| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
| 2005 年 11 月 16 日 星期三 |
 | |
|
考慮.... |
|
考慮緊聽日返唔返屋企~因為又想留多幾日~國國又叫我星期六睇埋皇馬對巴賽先~但係星期日又唔知出唔出去同阿光補祝生日~如果唔走我就唔去~阿ling唔去我都唔去~唔知呀唔知呀~都唔知想點~但係我又有d掛住毛毛=3=我都唔知~好煩~
聽日姨姨要返工啦~下午得返我一個人係屋企~仲要食自己tim~係呢度真係食足咁多餐架~今日又食左好多野~有五香肉丁出前一丁做午餐~之後又食埋紫米露做甜品~再黎又食餅~又飲湯~個幾兩個鐘後又食晚餐~食完過兩個鐘又食m&m's~跟住國國返黎又食左杯Haagen Dazs做宵夜~嘩!打返出黎都覺得食左好多野呢~想唔肥真係唔得=口=~再係咁食落去~唔洗3日返到屋企阿媽會唔認得我=口=
頭先阿雞打比我~佢叫我勸下阿靜~因為佢要河童入天水圍陪佢~我咪話盡量啦~打左比佢~佢好惡架~佢問我邊個~我答佢maymay~佢問我咩事~我咪話睇下佢咩事囉~跟住佢講一句"你唔好理啦"就cut左線=口=我感到非常無奈~跟住佢都打返比我~同我講返唔好意思~問我搵佢咩事~我咪話係為左河童打黎~佢話如果係咁就收線唔同我傾~我知佢唔開心~所以話唔傾果單野~同佢傾下電話~傾左一陣佢要睇阿旺~話夜d搵我就收左線啦~之後佢同阿雞打黎~果陣河童去左沖涼~阿靜又諗到樣野去嬲河童~果樣野...勁無奈=口=佢擺左我上台先架~河童係咁問我~我都口啞啞~跟住阿靜話講真~我咪講真囉~跟住擺埋阿雞上台=.=~佢地就係咁大吵左一輪~我都冇出聲~吵完收左線~我就去沖涼~出到黎~o岩o岩阿雞同我講好似咩事都冇發生過咁啦=口=~唔知佢地琵個而家點啦-口-無奈/3\!!
今朝一早就落雨啦~已經開始凍啦~真係要著多件衫~我o既朋友仔都要呀~我會好關心你地架>口<!!
|
| 刊登時間︰2005-11-16 02:10 AM [ 訪客留言(0) ] [ 編輯日誌 ] [ 分享至FACEBOOK ] |
| 2005 年 11 月 15 日 星期二 |
| |
|
無奈=口= |
|
今日cherry話唔舒服早退~點知佢趁姨姨出左街~走過黎係咁叫醒我囉=口=好無奈地我就要起身啦~
起左身自己巢野食~最後煮左個通粉食~姨姨返黎又買左d叉燒餐包~幾好食架啵~跟住落黎又飲湯~又食芝麻糕~好多野~食飯都係食飯團~都幾好食架~總之一得閒就係諗食咩啦~又食生果~又食糖水~而家姨姨又話食出前一丁呢=口=~係度想唔肥都唔得啦~佢仲有成咁多零食係度~雪櫃又有朱咕力~點忍到口啵>口<唔得咁架~要有d節制先得架~
今日成日都好多電話打黎~搞到我阿姨都覺得煩呀~冇計啦~妹子又打黎~ling又打黎~人仔又打黎~人仔打黎吹我交電話費=口=~ling打黎做話佢好悶~因為佢係pw~不過同佢玩sms多啦~妹子打黎都係傾w-inds.野啦~話佢地26號果日去掃街~做清潔XDDDD我都好想睇下呀~不過都係算吧啦=3=~
o岩o岩同一時間飛虫同風見msn同icq我~兩個都係問我同一條問題~問佢咩事~風見話lammy同kyo個女兩日前死左~我聽到都打個突囉~真係唔相信~佢地兩個係sa識~到結婚生女~唉..人就係咁脆弱架啦~作為fd都係擔心佢地兩個有冇事啦~世事o既野真係冇人知~今日唔知聽日事~唉...真係好慘....希望佢地兩個冇事啦~
|
| 刊登時間︰2005-11-15 01:35 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 11 月 14 日 星期一 |
| |
|
不在家的日子 |
|
咁夜先打日記呢~冇計啦~要等佢地訓晒我先打到呢~廢事佢地八卦ma=口=~
琴日咪話同靜講左果樣野o既~阿光知道左之後好嬲~打黎話我好話比人知~唉..我都冇出聲啦~可能我真係有錯~但係我真係冇諗過後果~唔知道佢會覺得咁大件事咁囉~同佢收線之後唔開心就梗係有啦~喊左一陣~跟住打左比個好耐冇搵o既fd~佢話我可能太在意每一個fd點睇自己~佢叫我放開d~唔洗個個fd都咁在意~要識分邊d係重要~邊d係唔重要~如果個個fd都要care o既~最後唔開心o既咪又係自己~可能我真係要學習下啦~同佢收左線之後~ling打過好多次電話黎咪打返比佢囉~佢仲講左好多野我知~全部都係傷我o既野黎~唉..算吧啦~我都唔知可以點~真係好唔開心囉~傾左一陣去訓啦~
今朝好多人打黎都冇聽到~一個係冇來電~一個係阿b~一個係阿ling~冇來電果個我冇理到~阿b打返比佢原來係問我阿靜個電話咋~比左佢就收線啦~最後打比ling~佢話佢阿媽要佢返去食飯~跟住又話6點幾果陣打過比阿光~佢地兩個又好似冇咩野咁~都唔知點解主角o既冇事~身為路人甲o既我就唔開心到喊囉=3=!傾傾下阿dee打黎~初初唔知係邊個黎架~因為佢扮聲同我講野~我咪cut佢線囉囉=口=再後打黎先正常返啦~佢問我去唔去同阿光補祝生日~我話唔知~到時先算~跟住又問下我基金果d野~我都唔係好記得啦~而家先走黎問我=口=~再後打比ling一齊傾~傾過d咩真係唔係好記得~淨係記得傾到兩點幾~我要食飯就收左線~算吧啦~失憶証又發作=口=!
