介紹個人比你識，佢個名叫(Noel)，佢係我返工o個個地盤到其中一個女同事o黎架，佢呀勁煩，九唔九就會有D神經質架啦，好奇怪、好難捉摸、亦好難服侍架。
我本身應為做同事既o野，好簡單的，o岩傾咪傾多句囉，唔o岩咪淨係做妥自己Do野咪算囉，有時o岩傾的話食埋飯，甚至約出o黎玩都無謂的。但佢真係好攪笑的，成日都玩情緒，一時就同你friend，一時就好似鬼見愁咁。(都唔知佢想點....... )
今日，我o地係地盤佢又同我掙o野做啦，本身都無所謂的，有人做埋自己個入，何落而不為呢！弊就弊在，佢搶完Do野o黎做之後，就會話比其他唔知情既人聽，話係我無做，咁佢見到略咪佢去做囉，成日都係到同人講，無所謂架，Do野唔係我做，就係佢做咁既說話，攪到地盤裡而D人都覺得，我好似好懶及樣樣都唔識做咁，好鬼麻煩。係丫，雖然我以前未做過地盤，有好多o野我真係唔識做，甚至有時有D文件我都唔知佢愛o黎做乜。但明明之前佢自己話，Do野要分工做，一個禮拜佢做，一個禮拜我做的，本身今個禮拜輸到我去負責做的，但佢無端端早o左返地盤，之後就去o左我個位到攞o左Do野o黎做喎，呢樣都唔單止，佢仲開埋我個櫃桶攞相機呀、簿呀....比其他呀Sir用添。
最慘就係，我好日都唔遲到，偏偏今日就遲到，比佢有機會入我位，勁激氣呀。之後，我就打電話比我契妹唸住同佢傾，舒解下心中既不快情緒啦，點知傾傾下，佢無端端又走o黎我個位到喎，我咪隨即轉話題扮講第二Do野囉，但到我傾完個電話之後，佢又再次走o黎我個位到講，"唉！唔好意思呀，今日因為我早o左返o黎絛o野做，咪係你個位到攞o左D文件o黎做囉，因為昨日又有呀大Sir o黎o左，你都無做到架啦。"哼！唔知還以為佢真係好似好心幫你去做o左Do野咁，但其實以前佢一早返，都會係到瞓覺的，直至瞓到D呀Sir返o黎地盤為止的。(佢成日都咁樣掙我D o野做，我真係覺得好麻煩.........有無辦法可以幫下我呀！)
|
