今日，上午10:00我去了一間福利機構到見工，見工時做o左一個叫Reading Test的東西，限時係十分鐘。講真你問我難唔難，我就覺得一D都唔難，梗係啦我以前訓練有素丫嗎！因為我以前係學校到做文員果陣時，都要設計海報的。再加上係教會到做文員果陣時，又係咁做宣傳呀設計呀咁呢。所以，呢D小兒科邊難到我丫。再加上我今日既面試表現，自問都算唔錯，應該無問題的。只係擔心如果佢o地請我，都唔知做唔做好！(哈哈！講到好自大咁呢！)講真我真係有為我既工作擔心過架，但係呢度人工咁少點做呀？但係而家又未搵到工喎咁點算呀？
哈哈，不出我所料，間機構係下午約3:00到啦，就打o黎問我1月4日返工有無問題啦，咁我就隨即應承o左啦。雖然，我只係係到做3個月，但係3個月都好似好難過呢！講真我既工作範圍只係一般文員要做的工作，我是絕對應乎得來的，但唔知點解我唔係好想去做，都唔知係我唔捨得而家間公司丫、定係唔捨得D同事、定係嫌人o地人工底........不過，點都好啦，我唸我都會堅持做3個月為止的。(其實3個月都好快過呢，更可況這份工又是我自己祈禱求神陪我一齊去見的)。係呀，我係一個基督徒o黎架，所以做每樣決定之前，通常都會祈禱求神和我們一同參與的。不過，有時會例外的，因為我唔記得o左呢、有時又會係因為自己的情緒問題所至呢！(不過，咁樣係唔o岩架，不好學呀)。
一個愛主的基督徙，應該做每樣事及決定都以基督來作榜樣的。係唔應該自己係到轉牛角尖架，打得結多，有時都會好難解架..........
|
