Yeah 好o野！！新既一年又到啦，希望係新既一年有新既開始啦...........
(無論係係工作上、靈性上、事業上或感情上，都希望有個新突破。)
昨日勁唔開心呢！因為屋企個沖涼果個煤氣爐壞o左，攪到我要搬去朋友仔到住幾日呢！好唔方便......不過，就好開心，因為有得睇「隨時侯命」的大結局。因為前兩晚我要返學及約o左朋友仔出街食飯無得睇呢！幾唔開心呀，好彩佢有錄底咋，如果唔係我都無得睇呀.......(好感動呢)！最感人就係個小朋友即是(Jacky仔)同爸爸講，叫佢揸返飛機o個一段，同埋鄭伊健錫呀鐘嘉欣o個一場戲幾感動呀，淨係o個個鏡頭我差不多回帶睇o左起碼有6次呢！(ha ha ....好誇張是嗎)？但係我真係好鐘意鄭伊健呢，真係覺得佢好有型。仲記得我曾經有一個男朋友，本身我唔係太鐘意佢的，就係因為佢個名有個健字，再加上佢唱鄭伊健D歌時，真係好似又好好聽呢！結果我就同佢一齊拍拖啦.......當然而家梗係散o左啦，佢仲結埋婚添。(不過，我覺得始終我靘過佢老婆，雖然我未見過佢老婆，只係見過佢張相)。
今日，我好早就起身返o左教會啦，之後就同D教會朋友去o左飲荼，後來仲同朋友仔去o左荷理活廣場到行o左陣先返屋企呢！今日雖然係新既一年，但係對我o黎講，好似無甚麼特別咁呢！可能係人大o左，有D地方都會唔同o瓜。比著係以前，我一定約晒班朋友仔一齊出o黎倒數啦......第二朝仲唔訓到黃朝八晏才怪呢！現在，我竟然一早起身就返教會，之後仲返屋企添........唉！真是唔認老都唔得啦......
|
