| «‹ May 2015 ›» | | S | M | T | W | T | F | S | | | | | | 1 | 2 | | 3 | 4 | 5 | 6 | 7 | 8 | 9 | | 10 | 11 | 12 | 13 | 14 | 15 | 16 | | 17 | 18 | 19 | 20 | 21 | 22 | 23 | | 24 | 25 | 26 | 27 | 28 | 29 | 30 | | 31 | |
|
2005 年 9 月 23 日 星期五  |
善後第一天  |
分類: 未分類 |
昨天都說過, 門市入來後, 要善後三四日, 唉!!!天文台又掛一號風球了, 唔知打唔打得成風呢?
一早就攪番昨天做剩的九龍區, 在大家的努力下, 終於在上午做晒, 約好亞鄧派貨, 跟住就攪香港區了, 昨天成日未執過門市, d單都有好幾張未執
 , 又係我執了, 唔知收工時做唔做得晒,
好在, 最後都趕到, 但亞鄧就等了一陣, 唔好意思呀!!!
本來明天放假的, 但是我返埋, 等下星期五一次放三日^^, 最中原因是打風, 天氣唔好都去唔到街......
|
2005 年 9 月 22 日 星期四  |
| 門市入來的一天 |
分類: 未分類 |
今日, 門市入來, 其實我都好怕佢地的, 但是都沒有辦法, 唔通唔比佢地來咩.
最早到的是劉小姐, 例牌的了, 次次都係佢入來先. 她都唔客氣, 周圍找d新款野, 正所謂手快有手慢無. 跟住無幾耐, 老闆娘佢地都入來了, 見到d新野, 發晒癲咁去搶......可憐我地做善後.
正常來說, 門市入完倉, 我地要跟番三四日先攪番好, 希望今次唔駛啦. 但是, 中午都未過, 個倉已經失守, 開始討厭佢地了.
connie本來說今晚要做好九龍區先可以收工, 但是, 沒有人理她,
 個個人準時收工, 明天再來啦!!!其實都唔駛咁急啦, 鬼叫門市佢地咁乞人憎.
開始覺得connie唔理我地d感受, 一堆未攪好又叫佢地去. 唉!!! |
| 2005 年 9 月 21 日 星期三 |
| 有戲睇 |
分類: 未分類 |
今日亞濤帶了部手提vcd機返公司, 攪到我地吃飯時間有戲睇^^, 但就細左d, 等我遲d買部dvd啦
, 咁日日都有好戲上映啦.
早上都無乜特別, 只是和亞基執六板貨過新倉, 下午時, 一個人做野, 在倉尾攪番好d野, 全部跌晒落地下
 , d箱又莓又破, 唔緊要啦, 一個人有一個人慢慢做, 好在到收工前都做晒^^.
放工時想去荃灣買野的, 但最後都打消呢個主意. 過多一兩日先啦.
食飯時, 家姐問我今個禮拜幾時出街, 乜我而家成日出街咩
點解過完中秋都咁熱, 好想涼番d. |
| 2005 年 9 月 20 日 星期二 |
返早一個鍾鐘  |
分類: 未分類 |
因為近日多野做, 所以今日返八點半, 本來門市話今日入來的, 但唔知點解又話唔入, 等星期四先, 嘩!!! 玩咩, 一日推一日, 玩死人啦.
早上, 比亞基慢一步返到公司, 估唔到今天是他開門的, 等我地分晒貨先知門市唔入來, 當堂個人鬆晒, 起碼唔駛見到老闆娘, 跟住放慢手腳做野^^
食完飯, 教亞湖將d野埋位, 今日本來可早走一個鐘的, 但想想下, 都係留番遲d用.
回家路上, 見到舊同學亞華, 大家有唔同的職業, 但他返九龍灣, 勁遠呀!!傾了一陣就返屋企了
|
| 2005 年 9 月 19 日 星期一 |
人人放假得我返工......  |
分類: 未分類 |
本來, 今天是假期, 但是我都要返工, 最衰是亞基佢地, 唔應承話返, 咁咪放假羅......算了, 星期六補假都好
今早一路行返公司, 條街好似過年咁, 一個人影都無, 唉!!!今天是不是年初一呀???
