| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
| 2005 年 7 月 23 日 星期六 |
 | |
|
返左黎啦>v< |
|
嘿~去完旅行返黎啦~有冇掛字我呢>v<?呵~呢兩日係船上面過~而家仲暈緊地浪呀~都唔知仲要暈幾耐啦=口=我地上船去廈門~第一日上船下午12點幾上到去就食野~可以話呢幾日一有飯食就食野~仲要冇咩好食=.=跟住就冇咩做~四圍行左陣映下相咁囉~跟住就返左房訓下午教~冇計啦~前一晚可以話都冇咩點訓過呀=口=訓到5點幾6點又去食野=.=食完我地就係度諗去邊度玩呀~跟住最後我地去左唱k~開左枝紅酒~我最愛>v<原本冇開架~跟住我問老豆做咩唔開紅酒~佢就去左開左枝我飲~枝紅酒都幾得架唔錯的~差不多大半枝都係我飲呢~不過一d都唔覺醉呀~差不多成場我唱晒~去唱o既梗係唔只我啦~仲有我細細佬~阿爸阿媽~我d表妹~同舅母~舅母抵錫呀~佢幫我手織果條道具頸巾呀~唔係我琴晚都交唔到貨比我細佬呀>v<我地唱到12點半~唱左5個幾6個鐘=.=聲都差唔多拆埋~唱完就去食宵夜~又食=.=!跟住返房o既返房~賭場o既賭場~我就梗係去賭場啦a_a玩到3點就返房訓~贏左二百幾蚊=口=!
到左第日我地到左廈門啦~可以上岸玩架~但係因為前一晚落好大雨呀~同埋係咁行雷閃電都未知上唔上岸架~最後得我同公公婆婆仲有最細個表妹冇上岸咋~舅父一家同阿爸阿媽仲有細細佬佢地去鼓浪嶼玩~我就食完早餐就返左返訓教~同埋織果條咁o既頸巾~織織下我婆婆黎搵我去食午飯~但係冇同最細個表妹去~因為佢訓教=.=公公係房睇住佢~食完之後又返房訓同織仲有睇電視o既=.=(好似冇咩好做咁)到左3點幾果陣~我表妹同我婆婆黎拍門~話表妹肚餓問我有咩食~我咪話我得咕咕力同花生so咋~最後佢食左d花生so囉~唔係就冇野食啦~我地跟住去左甲板度坐~嘩~好鬼多人游水呀~個泳池又唔係大~咁多個人迫埋一齊~有d覺得污糟=.=行左陣就去左食野啦~冇計啦~表妹肚餓呀ma~咪第一時間去食野囉~點知係甲板撞到舅父~佢地返左上船啦~跟住咪一齊去食野囉~諗住打返房叫埋阿爸阿媽地一齊食~但係佢地返到房就訓左教=.=舅父話行到散晒喎~咁咪為有得我地食~食完就同舅父成家帶埋包包去左機鋪打左陣機~我都係玩篤篤機~冇野好玩=.=玩左陣就返左房啦~係咁叫佢地起身去食飯~唔係冇飯食~咁又得返我一個係咁係度織織織織織......織到佢地返左黎就4個係度鋤dee呀5毫子隻~阿媽同細細佬輸~我同老豆贏~但係佢地唔計數=.=可惡~到左10點幾見冇野做又走左去唱k~今次唱左兩個鐘姐~唱完又係食宵夜時間~差不多餐餐都係湯撈飯就算~因為d野都唔係咁好食~食完就梗係去賭場啦~都係玩到3點啦~一共贏左500蚊唔夠=口=冇計啦~上船果日比ling講左d野嚇親呀~唔係咁敢賭~所以都算贏得多架啦~又唔洗自己本~因為老豆一上船果晚贏左2千幾~比500蚊我做本~跟住果晚又贏~一共贏5千唔夠~所以佢冇問我拎返500蚊>v<~跟住阿媽又贏左2千幾~比左200蚊我~所以可以話我上完船多左1200蚊kaka~
