| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
| 2005 年 10 月 12 日 星期三 |
 | |
|
心掛掛@o@!?唔係呱!! |
|
今朝一早就去左做物理治療呢~做完返黎~11點9到啦~就係梳化訓著左~訓左差唔多成兩個鐘~太好訓啦~跟住比d狗嘈醒我=口=~靜就打黎~傾左一陣~咁就醒左啦=口=!琴晚同ling傾電話~傾到兩個無賴~唔知點解冇左佢地好似冇咩野講咁~話題都圍繞住佢地兩個物體tim~我地都嘗試過講第d話題~但係最後都....唉~點解會咁架呢!?令我最驚o既事都唔算係呢樣~係唔知琴晚傾完電話~就訓著~但仲有d清醒o既情況下~腦入面諗住一d畫面~畫面係拍拖o既開心事黎~但係男主角竟然唔係慶太~係.....!?究竟發生咩事~唔通中左毒!?定係有單思病呀a_a!!點先可以e好呢個病呢?嗯~一係恨心d~以後都唔好搵吧啦!!
琴晚傾電話~搵返好多童真出黎~係度講返細個睇咩卡通~諗返起細個幾開心呀~有陣時真係唔想變得大個~小朋友幾好呀~咩都唔洗煩~唔洗諗咁多野~但係時間係唔會留人~點都要變架啦~算吧啦!
同ling傾電話之前~妹子打過黎~佢話又好唔滿意涼平係台灣o既表現喎=口=~初初又話原諒左人~點知佢話上個星期六~即係拎goods比我果日啦~我同佢散左之後~佢同seiko去左信和~點知撞到有份去台灣o既其中一d fans~果個fans同妹子講~又話同涼平一齊行~又話點點點~之後比妹子睇埋d相~涼平望住佢個相機笑得好燦爛喎~妹子當堂冇晒聲出~好嬲喎~我覺得妹子已經好叻~因為冇爆佢相機呢XDDDDDD~比我都會爆佢相機啦~咪講笑>口<妹子仲話~慶太紅色d頭髮係夾上去架咋=口=~seiko話見到晒~係夾上去o既~佢染髮果陣我已經覺得好出奇~原來唔係真係染架囉~有d失望tim=3=!!
今日細佬又出左去出糧~希望佢今次冇比人耍啦!o岩o岩三姨打黎~佢話佢屋企有好多朱咕力同Haagen Dazs~係對面屋係機場度做唔知咩~拎返黎請佢地食~佢問我幾時入去~我答佢唔知~都要等到下個星期覆完診先算啦~屋企個電腦又虧虧地~而家諗緊入唔入好~入又點行程呢~因為又要陪ling過生日喎~阿姨就叫我覆完診出婆婆度住兩日先喎~唔知呀~諗下先啦!
New Maxi Single「約束のカケラ」発売決定！
11月23日にw-inds.New Maxi Single「約束のカケラ」の発売が決定致しました!!
シングルとしては初のクリスマスソング!美しい文体で綴られたアップテンポな楽曲です。
10/11よりOAされる、ブルボンCFソングにもなっています!!
写真集発売決定！
2005年10月28日発売『w-inds. LIVE TOUR “ageha”THE DOCUMENT』税込2100円
agehaを引っ提げてのw-inds.4度目のツアーに密着。
リハーサルから本番、舞台裏までライヴを作り上げる3人の姿を完全網羅。スペシャルピンナッフ付き
|
| 刊登時間︰2005-10-12 05:18 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 10 月 11 日 星期二 |
 | |
|
Shit!!! |
|
o岩o岩ling打黎話佢係CD鋪~見到十六夜之月有港版~賣55蚊連poster~諗左好耐買唔買~最後叫ling幫我買~點知又係抽中左涼平囉~死人涼平~我係唔鍾意你就唔鍾意你架啦~做咩成日都係你姐~你係妹子架ma~又要搵人換砌圖>口<唔制呀~快d比返慶太我呀!
琴晚冇去食海鮮呢~因為得老豆去~阿媽都唔去我就唔去啦~佘太頭先叫堅哥拎左袋蟹黎~唔知係咪琴晚食淨呢~yeah今晚有蟹食~我o既至愛呢~堅哥個樣變左好多呢~我都唔係好認得佢呀~仲同女朋友一齊tim~幾令女架~唔知佢地幾時結婚呢~嘿a_a!