亞基湖又過新倉, 亞濤又返了大陸, 得三丁友做野, 原來亞祖昨天玩通頂, 個樣好攪笑^^
做做下野, 老劉無啦啦入來, 又唔請食飯又走了, 真衰!!!
明天要返早一個鐘, 唔知起唔起到身呢?? |
2005 年 9 月 18 日 星期日  |
| 又到中秋節 |
分類: 未分類 |
大家中秋節快樂.
一年一度的中秋節又到了, 諗起年年都係咁平凡地過, 真是有點兒寂寞......
早上幫亞媽手拜神, 唉!!!算了, 話晒一年一次.
到下午, 一齊去荃灣買野, 買埋今晚d晚餐, d雨時大時細, 攪到成身濕晒,
 個天好似玩緊我羅......
晚上, 本來年年都有落街行的習慣, 但今年我沒有去, 因為明天要返工呀呀呀......
對面居屋有攪晚會, 好嘈呀, d人唱歌好難聽呀...
跟住吃半個月餅, 看看見唔見到月亮先^^ |
| 2005 年 9 月 17 日 星期六 |
有十七個印花  |
分類: 未分類 |
今日終於齊人了, 真係估唔到, 終於可以有人分擔下^^, 攪到我好似好懶咁.
今朝返到公司, 才知他們昨天加班, 仲加了三個鍾tim, 攪到我勁唔好意思, 自己昨晚走了去玩
 , 各位同事唔好意思呀, 我都唔知的, 我今朝才知道......
早上亞輝和湖負責攪次貨, 老闆話要趕住星期二走, 攪到星期一要返工就係咁的原因之一, 而我和祖就分貨, 濤和基就做貨, 人手分派就是咁.
公司的人事開始複雜, 亞濤開始不滿connie分派工作的事, 唉!!!我都唔知點說, 咁又係的, 分開三個頭做野, 不如縮細佢, 一齊攪晒一樣先咪好, 攪到要加班次!!而且我做的分貨都唔趕的, 要我分貸都唔知做咩??
吃完飯, 我和濤輝去惠康買野, 一次買了三百幾, 但包埋兩罐奶粉^^, 如果唔係都無咁多.
亞耀五點幾買了一打蛋達上來探我地, 好開心力^^
明天放假一天, 但是放假先來打風, 唔通個天唔想我出街?? |
| 2005 年 9 月 16 日 星期五 |
| 孤獨 |
分類: 未分類 |
星期五, 今日人手緊張, 估唔到連祖仔都要去新倉幫手.
早上, 攪埋小小門市, 亞祖和亞湖就call van去新倉, 剩下我和濤濤做貨, 吃完飯後, 新倉要求增援, 開頭說我和亞濤過去去, 但最後我都要留低, 又剩返我一人做野了, cannie在寫字樓跟單, 我就在出面收拾殘局, 其實一個人做野好悶的, 真想叫人回來陪我.
夜晚, 約了亞ling出荃灣
 , 識了咁耐, 今天都是初次見面, 幾開心下.
|
| 2005 年 9 月 15 日 星期四 |
| ...... |
分類: 未分類 |
中秋節快到了, 唔知下星期一有沒有得放假呢??最好有啦, 如果唔係都唔知點算好......
今天又忙於執貨, 我地公司門市分兩種, 一是老闆娘管的westwood鋪, 專買立立什什野, 另一個就是parco, 專買番自己公司設計的衫, 兩種我最鍾意執什款野, ^^
門市又話明天唔入來了, 好彩姐, 等到下星期二, 到時都唔知點算, 但好在多兩日比我繼續執倉, 等老闆娘入來好看d
 .
下午茶時間又叮燒賣食, 好味道, 等我遲d又入貨先.
唔知幾時先請到人幫手, 唉, 出面唔係好多求職者嗎?? |
| 2005 年 9 月 14 日 星期三 |
| 買獎券 |
分類: 未分類 |
外甥今日從學校拿了獎券回來, 我只好幫親佢買一張啦
, 鬼叫我係舅父咩......
朝早, 和一個icq fd傾計, 她說唔想讀書喎......現在唔讀書做咩呀??真係比佢吹脤啦!
工作上都算ok啦, 但我諗明天一定好苦的了.
