唉, 假期都咁悶, 成日在家看dvd, vcd.......

一日就咁過啦, 開始覺得有時返工都唔錯的, 起碼有d野做, 唔會悶成咁......

今朝起身, 屋企沒有早餐食, 攪到我在屋企四圍找野食, 諗住煲麵食的, 但費事煮了, 最後都要出街食, 我買了碗十元雲吞河回公司食, ^^d雲吞大大粒, 幾好食, d河粉就......

幾經辛苦先食晒, 因為太熱啦, d同事都好奇怪, 因我每日都是吃完早餐先回來, 今次我都是第一次咋, 看開d啦, 吃到九點八先食完, 亞湖佢地又唔做野, 好似要等齊人先可以開工, 激死人啦, 而家又唔係無野做......

亞基和輝又要過新倉, 等人來裝隻四十呎櫃, 都好呀, 起碼d野上返中山, 我地個倉又有多d位啦. 但是小了兩個人羅.

上午, 數批冷衫比新灣, 都攪了成個上午, 吃飯時本來和亞濤一齊的, 但有野要送來, 他為有留下等收貨啦, 真偉大, 但最大原因是聽馬咋. 午餐吃了個五香肉丁炒飯, 好辣呀, 但好好味. 都好耐沒有來這間餐廳了, 有進步^^

下午, 都係攪番昨天老板入來說要做的野, 做完後, 發現有d恤衫因上次外牆滲水而濕晒, 好彩老闆昨日見唔到咋. 拿返d衫出來曬後, 我就出去幫手啦.

中山又返了好多新貨, 下星期一又做死人啦!!

五點幾亞基和輝返來, 都咁晏啦, 返來仲咩呀 , 早d又唔返.

收工收工, 星期六做咁多野做咩呀, 又無獎的.

中銀信用卡終於批了, 但我諗住去百老匯買野先申請, 現在佢都做完推廣, 你批比我有咩用......

星期五, 昨天因為沒有走貨, 攪到今日的門市勁多, 要走兩車先可走晒, 其實以前都唔係咁的, 最多只係運輸話走兩車的, 但現在, 好似有d難為亞鄧.

上午, 忙於執三實六, 話晒係老闆娘鋪頭, 唔可以唔執, 執完就走九龍區的門市先, 下午等亞鄧回來就走埋香港, 兩度加埋有成十一板貨, 好多下.

今日本來想早走一個鐘的, 因為媽媽生日, 出去食, 但是, 老板無啦啦走入來, 真係你老板呀, 佢又成個倉四圍咁走, 看下個倉點, 唉, 入來都要出下聲, 驚的.

大家都諗緊, 今次有沒有下午茶食, 最後, 是有的^^, 我叫了雞翼餐, 好彩老板在收工前就走了, 唔駛遲走, 一夠鐘馬上飛出葵芳食飯.

我地去了潮館食晚飯, 都幾好味呀, 最愛個蠔餅, 正呀, 唔知幾時又幫親呢!!

......唔通我地個倉真係咁難做, 個個新來的都好似做唔長, 怕辛苦??說實話, 我地工作量都唔係多啦, 又唔會比晒d野新人做......何解??

星期四的早上, 唔知係唔係人多了, d門市單一個上午已執晒^^, 本來已夠貨出門市了, 但connie說要明天一次過出, 咁多貨一次過出, 出到去咪比人鬧, 咪傻啦......

下午吃飯時, 叫了亞耀回來幫我睇下, 那一部數碼相機比較好, 一部sumsung, 一部olympus, 最後, 我地選了部sumsung.

跟住就攪分貨啦, 分番d童裝長T, 幾靚下架, 分分下, connie說亞昌做埋今日唔做了, 開頭我都唔知邊個亞昌來的, 算吧, 都唔駛理了, 路過的行人吧了.

做到五點幾, 和亞輝一人一半雪糕三文治^^, 做多陣又收工啦啦隊!

今日早上, 家姐無啦啦話放病假, 佢又好啦, 又放假啦, 我都想有病假呀!

