係喎，剛才我掛住勁發洩，都唔記得同你打招呼添，你近來幾好嗎？點解奴似好耐無上網咁既，電腦整返好未呀？
今日，我返工有兩件得意事發生喎，第一件就係，我見到有個小學生，佢上巴士時攞散子入錢，點知不慎將D散子跌晒落地下，而D散子就係巴士到碌碌碌碌碌到車尾，個小學生勁無奈呢！而我就只係幫佢執到一個5豪子咋，個學生入完錢之後，就行去車尾睇下仲搵唔搵到其餘既散子啦，點知一個都搵唔到，佢勁唔開心呀。  之後，我都有唸過不如我將佢趺o左D錢比返佢啦，因為D錢可能係媽咪比佢小息時買小食用的，但可惜我要落車個站又到啦喎，最後我都無比到錢個小學生，唔知佢今日個小息點過呢......
第二件事就係，我返到地盆打完咭之後，咪出去M記買早餐食囉，點知見到兩個中年女人係到傾梗計，後生D o個個就係到問老D o個個，"咦你係到食咩呀，你整係飲水邊到得架，你食o左早餐未呀，不如我買多份請你食啦"。點知老D o個個婆婆就講，唔使啦，唔好意思既。但係後生D o個個中年婦人就相當好心咁講，唔好意思，即係未食早餐啦，於是就自行買多個魚柳飽餐比個婆婆食啦，佢仲好有禮貌咁，問過婆婆飲熱奶茶好唔好添。(我真係覺得個後生D既中年婦人好好人，真係好少見有d咁好既人 ，有時有D人有錢都未必肯用啦，更可況係請人食o野呢，仲要可能唔係好Friends喎 ！不過，你放心啦，我知我欠你一餐，我一定請的。 不過，又有可能佢o地本身都識o左好耐都唔定既。)
(後記：不過個年紀老Do個個婆婆個樣，睇落去都幾慘架，好憔悴、好落魄咁架，好似無乜人會照顧佢o個隻咁呢！)
|
