聽日就繫我生日啦，都無人記得，我諗連妳都已經唔記得啦，妳之前應承過我話19號就同我一齊過架，但妳今日竟然同我講妳病左，無傢人，無朋友同我過啦，得自己一個，好傷心啊，好孤獨，最后一個繫大學過嘅生日竟然會繫得我自己一個人，真繫好笑啊。。。

  寻日系我旧历生日，谂住出花都接你，但点知我出到去买完嘢，你竟然同我讲你要同社长吃埋饭先翻，叫我自己小心d，甘我出去仲有咩意思，你知五知我当时有几唔开心啊，虽然你有问我去唔去m记，但你就嗌完我走再问我，试问我仲点会去呢，我无即刻翻学校，一个人周围逛，唔知点算好，而你都无搵我，我一个人剩系识得喊，好失望，好绝望。。。翻到学校，你搵我散步，成晚我粒声都唔出，你凼我，话下午甘系想比个惊喜我，因为你买左份礼物我，但就搞到我喊得仲犀利，寻晚唔知算唔算系我地最后一次散步呢？最后行到石春路，我唔想行落去，因为我唔想以后唔机会再行，你同我讲好头好尾，一齐行埋落去，我唔得啊，我唔想啊，你揽住我，因为我又忍唔住喊左出离，我足足企左系度喊左半个钟，你一边安慰我一边帮我抹眼泪，你话以后我地仲要一齐行好多路，你仲会一直陪我行落去，唔好呃我啊∼∼∼∼∼∼∼∼我希望新历生日果日都可以同你一齐过 啦，你应承过我架，你仲记唔记得啊？！

 呢几晚晚晚都要到1点两点先瞓得着，都系度谂嘢，比我谂通左好多，谂通左要点样爱自己多d，因为以前实在太过唔爱锡自己啦，总系将爱情睇得太重，将自己所有时间所有嘢都放晒落去，太以爱情为中心啦，所以由今日起，我要爱自己多一d，即系将我对你嘅爱分d比我自己，我谂你唔会呷我醋挂？不过就算呷下醋都好嘅，因为你都好似未试过因为我而呷醋嘅，我真系要大个女啦，唔爱自己点d，仲会有边个会比自己更爱自己啊。。。