昨天, connie比了鎖匙我, 叫我開門, 她就遲d番, 驚驚地, 成個倉在我手, 唔小心掉了都唔知點算. 又無啦啦比人話做了揸fit人. 無奈啦, 我都唔想開門的,

今日又係平平凡凡地過, 一日真係覺得過得好怏.

唔記得了發生咩事, 又想寫, 又唔知寫咩.......

今日回到公司, 唔知係咪我早了呢, d人都未返, 得我, connie和亞? 一時唔記得個名tim, 新來的新人一號啦, 咁就看下雜誌, d人先開始返咋.

到了九點半, 有一新人浦頭, (都係唔記得佢個名), 第一日返工都咁遲返, 想死呀.

跟住他就跟我執門市, 他說以前在bossini 做的, 咁又點呀??

咁多人, 諗住可以快d執完門市, 點知又係攪到收工先做得晒, 激死!

吃完飯, 亞基和我說, 如果個倉請亞頭回來, d舊人會一個個cut, 心諗, 成個倉我第三舊, 係咪好快到我??死期到啦......

但是來了個亞頭, 除非他真係好做得野, 如果唔係我一定唔服的

今天早上去了幫伯爺整電視, 佢部電視d色都變晒, 勁紅, 較極都較唔到, 只較到看上去自然d咁啦.

跟住就去了旺角行街, 出到去點幾啦, 快快趣找野食, 最後去了一間唔知係唔係上海餐廳的餐廳食野, 我叫了個肥牛担担麵, 外甥就叫了個好好味的吉列朱飯, ^^吃完就繼續行街啦, 行一條西洋菜街, 有幾間百老匯, 幾間中原, 幾間雷射........唔駛呀......

買了隻軟硬天師cd, 聽返以前佢地唱d歌, 都幾攪笑下.

跟住去了新之城, 荃灣有新之城這兒也有, 但旺角的就多野睇d啦, 但好似唔係幾合我行^^

跟住去了花園街, 順便走去公司間鋪頭行下, 吹吹水咁^^

之後搭車去了葵芳, 食了d小食,雪糕, 行多陣就返屋企, 返到屋企樓下, 亞媽打來叫我去惠康買米, 咁我就一個人做苦力, 抬了兩包十公斤米回家, 好彩惠康離家唔係好遠咋, 成四十四磅野喎......

星期六, 本來以前星期六好得閒, 點知又要拆麻包袋, 老闆又話遲d入來, 唉......

上午, 一d人去分貨, 一d攪麻包袋, 今日食飯, 亞輝又唔和我地一齊了, 都唔知他做咩, 好似在怒人.

下午攪麻包袋, 點知五點幾老闆無啦啦入來, 嚇到我地呢, 好辛苦先到收工時間.

其實今天都唔想打日記, 所以只打了小小.

日日做同一樣野, 開始有點厭, 一夠鐘開晒d燈, 拉野出門口, 分貨............到收工時, 拉返d野入來, 熜番公司d燈.

好似返工就係咁無聊, 回想起以前, 返學時總想早d出來做野, 最後, 等到現在出來做野反而想返番學, 世事就係咁的了, 有的就沒有好好珍惜!

亞基上個月問我借了二百到現在都未還, 又唔知點開口好, 又想唔駛佢還, 當每天睇佢報紙咁啦, 但我都唔知點好, 我忘記了咪算羅, 點解成日記起.

今日和新人都幾好傾, 他都幾想留下繼續做, 但聽connie說, 亞湖可能又唔用了, 唉, 又請又炒, 來來去去, 教完又走, 又要教個新人, 都幾苦下.

d澳門大麻包袋好難攪, 一日只拆了四個, 仲有十四袋等緊我地.

今日, 早上都無咩特別, 做番昨天做剩的手尾, 數番個數比connie. 終於做好晒啦, 成二千幾件衫, 做了兩日都係咁啦.

昨天來了個新人亞昌, 看上去都幾勤力, 實際就唔知了^^希望他唔會做幾日又話唔做啦.

食完飯, 亞基湖過去新倉收貨, 我地就執門市, 執完後就分上星期六返來的澳門大麻包袋. 唉, 分完又分, 咁多野做. 和亞濤討論過一個問題, 點解我地人工咁低, 明明成間公司最多野做是我地個倉, 無理由的......

