做乜鬼呀~

呢兩日唔知做乜咁鬼熱呀~o岩o岩仲風雲變色咁~突然行雷閃電落大雨囉~又想打風呀?唔係呱!熱到死呀~咁o岩屋企廳個冷氣跪低左~唉..想用都冇得用~為有開住兩把風扇過啦!

琴晚老豆發現缸魚有條魚就死咁~跟住幫佢地洗魚缸~點知發現缸底有個金魚頭係度~勁恐怖~之後再發現多條個肚穿左架~真係好核凸~老豆話可能d石頭整起左個底~有窿比佢地捐到入去~同埋比個抽水摩打吸左入去之後死左係缸底喎~總之就死得勁恐怖~一晚之間咁就死左3條魚~唔關我事架~唔好返黎搵我>口<

琴晚無線做果套咩咩由世界中心開始呀~勁正呢~有我打令Leo同埋我至愛千fa~唔講唔知~原來側田係係leo個演唱會度做和音果個黎~老豆又話講開又好似係咁~真係估唔到~我睇左佢兩場演唱會都唔知tim=3=睇下阿媽今晚係咪租隻leo演唱會黎睇~等我留意下先~跟住佢地又唱返d舊歌~好似有明星~追...等~勁正呢~睇緊果陣阿dee打過黎~仲話我唔專心同佢傾電話喎~蝦~人地睇緊電視呀ma~真係呀!傾傾下ling打黎~咁我咪入線囉~同佢講一陣打比佢~同dee收左線打返比ling問佢咩事~佢話冇野搵下我之ma~咁我咪邊睇電視邊聽下佢講野囉~佢係咁係度聽我唱歌~仲話佢打黎唔係要聽我唱歌~咁我睇緊電視~又冇野講~咁咪唱歌囉~之後佢頂唔順收左線=口=!

睇完電視唔知做咩個頭又勁痛囉~仲有d暈暈地o既feel~拿拿臨沖個涼走左上床攤陣~ling就sms黎~叫我幫佢關心下人地係咪要放手提喎~佢話唔想果個人放喎~又話如果係急住還錢o既就同果個人講唔洗咁急喎~幫佢出果陣已經預左冇咁快有錢還喎~喂~果個人收唔收到呀?!唉..你兩個有咩可唔可以三口六面講清楚佢呢?唔好搵著我黎搞啦~好煩架~果個人究竟為咩避ling呢?可唔可以話比我知呀?成日問關於ling o既野又叫唔好講呢個話題~唉..究竟想點?

ling話要請我去食Haagen Dazs喎~咁我就唔客氣啦~星期六唔知出唔出mk~睇下妹子出唔出先~出就食埋佢咯a_a~阿媽話今年榮華d月餅幾好食~一陣試下先~ling我係唔會拎出黎比你的~我諗你都唔會咁殘忍要我山長水遠咁拎盒月餅比你架可

