真係好奈都無覺得時間係咁吾夠用,若果,只係因為時間少,吾夠去用ge話.都吾係一個太大ge問題,因為到底,自己都知仲會有幾多本錢.我怕ge係吾知時間幾時會用完.所以,每一日都係最後的一天.
只係,我今日ge最後.都只係得我一個人.宜家播緊周董ge黑色幽默,到底係笑緊我,定只係巧合.?
又係一個問題.自己其實係點呢?一個灰色主義者?的確有咁ge特質,但係應該吾係.樂觀?更加談不上.好人?我吾係.衰人?我仲未算.君子?我吾敢當.小人?我否認.神經質?或者啦.活潑好動?識我ge人,就知一定吾係.沉默?如果係ge話,就吾洗由細到大都比人話中意吹水.咁,我到底算咩?或者,只係寂寞.
嗯,黎緊呢一排,差吾多我ge好友都生日.就連我自己都係.第一個十八,本先應該係好開心.但係到宜家,我又想問自己,到底開心d咩?發現係無解.就好似聖誕節,耶穌生日,點解收禮物ge係我地?我咁樣講一講.又可能有好多人覺得又好似係咁喎.切,有咁諗法ge人,只不過係無自己主見.嗯,而我,自己都欠缺主見呢一樣野.呢一世仔,就係有恆心同衝動要去做ge事,仲要做好埋ge,真係十只手指都用吾晒.然而,我發覺戈d我主動ge事,永遠ge結局,都係不如人意.反而,有時隨風而去ge時候,仲樂得輕鬆.
但係,世事偏偏係咁,麻煩永遠都係自己找上門.我吾主動,佢地就會主動.咩麻煩,我係呢一到就吾講.都吾算係d咩大件事.其實,我連自己發生左咩事,都吾係太清楚.太快,自己都仲未清醒到,就已經發生完.嗯,世界真係好快.時間真係吾夠,但係,此時此刻,我卻仲係到浪費時間,因為,我覺得其實都無咩大不了姐.或者我真係個腦有問題啦,痴痴地,都算啦.無所謂.
反正,一夢驚慌又一夢.發左一個惡夢ge話,咪當夢魘算lo.水滸傳入邊ge英雄豪傑講得無錯"十八年後,又係一條好漢"誰怕誰?
仲有一個問題,有無諗過.有一日,你可能會發一個永遠都吾會遠,亦都醒吾到ge夢?
|