跟住琴日下午3點幾落船啦~點知有海關~咁o岩我地唱k送左枝V.S.O.P.冇飲~諗住帶返屋企~但係就比海關查~比佢收左啦~算~都係送之ma同埋我都唔飲o既~落左船就返屋企lu~返到黎又冇咩做~又出左街~去買人字拖呀~跟住再去百佳~買左兩包我最愛o既薯片同埋溫利拿味o既Haagen Dazs~>v<呵~返到黎屋企食晚飯~跟住上左陣網啦~我細佬返左就比佢玩啦~我就繼續同佢織埋條頸巾同整埋d冷球~搞到成4點幾先有得訓~我一路織都已經恰緊眼訓~但係要整埋佢先得~因為佢今日就要帶返公司啦~都唔知姑姐收唔收貨tim呀=口=今晚問下我細佬~今日12點幾有人打黎我就醒左啦=口=~我有諗過唔聽~但係因為佢用冇號碼唔知邊個打黎一定要聽~算啦~果陣都差唔多要起身啦~同佢傾左個幾鐘跟住就起身食飯~食完飯點知比我見到食物櫃入面我果包番茄薯片比人開左仲要冇左大半包呀>口<我細細佬話係我細佬開架~太可惡啦~琴晚同佢做到咁夜仲要食我包薯片~唔制呀>口<!!!!哼~今晚先比d說話佢聽~
我打呢個日記都打左好耐啦啵=口=~今日講住咁多先啦~好鬼掛住keita呀>v<睇下佢d小說先~
|
| 刊登時間︰2005-07-23 07:16 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 19 日 星期二 |
| |
|
上船前的日記 |
|
琴晚唔知做咩冇啦啦落大雨~同埋係咁行雷閃電呢~真係好恐怖~嘿~今日冇去做物理治療呀~因為真係頂唔順呀~聽日又上船啦~咁咪唔做一日囉~好耐都未試過出咁多街~未試過咁頻密啦~真係好攰架>口<!
yeah~聽日上船啦~星期五先返黎~希望雙魚星贊助下我買goods d錢啦>v<!
今日上網dl左w-inds. d mp3鈴聲呀~好開心呀~鍾意都有佢地mp3鈴聲啦>v<嘿~仲叫左ling幫我cut首野孩子tim呀~因為琴日發生o既事就好想cut黎做鈴聲>口<!
我呢幾日上船都唔會打日記架啦~星期五返黎見啦>v<!
|
| 刊登時間︰2005-07-19 08:31 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 7 月 18 日 星期一 |
| |
|
呢幾日攰死我啦~ |
|
琴日入左元朗陪太婆飲茶呀~好多人去呀~舅父一家~三姨一家~婆婆~姨婆~我~細細佬同埋舅婆~十幾人呀~又去食B仔涼粉~我叫左個榴槤班戟~點知食食下比我發現左有隻蚊滋仔呀~咁咪叫佢換過個黎囉~都唔係咁好食o既~滿記好食d姐~跟住就同三姨同埋姨丈去行街~行左好耐呀~跟住就食埋飯先返屋企啦~琴晚返到黎~跟住見到壇度串人~咁我咪串左陣囉~搞到差唔多三點先訓=口=!
