今日好悶呀！係公司上晏大半日都好似無咩嘢做咁，就連食lunch都幾乎無人陪我呀！勁慘呀！至從，何sir調走咗去另一個地盤之後，就得返梁Sir、殷Sir同我一齊食lunch，有時都會多埋個煩人同事既。但無何奈何，梁Sir成日都會被人安排咗出外工作的，而殷Sir又勁多嘢講喎，仲要係佢講親D嘢我多數都唔多明既。至於，個煩人同事，如果有得揀，我都唔係幾想同佢一齊食的。不過，佢通常都會帶飯架。唉！今日，又係咁啦，梁Sir又比呀大Sir佢哋安排咗出去倣嘢，唔可以同我一齊食lunch，我又唔想同殷Sir一齊食喎，咪唯有硬住頭皮咁去問個煩人同事囉，問佢今日有無帶飯。唉！好彩佢無帶飯之餘，又肯同我一齊出去食咋，如果唔係我就慘啦，又要自己一個去食lunch，同埋又唔知食咩好，我覺得成個藍田都無咩地方食嘢係好味既，感覺呢到真係好慌無。唉！我真係可憐呀！
隨此之外，其實今日都好唔開心架，因為昨日係旺角有一單新聞，係講一個小巴司機，將一個小女孩撞死咗架。我覺得最慘就係個媽咪，好似帶住自己最心愛的小孩子去送死咁。係最傷心既同時，又要話比自己聽，要好努力咁繼續活下去，因為她還有一個就讀小六的兒子需要她去佢照顧呢！有時候，命運真係唔到我哋任何一個人去控制的，轉眼間就已經可以消失得無影無失蹤，甚至無跡可尋。我係到諗，如果我係當時個媽咪我又會點呢！生命真係好脆弱及好無常...... 
不過，講返D開心嘢，就係我昨晚好叻呀，用好聰明既言語嚟鼓勵咗我個同學仔，呢個同學仔係我讀室內設計識架，但係就最近先有玩MSN。佢昨晚同我講話好唔開心，因為佢工作上既失誤，導致佢第一次比而家既老細鬧好唔開心。同埋，佢都知身邊有好多同事都好想佢衰，攪到佢好大壓力，又無晒信心咁。不過，我就同佢講樹大就梗係會招風架啦。況且，係呢個世界上，只會係一D勁既人，先會被人睇實的。因為其他既人，總會等待有一日，你係一不留神既既情況下，做錯一D唔應該做錯既決定時，就用一D冷嘲熱諷的說話來取笑你，等你尷尬非常及令你難受囉。最聰明就係我同佢講，其實主耶穌都係咁，就係因為佢勁，先有咁多人睇實佢之吁嗎！其實，唔單止主耶穌，有好多聖經人物都係咁架啦。只要係佢哋肯堅持自己既決定，問題咪會得到解決囉。(因為，其實佢老細就係覺得佢，有事做事唔夠堅持同唔夠狼。)
後記：其實我覺得自己最聰明既地方，就係識得用主耶穌及一些聖經人物嚟做例子，因為我呢個同學仔以前都有返過下教會架，不過而家就唔係成日返囉。有咩鼓勵好得過用返，聖經裡面既故事人物嚟做例子呢！我真係好感恩，係嗰一刻既裡面聖靈有這樣的提醒，雖然到而家我都未知個同學仔今日會點，但經過昨晚的交談，佢D信心都回復返晒了。
|