琴晚去左飲呢~

琴日10點半已經起左身~但係唔知著咩衫好~左揀右揀~搞到時間好趕呢~冇計啦~伯公擺壽酒喎~咁有派頭唔令d點得~唔係佢我而家仲係東京呀>口<!仲比我細佬吹我快d呀~拿拿臨出門口諗搭咩車出舅父度最快~細佬話想搭巴士~但係一定趕唔切~我地最後都係搭火車出到沙田轉的的呢~搭左70蚊的的=口=出到去12點10到啦~但係舅父果度已經有成3個人啦~兩個女人同一個男人~個男人染緊髮~一個女人就等緊set頭~另一個就Benson哥哥同佢set緊~一去到舅父幫我染返個髮先~染完幫我做埋個修護~跟住都有好多人不斷咁上黎~舅父趁得閒~屈左我請佢食m記果個新餐同咕咕力新地~我就要左個咕咕力新地同埋孖芝~叫我細佬去買~但係100蚊冇得回頭~我知仲有60幾蚊比我細佬笠左呢~可惡~成60幾蚊當tips咁比囉=口=~食完之後舅父幫我修下把頭髮~舅父話剪短佢架~佢話我d頭髮漂過好散好差啵~但係我唔想~最後佢就幫我夾鬈左d頭髮~woooo~~~~夾完好正呢~當堂成熟左好多~好有女人味kaka~之後就教埋我細佬點立個頭啦~做到成4點幾~跟住就上婆婆屋企~婆婆屋企有4個親戚係大陸落黎飲~我地上到去~佢地4個就去行下街先~去金紫荊映相喎=口=我同公公婆婆細佬就梗係唔去啦~晏d先出去~坐左一陣~食左d炒飯~我地5點9出門口~搭巴士出到tst再轉的的過天星搭船~一落車~就比我見到個我好憎o既人~佢係天星間零食物語度做收銀~好唔掂呀~真係好黑好賓妹呢~連我細佬都話仲黑過cherry呀~同d相簡直係兩個人黎架~都唔知d相係咪執過架~我敢肯定佢真人擺多次同相果個po士~一定係兩個人黎!我真係好想入去串下佢~咁o岩我又set左個鬈髮~但係我又同公公婆婆一齊~廢事啦~跟住就等到4姨同包包黎~一齊搭船過海~過到去又搭的的過榮華啦~嘩~好多人呀~老細擺酒果然係唔到d~上到去梗係霸返張麻雀台啦~等到3姨同細細佬黎埋~夠腳開台~打一蚊一番~一番起糊~點知一開始我細細佬兩局都係自摸清一色囉~我就有一局卡窿絕將八索都比我摸到~開心得滯反左牌食炸糊=.=拎左兩個半出黎賠~3個自己分~打到開席~輸左幾蚊啦~我地分左兩台坐~我好跟唔跟~跟住阿媽去坐左台背份好高o既台囉=口=未上菜已經覺得好悶~最後話要去廁所~去完就走左去姨姨果台度坐呢~熱鬧好多啦~有講有笑呢~舅父仲比我見到佢收左個菜譜落袋~我就串佢"舅父你唔係呀~菜譜你都要呀~呢度仲有個呀~"XDDDDD跟住3姨4姨係咁笑~搞到舅父冇聲出呀kaka~琴晚d菜都好好食呀~好正~未試過飲係食咁多野架~食果個飽翅呀~一疏疏好似食麵咁食呀~好正~都未試過咁食翅呀~條魚又好食喎~總之就正啦~都係果句"老細擺酒果然唔同d"a_a~但係個壽包我d阿姨話佢"縮縮"地咁~所以我冇食到~係食左芒果布甸~都ok o既~走果陣見到有人連汽水都拎埋走~月餅又拎成幾廿盒~唔洗錢都唔洗拎d野咁浪費呀~有冇人食先得架~呢d就係香港人心態嗎!?貪小便宜~映衰晒d香港人~鬼唔望佢食晒d月餅有糖尿病呀~貪得就貪~呸!

係榮華門口散~我地就行去搭小巴返屋企~嘩~果個咁o既小巴司機呀~有骨骼疏鬆果d落車要執返d骨頭tim呀~搭到嘔咁滯~仲要搭左個幾鍾~返到屋企都成點啦~

原本琴晚阿妹約我今日去拎goods架~但係我今日一起身~成個散晒咁呀~頭痛死呀~攰到死死下~起身都唔想起~而家都係食左d止痛藥咋~咁我咪今朝係咁打比阿妹同佢講唔出囉~頭先3姨打黎仲話出婆婆度喎~話舅母買個大蛋糕同悠悠慶祝生日~唔出啦~頂唔順呀~打個電話出去同佢講聲生日快樂啦~

p.s.舅母話我鬈髮好睇呀~望上去肥d令d~諗緊電唔電髮好呢~
去到婆婆屋企~隔離屋個林太話我令左~仲話我越大越似3姨喎a_a!

包包夾左頭髮就似女仔唔夾就變左男仔=口=!
 

最新雜誌~慶太篇!

好眼訓~

琴晚同dee同光傾到差唔多3點呢~諗住訓又訓唔著~點知3點8到啦~國國打黎話部電腦又shot左喎~到而家都仲未開到~同國國講完~ling又打黎=.=果陣都差唔多4點啦~佢果陣o岩o岩先打完牌囉=口=~同佢傾左一陣手提冇電自己cut左咁就訓lu~果陣都成5點半啦~

唔知做咩腳痛~訓下醒下咁~跟住1點起左身啦~中途ling同姨姨都有打過黎呀~姨姨話部電腦都仲未開到=.=之後阿b打返黎~咁我就幫佢問晒啦~都係叫佢星期日抬個電腦去佢度整~仲比我細佬問埋想點整個電腦tim~但係阿b都話咁不如成個換左佢~舊果個抬埋出去整做後備喎~因為佢想要o既野都砌到一部新架啦=口=而家仲諗緊呢~

ling話佢好唔順比人鬧佢八婆=.=佢話都係托個人話比我知咋~做咩要話佢八婆喎~算吧啦~我都唔知咩事~有人話我變左~冷淡左喎~係咩=.=?可能係啦~

琴晚呀~阿媽條數唔o岩~差成兩千蚊唔知去左邊~又可能係阿媽計多左~到最後都係唔知去左邊~老豆就拎左兩千蚊出黎填左條數~梗係啦~琴晚又贏左馬仔啦~成兩千幾蚊=口=o岩啦~繼續贏落去就好啦>v<!

