| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
|
| | 2008-06-13 | Summer Session I的最後一天課，我好像又進入了自high狀態了耶。
一起床心情大好，也不是發生了甚麼，上次考試也沒有考得很好，莫名其妙，
應該要懷疑室友半夜裡往我鼻孔塞了支大麻煙給我吸之類的。
梳洗時免不了哼哼歌，出門時腳步也特別輕快，
天空一片湛藍，還真的是萬里無雲！樂得我駐足等看不看的到「天邊一朶雲」；
日頭依然炙熱，曬着皮膚一下熱辣，可是有它才感受得到走在樹蔭下微風輕送的舒服。
工地照舊是塵土飛揚…這想不出甚麼正面的看法，唯有希望他們快點峻工。
一路上也依然是鳥語花香，鳥在覓食，蜜蜂鑽進一大束紫陽花，初生而未長尾巴毛的松鼠來回穿梭…
能夠為周圍動物保留基本的生存空間，才算是好的城市規劃吧。
要上課了，禮拜一是final，最後百米衝刺，衝呀！
| | 刊登時間︰2008-06-13 09:56 PM [ 訪客留言(0) ] [ 編輯日誌 ] [ 分享至FACEBOOK ] |
|
| | 閱讀 | 倪匡可說是我中小學時的神，
加上金庸、古龍，就是所謂「三位一體」的「小說神」了。
當然狹窄，但其實看他們已經給了我基本的寫作能力。
記得小學幾年級已經去公共圖書館借《木蘭花傳奇》看，
看過後很久才知道很久之前TVB已經拍過劇了。
不不，在更封塵的記憶裡，小學時課室角落好像有個「圖書角」，
開始看的第一本小說應該是福爾摩斯吧，迷過好一陣子；
而金庸也是小學開始看的，因我有「順序癖」的關係，
當然是從《書劍恩仇錄》看起嘍，半懂不懂，
但看到香香公主死時，記得小學的我也有惆悵過的；
說起來家中金庸小說有齊一套，我爸自己的，已都紙黃頁舊，
但拿在手中真的很有味道——實際上和比喻上的味道。
《碧血劍》有頁缺了，看完後很多年才問別人借來看到那頁，
第一次看《碧血》應該感覺是「倒吃甘蔗」時甘甜那部分快到但還沒到吧，
因為接着就是《射雕英雄傳》，第一是場面大，小孩子喜歡，
第二是我第一次看過的TVB金庸劇應就是張智霖、朱菌的《射雕》。
怎麼在遂本數，總之好像小學某個暑假就看完了「十四天書」，
然後這些年陸續也在翻看，《神雕俠侶》看最多次。
金庸的小說情節特別深刻，略一回想很多場面、角色都了然心中，
譬如說程靈素，還真想不到其他任何故事的誰的犠牲給過我更多震撼，
更惱人的是那胡斐沒血沒淚的，靈素為他死了，他還在追着袁紫衣跑，
要選「最不受歡迎金庸男主角」我鐵定投給他了啦。
另要說犠牲也少不了阿朱，不過被台灣那廣告荼毒了害我想起就想笑…
而狄雲堪稱是最倒楣的男主角了吧，身世遭遇慘到一個程度，
覺得最deserve團圓結局的就是他了…
新修訂版除了《神雕》就沒看過其他，怎也值得一看的。
爸的書還有倪匡、古龍等，瓊瑤和亦舒也有幾本，雜七雜八，
記得TVB播過《情深深，雨濛濛》，找找還真找到本《煙雨濛濛》來看。
我想小學初中中文成績不錯應該要感謝我爸，
但現在在美國英文學極不精，也蠻想遷怒於他︰怎不放幾本《魔戒》在家？
感謝老爸，遷怒老爸，應該是抵消了。
其實爸的藏書在我小學年代再前一點點，都喚作「閑書」吧？
結果現在都升上神枱，都嘛「名著」的勢頭啦。
年代不同，定義都變了，聽人說過不看金庸，因為看不懂文言文，
甚麼嘛，連《紅樓夢》都算是白話小說了。
不過要數看過文學性較強的書還真不多，
《臺北人》有看沒有懂，《中國人史綱》怎翻也翻不動，
想想自己其實很沒文化，怎麼辦，虛偽的我是很想自居文化人的，
可能要放棄啦，現在一年也沒讀多少本書，還是栽回電腦電玩的世界去。
中學開始在看《衛斯理》，蠻沉迷的，
如果男人的科幻魂不是與生俱內，
我想我喜歡科幻的基因就是那時開始萌芽。
還有是倪匡好色，《原振俠》和《高達》常當了「官能小說」在寫，
官能就是情色嘛，所以性啟蒙方面…喂喂，說到哪去了，
