昨日，我係公司寫梗網上日記既時候，比我個同事睇到。於是，佢就同我講：「原來你都有個網上日記架！」隨即我幾驚佢叫我比個網址佢等佢都可以入嚟留吓言比我呀！你知啦！我係呢到寫咗好多關於佢同我之間所發生的事情架嗎！尤其係話佢既不是之處同壞話！  點知，原來都係我小心之心，佢只係係到發表梗佢既意見咋，佢覺得寫日記是留比自己回憶的一個方法，日記應該留比自己一個睇就夠了，無需要灰網上寫底，更加唔需要公開比朋友仔睇及留言，咁樣做好似無晒自己的私穩咁！不過，其實我又覺得佢都講得幾啱的。但另一方面，我又會覺得，其實一日既工作已經咁辛苦，籍著寫日記呢個方法嚟發洩吓都幾好丫，而且仲可以同朋友仔用嚟傾吓計添，都唔錯丫。
我昨晚最後決定都係逃學一晚，鬼叫上次個呀Sir咁衰呀！哈哈，勁攪笑喎，後尾我知道原來逃學既唔止係我一個，仲有坐我左右兩旁的同學仔添，佢哋都係好唔鍾意呀Sir嗰種態度。結果，我昨晚同亞龍去咗睇戲，睇咩戲？我哋一齊去睇咩"007"嗰套戲囉，個名我已經唔記得啦，總之就係講呀"007"係賭場到偵破案件嗰套啦，我覺得套戲麻麻地咋，睇到後段，其實有好多地方都唔係好明，時間又長喎，坐到我雙腳既"膝頭哥"勁痛呀！之後，就返咗慈雲山食嘢啦！逃學的一晚，過得不過不失啦！其間，仲比亞龍買飛時發現咗，原來而家既GV及嘉和院線，原來有得Join佢哋既VIP成為會員架，咁第日買飛就會著數D囉，有咩咁著數？你有興趣既自己去有關既院線睇吓咪知囉。
|
