哈哈！勁攪笑喎.......
昨日係我婆婆既86歲大籌.....我o地一早就入o左屯門，舅父既屋企，同佢食飯添切生日蛋糕啦，因為我舅母夜晚要返工既關係，所以咪下午食飯慶祝囉。嘩！我咁大個女，都係第一次同婆婆慶祝生日咋，因為佢其實一路都住係加拿大架，今次返嚟隨咗探親之外，順便辦理智能身份謐的。就係咁好順利成章，就比大家知道咗佢既生日係幾時，咪同佢大攪慶祝下囉。連我呀嬚都有出席添呀。不過，講開又講，我舅D餸真係整得好好味！！食都我唔停得口呢！！
飯之後，大家坐咗一陣傾吓計，又話要切埋個蛋糕啦，因為我呀嬚，佢開始眼瞓仔啦！我o地要預備送佢返屋企啦。不過，其實我都開始有D眼瞓仔呢！ 可能係飯氣攻心啦，送完呀嫲返屋企之後，已經係下午既5:00鍾啦，我即刻換衫上床瞓覺休息休息啦，點知一瞓就瞓到今日既7:00鐘啦。
其間，我仲發咗個好得意既夢添，個夢係咁既....我夢見有一個小朋友，個小朋友大約2~3歲到啦，打電話比婆婆同佢講生日快樂。然後，婆婆就讚佢乖，仲問佢你食咗飯未呀？個小朋友答佢，我食咗啦.....我食咗 "MayMay飯" 囉，婆婆就問佢咩叫 "MayMay飯" 呀！係唔係有又义燒同雞雞o個D呀，個小朋友答佢係呀係呀，o個D咪係 "MayMay飯" ，我睇到婆婆係到笑，我睇都有笑，仲笑出聲添。
(HAHA.....好得意呀，原來我o地平時食開既燒味飯，可以被叫做 "MayMay飯" 架喎！  )
|