《衛斯理》的另一特點就是多，百多兩百本，實在看不完，
要買也買不了那麼多，當時一路都是跳着看，
現在再看，倪匡小說的題材實在豐富繁多，過去這麼久也還能看，
他又是個超多產的作家，很難想像是怎麼做到的。
還有就是他反中共，我想我在看他寫「某政權」時已心有戚戚然嘍。
古龍嘛也是中學時在學校圖書館借來看，
但可能對他甚麼求新求變、陸小鳳「偵探武俠小說」實在不太感冒，
這麼多年還是只記得「絕代雙驕」的情節。
其他梁羽生、黃易的也看過，也不太看的完，可能已經不愛看書了。
咦咦，打不出東西了，就此打住。
| | 刊登時間︰2008-06-12 01:07 AM [ 訪客留言(2) ] [ 編輯日誌 ] [ 分享至FACEBOOK ] |
|
| | 倪匡 | 《光明頂》 2008-06-04 主題︰倪匡 陶傑 鮑偉聰 倪匡
陶︰倪生好耐冇見。我哋諗住定期請你上黎傾吓偈。
倪︰定期我唔知身體頂唔頂得順。
陶︰你呢輪都肥左啦。
倪︰肥好多。
鮑︰我見你喺報紙澄清，你話唔係六十磅…
倪︰肥超過標準六十磅。應該係一百二十五磅以我咁高度，而家一百八十五磅。
陶︰冇來幾個月啦，香港、大陸好多新聞，咩副局長外藉風波…
倪︰呢件事最奇怪，超乎常識範圍之外。唔知點解有啲人想法同大多數人想法可
以想差咁遠，好似兩個星球一樣。
陶︰咁就仲有另外大陸地震，死十萬八萬人…
倪︰天災人禍。
陶︰…仲有今晚陸肆。我覺得地震最近好多新聞，中國政府要求日本自衛隊派飛
機黎，點知而家啲憤青、民意好強烈…
倪︰有好多意見。
陶︰憤青而家主導左中共既司政咁滯。
鮑︰而家變左中國政府反而好似好開明開放，掉轉啲民間輿論、媒體，就好保守
。點解會咁情況？係咪而家社會仲保守過政府呢。
倪︰好古怪，睇唔透。照計冇理由，群眾係跟住政府走架嘛；如果黨中央公務院
唔下令哀悼，邊個敢下半旗嘖，長毛嗰次想下半旗比人趕左出去咯，講得太早。
陶︰世界好多事講得太早係罪名，當初耶穌都係咁死。有好多嘢雖事係真理，但
把口唔可以搶先講出黎。
倪︰最近地震咁熱門，我睇左本關於地震既書，《唐山警世錄》，話唐山大地震
死廿四萬人，最少可以減少十分之九，事先已經有幾十個單位報告上去會有地震
，時間地點，講得非常準確，但完全冇人理。如果早啲有準備既話，逃生容易啲
，可以死少好多人。本書猛話呢啲悲劇唔可以再重演，結果而家又重演一次。
鮑︰我睇亞洲電視重播一個紀錄片，都有講到倪生頭先講，好多地質同地震專家
當時都有預測到喺唐山地區北京附近會有場巨大地震，但因為嗰時係文革既後期
，政治鬥爭同明哲保身之下，令好多官員「多一事不如少一事」。
倪︰呢次四川大地震，之前一樣有人測到，有個叫耿興國既地震學家，唐山時測
到一次，冇人聽，呢次四川大地震佢測到五月九號，加減十日，巴州地區會有大
地震，又冇人聽。而家中國地震局科學家分成兩派，一派認為地震係可以預測既
，一派認為唔可以，認為不可預測嗰派佔上風，所以根本唔會聽所有預測。
鮑︰唐山當年，紀錄片複述，中國地震專家分為四川一派，西部既，另一邊就係
東部，即北京、唐山嗰派。兩班地震專家各自覺得地震預警…當時係四川嗰邊佔
上風，同埋因為接近京畿地帶如果預報唐山地震，萬一引起混亂、政治風險，喺
當時文革年代任何人都承擔唔起。
倪︰係，咁而家政治上冇問題點解又唔信人預報呢，預報左，就算唔震，損失都
好細，但如果佢真係震，損失可以減少好多，至少人命傷亡可以減少好多。
鮑︰最慘而家邊個預報，都唔知既，因為消息既公佈仍然未好全面…
倪︰冇系統。
鮑︰甚至死傷人數，而家報出黎既究竟係咪事實？失蹤人口止唔止呢個數？統計
將來會唔會陸續增加？都估唔到。
倪︰完全唔知，永遠唔知，冇得統計。
陶︰今日新聞，有一班家長走去抗議…
鮑︰去法院抗議。
倪︰正式控告。
鮑︰索償，寫左索償書，講要求賠償幾多幾多…
陶︰遭到當地公安拘補。
