唉！今日係我一個fd結婚，我哋都識咗十幾年架啦，由中一識到而家，雖然今日係佢既大喜日子，不過我勁唔開心囉。 因為，我發現咗一樣嘢，就係『原來自己一路都好蠢』，一廂情願咁交個心出嚟同人哋做朋友，原來人哋根本就唔在乎。唉！我真係蠢呀！！ .......我好憎我自己點解要咁蠢呀！
事原係咁既....咁我呢個fd結婚之前，我哋一班fd都有出嚟食吓飯及傾過吓計的。其間，都有人問過佢(即係個新娘)，你會唸住搵邊個做伴娘同姊妹呀？佢當時無答架喎......咁算啦，可能人哋未有好既人選呢！但隨後個新娘又有同我哋講，可能到時會搵我哋幫手都唔定的。咁我哋咪唸，咁呀......好啦......到時先算啦。不過，我(本人)其實就唔係好想做佢既姊妹啦，因為我之前仲有一件事知道咗，比我覺得佢哋根本就無在乎過我，多我一個唔多，少我一個唔少，我存在與否，根本就唔重要，都無咩所謂既。
好啦，到後期，我哋先知原來新娘已經搵咗我哋其中一個fd做佢既伴娘，咁個伴娘都係我哋預料之內既，因為佢哋一向都好fd的，搵佢做真係一D出唔出奇。後來，唔知幾時又有人追問，咁你搵咗姊妹未呀，佢就答搵咗D，不過都應該唔使你哋幫手，咁我咪算囉，仲好啦，唔使我做，反正我都唔想做佢既姊妹既，鬆返啖氣。之前仲勁驚，萬一佢真係搵我，我都唔知點推添......
好啦！咁到派帖嗰日，隨咗知道，我哋有一個fd要做伴娘之外，仲知道原來另一個fd有份被邀請，做當晚既MC添。之後，我就同我另一個fd都覺得好出奇，平時呢個MC朋友好忙好忙的，今次竟然會做到MC真係出奇，咁我個fd隨即就問個新娘，咁隨咗佢哋兩個之外，仲有無人會響嗰日幫你手架？於事，個新娘就開始一路數一路講啦.....係喎，裡面已經無一個係我好平時圍內玩開既朋友啦喎.......
(咁其實講真個句，新娘要搵D咩人幫手，真係係佢既個人決定嚟既，外邊既人，無論係邊個都唔應該干涉的。況且，都係嗰句囉，我哋由始至終都唔係恨做佢既姊妹，只不過係覺得，佢哋咩都唔講，好似有D嘢根本唔想比我哋知道咁.......做咩唓而家，結婚之嗎，使唔使攪成咁呀？？)
咁到咗大喜日子嗰一日既夜晚，我同我個fd都係抱住平常既心態去飲及祝福呢對新人就算。點知係我哋化梗妝，預備出發前往酒樓之際，才知道原來我哋班fd裡面，仲有一個fd比新娘邀請咗做姊妹添.....唉！我哋成班fd裡面共有7個人，點知原來有3個已經去咗幫手做姊妹囉，但係我哋仲好似傻仔咁，比人瞞住都唔知道。得返我同另外兩個fd無被邀請，嗰兩個fd我都明白點解新娘無邀請到佢哋幫手既，因為佢哋兩個都有小朋友要照顧，可能真係會唔係幾方便啦，呢點我明白喎，但係點解我會無比人邀請過既呢？連問都無問過我喎！！究竟佢哋點解要咁對我呢？以前係咁，而家又係咁，究竟佢哋嫌棄我D咩呢？
(係以前，佢哋都試過咁架啦.....有一次，佢哋成班fd約埋晒一齊，著同一款既衫，一齊去沙灘到玩，嗰次又係唔知點解無我份，繼而仲要比我發現咗添，唉！原來佢哋一早就已經約定好晒，只不過無預我份之嗎！
(本身其實我已經完全唔記得咗呢件事架啦，點知今次姊姊呢件事既發生，又再抅返起我被遺棄既回憶，點解次次都係我比人遺棄既呢？？係唔係我真係有D咩問題發生咗，而導致佢哋咁唔鍾意我呢？究竟佢哋嫌棄我D咩呢？？究竟佢哋知唔知道，佢哋咁樣做其實真係會好"HURT"人既呢！！)
本來我都唸住開開心心去飲完咪算囉，點知我同我另一個fd去到酒樓時，嗰班做姊妹既fd明明應該係見到我哋的，但佢哋一樣可以扮見唔到，仲竟然無同我哋打招呼添。不過，佢哋後來有行過嚟話之前見我哋唔到，後來都有傾計講嘢既，『話之前見我哋唔到喎......』算啦，唔通我哋會怪佢哋咩，間酒樓裡面有咁多人行來行去，見唔到有咩出奇喎.....可能人哋根本都無唸過要招呼我呢！到開席時，先至係勁嬲既地方呀，當日先知佢做姊妹嗰個fd, 行埋嚟係我坐既嗰張檯對面同我講，話想同我調位，方便佢睇到幾時要出去幫新娘換衫喎，問我得唔得。我即刻答佢話唔調得唔得，我唔想坐出去。(因為嗰個其實係一個上菜位嚟架，無理由叫個女仔去坐呀！)同埋，我覺得佢都幾無禮貌，成晚招呼都已經唔打個，一開聲就要我同佢調位，好似我實要調比佢咁，我唔肯之後，其實佢都有小小黑面的，我覺得。咁係丫嗎.....唔知佢有無認真咁唸過，成檯人裡面，有男又有女，點解係都耍我調呢！難道我真係好"恰"D嗎？？勁嬲喎我.... 我覺得其要調位其實都唔梗要的，但我嬲佢係點解又係要揀我先，仲要係一個上菜位，嗰個位係唔係應該叫D男仔去同佢換會好D呢！(後來，伴娘個bf都好好人，自動行過嚟話同佢換位，而打圓場囉。)
結果，我成晚都勁唔開心，到而家都係，心情仲未平復得到。但我都嗰晚都有堅持既，起碼都食到最後既糖水先起身走人。但係我唸咗好耐都唔明，點解我D朋友會咁對我既呢！由始至終，我一心一意咁同佢嗰哋做朋友，但係次次佢哋要遺棄既人就係我，點解次次都要係我喎？點解佢哋一路都無在乎過我既？唉！我真係蠢呀，到而家先發現呢件事！仲係勁蠢嗰隻添呀！！(咁啱嚟梗嗰年又係豬年，襯晒我啦！！)
|
