最近.天氣冷冷的...

樓下公園的幾棵紫荊樹開滿了花.好靚..有時晚上返屋企時見到片地都是紫荊花..好似雪一樣鋪滿地下..好清香!!令我想起十年前我係大陸讀小學時..學校都有好多紫荊樹..同樣既樹同樣既花同樣既清香.令我深深感觸..同樣的紫荊樹下的一雙好友各自生活/各自改變/各自長大了..大家分開在遠遠的一方..身邊的朋友已經不是改變了..但同樣在紫薇樹下長大的他們一定不會忘記對方.大家永遠都是對方心中最好最重要的朋友..我想.我的想法他亦都一樣!!不知到十年前一起在紫荊樹下的朋友還好嗎?生活如何?開心嗎?當紫荊之花盛開時..會想起我嗎?祝福遠方的你生活永遠幸福快樂!!!    

                                                                                                                To:健

不知不覺..我係呢間公司都做左成5個月喇..今日我終於離開左了!!

由我一入去果時..全公司有好多好多員工..直至到而家9成人都走晒..好多人同我講過(睇唔出.你可以係呢到捱到咁耐喔!)呵呵..咁又係既..真係好辛苦..不過當係一種磨練啦..而家艱辛既訓練完結左..得返黎既為一益處就係.手臂大隻左小小..好過冇啦^^'..呵呵~

咁耐以黎好多新人係我眼面來來去去..完全冇一個會決定留低.所以想識多幾個fd都唔得...只係我電話簿入面多左好多個啊乜啊乜啊乜....真可惜><'

決定離開.都對呢間公司無咩留戀了..除左個好朋友小燕!!同埋一班唔惡既廚房佬(覺得佢地幾得意.可能係出面都幾難搵到了)

下個月5號我就要係一間新既公司到職了..雖然有幾個熟人..不過驚自己咁笨.會唔會好難適應呢?希望呢到會係一個新既開始好既開始!!..咁樣結束先至會有所意義~~~~

                                       再見:五十嵐

今日,

係我等左好耐既陽光與海灘的日子..好開心~~

唯一缺陷就係無女仔去..不過唔緊要.我地玩埋佢地果份^^'

我地9點鐘出到黎.啊狗遲到左..所以要請我食早餐..一家心痛死佢喇..哈哈~

仲有kind man..電話一直都唔通..一定仲係大陸了= ='所以我地(我+碌架+德德+大佬+狗公)去住先..去到筲箕灣食左個早餐..再買埋野食..就入去石澳了..入到去大約12點左右...我地租左隻最大既浮艇落水玩..呵呵..好正呀..一個浪沖埋黎大家一齊反艇..~~玩左一陣kind man終於黎到喇..6個人齊晒..之後不幸既事就發生喇!!!一個大浪襟埋黎..碌架唔見左副眼鏡/第二個大浪沖埋黎狗公唔見左副泳鏡..好彩我身上無野可以沖走既姐..哈哈~~之後大佬又整斷左支船掌..仲有儲物櫃條鎖匙都可以開唔到鎖既跍= =''雖然好黑仔(至小黑唔到去我到丫嘛kaka)....佢地挖左好大個洞.我坐落去比佢地堆到好似獅身人面像咁.真係只留返個面比我而已..哈哈~正!..潮退時我同kind man同狗公開隻艇出海目標係出浮台.點知浮台比2個男仔上左先..仲好似係到串我地咁喎..之後見佢地水時上唔返個浮床.笑死我地喇..哈哈!..大家都玩得好開心..得返黎既都係一身赤紅色的皮膚.^^

玩到夜了..返返出黎深水埔食大掛檔..之後佢地係都話要賭錢喎..所以去左德德屋企後樓梯賭.幾蚊幾蚊咁玩.我竟然可以輸左成百蚊都未win過一次既..天啊!!終於黑到落黎我身上喇= ='..算啦算啦..點我都要黑返一次的..kaka~

今日,

係一個好特別既日子,亦都係我期待以久的一日!!!

就係同好耐冇見既小學同學出黎聚會.去陸校長屋企BBQ!

事前..腳破同我講差唔多全班同學都會出席.搞到我不知幾咁開心理!.點知去到集合地點..先至知到果條友係吹水的.=,='計埋低班果4個人都係得果十多個!!真係比佢玩死喇!當時成個人馬上dwon晒...有d想見既人都無出席...不過算啦~最小都仲有十多個係自己班的..大家咁耐冇見..個樣都無咩點變到喎..除左莊芷恩以外..呵呵~完全唔認得佢!!仲有牛屎個細佬..而家大個仔喇..唔再係以前平台既街童了..哈哈

之後.我地成班人一齊搭輕鐵到陸校長屋企..原來佢住既地方好有鄉村feel的..好正呀!見埋佢老公[鄭生]仲有佢d仔女..佢地一家都好好人!!我地係佢屋企又打啤又打麻雀又飲又食..直至6點先至開始BBQ..校長買左好多野食呀..我地係佢屋企出面既空地燒..一路燒一路玩..校長教我地玩一個集體遊戲[蒙羅麗沙+飛機+企鵝+棷樹>4合1版]..之後我地十幾個人玩[糖痴豆]..好好玩呀..哈哈!時間過得真係快.不知不覺得玩到好夜..大家臨走既時候影左幾張大合照就告別左校長.各自回家了..唔知幾時再會有呢d機會大家再出黎呢??

走既時候.因為洪興下一日係佢牛一既關係...所以我地4個一齊去左新九龍好似上次咁唱k.不過今次咩野都無得食.仲只可以唱到3:45就無了..厄$的= ='之後我地去左kk樓下果間m記傾到天光先至返屋企...^^''

       ~友共情~不變~

今日,

係我連續工作左10日先至有得放假既日子..好開心!!

本來想去銀行囉小小錢黎用下..點知3號風球都仲未止..掛埋8號tim~所以放假既日子又要被迫留係屋企過喇...最重要既係全港既人都因為打風既關係可以返晒屋企..咁我既假日咪白費左囉= =''唉唉..希望聽日個台風返返黎..掛埋10號風球啦..哈哈~(同讀書時期大家既心態一樣^^')

最近..佢地又想12號晚食燒夜/16號去沙灘/仲有19號搞小學聚會/還有25號搞中學聚會~~邊有咁假放呢..仲要選正係星期六/日@@''不過真係好想去小學既聚會呀..咁耐冇見過佢地..唔知大家會變成點呢?

晚上.烽表哥加左我個QQ~係佢個空間見到好多佢同佢女朋友既相..十分溫馨!!搞到我自己都心感喜悅..真係替佢地開心喇~~希望佢地快D拉埋天窗啦..呵呵!!