倪︰為首既家長比人捉左。打官司，冇理由官司都未打就捉左個原告，被告都唔
捉得，莫講話原告。
陶︰可能因有外國記者在場。
倪︰外國記者在場點解就捉左原告？
陶︰你搞事吖嘛。
鮑︰樂觀啲講可能唔使被打一身就算好彩。
倪︰希望公安水準夠高。
陶︰所以呢個世界，冇公義好慘。
倪︰呢次地震新聞，有線新聞都好啲，聽到災民講說話，其他電視新聞多數完全
睇唔到。
陶︰可能自律啦，而家咩都要講正面，要突出救災點英勇。
倪︰有線新聞有災民叫，有報導員黎就所有人都湧埋黎，報導員一走，烏燈黑火
，我哋親人就壓喺廢墟下面完全冇人理，佢話我哋大家都係中國人，唔好做醜陋
的中國人。大聲到咩咁，個肥婆最後唔知有冇比人捉左去嘞。
陶︰講到醜陋的中國人，我見你最近都寫左好多篇…
倪︰柏陽過世，紀念下佢。
陶︰你見過柏陽未？
倪︰同佢好熟。柏陽好有正義感，非常正直，非常敢寫，思路清晰，好睇得透中
國民族既缺點。佢創造左一個名詞，「醬缸文化」，簡單明瞭，封住哂，入面發
霉生蟲，臭，冇人理，喺出面聞下仲好香。中國文明五千年，唐詩宋詞咁靚，好
到不得了，入面臭成點完全唔知。
陶︰同柏陽最後一次見係幾時？
倪︰都好耐，廿幾年前，放監出黎嗰排同佢見過。佢七十歲嗰年話要翻譯《資治
通鑑》，我話你今年七十歲啦喎，佢話要用十年功夫黎翻，七、八年全部翻哂，
都幾本事，雖然比人批評話翻得唔好，但都係一部好有價值既文學作品。
陶︰佢《醜陋的中國人》入面論點你同唔同意？
倪︰我好同意，佢甚至提倡中國字拼音化，佢話「冇一個人同意，得你一個同意
」，我同佢可以用拼音文字黎寫簡單既信。
陶︰大陸有好多人話今次地震，「表現人性的光輝，永別了醜陋的中國人」，你
話係唔係呢？
倪︰我話就唔係嘞。好多人性醜陋既地方，地震孤兒比人偷去買賣嗰啲冇報導出
來。
(廣告)
陶︰相請不如偶遇，今晚倪生同大家，金庸先生請食飯食上海菜，食完話不如請
埋倪匡，順道，唔車你返屋企，車你上商台。查生，金庸，身子都仲好好，講嘢
都好風趣幽默，不過講既內容就不便披露啦。呢位聽眾話，請問倪生你話四川地
震有冇可能係美國佬新武器引發，有人話今次四川同南亞大地震海嘯都係美國背
後搞鬼。
倪︰美國如果有咁科技發達就好，佢就想，好難，你估衛斯理幻想小說咩，發動
地震。反而台灣有講法話係核子基地喺地下進行核試造成，我覺得冇乜可能，如
果核試會有輻射洩漏。
鮑︰以前既年代就可能蓋得住，但而家全球都有衛星監控，呃唔到。
陶︰美國嗰邊實知，一係佢知唔出聲，一係根本冇咁既事。
倪︰好神秘，咁大個地震關於震央附近既核子基地既消息一啲都冇。
鮑︰有，佢消息話一切安全。
倪︰佢話囉，又話死左四十八個人，設施完全冇事？
陶︰四十八個可能係科技人員。
倪︰有啲記者同我講今次採訪好公開好坦白，我話咁好呀？咁核子基地消息你有
冇呀？佢話冇呀。咁今次採訪點公開法呢。
陶︰其實好多人話今次改善左架嘞。
倪︰係，總算有進步，識用刀叉食人肉。
陶︰都唔係既，或者今次真係對救災…溫家寶親到，想點呢？好多人問。
鮑︰大家都係同幾十年前唐山大地震比較。
倪︰係，光輝事蹟我都覺得好多。女警放住自己細路哥唔餵，餵人哋細路哥，我
覺得好偉大，最美麗既場面就係咁，唔避記者，當眾就拉開黎餵，個女警身材好
到咩咁。
陶︰嗰張相登出黎香港應該比人投訴三級。
倪︰我覺得係全世界最好既相黎，唔會三級。
陶︰露點喎。
倪︰冇露點，比細路哥含住啦嘛。
陶︰會唔會不文呢個姿態？
倪︰但佢自己親生仔食左五日餬仔喎，見到阿媽一擁抱住，頭擁入去，個鏡頭靚
到。
陶︰呢啲就係人性光輝。
鮑︰另外睇到張圖片就係外國志願組織既人喺度唱歌跳舞，哄啲細路仔玩。好多
時我哋都講過喺災難發生之後其實係咪一定要愁眉深鎖，或者全民都要哀悼？美
國九一一之後都講，可以用一個歡笑、樂觀啲既態度去面對災難。
陶︰用歡笑去沖淡悲哀。
倪︰呢個係我一直做人既態度。痛苦既事發生之後，痛苦對件事冇幫助。