和新人都無咩兩句, 收工前, 公司的外牆終於有人來拆棚, 有無攪錯, 早d來唔得咩, 做快d啦, 阻住人收工. 最終遲了幾個字才收工, 唉......

今朝九點, 中國的神州六號升空了, 天天看報紙的頭版都說有關的新聞, 都幾好呀, 起碼中國都可以強大起來, 唔駛好似以前咁, 比人蝦, 比人瓜分土地

小時都想過做太空人, 細個的夢想真可愛^^

今日, 行返工途中, 看到一架小巴停車, d乘客企晒起身, 準備落車, 點知看到架小巴響了一聲, 震了一震, 那時重以為是架小巴爆炸, 但看到d乘客無咩反應, 個師機又解安全帶, 我走過去先知, 架的士撞落小巴度, 睇甩個的士師機勁無奈, 個乘客都唔知點好.

回到公司, 同亞基同一時間返到公司, 一齊爭住打咭^^

上午開一陣會就開始工作, 我自己就攪新麗上次返的t恤, 獨自一人攪, 下午亞輝回來先有多一個幫手, d野諗住今日可以攪晒, 但沒有人幫手, 要做埋明天啦, 亞輝唔知做咩朝早請假呢??

收工後去了買半隻燒鴨回家加餸, 盛惠$25, ^^無所謂啦, 一家人開心.

放假好悶, 好悶, 朝早八點幾起身, 覺得唔知點咁, 好似放假放得太密, 反而好無聊, 唔通唔駛返學的我就係咁無聊??

下午, 和媽媽去了麥當奴吃野, 跟住行了一陣, 在回家的路上, 見到兩個舊同學, 傾了一陣又行返屋企啦, 我正在想, 是不是命運注定的, 如果我食完野馬上返屋企, 咪見唔到佢地, ^^覺得世上有d玄......

今日雙十節呀, 諗起以前, 一到十月, 通常見到兩種旗, 一是現在的國旗, 另一個是國民黨的旗, 現在後者已看不到了, 青天白日滿地紅^^

星期一的早上, 行過報紙檔, 老板又唔記得我買咩了, 都幫親了咁耐啦......我要的是game書, 唔好再比本電腦書我.

返到公司, 又忙住執單, 明天又放假, d野今日一定要出門市買, 我和亞濤又要分貨, 攪到唔夠人執單, 而且connie又話走九龍區先, 攪到我，地幾咁忙, 最後, 九龍區都在三點幾攪好, 跟住我地就一齊執香港區了, 執下執下, 做到要OT了, 又要加班, 好彩明天唔駛返咋.

最後做到成八點先收工, 唉.....

下午吃了一碗淨水餃, 好味呀^^, 但得五粒, 好似少了些.

今天一早, 比亞媽電話弄醒, 問我食咩早餐, 那一刻好無奈, 八點都未有就比人整醒.

起身食早餐看電視, 看下看下又半日了, 但都唔想出街, 跟住執下衣櫃, 估唔到仲有咁多衫未穿過^^

下午, 吃完下午茶就上網玩機了.

估唔到好好的星期日比我浪費了.

今天, 終於人齊做野啦, 但亞輝返到來, 塊面黑晒, 一聲都唔出, 無人敢和他說話.

咁我地就開始執倉啦, 兵分三路, 一面拉野過新倉, 一面執好個倉, 掃下地咁.

下午時, 亞濤和輝留在公司食, 唔知點解, 佢地好似變晒, 以前星期六都會和我一齊食的, 唔知點解. 從前都像一家人, 但現在一聲都唔出, 你有你說咁, 唔通大家都係細佬咩!!!

下午返了勁多野, 一共返了十幾板野......唉, 算吧!

星期五又係減價的日子, 慣常走去超市看下有咩特價飲品^^

返到公司, 得我, 祖和connie三個做野, 一早公司門口就比隔離d垃圾阻住晒, d pizza盒放到人地門口, 佢地無病呀, 要人掃地......

和亞祖拉d門市出來比亞鄧派門市, 跟住做埋d貨, 帶住亞祖做貨都有d驚, 怕做錯^^

下午和亞祖執下個倉, 做下休息下, 咁就一日啦, 都好啦, 兩個人都做到咁多野, 哈哈.

