔知分咁多做咩呀!!!

早上, 亞媽搬了兩個西瓜回家, 估唔到佢都幾好力喎!

時晴時雨的天氣好煩, 行一步落雨, 行多步又停雨, 開唔開傘好.

幸好只是毛毛細雨, 回公司途中, 差點兒滑到........好瘀呀!!!!

煩, 工作上煩, 無女朋友煩.........世上多煩事,

剪了個短頭髮, 在公司確實舒服了, 但好似真係好短.

NDSlist, 正是我下一步買的遊戲樹, 粉藍色好靚.

寂靜的生日,終於和譚校長同年啦! 哈哈哈

星期四的今天, 比預期少好多單, 唔知係未之前出貨太多的關係, 咁都好呀!

但明天又有中山貨返, 老闆又話好急出門市, 心諗.星期六又放假, 睬你都傻.

今天來了個新人亞偉, 個野好快手, 又勤力, 真係年青可為, 我都係時候退休啦!

亞基帶住佢執單, 都ok呀!

咁多個新人, 佢表現最好的了, good!!!

臨收工時, 亞基因為要過新倉, 所以叫埋亞偉過去, 看下新倉的環境啦,

今日麥記買魚柳飽and麥樂雞買一送一, 但人太多了, 排唔到隊呀!