無嚟10日啦，估唔到你回覆咗我咁多喎，好開心呀！
之前幾日佢都無乜騷擾過我，唸住祈完禱真係唔同D，應該無事再發生啦，因為之前呢十日大家都相安無事，仲有傾有講添。點知，佢昨日又復發，居然攞住一大叠文件過嚟我個貨櫃到喎......「咁我咪問佢囉，咦！你做咩攞晒D文件過嚟既，然後佢就好大無私樣咁同我講。係呀，我唸係你個位到登記D文件丫嗎？之後，佢就二話不說咁，坐咗落我個位到。」我勁嬲呀，咪行過去佢個貨櫃到，睇下佢個位囉。點知，睇完之後我仲嬲， 佢個位根本就無文件係檯面，個檯面不知幾干淨，點解佢係都要係我個位到做嘢呢？難道佢想博出位攞表現。(因為我個位係對住大Sir坐的，佢係唔係想攪到呀Sir覺得佢好得嘢，無咗佢唔得呀？)
然後，我過咗另一個貨櫃到坐，順便睇下報紙，睇完一份之後再過返去自己個貨櫃到啦。唉！點呀，原來佢都仲未走囉，仲同我講：「我仲未得住呀，你都係係隔離個貨櫃架啦，我要再用多陣呀。」佢完全無唔好意思嗰喎，仲係老馮添，我隨即係到唸，我可以話唔得架喎，如果我一話唔得，個反應會係點.........(出嚟做嘢咁耐，佢都算係我見過既最唔要面人仕之一。 )
仲有呀，係呢件事發生之前，地盤到有則師落嚟要巡地盤喎，咁我就係間房到睇緊書。其實，我一早知佢哋嚟咗架啦，因為個班則師，曾經嚟過我個貨櫃到搵呀Sir，但我間房個呀Sir行開咗，咁佢哋無理到，就自己係到繼續係到巡地盤啦。點知，佢又突然間走入嚟我間房到同我講：「喂！唔好係到睇書啦(D語氣有D似係呀媽鬧仔個D Feel)，之後我問佢點解啦，佢就答我話，咁你係到睇書，又咁大班則師係到，唔知佢哋會點唸，同埋話唔知佢哋鍾唔鍾意喎，比佢哋睇到好似唔係幾好。」我心唸，唓！我夠知啦。「然後我就答佢，咁又點呀。可能佢覺得無引啦，之後就回應我，無呀我唸住同你講聲o者。」唓！成日係到扮好人，懶係好心通知我咁，其實又成機係到攞機會嚟插我一嘢。好煩呀佢 ！我點樣先可以避開佢呀，有無方法可以提供到比我呀？
後記：我剛才開始打呢篇日記時，佢咁啱又行咗過嚟我個貨櫃到。唉！一比佢睇到我係到打日記，於是乎佢又企埋嚟我個電腦到，係到睇我打D乜嘢喎.....點呀佢，好似我做親D咩嘢，佢都要睇同要知道咁，真係好鬼討厭呀！救命呀！
(咦！原來D字可以轉顏色嗰喎，YEAH！好開心呀！  第日可以成日將D字轉顏色Lu..........)
|