細佬琴日姑姐叫佢上公司出糧~點知我細佬話比人耍左~去到公司冇人~佢地落晒觀塘~叫我細佬等佢返黎~點知等到6點都未返~叫佢星期三再出去拎囉~嘩~咩意思呀~梗係想玩返佢啦~星期日果日又話叫我細佬唔洗出~咁佢又冇講要成8點先走得~我細佬出得街就梗係約埋人行街架啦~o岩o岩先!?又話去得幾個鍾唔洗你去啦~星期一上黎拎錢啦~點知比人玩返轉頭囉~話晒都一場親戚呀~洗洗咁呀~頂~越來越唔like佢地呀><!!
今日上網見到w-inds.有個新o既香口膠cm呀~勁開心~拿拿聲dl黎睇~嘩~係勁爆笑囉~龍一係最好笑~慶太好似禮服蒙面俠咁出場~仲要拎住枝玫瑰~好鬼型呀>v<~3個仲有著粉紅色同紫色o既老西tim~都幾好睇呀~太正啦~仲有一個cm唔知幾時先有呢~果個係牧場版~唔知係咪著住工人褲咁餵牛呢XDDDDDD一定好爆笑!!
個cm呀~慶太好型呢!!
|
| 刊登時間︰2005-10-11 06:00 PM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 10 月 10 日 星期一 |
| |
|
Are you kidding? |
|
琴晚臨offline~豬叻同我講"你係有腦﹐識得諗計﹐識得幫自己解決某D問題﹐有改變某D事情既能力,但係你未發現同埋未能夠控制呢種能力"搞到我幾鬼開心呀~我都未試過比人話我可以解決問題架~制做問題就有我份=口=!
點解一到左星期六,日就冇咩電視好睇咁架!?琴晚又係冇野好睇~細細佬噤左過明珠睇特警新人類2~初初我都覺得呢套野應該唔係咁好睇~因為我連個名都未聽過~有線都冇播過~都唔知套戲係幾時架~但係睇睇下又幾好笑喎~笑位多數都係馮德倫同李燦森身上~幾好睇唔錯呢~睇完呢套野真係冇野好睇啦~沖涼洗頭就返左入房啦~之後同ling傾電話~傾傾下有人打我手提喎~係阿dee~之後line 3線一齊傾啦~傾左一陣~屋企個電話唔知係唔係工人執房果陣郁到個電話~搞到差唔到電~係度響警號命令我收線=.=~但係佢地兩個唔知係唔係唔捨得我呢XDDDD係咁叫我換電話再傾喎~咁好啦~換電話打比ling~我地傾左一陣先再line比阿dee~點知阿dee原來上左阿光屋企飲酒呢=口=~之後4條友係度玩Ture~我同ling真係諗唔到d咩問題問佢地兩個~最後叫佢地想知咩就直接問啦~阿dee又話咁樣唔好玩~咁就算左了=口=!跟住佢地兩條友話落街買啤酒~咁就收左佢地線~同ling傾多兩句就收左線啦~但係我唔知做咩訓唔著~係度聽收音機~聽到天光~6點幾果陣有個人打黎~我淨係記得佢係咁問我一句英文~我猛答佢"I don't know"囉~唔知係咪果陣眼訓得濟呢~真係唔係好記得佢問我咩啦XDDDDDDD同埋我feel到佢係飲大左呢~我諗今日問返佢講過咩都唔記得-口-!心諗一句"Are you kidding?"
今日貼新聞果陣(其實琴晚睇新聞都有講左=口=)~見到傑青公佈左啦~古巨基同楊千嬅都做左傑青呢~我冇睇錯人呀~果然係我o既打令同至愛呢~kaka!其中仲有一個係圈中人就係許志安呢~唔知係點定出黎架呢~唔知我有冇資格做到傑青呢@o@?!(路人甲:你發夢就得~做傑青要對社會有好大貢獻先得架!)
部電腦真係好唔掂呢~今日開電腦佢自己restart左兩次先得~唔得咁架~要繼續加油燒埋d牒佢呀>口<求下你唔好跪低住啦!!
我發覺老豆真係就快可以好似龍一咁架啦~對住個魚缸3個鐘都唔厭呢=3=!
係啵~今晚唔知係唔係去食海鮮呢~跟住唱k宵夜直落XDDDD係就正呢! (唔去了~媽子都唔去呢~得老豆同佘生地去罷了!)
「你D Taste一向都唔差，除左揀男人之外！」 (=.= 你之前果個又好好咩>0<，ok stop here)By:ling's diary
咩我之前果個做咩姐=口=~好明顯我之前果個點都好過你果d o既XDDDDDD!
|
| 刊登時間︰2005-10-10 03:51 PM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 10 月 9 日 星期日 |
| |
|
突然好掛住一個人tim... |
|
我掛住邊個...其實個個都好掛住架~但係最掛住果個都係得一個咋~自從見過佢之後成日都好想再同佢見面呢~但係要等出年呀~有排都未到~o岩o岩好聰明咁終於都識點dl段片啦~琴晚成日都dl唔到架~係click o既第5part黎~講w-inds.佢地踢足球~最後慶太贏左呀~可以食一條o岩o岩燒好o既魚~我心諗佢一定唔會食啦~因為佢之前唔鍾意食魚同明太子架~因為佢唔鍾意腥~點知佢食喎~仲話好食呢~果一刻都好開心架~不過唔知佢食唔食明太子呢~唔食都唔緊要啦~因為我食過真係好腥~我都唔鍾意食呀><!
