唔！我已經好耐好耐無係網上寫日誌啦.......
對上一次寫日誌，原來已經係幾個月前既事了.......
唔，最近又有好多事發生，所以想開始寫返日誌記載下所發生既事......(就好似呢排咁，我開始話疑梗，我公司個同事唔知係唔係想追我。究竟一個男仔，如果想追一個女仔時，會有甚麼痕跡，可以觀察得到既呢？另一方面，就係我同我D朋友既關係，究竟想點呢？佢o地把口成日都話好想約出o黎傾件事，但我一D都睇到佢o地既誠意囉，咁到底佢o地想點呢？遲D我又要讀毅進課程喎，開始勁煩....
今日，我個女同事(Alice)又取笑我，因為lunch時，佢突然間比電話我，話想約我食lunch，但我已經同"亞SIR"約好了，叫我點推人呀，況且佢又咁突然。雖然，同"亞SIR"一齊出去食，真係會有d怪，但我好想証明下佢係唔係真係想追我，所以雖然好怪，但我都會同佢食的。況且，又唔係得我同佢倆個人，仲有佢D fd都會係到既。後來，因為(Alice)勁係到取笑我，同埋又話有密計同我傾既關係，結果，都係放棄o左同"亞SIR"食lunch。
到我同(Alice)一齊行落去地鐵站時，佢就同我講發生o左咩事啦.....原來，佢今日比大佬『照肺』，嘈佢遲到、請假果D.....仲要mark晒時間果種，幾時先返公司，係公司又幾時行開o左唔係位果D，同用閉路電視監察差唔多啦.....So，佢勁唔開心，想搵人傾下。我o地一路行一路傾，行到月台等車時，佢又同我講另一個Topic，佢問我知唔知道，連做清潔既"呀姐"，都有問起佢，究竟我同"亞SIR"係唔係拍拖喎....咁(Alice)都有同我平反既，佢都有幫口叫"呀姐"唔好亂唸，都有講唔會既、唔會既.....果D說話既......但"呀姐"梗係唔信啦，仲好似有好多Point同(Alice)拗咁。(唉！咁又係既連我自己都有話疑啦.....更可況呀姐呢！！)
"呀姐"同(Alice)講話，我成日同"亞SIR"出雙入對，又話"亞SIR"有車我返工果D，講真佢又唔係成日有車我，只不過有時佢開車時，都會順便車埋我o者，咁有順風車無理由唔搭架嗎。(不過，又咁講....係唔係順風呢回事，其實我都有話疑過，但總之有車搭咪算囉，好過要等巴士丫....)至於食lunch，"亞SIR"一向都唔會同呢個Site既其他同事食飯既，除非好 fd 果D啦，但因為果D同事都被安排到其他Site到做o野，而fd果d有時又會帶飯喎，咁咪通常得都係返我同佢囉，咁一齊食飯又有咩問題呢？況且，有時我o地都會去其他Site到搵佢D fd食lunch架啦。(不過，最近有一次都好奇怪的，"亞SIR"lunch時都有開車到另一個Site到搵佢D fd 食飯，但係佢個fd未調走時，縱使佢有開車，我o地3、 4個人都只會選擇搭Taxi，而唔會開車的。但果次我返我同佢時，佢就有開車啦.....講開又講，仲有一次，我o地有3個人，到lunch時，我o地都唸唔到去食咩，我就提意不如由"亞SIR"開車去"鯉魚門"到食啦。結果，我、"亞SIR"、"亞SIR"個fd就一齊搭"亞SIR"架車去，但落到樓下上車時，唔知點解佢個fd，係咁叫我坐車頭，死都要坐後坐，我同佢拗o左一輪，佢都唔理我，係到要我坐，而且"亞SIR"都已經上o左車，我又唔想佢等喎，咁結果好無奈地被迫坐著係車頭，講真如果得我同佢，我坐車頭梗係無所謂啦，唔坐仲奇怪啦，好似搭'的士'咁，但果次我覺我既然佢o地咁fd，又係男仔，梗係一齊坐車頭啦，但佢個fd又死都唔肯坐喎....攪到幾鬼尷尬呀。後來，今日經(Alice)再提一提"呀姐"單o野之後，我就開始唸，唔通就連"亞SIR"個fd都覺得佢想追我，所以佢死都唔肯坐車頭，特登唸住比個機會我o地。死啦.....定係只係我自己唸多o左咋.....可能"亞SIR"只係見我咩都唔識做，好似細佬女咁，所以先特別照顧我呢！)
所以，係之前幾日，我都已經同我個同事(Noel)講o左，請佢第日唔好帶咁多飯，多D陪我o地一齊出去食，一來唔會咁容易引起其他人既誤會，二來多個人陪個感覺都會好D啦，如果成日都得我同"亞SIR"食，我都覺得 好怪，雖然我o地有時係一齊出發，去另一個Site搵另一班fd食飯，但又係一齊出入囉.....(唔！你明架啦....人言可畏嗎！雖然我o地係無o野，但咁樣比人講好似好唔底咁.....)不過，(Noel)都好好丫，佢都有叫埋(Alice)一齊輪間陪我，等我唔會有好多時間淨係得我同"亞SIR"一齊出去食lunch。多謝你o地呀！(Noel)(Alice).....
|
