(20/7)就輪到我返星期日，但(21/7)就可以補假!!

昨天返工真係整個葵涌都去過晒，工廠區又有、住宅區又有。

好在有貨車車我去呢，但上樓就要自己去!!

而且返工去晒葵涌3個門市，淨係一個大連排道門市都玩咗整個下午......

上午得15min去自己平時返工的門市打磚坪街門市取件派送，取完後就要立即送件。

最後又要去埋葵豐街門市搬完貨後才可以收工，果陣大約都已經7:00pm左右。

返到來都已經8:00pm，好在今天是唔駛返工 (因為星期一最多野做)。

自已都要睡咗中午12:00，才捨得起床梳洗!!

下午大部份時間都係在家中玩電腦，可能很少平日放假，搞到自己有點不習慣。

唉.......明天又要返工，真係想休息多1day就好la~~~

我都有成個禮拜都沒有打blog....

因為現在收工時間真係唔定，一時又收7點幾 ; 但一時又收8點幾。

最近查車又耐咗，派件時間又遲咗。搞到天天成日都俾客電話轟炸!!

問件幾時可以派送??  心想：最近查車好嚴，我想送都唔得la~~~

但好衰唔衰，今天起門市又換新阿頭。

我由入職時間計算，起碼換咗4個阿頭 (全部唔係唔做，只係調門市)。

而收件時，淨係爆貨都用咗幾分鐘，真係慢小小都唔掂。

唉......現在頭車只係派4-5分左右，上午大部分時間和同事在機舖打機!!

d件咪下午一舖過做晒 (收件+送件)

收工回到家時，都已經好累 (現在好想有一日休息時間)。

相信奧運之前及其間都唔會有好日子過呢!!

(越近奧運咪查車就越嚴緊。)

今天，可以話係是我星期日可以睡得最好呢!!

之前幾個星期日最多只可睡到8-9hrs左右，而今天可以睡到10hrs左右。

由下午到晚上，都係在屋企玩電腦......

可能6月真係駛錢駛得很多，搞到7月頭真係就住就住。

我自己都想過點解6月份駛得咁多，淨係一部數碼相機都已經用$2,600!!

仲未計其他駛費呢。幸好明天出糧，相信自己今個月應該可以駛少好多la~~~~

唉.....奧運前及期間，相信自己都好難早收工及少野收派。

分分鐘可能少過上個月，現在只有順其自然.......

上次30/6出席校長榮休宴的相，自己覺得仲係爭d火喉!!

有小部份的相，出來的效果有小小偏黃。

但自己都唔係好在意，我喜歡的相大部份都影得好好。

希望下次再用數碼相機影時，可以影得更好!!