今日,

台風打到黎喇..掛起左1號風球..不過我都唔覺同平時有咩唔同..只係有幾點雨而已~~

最近.都係無咩野日記..可能呢種玩意只係適合比時間充足既人玩..我日日放完工..返到屋企都12點了..時間完全唔夠><'人生已經再無意義了..唔通真係為左活著而活著?

最近要企A set...一個人睇11台..完全唔可以停手都未止.仲要快快快快快...就快心理唔平衡了..好彩呢幾日唔係好旺炸..不過A set照樣都係要入客先..都係一樣照爆~分別就只係出面門口冇咁多人等姐= =唔係我早就死左了..呢間野完全唔夠人手..人工又低..資源又不足..真係無一樣好的!!我既未來會點呢..我仲要做到幾時呢~?

今日好唔開心.因為太忙既關係漏左單..搞到其中一個客等左半個鐘都冇得食..之後好火咁取消晒D野..走左!!搞到好冇心機..><'!十分之過意唔去!

無意中發現今日係8號[會考放榜日]..記得都係蛋糕既生日..打電話去問候下佢..點知佢都係考到同上年一樣既分數...仲係佢口中得知舊同學個個都考唔到好成績..真係慘..咁就浪費左一年了!!不過有得讀書總好過冇得讀既...起碼校園生活是美好的...小強雖然囉唔到好既成績..不過相信係佢最美好既一年..呵呵

希望.大家既前途係一片光明..Forever Friends..................

今日,

好熱呀..唔使返工喔..^^

本來今日係請假同佢地去書展既最後一日..點知比蛋糕放我飛機...可惡!!..係屋企都唔知有咩搞好><'!

星期日既晚上..大家幾兄弟一齊約出黎聚一聚..好耐無見過大家喔(不過因為大家都夜放既關係..我地出到黎都12點幾了)..去左深水埗街市樓上既大掛檔食..第一次去果到食..見到好似唔係好乾淨咁既!!不過d野又幾大碟幾好食喔...最緊要係>好抵食!我地8個人又飲酒又飲汽水d野多到食唔晒..每人都只係50蚊找數@@!!正..遲下有機會再搞多幾次呢d聚會先^^

公司黎左3個新人..終於唔洗我做最細果個喇!.哈哈~

今日,

又係放假既日子..好開心!^^又一個星期冇打過日記了!

果條傳說中的殺人鯨主任..開頭好好的..不過做多幾日.佢就露出佢既真本性..樣樣都做都正晒..睇到我地實晒..小小事都煩到xx咁= =''唉!

二日前有一個舊人返返黎..原來係啊bee條仔喔..不過都幾好人喔good^^

耳機都係一樣可怕的東西..塞住左一隻耳..搞到聽覺差的我而家仲更加差..點可以一路落單.一路聽住佢地爆機呢..@@佢地真係勁.可以一心二用!!!

最近.走左個人..下個月又有幾個舊人想走..所以而家要請定waiter先..呢幾日有好多人黎見工..仲係個個都係靚女tim..哈哈

日日都要返工..一返到黎就同佢地打機..玩到3/4點先至訓...所以一曰24小時係唔夠我用的...如果有34小時就好喇..哈哈!!

難得放假..推左林仔個聚會..諗住同埋中學既人出去打邊爐既...點知個個都話太熱而唔去=,='咁又晒左一個假期了><'失望失望!

下個星期二..佢地約我去書展..唔知去唔去好呢~~

今日,

終於到我放假喇..哈哈~等左好耐了!

返左差唔多一個星期工..都係唔係好習慣果到..唔通我唔適合做飲食業?..

不過如果轉工又唔知轉得咩工好..起碼間野大部份既人都好好..^^'

尋晚都係一個字[忙]...我幫客加茶時..又要我落單..係呢個時候後面台客又叫我加水(火鍋的)..一次過黎幾樣野~我下意式咁囉左壺茶(綠茶)倒落佢既火鍋到幫佢加水= ='當時我都知到衰左了..所以一次過落快d..等台客仲未發現..我以經走左了..哈哈~之後佢地食左咁耐都仲未發現自己係食緊綠茶味的火鍋..好彩好彩~~

公司比左對部機我用..不過塞住左一隻耳..佢地又係咁爆機喎..搞到好煩呀!!= ='

難得有得放假..想出街玩下..不過又諗唔到節目喎..我又唔想去睇史力加3...所以最後都係..係屋企同佢地玩天翼算..同德德過左第三章了..哈哈!

依家都只係返工..放工就打機..都無咩時間打日記..........(請大家見諒^^')

今日,

因為婆婆聽日就生日喇..所以媽媽帶左妹妹返鄉下同佢興祝....!!

返到公司..見到一個新既主任今日返工...幾靚女喔..!仲好溫柔tim..good^^

尋日鈺姐點都唔比我落單..不過我今日..點都要試下的了..一開始係甘出錯..之後就慢慢學到d寫野技巧了...多謝大家的教導...呵呵!

晚市時候..set A今日唔係好多人..至小唔會迫到爆..有時仲有1至2張台係吉的..所以今日好比尋日輕鬆左好多好多好多倍..可能我又慢慢習慣左小小啦..

聽講..聽日有一個新既主任放完假返黎..個個都係到恐懼中..講到佢好似成條殺人鯨咁=,='希望聽日佢唔會囉我黎開刀啦..唉唉~

今日輪到我沒爐..真係辛苦既事黎囉..d油漬好難沒喔..帶左手套都仲比d熱水6到好痛..返到屋企仲痛緊!!!