食食下飯妹子打黎咪同嗲左兩句囉~點知我阿姨就打黎叫我出去啦~我咪收線話我要換衫出街囉~以極速換完衫呢=口=~出到去搭火車~點知跑馬喎=口=都幾多人下~d人都冇d愛心o既~見到我企左咁耐都唔讓座~搞到我企到出沙田~都唔知咩人種黎架>口<!落kfc搵姨姨佢地~食左d野~5點到就走啦~等緊巴士果陣妹子打黎話出左pv~勁開心呀~我咪同佢講遲d搵佢囉~上到車姨姨比左部v3我玩~都冇野好玩o既=口=~玩左陣就恰左陣啦~返到黎姨姨就去買野~我同cherry,marco同國國返屋企先~嘩~成個散晒咁~執好d野就即刻上網睇pv啦~點知係得果分幾鐘咋=口=~仲未有成個pv呀~不過都dl左黎睇~因為好過冇呀ma~個pv入面有一個女仔~仲有個聖誕老人tim~真係好想睇下個pv係講咩架~
我地o既晚餐係大閘蟹呢~仲有碟生菜~食完我有我繼續上網~兩隻細o既就自己玩~姨姨同國國就落街買野~仲租左兩隻牒返黎睇~一隻係大嫂~另一隻係人細鬼壞~我地睇左人細鬼壞先~勁好笑呀~個bb仔又可愛又得意呀~值得一睇呢~之後趕左兩隻上床訓我地就睇大嫂啦~跟本唔知佢做緊咩~一個動作都唔知做左幾耐~又成日慢動作~仲悶過d藝術片呀~國國睇睇下都返左房訓啦~我都睇到恰眼訓~咪邊上網邊睇囉~幾辛苦先捱到佢做完~之後沖涼~沖完就打日記啦~講真我而家都好眼訓呢=口=~頭先望下個電話有個無號碼o既未接來電呀~無號碼o既係得兩個人姐~但係我都冇理啦~因為我想快快脆脆打埋個日記訓啦~我諗聽日會再打黎啦~呵欠....頂唔順~要訓啦~早抖..!!
|
| 刊登時間︰2005-11-14 03:00 AM [ 訪客留言(1) ] [ 編輯日誌 ] [ 分享至FACEBOOK ] |
| 2005 年 11 月 12 日 星期六 |
 | |
|
呵欠~比人嘈醒=3= |
|
12月號PATiPATi
3個都好令呢>333<!!
琴日打比阿b問佢有電腦拎未~佢話未得~塊底版出左問題喎~打比佢先知~原來唱k果晚得果4個人唱~總之係咁我就出去啦=口=~我真係有諗過去架~但係佢地又話好多人~阿光又話我馬後炮~咁我真係有諗過去架ma=3=唔信我~算啦~下次同佢補祝啦!