回家時, 見到一個舊同學, 打了招呼, 跟住和他在商場行了一陣, 傾下近來的事, 故唔到見返一個舊同學咁開心, 相約日後一齊食飯^^ |
| 2005 年 9 月 13 日 星期二 |
| 好難入呢個網 |
分類: 未分類 |
呢幾日都好難入這兒, 次次都要試幾次先得/都唔得, 唉.......
今日老闆本來入來的, 但唔知點解又無啦啦去開會唔入來, 小了一個下午茶了, 真是呀!!!
星期五, 門市話要入來, 唉!!!又攪到四圍亂亂亂啦, 比個開心假期我地都唔得. |
| 2005 年 9 月 12 日 星期一 |
乜咁唔小心呀  |
分類: 未分類 |
早上, 收到亞ling的來電, 佢話昨天看完戲時扑到, 攪到隻腳損晒, 今日都番唔到學, 小心d啦, 睇戲睇到腳痺呀^^
近排, 覺得隔離公司d人好討厭, d垃圾四圍放, 阻住人呀, 知唔知, 做人有d公德好.
今日又返了五款男裝t恤, 個款都ok的, 睇下有無多先
|
| 2005 年 9 月 11 日 星期日 |
| 911 |
分類: 未分類 |
911四周年, 諗番起四年前, 一段段恐怖的圖片又浮現眼前, 好想知道, 人與人之間為何有更大的仇, 點解世界做唔到世界和平, 大家只是生活在小小的地球上, 我怕戰爭幾時會到來.
今天早上訓到九點幾先起身, 一起身有點心食, 呀媽買返來的, 一路食一路看電視, 現在d卡通片完全唔好看, 於是就睇龍咁威2啦, 勁好笑呀, 笑位比第一集多好多, 看完都十二點幾了.
今日成日沒有出街, 唔知係唔係自己比教悶, 屈在家都唔覺悶^^ |
| 2005 年 9 月 10 日 星期六 |
| 你已經被叮走了 |
分類: 未分類 |
對個新人好失望, 一星期六日返三日工, 他已經無得留低了, 用埋星期一二, 就叮佢走呀!!從未見過更沒有責任感的人, 大家千萬不要學呀!!!
之前做了六十幾袋麻包袋, 全部退回來, 都唔知咩事, 又走唔到???邊有位放呀!!!
明天唔知出唔出街好呢..... |
| 2005 年 9 月 9 日 星期五 |
| 唔寫主題得唔得 |
分類: 未分類 |
今天又得番祖祖, 新基和我, 其他人去晒新倉, d野比晒我個舊人做, 論年資, 咁多人我排第三, 唉......發覺公司好多人流失, 點解呀......
k750i又減價了, 亞濤又叫我出機了, 個心心大心細, 唔知點好.
成日都係道分貨分貨, 唉......想抖下都唔得, 真想找一日放下假, 休息下.
亞ling今天無啦啦唔返學, ling姐, 勤力d啦!!!
今晚晚餐吃通粉, 好好味呀. |
| 2005 年 9 月 8 日 星期四 |
咁都得  |
分類: 未分類 |
新人亞基又無啦啦返來, 他說昨天覆診, 所以沒有返. 咁佢又唔打電話返來請假, 等connie打電話出公司, 說佢唔做了, 唉!!!攪到咁, 為咩呀!!
今朝, 肥輝又遲到了, 今個月已第四次了, 都唔知攪咩, 小心d啦.
早上人齊好辦事, 但到了下午, 只剩下祖, 我和新人做野, 都幾辛苦.
收工時又買了麥當當食, 死啦, 食咁多熱氣野, 點算. |
| 2005 年 9 月 7 日 星期三 |
| 殘酷一叮 |
分類: 未分類 |
......鍾意返就返, 唔鍾意返就唔返, 乜咁嫁, 現在d人真是唔似樣, 返一日工第二天就唔返, 這個新人基...... 要叮佢出局先得.
今天只有我和祖仔做野, 其他人去晒新倉, 原來咁大個倉得兩個人做野是好辛苦的, 完全做唔到野出來, 下午時, 公司fax了張做貨紙來, 但是d貨在新倉, 於是就叫亞濤帶埋d貨回來, 我就落停車場接佢.
在等他時, 見到有一少女跟車落貨, 乜現在連女仔都找不到野做, 要做送貸??
