今日好凍呀！凍到連我隔離位個煩人同事都無返添，可能佢懶病咗啦。 不過，佢勁老土喎，次次唔返工都唔打比大Sir請假，次次都係打比我留完言就算，真係好老土。因為我一返工，都會有個習慣，就係將電話較做震機的，免得嘈住人啦，同時，呢個都係一個禮貌呢！當然，這也是我個人的應為啦。佢次次唔返一比呀大Sir見到，大Sir就會問我佢去咗邊，係遲到丫定係請假呀，我次次都要睇吓佢有無打電話比我留言先知。(其實，都係打返嚟同呀大Sir請假唓，有咩咁難呢！我都唔明，點解係都唔肯直接打比呀Sir，而要打比我，我又話唔到事喎，由我轉達比呀Sir知又好似唔知點咁。其實，佢應該打比其他呀Sir幫手至係架嗎，返正佢同其他呀Sir又咁friends呀！真係莫明奇妙呀！)
好開心呀，前幾日係教會到返一個領袖小組，係聚會時佢哋唱普首歌，係我以前好鍾意架，但係因為已經好耐無唱，So已經唔記得咗首歌裡面歌詞的提醒，有一句係咁樣講的，「你們要先求祂的國和祂的義，這些東西都要加給你們。」係喎，有時無論係工作，定係個人既生活，欠缺咗神既介入，的而且確會變得好乏味的。而且，無論發生幾多事，都唔會懂得向神感恩的。好彩，我被組長邀請了我返這個領袖小組咋，如果唔係我早已把神比我的使命及呼召，忙記得一乾二淨了。
因此，我已決定由今天起積極閱讀聖經，我會先由箴言開始讀起先，每一日一章。因為箴言呢卷書，充滿著智慧，每日都帶著神的智慧來作每一天的開始，不是很要好嗎？其次就係每一日，要睇一篇靈修日程的書籍。然後，再睇但以理書的整卷經文，因為我最近報了一個主日學的研經課程，題目正是但以理書，我要被課，也要溫習呢！我好希望自己，在靈命上可以快些成長，幫到多些有需要的人，尤其係教會裡的一群少年人。講真，若然自己不是在少年時候認識主，今天我也估不到自己會變成一個怎麼樣的人呢！我好希望可以用我的過去，提醒每個少年人，其實他們每一個都相當有價值，主看他們為最寶貴的。因為你們的靈魂，仍未被主所尋回呢！我要努力比多D心機先得。 
唉！仲有呀，我之前唸住係新既一年，不如試吓用一個新既網上日誌嚟，繼續寫我既網上日記啦，點知 "Yahoo"個網頁係勁唔好用架，如果你嗰日無寫日記，錯過咗就唔可以再寫返嗰日既日記架啦。不過，呢到就唔同啦，你鍾意幾時抽時間寫返都得，勁方便呀！！
|
