哈哈，咁多位，大家好呀！
係新一年裡面，我真係好想有一個新開始呀！
無論係個人又或者係靈性方面。因為眼見周圍的人都好似好有進步咁，自己就好似好慢咁，有時都幾辛苦。希望我可以努力做好d啦就好啦。
我想 ~ 努力d去睇多d聖經。
~ 努力d睇多d有關室內設計的書籍 or 資訊，增加自己對呢方面的認知。
~ 努力d還晒銀行d錢。
~ 努力d儲錢，以備不時之需。
~ 努力d付出多d時間去做事奉，攬好我和一大班少年人的關係。
~ 努力d去做見證，影響我周遭的人去信主。
(係呀，我係一個基督徒嚟架。 )
不過，我昨晚勁嬲呀，我特登將留咗係公司份功課攞返去學校到交，原本可以唔攞，等到下星期先交的。一返到學校好開心咁，唸住交份功課比呀 Sir 啦，點知佢勁無品，係咁係到壇我哋既功課(係啄個同學咁壇喎，仲要係攞住每個同學份功課係到勁講，總之就壇多過讚啦，又話呢到表達唔到，個度唔貼題或唔明咁啦！)全班裡面有10幾20個人交功課，無幾多個同學份功課係佢滿意的，仲勁寸添。寸完人，仲要話自己講說話已經好謙和添，真係比佢激死呀！
至於，我份功課，佢就話唔明我想表達甚麼，又唔知用意係點，我覺得佢勁寸喎。而我哋個題目係，平面設計的構思，我們每個同學都跟佢上一堂所提供的資料作了參考，好比心機咁去做的。就算真係未合要求，都唔使咁寸呀，佢仲話自己講既說話已經係溫和咗添，勁激氣呀！
之後，佢又再係落堂前，講定下一堂要交的功課是甚麼，是要用一些所謂飛機木的材料，造一個立體的線條模式交給他。佢有比相片我們睇，作參考之用的。但我決定既然我呢功課佢都係咁踩，我無謂再比人踩多次丫。所以，我決定唔會交呢份功課。
後記，我走既時候，越唸就越嬲，最後我將我份功課掉咗入垃圾桶到。
(激死人啦.....)
|