見到亞濤時, 停車場明明有好多位的, 但管理員說已滿,唔比入 真是莫明其妙啦??? |
| 2005 年 9 月 6 日 星期二 |
| 新人亞基 |
分類: 未分類 |
新人又叫亞基, 之前有新舊輝, 現在有新舊基...都幾好笑話!
今天早上, 由我帶新人亞基去執門市, ^^今次終於到我帶新人了, 唔知佢之後會點呢......
新人亞基都幾勤力, 唔知是否第一天返工的關係, 執完門市, 我地一齊分貨, 到收工啦.
電話多了兩首mp3鈴聲, 天才與白痴和救生圈^^
收工時, 去了美心拿月餅, 今晚可以吃月餅了
|
| 2005 年 9 月 5 日 星期一 |
| 新人放飛機 |
分類: 未分類 |
今日本來有一個新人番, 但他早上打電話來說唔舒服, 明天才返.....乜咁架, 諗住多一人幫手的, 唉!!! 咁就比人放飛機了.
中午看報紙, 睇到迪士尼攪到亂七八糟, 點解會咁, 攪到我對佢失晒信心, 諗住今年去的, 整整下, 可能過多一排先啦!!
寫字樓今日洗冷氣, 攪到我地又要搬晒出出入入,
亞line一開學比人記了三個缺點, 點攪呀!!!
helen, 做班長做好d, 唔好比﹏。ㄨ┼傻佬㊣艾倫┤ 看死呀! 我支持你.
 |
| 2005 年 9 月 4 日 星期日 |
v仔  |
分類: 未分類 |
今早時, 被雨點弄醒了, 後悔昨晚沒有關好窗睡覺. 七點幾起身, 食完早餐, 等出去沙田看早場, v仔特攻隊, 因為d飛是家姐比人比, 唔駛錢的, 所以等到現在才看, 本來上個月看的.
但是套戲好唔掂, 好後悔出到沙田咁遠看一套咁的卡通片, ......
看完戲去了元氣食壽司, 行了一陣街就返屋企啦.
今日又係無聊聊咁過... |
| 2005 年 9 月 3 日 星期六 |
| 可惡的新灣 |
分類: 未分類 |
日日都唔舒服, 吃了藥都唔得......又唔想看醫生.....
今天. 亞基又無啦啦請假, 又少個人做野, 唉.....肥輝比了三隻7-11迪士尼公仔我, 我又有得儲啦!!
今天新灣, 灣仔fax了好多單來, 補舊年parco貨, 兩間鋪都是劉小姐睇的, 成日都係咁.忽然間fax咁多紙來, 完全唔理人感受, 執到收工都未攪好, 下星期一一定又有排攪,
明天星期日, 又可以休息啦!!! |
| 2005 年 9 月 2 日 星期五 |
| ...... |
分類: 未分類 |
又到星期五了, 今天一早, 亞基亞濤過了新倉, 剩下我們四丁人, 上市出完門市, 開始執倉, 執下執下又到收工時間, 今天真失敗, 電話無電居然唔知道, 返到屋企才知......
, 唔知有沒有miss call呢??
回到家中, 外甥說了好多返學的事我知, 攪到我都想返學
,
電話用了九百分鐘, 仲剩下一百, 究竟支持到八號嗎??? |
| 2005 年 9 月 1 日 星期四 |
| 開學啦, 各位同學 |
分類: 未分類 |
今天, 我返到公司樓下, 見到亞基, 給了一下飛撞比佢
, 成個人醒晒......
今天少了一個人, 但下星期一又多番個, 唔知佢是誰呢, 等星期一就知啦.
今天不停執單, 執單, 到下午時個人開始有d麻木, 點解做來做去都有梗多的......
聽新聞時知道拉了斬傷賢仔的人時, 忽然覺得, 香港警察好叻, 兇徒太沒人性了 |
| 2005 年 8 月 31 日 星期三 |
好熱的一日  |
分類: 未分類 |
哈哈1 時間過得好快, 暑假咁就完了, 看似好快咁, ^^沒關係啦, 自己都沒得放......明天街上又多番人了
今天, 都好多野做下, 早上分貨, 下午執倉, 我都好叻了, 執到好多位出來, 可以放新回來的貨, 新一季的parco開始一步步返來, 唔知今年我地d衫設計成點呢??明天開箱看下先,
細輝做埋今日, 剛好一個月, 唔知點解, 有d想佢留低, 雖然我地唔係好熟, 做人真矛盾......