放工後, 在萬寧見到家姐, 又買了二百元野了.

忘了忘了. 前兩天的事好多都忘了,

早上返到公司, 才知亞濤和輝過了新倉攪野, 剩下四丁人做野, 好苦呀, 明知星期四鬼咁多單執, 重要分薄我地, 但好彩都在收工時攪好晒d門市, 但是亞基就要去新倉幫手加班, 而我就做逃兵啦! 其實我都想加的, 但就要落去荃灣, 咁諗落一去一回, 無謂啦, 咁咪一個人回家, 諗落好對唔住佢地呀......

早上起來, 喉嚨有d痛tim, 應該係時間病了, 季節性的病......

行過渣打櫃員機, 本來想拿錢交卡數, 點知鬼咁多人排隊, 唉, 平時又唔見咁多人.....

行到公司樓下撞到亞基, 拉了佢去惠康買野, 叫佢做咕哩^^

回到公司, connie又話隻四十呎櫃有d野要抽番出來, 又話hold住先......點呀, 唔好再唗我時間了. 跟住為有做貨了, 今次都算是我第一次做貨, 做了四款野, 比想像中易^^, 做完都差不多時間收工. 忙完一天了.

今天本來又要加班, 但沒有人留低, 最後約了明天加班, 乜加班都可以預約嗎???

今日, 經過亞基和湖昨晚加班後, 做少左好多野, 本來我都想加班的, 但是沒有向惡勢力屈服.

早上, 基輝湖過了新倉執野回來補貨, 我和亞濤就拉九龍區出門口, 準備給運輸派貨. 昨天老闆又fax了三張紙來, 要裝一隻四十呎櫃返中山, 而且是明天走, 痴線的嗎, 一隻貨櫃的野, 一日點做得晒呀, 個倉有成百人呀......

三人回來後, 跟下d手尾都成一點了, 亞輝明天又放假, 又少一個人了做野了.亞濤又預了比人炒, 做野又和以前差d, 唉......此地不宜久留.

吃完飯, 就做四十呎櫃, 做得好苦呀, 唔寫啦......起碼唔駛加班.

明明post了的日記, 點解會唔見了, 去了那???

都忘了昨天的事, d單唔係好多, 下午執晒了, 跟住就分貨, 又要加班, 我就沒有加, 得亞基湖加.

差不多啦, 近排記性又差了, 唉......老人痴呆, 你我都要關心.

無啦啦醒了, 早上七點幾咋, 放假都咁早醒的.

亞爸媽去了行山未返, 為有自己整早餐食啦. 好在雪櫃都有好多點心姐^^

到了下午, 天氣越來越熱, 終於去了荃灣行, 順便涼冷氣, 行到五點幾返屋企了,

咁快又過了三日, 好想放多幾日假呀,

國慶五十六週年, 一齊為祖國歡呼

一早, 比外甥踩醒了, 做咩咁早起身呀, 七點都未有就起身, 平時返學又叫都叫唔醒......

訓多陣起身食早餐, 假日都係無咩胃口, 看了一陣電視, 玩了一陣ps2.

到了中午去了奧海城食野, 那兒有好多野食呀, 但價錢就......

食完野, 幫亞爸眼買鞋, 真係花多眼亂, 哈哈, 真係唔知點好. 最後去了葵芳買了對行山鞋.

今日就係咁過了. 放假真係好無聊.

話咁快, 今年已過了足足九個月, 時間過得真係好快. 一天的時間咁就完結, 昨天的日記好像剛寫下的, 一日的假期, 咁就比我浪費了^^

一早, 唔知點解明知放假都鬼咁早起身, 發覺自己是否有問題, 起身後, 本來和爸媽去飲茶, 但亞媽話唔駛咁早, 等多一下兩餐一齊食 , 咁我就呆了個幾鐘先去啦!!

飲完茶, 跟住返了屋企上網啦, 唔明自己點解放假會在家中自閉, 明天和後天都唔知點好?? 但是自己欲十分想一個人靜靜咁過呢幾日假期.

