失敗-口-*

今日真係諗住返屋企架~但係一黎又多野拎~唔想拎出mk~同埋又收到北區打黎話星期五又取消啦~因為個治療師仲未病完~再約下個星期五喎~

收到呢個電話~連mk都唔係咁想出~但係阿妹係都要我出-口-~好啦~出就出啦~其實有一半都係為左買牒o既XDDD~出到去都係懶累事啦~係先達唔落~諗住去到巴士總站一定有的士搭架啦~因為佢個總站話係奧海城呀ma~到左...心諗大叫一聲<仆街!>~因為佢個總站係住宅區果邊架~仲要靜到呀....頂~佢係就係有的士站~但係冇的士架囉~我咪走去問人有咩車可以出返mk囉~如果搭返對頭車出去好貴呀ma~最後搵到架係西洋菜街落~仲要唔知點行過信和tim~阿妹又係咁吹我呀~諗住打的過去~點知個司機都唔知係咪有心拒載定好心唔洗我兜路啦~唔開車係度話呢樣果樣~最後忍唔住咪落車囉(心諗鬼唔望你撞車死呀>口<!)~諗諗下都係行過去啦~今次真係我最大挑戰黎~係匯豐果度行過去~行成3個街口-口-~行完梗係死死下咁啦~又冇地方我hea下喎~都係企係度抖咋~

企左一陣就上去買牒啦~上到去我企係門口~因為入面插針都插唔入啦~阿妹入去同個老細講~我見到個老細比箱牒佢抽~所以可以話有一半好彩係妹子到架~今次隻牒80蚊送poster呢~比好晒錢~我地企埋一邊就拆啦~妹子拆好先~係慶太黎~心諗梗係好啦~因為我抽到涼平都可以同佢換呀ma~點知我都抽到慶太喎~真係好開心~買佢兩隻牒~一隻抽到涼平一隻就係慶太~真係好開心~但係妹子就好忟啦XDDDD~我地之後上多一層去買BL囉-口-~我係門口等佢啦~因為講真對呢d野冇咩興趣~買好晒去兆萬夾糖~初初都冇諗住夾架~點知見妹子夾左咁多咁開心~都係忍唔到手夾左成26蚊-口-~我夾黎夾去都係果幾種~都唔係咁想試其他啦~因為我夠專一呀ma~呵>v<!!夾完過隔離買冷麵食~我都買左10蚊試下啦~買上車食~叫左螺肉~蟹柳同八爪魚~我覺得一般啦-口-~妹子佢又借左我廿蚊呢-口-~就係為左d冷麵啦~買完就各有各散lu~

上到車打比姨姨睇下佢地有冇人係屋企呀~點知佢地真係出左街食飯~坐緊車個陣經過汀九仲見到山火tim呀~返到去仲要坐係樓下等佢地tim~我咪食住糖等囉~姨姨買左d飯團我食~但係我好飽就頭先等埋國國返黎先食啦~有兩個飯團~我地每個每人一半~其中一個好食~一個唔好食啦~因為有d綠色o既物體係度呀~仲覺得好臭~唔知咩黎架~係食壽司綠色一條條果d囉~都唔知咩黎~勁難食囉~最後冇食到綠食果d野囉~食完睇埋電視佢就洗白白啦~點知睇睇下阿雞打黎喎~佢話佢好慘~話聽日要搬野但係冇人幫佢~我咪話我都幫佢唔到囉-口-~講左一陣就收線啦~沖完涼出黎國國同人傾緊電話~點知係老豆黎-口-~佢地傾完比我傾~完全feel到佢係飲大左囉-口-~係度句句有d野咁~唉..算吧啦~傾左陣叫佢早d訓啦聽日開工呀就收線啦~

等到國國用完電腦就到我玩啦~做左好多野~dl同upload左w-inds.隻新牒~仲cut埋出黎貼左上on-q tim~搞掂好晒~而家就打日記啦~今日隻腳好攰~但係都好開心呀~因為我抽中左慶太呀~代表我同佢都有緣份o既~我feel到今晚一定會夢見佢~因為係佢我先咁開心咁訓一教好的>v<!!

走啦=3=*

聽日走lu~出左mk先返屋企~應該唔會唔出架啦~因為要出去買w-inds. 17th single 「約束のカケラ」呀~仲約左妹子一齊買tim~今次唔洗另外買poster tim呀~隻牒都唔會過90蚊~慳返好多>v<!頭先同阿ling阿光同阿b玩msn呀~原來阿ling唔記得左我聽日都出mk架~因為佢叫緊阿光出去拎喇叭~跟住就叫我不如一齊食飯~比阿b見到~阿b就好想一齊食啦~因為o岩o岩同佢傾完電話~佢話冇人陪佢~點知唔知做咩傾傾下阿ling又話取消=口=跟住而家又話去喎~又話唔知點~唉..阿b話聽日係食o既就打比佢喎!阿光傾傾下果陣又唔知做咩嬲喎~發脾氣呢~做男人點可以咁小氣架~唔要得架~話時話唔記得琴日打埋阿光腥左張相我睇~佢而家個樣真係好似pk呢~真係估唔到~呵!