二姐昨天去了迪士尼, 勁羨慕, 我都好想去呀!!!!!!
逸仔, 明天正式升小一了, 比心機呀, 唔好成日比人鬧呀!!!!!! |
| 2005 年 8 月 30 日 星期二 |
沒有人留言的日記  |
分類: 未分類 |
......哈哈, 唔知點解無人留言, 可能寫野小得滯, 所以後補番d啦, 希望有人留番一豕句
貨倉漏水終於有人來睇, 今日管理處約埋d師傅上來看外牆, 希望佢地快d整好, 等我地擺番好d野啦, 唔駛四圍放.
收工時, 行過麥當奴, 唔覺意行了上好.....咁就大件事啦......又破財, 但佢地d雞翼好好味
, helen識得整嗎???
今日過得好平凡呀!!!就此收工
. |
| 2005 年 8 月 29 日 星期一 |
| 返小一 |
分類: 未分類 |
^^, 今天過得都好順利, 但是亞細輝又無啦啦話唔做, 究竟原因何在???這一年都有好多人來, 又有好多人離開, 唔通我地公司真係咁難做咩, 我心想自己都做了差不多兩年, 點解其他人唔得, 我唔覺自己特別叻, 我真不想下個月又有人話走了, 我受夠這數個月來的人事變幻了......
我的外甥今日開始返小一, 回想六年前一副天真可愛的新面孔進入我家, 都幾開心的^^, 但他慢慢長大, 就越來越唔聽話, 這小子也可能是我的縮影, 我細個時也可能如此
 , 但是在此, 我也祝外甥學業進步, 聽教聽話啦
......
現在的小學設備真好, 又冷氣, 又有電腦......唉!!!!!!
......比人捉到我寫錯字tim |
| 2005 年 8 月 28 日 星期日 |
| Sudoku |
分類: 未分類 |
近日, 忽然愛上玩一個填數字遊戲-sudoku, 它是一個由九行直x九行橫共八十一個格仔的遊戲, 有時都幾難玩的.
今天九幾起身, 跟住蒸了幾包點心食, 一路食一路看電視, 估唔到現在的卡通片是咁差的, 好悶下....
跟住就看雀聖, 我發現我現在越來越覺得傅穎幾靚女的^^, 到兩點幾就落街食野, 今天成日都沒有出街, 過了一個沉悶的星期日, 但都好, 有一日好好咁休息, 比自己充下電.
部inno 30又壞壞地了, 我決定以後都唔買它的電話
helen, 就快返學啦, 比心機迎接中四, 五的課程啦 |
| 2005 年 8 月 27 日 星期六 |
| ...... |
分類: 未分類 |
唔知點解, 對呢份工越來越沒有興趣, 可能老闆不停入貨而唔比時間我地, 都是因為咁, 攪到個倉鬼死咁亂, 上次佢入來就話我地個倉亂, 唉.......唔係你樣樣野都要快來快去, 我地都可以找到時間執倉的....
開始覺得自己返到公司都唔係做野, 日日無無聊聊咁過......
今日食完午餐, 同肥輝去了惠康買了一百元野, 有兩個印花^^
下午就一個人執下個倉, 其他人做貨, 一個人做野都幾輕鬆的, 得閒聽下電話^^
哈哈, 夠鐘就走了, 咁就一日 |
| 2005 年 8 月 26 日 星期五 |
| 悶悶的一日 |
分類: 未分類 |
唔知點解, 無了阿基一人好似唔知點的, 整日都悶悶地,
寫字樓個冷氣又滴水啦, 叫個師傅來看話要幾百元, 大佬呀, 換條喉唔駛咁貴呀!!!
個倉越來越多野地方越來越細, 唔知點算,
就快可以換狗仔了^^
今日和個舊同學傾開, 點先可以做d有成就的事......好苦惱呀 |
| 2005 年 8 月 25 日 星期四 |
| ...... |
分類: 未分類 |
今天早上, 攪番昨天做的分貨出門市, 等亞基在新倉羅埋d貨返來就ok啦
亞基回來後和我說要請兩天假, 他有親戚在廣州過了身......
其實人的生命好短暫, 生老病死......我都怕自己幾時會
|
« | 1 | 2 | 3 | 4 | 5 | 6 | »
|
