唉！估唔到我一開始寫返日記已經係20號啦......
足足有咁長既時間。
我今日唔知點解，突然間又好掛住他啦......點算呀！唔知係唔係因為呀E前幾日既一個小動作所影響呢！
前幾日超哥突然想約我和呀E一齊食晚飯，咁咪出囉又咩所謂呢！原先我唸住放學之後就會趕去旺角 Join 他們的。結果，我係下午既時侯，又收到總公司由Mandy打來的電話，結果我又要返去總公司到幫手，協助他們盡快把手頭的工作去清理好。一係就唔做，一做就陪上了一整個下午及晚上的9個幾鍾頭的時間，連學都返唔到，確實係有些少無耐的。好彩我平時並無缺課，唔返一堂也沒有甚麼很大的影響呀！再講，我也不忍心見到同事們拖著疲倦的身驅，仍要繼續 OT 呢！我無返一堂又不是很大不了的事呀，最重要係多一個人，真的可以將工作快些完成呢！
謂返餐晚飯先，點知係食到差唔多埋單既時候，他就突然間打電話來給呀E，然後呀E就拿起個電話來看，看看究竟是誰找她啦，從來電顯示得知個結果就是他打來，唔知點解呀E就隨即比個電話我睇，點解她要比個電話我睇呢？難道她想向我示威嗎？係短短十幾秒既時間裡面，我個腦閃過一個又一個我根本唔會明白的問題。唉！點解她和他可以 Friends 到那種地步的，隨時隨侯都可以傾到電話的，大家傾既o野又有共明喎.....講真我真係好羨慕又妒忌呢！雖然，我仲未弄清楚我對他的感覺，但我仍然係好想好想o個個人係我，而唔係呀E。真曾經有人講過，當你係不知不覺咁掛住一個人既時侯，你就會好不知不覺咁打電話比o個個人架啦，仲有就係你會好想好想知道他每一日的行踪或所做過的事情的。
唉！等一個人真係好辛苦，更何況係等一個都唔知應唔應該再等落去的人。有時連我自己都唔明白點解自己要咁堅持，到底係背後有甚麼原因呢？有人話揀一個會緊張及錫自己的人，會比揀一個只會得你緊張他的人都幸福得多，真的嗎？講真我都信是真的，起碼唔會唔開心，又唔使成日唸埋晒D無聊的事情，最慘係唸完之後，有時係你根本就唔會知道個答案o個一種！
|