頭先7點幾8點果陣細佬打黎~又話唔識set呢樣果樣~唉..仲要態度100%極好tim呀~激死~好似我踩親佢條尾咁囉~痴根!最後都係冇咩點理佢啦~我話唔識就等我返去先set啦~9點幾10點阿雞打黎~傾左一陣就line埋比阿靜(果陣同ling,光同阿b玩緊msn呢~都冇乜點留意佢地講咩)~阿雞佢唔知想點咁囉-口-~又係度亂up野~有一句話咩佢而家都係我條仔~唔知佢口快快定咩啦~搞到阿靜係咁哦~~~~咁~唉...無奈-口-~佢諗住叫阿靜生日一齊出黎唱k~不過阿靜話到時先算~之後傾到12點幾啦~我話唔傾要沖涼洗頭呀~唔係有排個頭唔乾就唔洗訓啦~阿雞佢居然唔比我收線-口-我當然冇理佢~死都要收線~仲係咁叫阿靜返黎~最後阿靜都唔知去左邊~我就收左線啦~去左沖涼~沖完出黎食餅做宵夜呢~

唔知返到屋企慣唔慣呢~如果唔慣我會返姨姨度架啦XDDD~呵!

呵呵**

今日點幾鐘就起左身啦~下午都冇食野啦~都唔知食乜好~仲要得自己一個食喎~睇完電視就開電腦~諗住燒個tour出黎啦~點知佢呢度得730mb的牒~個tour壓縮左都成747mb呀~咪叫marco幫我落去買over750mb o既牒囉~點知佢呢度真係百冇架囉~一間就冇晒貨~一間就冇得賣~唉~即係冇得燒~咪upload左個pv上YSI先囉~慘!!

今日同妹子係度研究JUNON入面個小池徹平~佢都幾靚仔架啵~妹子話佢同涼平仲好fd tim~一眼望落去就覺得好o岩ling隻feel~夜晚同佢講~點知唔係囉-口-佢話小池太陽光男孩喎~咁算吧!研究冇耐國國就落場返黎啦~到果陣我都仲係未食野架~見cherry又話肚餓~就叫左佢地兩個落去買麵包~食麵包做lunch~淒涼....!阿光icq我~佢話佢好肚餓~我叫佢自己整野食~佢又話單身寡佬好慘~冇人整野佢食~佢話去溝返條女~我咪叫佢溝囉~話佢恨左好耐~因為佢成日都話想識女仔架啦~佢又話我當佢係d咁o既人喎-口-咩喎~又關我事呀!?

今日手痕msn xbf~冇野o既~我都係睇下河童佢點姐~佢話有上佢度~之後問佢有冇問河童同阿靜究竟想點~點都比個答案黎好呀~成日搵著我地黎搞~點知佢打比我叫我問佢喎~佢地又打緊ps2喎~都唔留心聽人講野o既~我咪話要睇電視唔同佢傾囉~就冇理啦~晏晝果陣呀~阿dee都打過黎呀~佢問我d細佬有冇玩古2~問佢咩黎~佢話古惑仔2~我咪話佢地唔玩架~跟住就話佢記錯左~就收左線啦~唔通佢呢排又掛住打機!?

太好啦~o岩o岩阿ling肯幫我收左個tour呀~今日唔知發咩癲~腥得勁快囉~3個字唔洗就腥晒747 mb啦~勁!佢仲要同我玩樣野tim~仲玩得都幾大下~玩咩唔講住~等我收左錢先講啦XDDDDD~係啵~阿ling頭先同我講日本地震~我就好緊張問佢邊度啦~佢又講D唔講D咁~驚架~之後答我北海道~好彩唔係東京咋~但係果邊開始凍啦~希望佢地唔好冷親啦>v<!朋友們都係喔!!