鮑︰沉緬，所謂繼續鑽落去，都無補於事。
陶︰倪生你好彩講遲左三個禮拜，嘻嘻哈哈，有事無事笑三聲，十幾人投訴話你
「涼血」，隔離台都有人被指為態度涼薄、輕佻。
倪︰態度莊嚴啲人會返生，我一定莊嚴。
陶︰倪生你自己呢把年紀，怕唔怕死？
倪︰我唔怕死，晚晚黑訓低我祝願自己唔會醒，訓訓下死左，你話做人幾愉快。
仲有咩比呢個更愉快呢到呢個年紀，你哋咁後生當然唔同啦，朝早醒來無可奈何
又做人咁咪快快樂樂過一日。
陶︰如果有朋友死左，你會唔會去殯儀館鞠躬？
倪︰就算去殯儀館鞠躬我都會嘻哈大笑，唔會流淚。
陶︰咁咪會得罪好多人？
倪︰咁係，但我自己死媽媽嗰時我都係咁。邊個黎殯儀館鞠躬，行到黎門口已經
聽到倪匡喺入面哈哈大笑。
陶︰呢種態度好豁達。
倪︰我就算喊到死佢都唔會醒。人一定會死，一定會發生既事發生左，唔算係悲
劇黎。地震死人，唔係悲劇黎；但你學校起得唔好，可以避免，發生左就係悲劇
。唔係避免唔到，應該可以避免架嘛。
陶︰有個校長好偉大…
倪︰係，自己周圍募捐錢去加固，結果一啲事都冇。
鮑︰當日冇人肯驗收，起左十幾萬。
陶︰結果佢周圍去乞討，用好多年，好多錢，去加固間學校，間學校咪冇事囉。
鮑︰全校師生無一傷亡。
陶︰鐵一般的事實，證明係人禍，死十萬又好，六萬又好，大部分人…
倪︰至少七分人禍。唐山大地震時，青龍縣，相信左餘震警報，學生喺操場上課
，所有人唔準喺屋企訓，全部訓喺空地，共倒塌房屋十八萬間，死亡一人，「青
龍奇蹟」，聯合國都承認，派員去調查，點解？預防得好囉，有預防意識，相信
會有地震，地震冇得抗，用手噤住地下唔比佢震？唯有預防。
陶︰最戇居有個口號叫「抗震救災」，災有得救，但震冇得抗。
倪︰應該叫「防震救災」，早早知道左咪唔好入屋囉。
陶︰我哋中文唔好，多得倪大師指點。
鮑︰近日都好多呢啲字眼，咩「多難」就「興邦」。
(廣告)
陶︰今日五大副局長終於全部放棄哂外國護照，但我今日睇某知識份子報紙我覺
得佢哋放棄得老襯，點解呢因為林瑞麟話，當年草委傾呢條時，大家講明副局長
係唔使揸外國籍。呢個會議紀錄如果白紙黑字公佈，就證明唔係疏忽，而係基本
法原意的確係副局長唔使揸外國護照。
倪︰當年冇副局長呢三個字。
陶︰當年係冇呢三個字。而家唔係淨係睇基本法條文，連基本法當年制訂呢條法
例時嗰幾個老嘢草委喺度講乜，啲會議紀錄，都當係基本法，當係法律架嘛，咁
唔係咩叫原意同精神呢？而家林公公話當年佢哋幾個吱吱噚噚傾時係有提過副局
長，並且仲話，副局長係唔需要揸外國護照嘞，所以咪冇副局長三個字喺基本法
裡面，只係傾閒計打牙骹時有咁講過。
倪︰我覺得好有問題，當年係十幾年前，但副局長係曾特首創意，當年曾特首都
唔知喺邊啦，點會有副局長呢個創意呢？冇乜可能。而家話「用人唯才」可以有
外國籍，咁點解唔全世界招募淨係喺香港搵呢？招募個以色列人、阿拉伯人，或
者好有才，都可以黎做格。你出得咁高人工一定有人黎。
鮑︰同埋香港尤其多其他小數族裔、南亞人才都唔少，以前喺警隊裡面都好多警
官係印度人，一樣可以招聘。不過而家副局長國籍問題我覺得就黎淡化，但就會
燒到去政治助理個薪酬嗰度。而家政府死守住呢條線︰唔公佈唔交代。立法局啲
政黨又係時候現形嘞，究竟會唔會撐張文光個草案，要佢哋出黎交代。
倪︰更加奇怪，天下邊有顧主唔知顧員人工？全香港市民係顧主黎，點解唔可以
知顧員有幾多人工？奇怪到極點，點講都講唔通。
陶︰公僕。
鮑︰公帑黎架嘛，依家冇話唔比你比咁高，要比我知咋嘛。
陶︰知都唔得？副局長、政治助理個老闆都係納稅人。而家大陸中共總書記幾錢
人工都公佈啦，胡錦濤、溫家寶，幾錢人工講哂出黎。而家有乜咁神秘？
倪︰唔係見唔得人既事黎架嘛，又唔係貪污幾多錢唔比人知，堂堂正正憑才能領
咁多錢，點解會唔得？
陶︰最弊係其中一個芳齡廿八，得三年工作經驗。
倪︰都唔理格，甘羅十二歲拜相，你唔比佢拜？或者佢真係有咁才能，二百萬請