琴晚同ling傾電話~傾到唔知點解收左線啦~因為好眼訓=口=~今日晨咁早10點幾就有人打黎啦~係阿靜黎~問佢咩事~佢話掛住我喎="=~咁咪陪佢傾左一陣~之後佢話line比阿b一齊傾~果陣阿b趕緊返工~仲遲大到喎=口=~我地3個傾左一d唔係好多人知o既野~因為想搵個辦法出黎呀ma~阿b聽到都好忟呀=口=算吧啦~我都唔知可以點啦~跟住佢話下個星期阿光叫佢出去唱k~話同阿光補祝生日~頭先阿光打黎咪問佢囉~佢話係阿dee同佢補祝~諗住叫埋出黎喎~不過好似得阿b叫我出咋啵~阿光都係我提起佢先叫我呢=口=~到時先算吧~
同阿靜地收左線之後都成12點啦~諗住恰多陣啦~工人又未返黎煮飯~恰左一陣點知又到阿妹打黎比我=口=~佢問我出唔出mk~叫我陪佢去睇寵物用品~我話都未訓醒~仲叫我出街~佢叫我而家好起身啦~我同佢講唔出啦~跟住佢話陣間再打比我就收左線啦~我咪攤多陣都起左身啦~食左飯之後睇下電視~點知睇睇下咁都訓著左~咁就訓左差唔多一個鐘啦~細細佬玩完電腦叫我起身~佢就換衫落街市幫手~而家得返我一個係屋企咋~對住個電腦囉="=~
今日一online飛虫就第一個msn我啦~佢同我講~佢整個熱爆音樂版果陣~del晒d topic~唔小心del埋我個版規=口=我咪答佢唔緊要啦~我貼埋d新閒再開過個囉~我連老公仔d野都未睇就幫佢整返個版規啦~算係咁啦>口<整完上jpop睇~佢地話今日先出pv喎~不過仲未有人upload上去囉~但係有新相睇呀~慶太剪左個新頭~個樣細個左好多~仲有d feel the fate時代o既佢個feel=口=~唔知係咪因為佢個頭啡頭o既關係~不過都係依然咁令仔呢>v<佢仲帶左耳環tim啵>v<~涼平都係帶帽~龍一就將d頭髮梳晒去一邊~快d搵人放個pv上去就好啦>口<!!
|
| 刊登時間︰2005-11-12 08:17 PM [ 訪客留言(7) ] [ 編輯日誌 ] [ 分享至FACEBOOK ] |
| 2005 年 11 月 11 日 星期五 |
| |
|
Happy Birthday to 光* |
|
唔知點解一到年尾就好多人生日o既呢=口=今日係阿光生日啦~生日快樂~祝佢快d搵到個錫自己o既女朋友啦~拍拖一年就閃電做老襯~三年抱兩~哈~好似快得濟~世時o既野邊有人知喎XDDDD!
琴晚10點幾阿b都有打黎叫我去~佢話成村人等緊我喎=口=~我話咁夜唔出啦~佢話冇女仔同阿光慶祝喎~我咪話過左12點即刻打比佢講生日快樂囉~佢係咁叫我去=3=又話唔去掃佢地慶~最後都係冇去啦~因為我老豆又約左保險果個經紀上黎傾生意呢=口=~都唔知算唔算啦~只係諗住我每個月有千幾蚊~我拎一千出黎~老豆拎一千出黎供份基金~供十年~買左架啦~買左3隻~一隻中國焦點基金60%~一隻印度焦點基金20%~仲有一隻係日本領先基金(好似係)20%~十年之後唔知有幾多錢呢~如果聽日訓醒就十年~你話幾好呢=口=!傾傾下12點~入左房打個電話比阿光講聲生日快樂呀ma~果陣佢係機鋪喎~講完我咪要出返去傾埋d基金囉~傾完都成點幾鐘啦~咁我咪腥sms比ling話一陣打比佢囉~點知佢同阿dee打黎~好少有佢會同阿dee傾電話呢~因為佢地兩個係火星撞地球架ma~點知...a_a生力清啤!傾左一陣~我又冇野好講咁~咪收線先囉~跟住打比阿光~講多聲唔好意思同講多聲生日快樂ma~因為我驚真係好似阿b話齋掃佢慶呀~打去果陣o岩o岩聽到唱生日歌喎~果陣切緊蛋糕呢~之後佢話遲d搵我就收左線啦~之後就訓教呢~
今日ling話佢隻腳好痛~跟住我話不如我同阿光講叫佢唔好出黎啦~佢一句話"唔洗呀~你唔好係度搞搞震tim呀"~嘩~勁嬲囉~我都係見你咁痛~又痛左咁耐~先叫佢唔好出姐~你咁樣一句車埋黎囉~我咪話冇眼睇你呀~你痛你事啦~你今日之內都唔好打比我啦~我唔想聽到你話痛囉~自己攞黎o既~佢話好呀~我咪話係咁啦收左佢線~大姐呀~我都係為你好姐~自己知自己事啦~痛成咁都仲出去~我睇見你都痛啦~係咪要大吉利是講句搞到成世都行唔到先安樂呀!?到時就真係邊度都唔洗去啦~我真係唔知你個腦諗乜架~唉~呢兩日對住你我真係好激氣~鄒紋都多左幾條呀>口<你話呀~慶太唔要我為你事問呀>口<!!
|
| 刊登時間︰2005-11-11 06:17 PM [ 訪客留言(1) ] [ 編輯日誌 ] [ 分享至FACEBOOK ] |
« | 236 | 237 | 238 | 239 | 240 | 241 | 242 | 243 | 244 | 245 | ... | 273 | »
|