JUNON*

今日1點唔夠就比cherry嘈醒左~好慘呢~因為我成6點先訓呀~陰功=3=!跟住問佢國國做緊咩~佢話同marco去左睇e生喎~果一刻我就feel到係佢地一出門口就入黎嘈醒我啦~跟住妹子又打黎~話前日係日本播果個ageha tour入面有d花絮~仲係台灣禁區排隊過境果陣~映到seiko佢地tim~仲要係涼平渣機架~seiko佢地同妹子投訴~叫佢鬧下涼平XDD~之後佢就提醒左我要買JUNON~我咪打比國國叫佢幫我買埋返黎囉~因為我真係好想睇呀>口<~

佢地返黎就整野食~食干炒牛河~食完即刻上去dl返個BT~之後就拎果個tour種啦~成個白痴婆咁~第一次用BT~佢要成4x個小時先dl完~仲要係咁加鐘喎~真係激死~妹子又打黎~佢又話要dl~比左個種佢之後~佢同我講要成幾百個鐘先dl完~仲要係咁加~加到上2千5個鐘XDDDD~笑死~兩個白痴婆拎住個電話對住個電腦係咁大笑XDDDD~cherry仲以為我發生咩事喎~(cherry睇完本JUNON就鍾意左涼平啦XDD)down down下唔知發咩癲喎~her her聲咁dl得勁快喎~冇理佢啦~由得佢dl~比左marco玩~我就睇我o既JUNON~結果4個幾鐘就得啦~睇埋<朱古力掌門人>就食飯(<朱古力掌門人>呢套野都幾好睇呀~唔係好似d人話咁悶姐~)~打邊爐呢~仲有大閘蟹呀!

食完飯就梗係開個tour黎睇啦~初初睇都冇咩事架~點知越睇越lag呀-口-都唔知發生咩事~真係比我見到seiko佢地呀~個鏡頭閃左一閃咁囉~我覺得映得seiko好肥呢=口=!花絮入面仲映涼平打籃球~係1樓o既地方去射波囉~但係又比佢入喎~真係吹佢唔帳=口=~慶太仲愛上左彈結他~佢特登彈比d dancer聽~點知肥ken拎個兜比佢~其他人跟住放錢落個兜度~勁搞笑~慶太要賣唱賺錢XDDDD?!個演唱會都好正呀~好想出就買dvd睇呢不過要睇下有冇錢啦-3-~我聽日仲要將佢地個新pv upload上YSI啦~仲要睇下可唔可以燒左個tour出黎呢~呵~希望燒到啦!

之後妹子打黎~話佢終於都睇到啦~因為佢之前開唔到個avi檔~仲約埋佢23號出黎~問佢見唔見我~佢話見~咁我就星期三先走啦~出完mk買牒就返上水呢~我仲諗緊我夠唔夠錢用囉=口=~係啵~w-inds.佢地12月又有聖誕放送會呢~今次唔知係邊搞呢~又要買佢地隻港版送入場卷囉-口-~冇錢啦><!!

今期本JUNON好多野睇呀~我到而家都未睇完呀~聽日再繼續~聽日晏晝又係一個食呢~都唔知食咩好啦~唉=3=!!

唔制呀>口<!!!

嗚哇...我唔制呀~我對耳仔好痛呀~我諗係發炎啦~我唔想再去釘過呀>口<~諗住買d耳針吉住佢囉~最衰都係對耳環呀=3=哼!

今朝ling同我講阿光個髮型好似pk~仲話佢越黎越似pk喎~但係我完全想像唔到佢而家點o既樣囉=口=!阿ling話佢隻腳好痛~話聽日唔出去啦啵~唔出就算啦~我都唔去了=3=!算吧啦~下次先再補祝過囉~一定有機會o既~呵~搶左阿b句對白tim~

就係咁我都唔知聽日返上水好定後日先返上水好啦=口=星期三又要出mk~我仲要買JUNON呀~我好驚會賣晒囉~今日仲見到JPOP有琴晚日本播o既演唱會dl呀~但係要用BT囉~我咪即dl個BT囉~點知佢個file冇種囉-口-~唉~好想睇呀~等我睇下邊個有~叫佢比我啦~計計下~呢兩個月要洗好多錢tim呀~星期三要買佢地隻cd啦~仲有本JUNON~下個月仲諗緊買唔買演唱會日版DVD呀~但係佢又冇中文字幕~仲要成三百幾蚊tim呀~但我又好心急睇喎~好亂呀~諗下先啦=3=!!淨係知自己冇錢囉!

姨姨今日off呢~一早就鬧緊人啦~叫佢地做練習呀ma~我都係咁比佢嘈醒的~佢地兩個今日全日都係房做佢地自己o既野~太好啦~好寧靜呢~今晚仲有睇台慶呀~都冇以前果d咁好笑~我覺得忠仔好慘呢~係咁比人係佢偷食單野度放箭~又要對人笑喎~真係好慘架~唉...只好怪佢當初做錯啦!

今晚冇5點都唔訓啦~因為3點要睇世紀大戰呀~睇兩個鐘差唔多啦~o岩o岩仲食左杯咖啡味Haagen Dazs做宵夜~而家仲飲緊咖啡tim~我諗唔會眼訓啦呱~呵!