聽日仲要1點前出到舅父度~聽日著咩衫好呢!?一陣巢下先~今晚都唔知睇唔睇無間音樂好啦~但係我好想睇w-inds.呢~唔知呀~睇下今晚點先啦~眼訓o既再唔係錄左佢咪得囉~呵呵呵~係喎~琴晚再睇下琴日日記慶慶張相~死人頭~去到邊都帶住部psp=3=~我係咪太留意佢個patpat呢XDDDD!?

算吧啦!

離開台灣果日呢~即係星期一~26/9



慶太身型真係好型架呢>v<

今日好煩呀~好多電話=口=咁o岩妹子又打黎借錢買BL漫~咁o岩我阿姨打黎又話電腦神左~我又要幫佢問下人~咁o岩ling又打黎~咁o岩阿光阿dee打黎叫我包阿貝~一次可以咁o岩有成3個電話同時打入黎=.=唉...好忙><!

阿姨頭先打黎又話個電腦冇事啦啵=口=玩死~問埋佢星期五去唔去飲~佢話去~有免費月餅拎做咩唔去~都過左中秋啦~拎黎做咩~更何況都冇人食o既=.=咁我就記得要打比婆婆~問佢果日佢地幾多人去~同埋幾點去~因為果日我諗住出舅父度整左頭先~跟住就同婆婆佢地出灣仔啦~阿姨話婆婆果度好多人喎=口=打到呢到趁記得都係打個電話比婆婆先...返黎~婆婆話佢屋企真係幾多人下~佢o岩o岩又出完灣仔而家搭緊地鐵返荃灣同包包睇醫生喎~打完比婆婆就順手打埋比舅父約時間啦~打比舅父前打比細佬問佢係咪跟我出去剪~因為之前有問過佢~佢話睇下點先~細佬話一齊出喎~但係唔剪整係set頭~問佢點解~佢話舅父要佢做十下引體上升先剪喎=口=我同佢講是但啦~做唔到佢唔會迫你o既kaka~跟住就打比舅父~約後日一點~佢叫我地出左去先喎~出到去等喎~頂~即係冇3/4個鐘唔洗走~算~點都要set得令令個頭去見人架啦>口<!婆婆果度有6個人係佢度出發~而家計埋我同細佬就有成8個人呢!

今日有兩首juno o既歌分別送比兩個人架~一個係慶太~一個係某人啦~點解送呢首歌比某人?!因為我收到佢同ling講o既野~所以我知咩事了~我都係想講一句"算吧啦"唉...

族比慶太咕>v<~慶太今日開始多左個花名叫薯仔慶kaka

有話對你說
曲︰李漢文
詞︰甄健強
編︰李漢文
監製︰李漢文

我要帶你去到你喜歡的法國
誰人冒犯你我竟想發惡
你太過美　我哮喘都發作

我看見你我發覺我開始發奮
能源來自腳下跑出髮根
但很渴望的一吻　未必可發生

＊沉迷你這大名的發音
　流連在你笑聲的吸引
　期待有天望向我　夢想都變真
　時間也許像一種戰爭
　前來為我快一點親吻
　求別要講沒心情　最怕共誰合襯
（求別要講沒空閒（可能）要去伴誰熱吻）

不必多講手牽手一起的奧秘
求老師別教受傷的哲理
不必兜圈　今天只想要妳

普天之中只得這麼一種振奮
談情才沒有另一種誘因
但披上星光的你　未必想轉身

Repeat＊＊

送比某人~

沒有人
曲︰伍樂城
詞︰黃偉文
編︰伍樂城
監製︰伍樂城

你怎樣看　亦像凝望我
那種不經意　卻洩露矛盾更多
怎可能　無聊之過　
平常稀疏　只因我心多

你守護我　但又迴避我
卻整天吸引著我　注意力無處去躲
不管如何　有人如此愛我
我亦暗裡練習　如和你告白講什麼

＊原來沒有　從來都沒有
　纏綿邂逅　完全虛構
　那一刻含情回眸
　原來是我妄想裡的　那點綠洲
　
＃原來沒有　從來都沒有
　教我緊張得心跳這麼久
　到了這一刻終於望通透
　其實愛情來過　半分鐘　也沒有

那感情戲　並未存在過
那小火花卻讓我　過敏地回應太多
心急談情　自然忙中有錯
錯在我太寂寞　隨時愛上未知什麼

Repeat＊＃

你說有句話難開口　很喜歡跟我成為好友
你卻沒有　故意偷偷碰撞我的手

原來沒有　從來都沒有
纏綿邂逅　完全虛構
我身邊原來無人　曾明示我　
暗戀我　很焦急　等我開口
原來沒有　從來都沒有
教我空歡喜心跳這麼久
到了這一刻終於望通透
其實愛情來過　半分鐘　也不夠

[ 此日誌受密碼保護 ]