終於返嚟lu
好喜樂..
唔係因為唔想留係個度
而係因為主俾我太多得著
而家好有信心面對面前ge挑戰
有人話去雙令會好慘...
但係我一d都唔覺!
經過咗就嚟一年冇令會ge生活
畢業班夏令會係俾我預備個心
去返神個度
而夏令會就係俾我靈命更長進...
又有人話
我地今年仲留係中學級
冇得升青成
我又係一d都唔覺慘..
係最基本ge道上面扎根
好過亂咁進深
但根基搖搖欲墜
總之
今個令會
令我深深感受到
揀選神
神自然賜人未曾想過ge福樂
去到個度第一晚..
我就好似個傻仔咁企係個籃球場睇星...
太靚la...
特別係...
d星係愈望愈多ga~(咁係因為瞳孔放大需時ge緣故)
所以...
頭先返到屋企覺得好悲哀= =
之前聽觀星講座
講者話睇星至起碼要睇一兩個鐘
咁先會睇到d暗星...(eg睇到全條銀河..但係香港係impossible)
突然之間諗到..
神比起呢d星靚一千倍一萬倍
我地成日一祈禱就想要哂自己想要ge野
成日埋怨主唔係我地身邊..
但係..
我地係安靜係主面前嗎?
神叫我地大大張口
佢ge恩典就會充滿我地
第一堂晚堂
雖然係好例牌ge topic
都係真假基督徒ge分別
但係..
一聽到路得寧願捱苦都肯揀選神...
真係好扎心
我願捱苦嗎?我唔肯
就連一d野同自己所想有出入
我就覺得神虧欠我
我真係覺得好慚愧
之前咪話
好想學識捨己
同埋背十架跟隨主ge~
神真係有憐憫...
第二日早堂
校長講士師記
坦白講
愈來愈鐘意校長講道la...
雖然好多時佢重複講好多野
但係又好有意思
小罪會成為網羅..
就正如以色列人唔趕走外邦人
結果呢d就成為佢ge網羅
校長叫我地要係主面前痛哭認罪
講得岩
就算喊
都冇辦法填補我地對主ge虧欠
之後專題
走天路
講員其中一句係咁:
係我為耶穌而活
唔係耶穌為我活
唔要求神
而係我地遵行主要求...
心裡面有個感動
係la
呢d就係捨己la
好想去到咁ge地步
係呢個令會都多咗學習聽主ge聲音
求主揀選我ge道路
發現主一步都冇離開我
佢係一位愛人愛到底ge神
晚堂
有一首詩歌叫做主是我否
真係一首好好ge詩歌
主...
離開你ge係咪我
令你傷懷ge係咪我
我太對唔住神la..
營冊第5首主的妙愛都好好
係主將我尋回
同光宗傾點樣明白主ge旨意
點樣揀我ge前途
當中都有好多得著
聽到李志聰ge事
ha
好得激勵
佢好叻a~
主叫佢會考ge時候受少少痛楚
但係就叫佢更加倚靠神
結果佢讀大學ge時候成績好得無人能及..
第三日早堂
繼續士師記頭3個循環
俄陀聶有神ge靈
所以能夠打勝仗
後來ge底波拉
面對九百輛鐵車(熟悉軍事ge同學就會知道..現代打仗都冇國家會用九百部坦克)
面對好似必死ge仗
有一萬人願意為主甘心犧牲
佢地冇退縮(佢地可以話...其他人去咪得lo..仲有好多借口..但係佢地冇咁做)
真係令我好感動..
校長用一節金句結束
我的靈阿 應當努力前行
面前睇唔到ge前路
面對仇敵ge攻擊
我地都要努敢前行
但願我可以做個一萬精兵ge其中一個!
校長又帶我地唱一首詩歌
親愛的主 你曾為我釘十架
如此恩愛 我怎敢往後退
求主使我 注目仰望主十架
輕看世界名利 勇敢往前行
(本來想唱俾你聽ga~但係唔得閒就算la xp)
專題
神俾我搞清楚信仰
俾我重溫得救ge快樂
俾我唔會再受魔鬼控訴
好平安好喜樂
感謝神
晚堂
思想到神為愛佢ge人預備更多更寶貴ge野
神藉意想唔到ge人堅固路得ge心
我就即刻諗到
前路交俾主
真係好穩妥
一定好得不到了...