佢返黎都得，但要比人知架嘛。
陶︰我都咁講，耶穌百利恆喺馬槽出世時得三博士見證佢係上帝個仔咋嘛，周圍
都當嗰三個係傻，唔緊要，最緊要講出黎。
倪︰呢度又有句好古怪既口號︰「用人唯才」，你哋唔覺有問題？
鮑︰阿媽係女人囉。
倪︰唔係，唔使德架？要德才兼備架嘛，劉金寶咁好既經濟學家點解要判佢死刑
緩刑兩年？叫佢出黎做返行長，「用人唯才」嘛。
陶︰你而家放佢出黎，佢包保唔敢再貪污，死過番生，條命爭啲冇埋。林過雲都
好有才，人體解剖生物知識一流。
鮑︰中國傳統官場升官途都係德行先架啦。
倪︰而家真係乜嘢都顛倒哂。用人係要考慮才，但你不能講個「唯」字，限死左
唯一條路，唯一條件就係才，無論如何都講唔通。
陶︰人哋講才德兼備，不能講用人唯才，壞就壞在一個「唯」字，唔係喺個「才
」字，啲中文狗屁不通。
鮑︰呢四個字令我諗返起讀中學時會考試卷，武則天年代就有呢四個字，話佢專
搵佢啲面狩(誤？)做官，同武則天有無何私通都唔理既，最緊要「用人唯才」。
倪︰歷史上係咁睇法，但民主社會就唔係幾適合囉。
陶︰倪生，呢位聽眾問你記唔記得你算過鐵板神數話過你幾時死？好似話你六十
咋喎。
倪︰好似計到我六十歲就唔肯計落去，個個都話我六十歲會死，我又冇所謂，六
十歲死同七十歲死有咩唔同呢？結果又多活左十幾年。
陶︰有講法時空旅行者話上一次奧運係最後一次，倪生點睇？話今次係唔會有，
二零零四之後冇奧運。你點睇時空旅行？我睇過你一本小說《迷藏》。
倪︰我寫過好多篇嘢講時空，時空旅行始終有個好難解決既矛盾︰如果我返到去
以前殺左我老豆咁又點呢，變左冇我？時空旅行喺邏輯上面黎講根本冇可能。
陶︰《迷藏》，講到喺安道爾咁恐怖，點解會諗到喺安道爾呢個小國呢？
倪︰翻地圖翻到啲冷門地方，咪寫囉，橫掂未去過。
陶︰講嗰兩姐弟喺入面玩捉迷藏…
鮑︰嗰時讀書睇，睇完真係驚架。
陶︰話喺一個好暗既角落發現一隻腳定唔知乜嘢…
倪︰一隻打火機唔知左，返到去幾百年前，個皇帝執到個打火機都唔知係乜嘢。
陶︰嗰度有個時空秘道吖嘛。成個歐洲，安道爾係個好細既國家，好似粒的咁，
好似條罅咁。
倪︰我都擺烏龍，我寫左呢個細地方冬天冇人，但原來嗰度係滑雪勝地黎，到冬
天好多遊客，比人鬧到死。
陶︰呢個故事寫得好緊張。我發覺你劇本…《唐山大兄》係你編劇喎。
倪︰《唐山大兄》係，同《精武門》兩個囉，李小龍。
陶︰仲有張徹嗰咋《拳擊》呀，《報仇》呀…
倪︰張徹我寫得多囉，邵氏公司我寫過二百六十一個劇本。
鮑︰張徹啲劇本係咪好好寫？全部都係血花落血花去咁樣，對白比較少，動作多
多。
倪︰係呀，寫武俠片既劇本我始終揸住兩句話黎寫︰開頭，壞人打好人，收尾，
好人打壞人。所有武俠片逃唔出呢個規律。
陶︰你寫嗰啲武俠片套套都係個好人喺前面比人糟質，打到嘔電，界幾刀又唔死
，跟住老婆又比人搶，大佬又比人殺，返到屋企仲要滅門呀，遍地屍骸咁。七十
年代一睇呢啲，一定倪匡手筆。
倪︰以後慢慢報仇。
陶︰然後去搵人呀，報仇呀咁。
鮑︰練功。
陶︰仲有一個木蘭花既小說《黑暗歷險》，由頭到尾得一場，一個場景，講木蘭
花盲左對眼，縛住條繃帶，然後比國際犯罪組織，叫「小孩」組織，KID，Kill in
Darkness既簡稱，你嗰時啲英文都咁犀利，點解會諗到「在黑暗中殺人」呢句英
文簡稱叫「小孩」？
倪︰我都唔知邊度搵返黎，都唔記得。
陶︰呢套小說又係由頭到尾寫得好緊張，講佢破門而入，同木蘭花鬥法、鬥智，
一場戲，一個景。
倪︰你仲記得清楚過我。
陶︰你已經唔記得左？
倪︰有少少印象。
陶︰仲有一個《魔爪餘生》都好犀利，去到中東。仲有一個《獵頭禁地》。
倪︰最近有人摷左我四、五十年前既武俠小說重新出版，印左幾套攞黎比我睇，
我睇下，都居然睇得下喎。都完全唔記得，一啲印象都冇。
陶︰記唔記得寫過套武俠小說叫《保鑣》？
倪︰《保鑣》係短篇。短篇我都寫過好多好多。
陶︰裡面主角叫落日。