跟住今日仲要八點幾起身呀~出去睇早場呀ma~我仲遲到睇唔到頭果一part tim呀=口=見見仲要話最精彩果part黎架>口<算~等出牒~跟住就去左唱k lunch啦~果個人個fd好搞笑~成日話我同果個人憑歌記意=.=唱完佢地兩個走左~我就同ling約左見見去cafe飲野~傾計~坐左個幾兩個鐘啦~傾左好多野呀~真係好耐冇見過見見啦~年幾了>口<佢仲帶左個fd黎~之前係壇度都睇過佢張相~估唔到佢真人都係勁似jay呀>v<哈~見見話我唔係第一個咁講tim呀~傾傾下計有人打比我~係果個人個fd呀~佢打黎叫我陪佢同埋果個人去食飯~但係我真係應承左阿媽返屋企食呀ma~又話佢失戀叫陪下佢地食飯~我果陣真係唔知點好囉~我咪話遲d先陪佢地食囉~ling仲話佢對我有野tim~唔好玩啦~今日第一日見咋~咁就有野啦=口=?仲要到而家連佢個名都唔知呀=口=我諗佢都係幫果個人姐~唔好諗多左啦~我d吸引力唔會咁勁o既xpppp
聽日仲要去做物理治療呀~返到黎腳痛呀~而家睇下聽日或者夜d睇下點啦~唔係聽日唔去做啦=口=!
|
| 刊登時間︰2005-07-18 09:47 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 16 日 星期六 |
| |
|
隻腳仔痛呀>口<! |
|
今日一早起身同細細佬一齊出左去陪婆婆飲茶呀~係我請架ma~點知舅母又搶左張單埋=口=佢又冇飲啵~做咩要搶啵>口<咁我咪話下次請返佢飲囉~飲緊茶果陣呀~阿穎打個乞次就流鼻血呀~咪為有婆婆同佢返上去屋企先囉~原來阿軒琴晚半夜婆婆同佢入急症呀~條氣速喎~o岩o岩婆婆打黎~又話可能一陣同阿穎去急症啦~佢話好肚痛喎~唉....都唔知佢地兩兄妹搞乜鬼呀~可能佢地係東涌冇人理所以唔知掛~真係辛苦婆婆啦~
飲完茶~我就同我細細佬落左舅父度剪頭髮啦~都冇乜點剪啦~係收下佢~同埋我最後決定左柒返紅色啦~好睇過之前甩色甩到金唔金~啡唔啡咁=口=我細細佬就係舅父度睇書囉~我叫佢返去先架~佢又話等埋我啦~
整完頭差唔多三點啦~咁我地就搭返巴士返黎~跟住打比阿媽~問佢係咪買埋電話啦~咁佢話是但我~咁咪買埋囉~買左啦~係k750i銀色呀>v<好正~買完就落左鋪頭度坐左一陣~跟住隻腳就開始痛啦>口<咁我地咪搭的的返黎囉~而家仲痛緊呀>口<嗚嗚...我而家係度食緊杯麵呀~飲完茶到而家都未食過野啦~肚餓ma>v<!
係喎~我琴晚都冇講~我琴晚終於睇晒套小說啦>v<好正呀個結局~好sweetsweet咕>v<嘿~如果我係個女主角就好啦>v<(咁早又發夢=-=*)死啦~我又好掛住keita啦>口<今晚早d訓先>v<!
比張令仔相你地睇下呢>v<!>>>>> 
|
| 刊登時間︰2005-07-16 07:29 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 7 月 15 日 星期五 |
| |
|
呵呵~ |
|
嘿~聽日約左舅父剪髮啦~仲約左婆婆飲茶~約左十一點呀~所以聽日要好早起身啦~唔知聽日要整到幾點呢~我都而家都唔知染咩色好呀~諗住染返紅色囉~
星期三上船啦~有3日搵我唔到啦>v<唔好掛住我啦kaka~聽日仲要問下四姨攞唔攞到假呀~佢今日返左深圳搵佢唔到呢~
今日我細細佬d同學上左黎打牌呀~o岩o岩走左冇幾耐咋~d狗嘈到咩咁=口=都唔知點教佢地唔好嘈啦~鬧極都係咁呀~
我都就off啦~今日講住咁多先啦~kaka
|
| 刊登時間︰2005-07-15 08:03 PM [ 訪客留言(0) ] [ 編輯日誌 ] [ 分享至FACEBOOK ] |
« | 257 | 258 | 259 | 260 | 261 | 262 | 263 | 264 | 265 | 266 | ... | 273 | »
|