下午三點幾, 走去接外甥放學, 間小學好多人, 等放學等了好耐, 好後悔落嚟......算啦, 下次放假都唔知幾時的事了. 跟住去了麥當奴食下午茶, ^^行多陣就回家了.

今天好唔開心, 聽說亞濤可能比人炒, 識了他年幾, 覺得佢份人幾好的, 可是做野態度就......, 可能係咁, 就引起人不滿. 公司已經小人做野, 如果又炒埋佢, 又請唔到人, 我都唔知點好.

十一黃金周真係有金執咩, 門市補鬼火咁多野, 好在忙完今日, 明天放假, 做剩d野唔駛跟, 好唔負責任^^.

收工時去了買電話, k750i呀!!$3480, 做了分期, 月供$290.都抵的, 有好多野送^^, 好耐沒有買電話了.

真希望亞濤可以留得低, 繼續幫手^^

朝早, 一如以往行番公司, 行過報紙檣, 買本him返公司睇, 一個月一本^^

本來諗住得自己一人做野, 但唔知點解得亞湖,基過新倉, 其他人下午先過, 做到今日為止, 個倉終於回復番門市入來之前的整齊, 終於攪好晒啦啦隊!!

食完飯, 亞基又無啦啦返來幫我手???莫明奇妙!

咁我地就做新麗的貨, 呢間供應商出名次貨多, 唉......本來都可以在收工時做好的, 但是d衫從外看是一樣, 但是就分背心, 短袖和長袖, 咁就比佢玩死了, 又要由頭做過, 唔知老闆怪唔怪我呢???

昨天辛勞一日, 今天都有d回報, 跟番小小野, 又可以出車了.

但亞鄧話收昨天sales帶人來q的貨先, 咁為有幫手拉出去啦.跟住做埋小小上星期的善後工作, 咁又一個上午了, 下午和基基一齊分番之前分剩的貨, 直到收工.

好在今日唔駛加班, 好準時咁走.

明天又得我一人了......

星期一的早上, 下著毛毛雨, 但是我一出門口又停晒, 最攪笑是我回到公司又下雨, 哈哈, 個天對我真好了, 今朝買game 書, 返到公司才知小了一本 , 決定收二工走去羅返!!!

開工時,sales帶人入來q貨, 乜咁早入來架, 我地唔洗做野呀, 最後由亞濤一人招呼佢地, 個sales好乞人憎呀, 成倉人都好憎佢, d野等到最後先比人做, 唉!!!

q完這邊的貨, 亞基,湖又帶佢過新倉繼續, 就係咁, 在人手嚴重不足下, 可怕的事竟發生了.

原本可以做得晒的工作, 要加班才可完成, 入來這間公司, 第二次加班, 仲要加成三個鐘tim, 開頭一個鐘都無乜野的, 但是之後個人越做越down, 唉, 做完八個鐘又加三個鐘, 個人軟晒.

收工落到樓下, 人影都唔多個, 條街靜到......跟住去買了粉果燒賣, 回家焗個杯麵一齊食, 咁又一餐了, 沖埋個涼成十一點 , 下次都唔知加唔加班好.

今天早上, 如常被外甥嘈醒, 八點未有就起身了, 怕了佢......

看一陣電視, 到十二點幾就去了葵芳行下, 順便買d game回家玩下, 但屋企仲有好多game未玩, 堆下堆下唔知點算.

行到五點幾就返家了.

吃完飯看了露寶治世界, 幾好睇喎!!!值得推介.

原來一次打三日的日記好辛苦的.

今日, 得我, 亞輝和亞濤返工, 我負責開門, 因為我最近, 但我好怕揸鎖匙, 一來怕唔見, 二來又怕會無啦啦叫我回公司收貨, 但都沒有辦法.又唔掛八號風球, 真失望.

預計早上先執一執地方, 下午先攪分貨和門市之前的貨, 本來諗住輕輕鬆鬆過今天, 但connie寫下一張list要我地今日做, 唉, 得三個人, 唔駛寫咁多野呀!!

中午飯時, 叫亞輝買飯盒了事, 都唔想落街食.又大風又下雨, 一路食飯一路看vcd^^.

臨收工都分好晒貨運^^, 都叫有得交代啦.