倪︰嗯…唔記得。不過《保鑣》拍成過電影，狄龍、姜大衛、李清，有座寶塔，
喺上面打鬥，邵氏特登起左座塔喺嗰度，座塔到而家仲喺度好似，唔知，保留左
好多年。
陶︰仲有寫過篇《鹽梟雙雄》。
倪︰《鹽梟》呢篇小說我幾中意。
陶︰寫蘇北地方既賊。
倪︰文初莊(誤？)。
鮑︰你提過嗰時啲鹽工都幾辛苦架喎，我就奇怪點解做鹽會咁辛苦？
倪︰係呀，曬鹽真係辛苦，日曬雨淋，鹽壞皮膚，十四、五歲睇起上黎好似五、
六十歲伯爺公一樣。
鮑︰好難想像，你話礦工，挖煤辛苦我就知，點解做鹽都咁辛苦。
倪︰鹽又重，少少一擔鹽睇起上黎冇幾多但重到好似鐵咁。
陶︰你嗰時係咪見過？
倪︰我喺淮南沿塞住左個幾月。
陶︰淮南，即蘇北嗰度。四九年之後？
倪︰五二、五三年。最飢餓嗰陣時，第一次小飢荒。
陶︰五二年，已經打緊韓戰？
倪︰韓戰之後。
陶︰嗰度冬天凍唔凍？
倪︰蘇北冬天都幾凍架都，零下十幾度，凍死人。有次我帶左十幾個人，上晝出
發嗰時幾度，好風和日麗，到回程嗰時下晝四、五點鐘忽然間天黑哂，溫度凍到
冇辦法唔跑，掉低哂所有嘢跑，我自己都話營養好啲年紀又輕，跑到去間鄉下人
家屋企，同埋其他兩個人，嗰次廿幾個人凍死左十九個，一邊跑一邊倒地就唔郁
，臉上好古怪既笑容，凍到臉部肌肉抽筋笑得詭異到我而家老左都仲記得。
鮑︰硬生生凍死？
倪︰係，死得好快，一倒地就即刻死。
陶︰你嗰時睇住？
倪︰睇住。我帶去架嘛嗰批人，識得，全部勞改犯人，我嗰時係公安幹部，帶班
人去抬米抬糧，凍死十九個，我幾個搏命跑，捐入稻草堆，先保住條命。
(廣告)
陶︰今晚陸肆燭光會都有成四萬幾人。
倪︰係呀我今晚離開屋企喺電梯度撞到兩夫妻，着住黑衫，自己帶埋凳仔，就準
備去維園坐，我當堂肅然起敬。
鮑︰我最感動係啲父母帶住啲小朋友去，因為而家陸肆都十九年啦，十九歲或以
下既當年根本都唔知發生咩事。
倪︰好多人唔知，真係唔知。
鮑︰就算廿歲開頭嗰啲都冇印象架嘞，所以啲父母會帶啲子女去燭光晚會，或者
今日同佢哋講陸肆，真係好難得。甚至我覺得，好多學校—冇調查過—都唔係間
間今日啲老師都會同佢哋講陸肆呢一課。
倪︰就算老師想講都會有所顧忌。
陶︰我唔明顧忌啲咩，係咪講左之後會炒魷魚？
倪︰或者係，你唔知。
陶︰唔怪得啦，我早兩日睇蘋果日報訪問一個中學女生，佢話鄧小平陸肆清場做
得啱，話而家中國進步過陸肆嗰時。
倪︰有啲人係咁諗法。
鮑︰因為而家後生一代享受緊中國發展之後既好處。
陶︰點樣為之進步過陸肆嗰時？
倪︰呢啲理論唔通，你咁樣講起上黎南京大屠殺都啱，南京大屠殺之後南京而家
咁進步。一啲邏輯都冇。
陶︰點為之進步，睇到多左幾幢高樓大廈就叫進步？
倪︰就算係進步都不能夠反證…
鮑︰呢個係歷史黎，歷史冇得改變。
陶︰就算以後真係進步左，點可以證明嗰場鎮壓係啱？同埋點為之進步？陸肆之
前八十年代成個中國喺胡耀邦、趙紫陽之下相對自由，少少。嗰時你睇中國電影
，《天雲山傳奇》、《芙蓉鎮》，有呢啲電影叫《活着》，但冇公映，張藝謀最
光彩既藝術創作，八十年代。而家中國電影有啲咩嘢？
倪︰大場面嗰啲。
陶︰你話進步，啲劇本通唔通呢？對白啱唔啱聽？由呢一個指標黎睇你話進步左
定退步左？
倪︰佢哋進步既指標就係多左啲高樓大廈。
陶︰呢啲o靚妹冇研究過歷史，冇喺嗰時活過就唔好亂up嘢，唔係就自己侮辱
左自己。
鮑︰其實個女仔都係鸚鵡學舌架啫，根本冇調查研究，唔知道咩叫進步，對內地
瞭解亦都唔深，淨係睇到城市既繁華一面，或者睇到申辦左奧運會，其實根本返
過去內地見到幾多嘢，都唔知。只係而家一般好多媒體既報道…
陶︰佢完全係由物質既角度去睇，柏陽已經喺《醜陋的中國人》裡面講左，話你
冇辦法攀登上一個精神價值觀嗰度，純粹由着左幾多名牌呀、望落去多左啲暴發
戶呀、新樓呀，你就判斷佢進步，但唔係去睇精神上，中國人社會嗰個精神懷抱
，係咪比八十年代多左，定係少左？
倪︰差好遠，愈來愈墮落。