睇睇下果陣~ling走黎msn我呢~係咁腥返琴日錄果d歌比我~阻住我睇慶慶呀><!睇完先叫返佢~我覺得琴日錄d歌好唔掂呀~好拆~加上琴日我把聲好沙呀~未開聲咁~最後我都係覺得首沒有人係最好啦~唔知點解硬係覺得ling唱野孩子首歌果陣唔知點咁o既~算吧啦!諗返起琴日係k房~我同ling都叫左個咩金菇肥牛石頭鍋飯咁o既物體~佢上面有d木魚係度~係放係面上面郁下郁下咁o既~我諗好多人都知咩黎~點知阿ling好出奇咁問我"點解有d野係上面郁郁下o既"我答佢咪木魚黎囉咁~佢話未見過~唔知咩黎~果陣時笑鬼死我~估唔到佢唔知咩叫木魚囉XDDDDDD~不過個飯都幾好食架~
琴日買左疊CD-R返黎~返到屋企拿拿臨燒左w-inds. d TV出黎先~因為部電腦好似就快要跪低咁~幹!仲有好多未燒呀~要快d搞掂埋佢呢~趁佢燒緊牒果陣~無聊冇野做~持起支CD-R marker畫牒面~終於都發掘到d我o既藝術細胞出黎啦~kaka!!
|
| 刊登時間︰2005-10-09 06:47 PM [ 訪客留言(3) ] [ 編輯日誌 ] [ 分享至FACEBOOK ] |
| 2005 年 10 月 8 日 星期六 |
| |
|
攰死人呢~ |
|
今日11點半出左去啦~11點到打比阿dee~問佢係咪去~佢原本想叫個我地唔識o既去~我同ling都say左no呢~之後佢話一個人去~我咪同佢講佢會好悶囉~佢又話咩咩咩喎=口=~最後我真係要出去啦~叫佢約阿光去~點知就冇覆返電話啦~咁就唔理啦~我同ling去唱囉~點知當我出到九龍塘o既時候ling打黎話加洲紅冇晒lunch啦~佢咪過neway睇下有冇~點知都係冇~迫住要唱happy hour呢~四十幾蚊一兜nuts果d呢="=非常之唔抵!(兜nuts都冇食到~拎左返屋企比我細細佬食鬼左lu~)唱唱下妹子打黎~佢話我d goods唔齊囉~係得海報~限定盤同埋枝手燈~超唔齊~又要我出多次去~幹=.=!
跟住約左妹子拎goods~死婆佢4點唔夠打黎叫我過信和拎~仲要叫我快d~佢4點2要睇戲囉=口=問佢有冇錢找~佢又話冇~又唔夠錢比~最後都係叫佢睇完戲先拎~我就同ling繼續唱到佢cut歌~跟住就過左去信和買CD-R~行埋化妝店~本想買指甲油~但係唔令~指甲油就冇買啦~唇彩就買左枝~都揀左幾耐下呢~最後買左枝幾令呀~跟住就諗住去許留山坐下~點知大排長龍~過左味千叫左碟餃子同百事(唔知點解今日勁想飲可樂呢><!)~我地慢慢食~食下傾下咁~時間就咁過左~妹子都睇完戲啦~最後拎埋d goods~就散咯!
返到屋企急不及待拎慶太張親筆簽名poster出黎睇啦~見到就大叫左出黎~超超超超超勁爆開心呀>口<!!!!!!(又比兩個細佬話我痴線呢=口=)好似發緊夢咁呀~今晚仲dl左個新程式睇w-inds. d片~有聲啦~真係好開心~比我見到佢真人唔知真係會點呢>口<!仲要show埋條新頸鏈比我細細佬睇~呵呵呵~真係要多謝送比我果個人呢~i love you>3333<!!!
新一期e-tower其中一張相呢~好令喔~愛爆3子>3<!!!
|
| 刊登時間︰2005-10-09 12:54 AM [ 訪客留言(0) ] [ 編輯日誌 ] [ 分享至FACEBOOK ] |
« | 242 | 243 | 244 | 245 | 246 | 247 | 248 | 249 | 250 | 251 | ... | 273 | »
|