同弟兄分享
點知完咗之後有弟兄同我講
我ge分享幫到佢地好多
佢地都堅固咗我好多
原來我ge領受係出自神
唔係來自自己ge感動
同光宗兩個人坐係籃球場正中央
講基督徒ge戀愛婚姻
其實本來我真係完全冇諗過講呢個topic
但係同光宗傾ge第一晚
最後我冇端端有感動
問光宗有冇野想同我講
佢就話
佢預備咗呢個topic
問我想唔想傾
咁岩專題後我有d野想同佢講
咁就應承咗佢la..
聽佢講之後
先發現原來教會之中太多失敗ge例子
成功ge例子就少得絕無僅有
我真係幾訝異
林sir教我地自f1開始為呢樣野禱告
相信好多弟兄都會咁做
但係點解有咁多人仲會跌倒呢..
為此我感謝神
全然係神ge保守同帶領
但願我係呢方面可以榮耀到神
唔好失足
ha..細細聲講好la~
原來仲有好多弟兄叫我為佢地代禱
等佢地有合適ge伴侶a~xd
以前去每一個令會
都係要到最尾一日先有得著
但係神今次俾我好豐富ge供應
第四日早晨靈修
睇到創世記第一第二章
我地可以點先知道自己唔孤單呢?
其實
睇到清早ge晨曦
睇到一個又一個ge波濤
睇到黃昏時候一朵又一朵白雲
睇到無數ge星星
我地就知道
神創造係幾咁顧念我地
有主同在我地一定唔孤單
早晨
睇到基甸ge失敗
我即刻向主話
主a...
叫我唔再憑眼見
叫我唔好再試探你
叫我全然ge順服你...
就正如靈修睇到ge
我望見你手所作ge
我就知道你信實同埋慈愛
晚上
又睇到路得ge忠心
睇到神ge賞賜
又睇到神ge豐富
感謝主
神打碎咗我地弟兄冰冷ge心
神使我地願意爭住分享
由第一晚冇人願意出聲
到最後一晚分享唔哂
願榮耀歸俾在天上ge父神
最後一晚先病
喉嚨好辛苦
但係都感謝神
神使我有健康ge身體聽頭7堂道
最後一日
最後一堂早堂
神照樣對我講說話
我唔願意再好似參孫咁虛度光陰
一生枉過
佢一世玩耍
到最後先認真為神作工
佢死ge時候殺ge非利士人比活著ge時候殺ge仲多
佢生出嚟就應該為主用去懲罰非利士人
但係佢冇咁做
白白浪費主ge恩賜
但願我往後ge日子唔好再掛住玩
唔好再懶"
好好善用主係我身上ge恩賜
完成神係我身上ge計劃
為主作工
最後默想
波仔再用個首豈敢
同我地分享
面對神ge十架
我可以向後退
再跌倒犯罪麼?
我可以畏懼唔向前行麼?
我可以貪愛世界麼?
斷然不可!
係呢個令會當中
最大ge得著係學習背起十字架
釘死自己ge罪
同埋為主放棄一切
放低自己
主ge安排就係咁美善
感謝神
返嚟ge船程係咁問弟兄有冇代禱事項
放心la~
我會幫你地好好祈禱ge la!
但願你地係揀科ge事上都學習倚靠神la!
曾弟兄問我
如果我會考20分
我會點算
我話
神俾我ge路
一定係最好最完善
有咩好擔心
神或者叫我會考失手
使我認清自己ge軟弱
咁何嘗唔係一件美事?
出camp後
去幫人補習
係咁教chem
發現原來自己對chem真係好熟悉
好多main pt都仲記得清清楚楚
反而math仲差d
circle已經唔識計= =
ha
神又俾我睇到我應該揀咩科la~
好攰la~
聽日團契
係夏令會晚堂ge第5堂
各位弟兄姊妹
萬勿錯過a!
(呢篇野太長la= =
但係都算值得ge
願榮耀歸與神)
| 