陶︰創作，而家冇自由過以前啦，新聞，係咪今次真係有新聞自由呢？唔見得係
，豆腐渣工程，你都唔夠膽比香港…我都話，如果你想香港啲傳媒插少啲副局長
，係咪要阿爺幫手？比啲傳媒上去挖兩單豆腐渣工程，頭版咪你啲獨家新聞，副
局長咪冇人插？中港之間唔識協調。陸肆係幾不幸既事件。
鮑︰年青一代仲可以教，最重要呢一代經歷過陸肆既父母同老師要記得將依樣嘢
傳落去，如果唔係喺下一代，陸肆事件既歷史事實就會湮沒左。
陶︰陸肆之前仲有一套紀錄片叫《河殤》，拍得唔錯，有反省，香港電視台都有
做，而家呢啲紀錄片…
鮑︰而家變成《大國崛起》。
陶︰《大國崛起》好多嘢都講啲唔敢講。
(完) | | 刊登時間︰2008-06-12 01:06 AM [ 訪客留言(0) ] [ 編輯日誌 ] [ 分享至FACEBOOK ] |
|
| | 香港四万市民烛光晚会哀悼地震遇难同胞(图) | 
6月4日晚，许多香港市民来到维多利亚公园参加哀悼四川地震遇难者的烛光晚会。
他们在足球场上席地而坐，人手一支蜡烛。
天色渐暗，烛光越聚越多，汇聚成海洋。
烛光在黑夜里无声地表达港人对同胞的哀思和美好的心愿。
零星小雨阻挡不了香港人的热情和真诚。
這并不是海洋的全貌，据主办方现场统计，參与烛光晚会超过48000人，占据了整整五个足球場。
该次烛光晚会历时约2小时，有朗诵、歌曲、默哀、向烈士纪念碑献花等环节，现场筹得所有捐款将由主办方连夜清点后交予香港红十字会，支援四川地震灾区重建。
责编：谷晴
http://sports.cctv.com/20080605/105378.shtml
第一眼的反應是錯愕，又扭曲事實？
但想深一層，歷年來上面的反應是完全不報導，
知道發生過那件事的，一看就知道我們在紀念甚麼。
同樣的，長官、政府官員，都知道，
見到這篇報導，有充分理由找這谷晴去喝喝咖啡的。
看看幾個關鍵字︰日期、同胞、心願、烈士…
這個責任編輯，也是烈士啊，隨時就鎯鐺入獄。
如果這報導沒有被拿掉，即上頭首肯，
那算得上是藉着四川地震這些人命犠牲
所帶給中國的進步了。
之外還是有點無奈，
極權之下，傳媒想要報導新聞。
都得轉彎抹角，避重就輕，之餘還不能完全地寫出真相。
谷晴一類人已經是良心和勇氣的表現，
但不論如何，最終仍然希望中國傳媒可以有不用顧忌地
報導這晚會的真正目的、刊登看台、台上標句等照片、
甚至轉播台上講話的一天。
另，其實也不用太悲觀，不要以為中國民智未開，
不少內地人都很瞭解孰真孰假，
看看這和這，留言都不是一面倒偏向哪邊；
還聽說逢那個日子，都有人在熱門論壇留帖︰
「今晚停電，點支蠟燭」之類隱晦地表達悼念的，
我覺得這些都很令人感動，在逆境之中啊。
xxxxx
六月九日，事情有點變故。
應該有人發覺上面CCTV那連結已失效嘍，
報導面世幾天，頗受內地網民關注，連蘋果都報導過這件事，
可能就因此被上面注意到，掩蓋下來了。
疑問是，為何當初會有這報導、為何會放在體育欄，
結果很可能根本不是上面在放氣球，也不是中共對於這事在釋放善意︰
在討論區有網友找到了估計是這報導的源頭(cache，原址已失效)，
是「全国高校2008观方站_网易奥运」站上由香港浸會大學一員所報導；
對比一下CCTV報導的cache，圖文一致，看日期——
網易是「2008-6-5 2:30:55」，CCTV是「2008年06月05日15:09」，
昭然若揭了，所以整理一下︰先是浸大的人委婉地報導維園晚會，
放了上網易奧運站，得到刊載，同日CCTV網某責編不疑「有詐」，
剪貼到所屬網站，因為是從「網易奧運」偷回來的，所以放體育欄。
來龍去脈估計就是這樣，單純得令人氣結，
首先是那「疑似英雄」谷晴，原來只是個沒新聞道德(plagiarize，還加自己名字)，
還不諳歷史，不知道維園晚會真正在紀念着甚麼，一個比民眾更無知的傳媒人，
還有中共，當我們以為它是一直在很努力地在國民面前隱藏着真相時，
原來根本沒有，等到疏忽時才施施然補救，然後沒事人似的。
我不知道我們這些天真地以為看見進步的人，應該作何感想。
甚麼？中共又令你失望了嗎？套用子華兩招︰
「係咁架啦！」
「好出奇呀？」
| | 刊登時間︰2008-06-08 02:02 PM [ 訪客留言(1) ] [ 編輯日誌 ] [ 分享至FACEBOOK ] |
|
| | 陸．肆 | 昨晚有點失眠，睡睡醒醒，輾轉反側。
陸月肆日，原來又一年過去了，
聽說香港今天有點雨，但仍然有四萬多人聚集在維園晚會。
去年我也在，可今年是到不了，唯有力勸在香港的朋友去。
善忘的香港人們，我記得從前每年這天的晚會，無線新聞也會報導，
今年兩台的新聞連影子都沒有了；
當年捌玖那個運動時我們有唱着那首歌、捍衛着那個思想的梅艷芳，
現在只剩下邊說着「遊行不文明」邊想着大陸市場遍地黃金的那個誰；
少時中小學老師每近陸肆都會訴說着那段並不是那麼遙遠的事件，甚至聲淚俱下，
今天呢，學校高層都嘛有政治立場，你要說，隨時飯碗不保，
況且就算說了，換來學生問︰「考試會考嗎？」又何其無奈。
承認吧，血淋淋、赤裸裸的，我們有很多東西正在被不斷搋奪、消磨、埋沒。
回歸十年，溫水煮蛙，誰可以說服我這個香港還是那個香港？
某些政黨的人仕慢慢被標籤為唯亂天下不亂，「唱衰香港」的代表，
大民族主義下，稍有意見不合大趨勢的就被扣帽子、排擠…
這零八年更甚，迎接聖火那天，你不穿紅就被同學同事指指點點。
長毛動議下半旗致哀四川地震死難者，被轟出立法會；過幾天中國官方宣佈全國默哀。
地震救災期間質疑當地醫院學校建築脆弱，即刻被評冷血；現在苛責豆腐渣工程的聲音哪小了。
去看一次《Good Night, and Good Luck》吧，異議不代表不忠啊。
去年去完回來，跟朋友說起，她問怎麼沒有叫她去？聽起來好好玩。
當下有點瞠目結舌起來，對對，陸肆園遊晚會，有歌舞表演，有萬人嘶喊，氣氛熱烈，不亦樂乎…
可能這才是我們這一代「政治正確」的態度吧。
希望這比我年輕數歲的寃屈，真的會有得雪的一天。
為了避過The Great Firewall，
藏起了紅雪和戴寶的留言，抱歉。
過濾後如下︰
紅雪 於 2008-06-05 08:19 PM 發表：
唉，我沒有去，但聽去了的老師說，
今年的陸肆燭光晚會比以往更有組織，
就像去戲院看戲一樣，有人帶位.....
我不知道這樣說是好是劣...
看了之前陸肆事件的參與者的文章，
他們明知道會有鎮壓的了，還直挺挺的迎著冰冷的坦克車，
好比螳臂擋車，但誰敢說這螳是不愛國？
最起碼，孬種的我，就做不出。
taipo 於 2008-06-07 02:41 AM 發表：
今年我第一次到陸肆晚會,不清楚以往的做法
我所見的只是因前面足球場坐滿了人,工作人員指示到後面的坐
以及叫我們從中間進入,避免阻塞通道
或許對我這類新丁來說,這些做法也有需要的
其實他們人手(好像只是義工)也不太多,我想要太有組織也難
無錯,內地很多人也不知道有陸肆這件事......
以前總覺得在家中上youtube看著片,聽著歌悼念,跟到維園集會,差別不大
但發覺香港好像越來越少中學生認知這件事
香港很幸運,跟中國其他地方比,她尚算有自由
我們可以知道歷史的真相
我們享受到自由
我們也有責任傳承歷史真相
其實我都只是到了維園,見到幾萬人堅持了十九年也不放棄
才記起,才明白他們所說的「薪火相傳」
如果再只在心中悼念,不繼續紀念陸肆的活動,不討論陸肆
我怕這段歷史真相在十年,數十年後,只流傳在一小撮人之中
最後變成「故事」,變成「傳說」,變成「大話」
| | 刊登時間︰2008-06-05 12:00 AM [ 訪客留言(3) ] [ 編輯日誌 ] [ 分享至FACEBOOK ] |
« | 1 | 2 | 3 | 4 | 5 | 6 | 7 | 8 | 9 | 10 | ... | 125 | »
|
